Bæjarráð

Lagt fram erindi Jóhönnu Óskar Halldórsdóttur f.h. Eimskips Ísland ehf., dags. 12. febrúar 2025, þar sem Eimskip óskar eftir að lóðirnar Hrafnatangi 6 og Æðartangi 11 verði teknar af lóðarlista með vísan í 6. gr. lóðarúthlutunarreglna Ísafjarðarbæjar.

Lögð fram lóðarumsókn, dags. 11. febrúar 2025, frá Hallvarði Aspelund hjá Noru Seafood ehf. vegna lóðar við Hrafnatanga 6 á Ísafirði, ásamt erindi frá Víði Ísfeld Ingþórssyni hjá Noru Seafood ehf., vegna stækkunaráforma fyrirtækisins. Jafnframt er lagt fram mæliblað tæknideildar dags. 5. febrúar 2025.

Lögð fram lóðarumsókn, dags. 28. janúar 2025, frá Vestfirskum verktökum, vegna lóðar við Æðartanga 9. Lóðin við Æðartanga 9 á Ísafirði var auglýst á heimasíðu Ísafjarðarbæjar frá 28. janúar 2025. Umsóknarfrestur um lóð var til og með 12. febrúar 2025.

Lögð fram lóðarumsókn, dags. 28. janúar 2025, frá Vestfirskum verktökum, vegna lóðar við Æðartanga 11. Lóðin við Æðartanga 11 á Ísafirði var auglýst á heimasíðu Ísafjarðarbæjar frá 28. janúar 2025. Umsóknarfrestur um lóð var til og með 12. febrúar 2025.

Lögð fram lóðarumsókn, dags. 4. febrúar 2025, frá Ísnum ehf., vegna lóðar við Hrafnatanga 6. Lóðin við Hrafnatanga 6 á Ísafirði var auglýst á heimasíðu Ísafjarðarbæjar frá 28. janúar 2025. Umsóknarfrestur um lóð var til og með 12. febrúar 2025.

Lögð fram lóðarumsókn, dags. 4. febrúar 2025, frá Ísnum ehf., vegna lóðar við Hrafnatanga 4. Lóðin við Hrafnatanga 4 á Ísafirði var auglýst á heimasíðu Ísafjarðarbæjar frá 28. janúar 2025. Umsóknarfrestur um lóð var til og með 12. febrúar 2025.

Lögð fram drög að samningi um lóðarúthlutun ásamt fylgiskjali I.

Lagt fram til kynningar minnisblað Eddu Maríu Hagalín, fjármálastjóra, dags. 13. febrúar 2025, um niðurstöðu fjórða ársfjórðungs 2024 ásamt stöðu framkvæmda og viðhalds í lok fjórða ársfjórðungs. Uppgjörið sýnir jákvæða rekstrarniðurstöðu A og B hluta upp á 1.115 m.kr. fyrir janúar til desember 2024. Fjárhagsáætlun gerði ráð fyrir jákvæðri rekstrarniðurstöðu upp á 738,7 m.kr. fyrir sama tímabil og er rekstrarafgangur 417 m.kr. hærri en áætlað var á fjórða ársfjórðungi.

Lagður fram til samþykktar viðauki 02 við fjárhagsáætlun 2025 vegna uppbyggingasamninga 2025. Áhrif viðaukans á rekstrarniðurstöðu samstæðu Ísafjarðarbæjar er kr. 0,- Áhrif viðaukans á sveitasjóð A hluta er kr. 0 er rekstrarafgangur því óbreyttur í kr. 223.000.000,-. Áhrif viðaukans á samantekin A og B hluta er kr. 0,- og rekstrarafgangur því óbreyttur í kr. 995.000.000,-

Lagt fram til kynningar minnisblað Helgu Sigríðar Hjálmarsdóttur, launafulltrúa, dags. 7. febrúar 2025, um launakostnað fyrir janúar til febrúar árið 2025.

Á 1304. fundi bæjarráðs, þann 25. nóvember 2024, var lagt fram erindi Inga Björns Guðnasonar, f.h. stjórnar Edinborgarhússins, dags. 14. nóvember 2024, um samning Edinborgarhússins við menningarmálaráðuneytið um rekstrarframlag til tveggja ára, en löngum hefur verið horft til þríhliða samnings þessara aðila og Ísafjarðarbæjar, m.a. í ljósi liðar 2.2. í Menningarstefnu Ísafjarðarbæjar 2022-2032. Er óskað frekari aðkomu Ísafjarðarbæjar að málinu í því ljósi. Jafnframt lagður fram til kynningar samningur menningar- og viðskiptaráðuneytisins við Edinborgarhúsið ehf. um rekstrarstyrk til Edinborgarhússins ehf. 2025-2026.



Bæjarráð tók jákvætt í áframhaldandi samstarf við Edinborgarhúsið og fól bæjarstjóra að ræða við stjórn hússins.



Er nú lagt fram erindi stjórnar Edinborgarhússins, dags. 5. febrúar 2025, þar sem óskað er eftir að framlag Ísafjarðarbæjar verði jafnað við framlag menningarmálaráðuneytisins, að teknu tilliti til núgildandi samning um styrk vegna fasteignagjalda.

Lagt fram erindi frá Nikos Mertzanidis, fyrir hönd CLIA, alþjóðasamtaka skemmtiferðaskipafélaga, dags. 10. febrúar 2025, vegna nýs innviðagjalds á farþega skemmtiferðaskipa.

Lagt fram erindi Óttars Guðjónssonar f.h. tilnefningarnefndar Lánasjóðs sveitafélaga ohf., dags. 11. febrúar 2025, þar sem auglýst er eftir framboðum til stjórnar og varastjórnar Lánasjóðs sveitarfélaga.

Lagt fram til kynningar erindi Vals Rafns Halldórssonar f.h. Sambands íslenskra sveitafélaga dags. 12. febrúar 2025, um Landsþing Sambands íslenskra sveitarfélaga sem haldið verður 20. mars 2025.

Lagt fram erindi Geirs Sigurðssonar f.h. snjóflóðaráðstefnunnar SNOW 2025, dags. 7. febrúar 2025, um þátttöku í móttöku ráðstefnunnar.

Lögð fram til kynningar fundargerð 9. fundar stjórnar rekstrarfélags Stjórnsýsluhússins á Ísafirði sem haldinn var 15. janúar 2025.

Lögð fram til kynningar fundargerð 10. fundar stjórnar rekstrarfélags Stjórnsýsluhússins á Ísafirði sem haldinn var 11. febrúar 2024.

Lögð fram til kynningar er fundargerð 963. fundar stjórnar Sambands íslenskra sveitarfélaga sem haldinn var þann 31. janúar 2025.

Lögð fram til kynningar fundargerð 13. fundar Svæðisskipulagsnefndar Vestfjarða sem haldinn var 10. febrúar 2025.

Lögð fram til kynningar fundargerð 259. fundar hafnarstjórnar en fundur var haldinn 13. febrúar 2025.



Fundargerðin er í sjö liðum.

Lögð fram til kynningar fundargerð 486. fundar velferðanefndar en fundur var haldinn 11. febrúar 2025.



Fundargerðin er í sex liðum.