Bæjarráð

Bryndís Ósk Jónsdóttir, bæjarritari, er með fræðslu fyrir nýkjörna fulltrúa.

Á 1370. fundi bæjarráðs, þann 11. júní 2026, var lagt fram minnisblað sviðsstjóra umhverfis- og eignasviðs, Axels R. Överby, dags. 11. maí 2026, vegna malbiksframkvæmda ársins 2026. Bæjarráð samþykkti tillögu sviðsstjóra að næstu skrefum varðandi útboð á malbikun hjá Ísafjarðarbæ 2026, þ.e. beinu innkaupaferli í kjölfar höfnunar tilboða hjá Vegagerðinni. Bæjarstjóra var falið að leggja fram viðauka á næsta fundi bæjarráðs.

Er viðauki 9 við fjárhagsáætlun Ísafjarðarbæjar nú lagður fram til samþykktar, ásamt minnisblaði Axels R. Överby, sviðsstjóra umhverfis- og eignasviðs, dags. 16. júní 2026.

Áhrif viðaukans á rekstrarniðurstöðu samstæðu Ísafjarðarbæjar er engin.
Áhrif viðaukans á sveitasjóð A hluta er kr. 0 og helst rekstrarniðurstaðan óbreytt í kr. 274.600.000.
Áhrif viðaukans á samantekin A og B hluta er kr. 0 og helst rekstrarniðurstaðan óbreytt í kr. 581.600.000.

Lagt fram erindi Guðmundar Óla Tryggvasonar, dags. 15. júní 2026, varðandi athugun á því hvort Ísafjarðarbær vilji nýta forkaupsrétt sinn að fasteigninni Fjarðarstræti 16, Ísafirði, nr. 211-9491. Fyrirliggjandi kauptilboð er að fjárhæð kr. 9.000.000.

Jafnframt lagt fram fyrirvaralaust kauptilboð og eignaskiptayfirlýsing.

Lagt fram erindi Ernu Höskuldsdóttur, skólastjóra Grunnskólans á Þingeyri, dags. 13. maí 2026, varðandi aukningu á stöðugildum skólans skólaárið 2026-2027 vegna fjölgunar nemenda. Einnig lagt fram minnisblað Hafdísar Gunnarsdóttur, sviðsstjóra skóla- og tómstundasviðs, dags. 15. júní 2026.

Lagt fram minnisblað Gylfa Ólafssonar, bæjarstjóra, dags. 9. júní 2026, varðandi breytingar á vefslóð Ísafjarðarbæjar.

Lagt fram erindi frá Karen Elísabet S. Halldórsdóttir, dags. 14. júní 2026, þar sem óskað er eftir því að Ísafjarðarbær beiti sér fyrir því að Ísafjarðarbær setji sérreglur um löndun mótframlags til byggðakvóta á ufsa, þannig að öllum fiski sem landað væri á Suðureyri myndi teljast sem mótframlag þrátt fyrir að verða í einhverjum tilfellum seldur í gegnum fiskmarkað. Með öðrum orðum að fallið verði frá vinnsluskyldu á ufsa sem Íslandssaga sér sér ekki fært að nýta.

Á 1370. fundi bæjarráðs, þann 11. júní 2026, var lagt fram erindi innviðaráðuneytisins, dags. 11. maí 2026, þar sem óskað var eftir umsögn sveitarfélagsins vegna endurskoðunar á byggðakvótakerfinu. Auk bréfsins fylgdi yfirlit yfir helstu tillögur og ábendingar sem komið hafa fram um breytingar á byggðakvótakerfinu. Þá fylgdi spurningalisti í Word-formi, samhljóða þeim atriðum sem fram koma í bréfinu. Framlengdur frestur til svara er 16. júní 2026. Bæjarráð fól bæjarstjóra að gera umsögn og leggja fyrir bæjarráð að nýju. Jafnframt fól bæjarráð bæjarstjóra að sækja um frest fram til 18. júní 2026.

Er drög að umsögn bæjarstjóra nú lögð fyrir bæjarráð.

Lagt fram til kynningar minnisblað Sögu Guðmundsdóttur, aðalhagfræðings Sambands íslenskra sveitarfélaga, dags. 12. júní 2026, varðandi forsendur fjárhagsáætlana sveitarfélaga 2027-2030.

Lögð fram til kynningar tilkynning Vegagerðarinnar, dags. 12. júní 2026, þar sem tilkynnt er að rekstur akstursleiðar nr. 61 (Ísafjörður-Hólmavík) verður hætt haustið 2026, vegna kostnaðar.

Lögð fram til kynningar fundargerð 1000. fundar stjórnar Sambandsins frá 9. júní 2026.