Bæjarráð

Lagður er fram úrskurður úrskurðarnefndar umhverfis- og auðlindamála í máli 76/2013, þar sem kærð var ákvörðun bæjarstjórnar Ísafjarðarbæjar frá 6. júní 2013 um breytingar á skólalóð Grunnskólans á Ísafirði. Málinu var vísað frá úrskurðarnefndinni.

Skipulags- og mannvirkjanefnd leggur til við bæjarstjórn að Framför styrktarsjóði verði boðnar bætur fyrir framkvæmdir sem byggingarleyfi var gefið út fyrir skv. kostnaðarmati Tækniþjónustu Vestfjarða og að úthlutun lóðarinnar verði afturkölluð. Í ljósi innsendra athugasemda og álits bæjarlögmanns tók nefndin ákvörðun um að ekki yrðu frekari framkvæmdir á lóðinni.

Enn fremur er lagt fram bréf Einars Ólafssonar, f.h. Framfarar, dags. 29. september sl., með beiðni um endurskoðun á framangreindri tillögu skipulags- og mannvirkjanefndar.

Valdimar Steinþórsson sækir um stækkun lóðarinnar Brekka 1 og 2 lóð 1. Meðfylgjandi er afsal og uppdráttur. Skipulags- og mannvirkjanefnd leggur til við bæjarstjórn að erindið verði samþykkt.

Á 19. fundi umhverfis- og framkvæmdanefndar lagði nefndin til við bæjarstjórn að Ísafjarðarbær hætti rekstri tjaldsvæðis við Dynjanda í óbreyttu formi og skoði aðrar leiðir. Það væri sérstök staða að sveitarfélag tæki jafn ríkan þátt í rekstri salerna fyrir umferð alls ferðafólks um jafn vinsælan áningarstað og Dynjandisvog. Kostnaður Ísafjarðarbæjar vegna reksturs salerna er langt umfram tekjur af tjaldsvæðinu.

Á 359. fundi fræðslunefndar var lagt fram beiðni Eyrarskjóls um að fá að ráða starfsmann í 100% starfshlutfall, sbr. minnisblað dags. 29. september sl. frá Margréti Halldórsdóttur. Fræðslunefnd leggur til við bæjarráð að beiðni um stuðning á Eyrarskjóli verði samþykkt í samræmi við eldri framkvæmd í svipuðum málum, enda sé stuðningur sá sami í öllum leikskólum sveitarfélagsins. Nefndin felur starfsmönnum að leggja fyrir næsta fund drög að endurskoðuðum vinnureglum um úthlutun á stuðningi við börn með sérþarfir í leikskólum sveitarfélagsins.

Lagt er fram minnisblað Þórdísar Sifjar Sigurðardóttur, bæjarritara, dags. 2. október sl., vegna tillagna að breytingum á gjaldskrám Ísafjarðarbæjar 2016.

Umræður um fjárhagsáætlun 2016 og vinnufund vegna rammaáætlunar 2016.

Lögð er fram fundargerð heilbrigðisnefndar Vestfjarða frá 25. september 2015.

Fundargerð aðalfundar Samtaka sveitarfélaga á köldum svæðum, haldinn 25. september sl.

Lögð er fram fundargerð 359. fundar fræðslunefndar sem haldinn var 1. október sl., fundargerðin er í 5 liðum.

Lögð er fram fundargerð 160. fundar íþrótta- og tómstundanefndar sem haldinn var 30. september sl., fundargerðin er í 5 liðum.

Lögð er fram fundargerð 19. fundar umhverfis- og framkvæmdanefndar sem haldinn var 29. september sl., fundargerðin er í 6 liðum.