Bæjarráð

Sigríður Ó. Kristjánsdóttir, framkvæmdastjóri Vestfjarðastofu, mætir til reglulegs samráðsfundar Vestfjarðastofu og bæjarráðs.

Lagður fram til kynningar ársreikningur aðalsjóðs 2020 og samstæðu Ísafjarðarbæjar 2020.

Lögð fram drög að samkomulagi milli Ísafjarðarbæjar og Landsbankans á Ísafirði vegna afhendingar lóða við Hafnarstræti 15-17 á Ísafirði.

Á 1152. fundi bæjarráðs þann 10. maí 2021 var málinu frestað til næsta fundar.

Lagt fram minnisblað Axels R. Överby, sviðsstjóra umhverfis- og eignasviðs, dags. 7. maí 2021, vegna reksturs tjaldsvæðisins á Flateyri, en óskað er afstöðu bæjarráðs til þess hvort bjóða eigi reksturinn út eða ganga til samninga við þann rekstraraðila sem verið hefur með reksturinn undanfarin ár.

Jafnframt lagt fram til kynningar afrit samnings við rekstraraðila tjaldsvæðisins síðustu ár, en samningurinn gilti til 1. maí 2020.

Lagt fram minnisblað Bryndísar Óskar Jónsdóttur, sviðsstjóra stjórnsýslu- og fjármálasviðs, dags. 12. maí 2021, vegna umsóknar Ísafjarðarbæjar, f.h. Ísafjarðarhafna, um lán til Lánasjóðs sveitarfélaga, vegna uppbyggingar á höfn að Sundabakka í Skutulsfirði.

Lagt fram til kynningar minnisblað Bryndísar Óskar Jónsdóttur, sviðsstjóra stjórnsýslu- og fjármálasviðs, dags. 12. maí 2021, vegna leiðréttingar á vatnsveitugjaldskrá fyrir stórnotendur, en málið var lagt fram til samþykktar á 475. fundi bæjarstjórnar þann 6. maí 2021, og frestað til næsta fundar bæjarstjórnar.

Jafnframt lögð fram til kynningar leiðrétt gjaldskrá vegna vatnsveitu fyrir stórnotendur, svo og auglýst gjaldskrá í Stjórnartíðindum með breytingum.

Lagt fram bréf Vilborgar Arnarsdóttur, framkvæmdastjóra Raggagarðs í Súðavík, dags. 13. maí 2021, þar sem óskað er eftir samstarfi við Ísafjarðarbæ um að unglingarnir í vinnuskóla Ísafjarðarbæjar taki vinnudag í garðinum í sumar.

Lagt fram til kynningar bréf Elíasar Jónatanssonar, f.h. Orkubús Vestfjarða, dags. 11. maí 2021, með umsögn Orkubúsins varðandi tillögu að friðlýsingarskilmálum þjóðgarðs á Vestfjörðum. Jafnframt lagt fram afrit af umsögn Orkubús Vestfjarða er send var Umhverfisstofnun í desember 2020.

Lagður fram tölvupóstur Sigríðar Helgu Sigurjónsdóttur, f.h. nefndasviðs Alþingis, dags. 12. maí 2021, þar sem Ísafjarðarbæ er send til umsagnar tillaga til þingsályktunar um barnvænt Ísland - framkvæmd barnasáttmála Sameinuðu þjóðanna, 762. mál. Umsagnarfrestur er til 26. maí.

Lagður fram tölvupóstur Sigrúnar H. Sigurjónsdóttur, f.h. velferðarnefndar Alþingis, dags. 12. maí 2021, þar sem Ísafjarðarbæ er sent til umsagnar frumvarp til laga um fjöleignarhús, 597. mál.
Umsagnarfrestur er til og með 26. maí nk.

Lagður fram tölvupóstur Péturs Halldórssonar, f.h. Skógræktarinnar og Landgræðslunnar, dags. 10. maí 2021, ásamt fylgigögnum, þar sem skorað er á sveitarfélög að taka Bonn-áskoruninni, sem er alþjóðlegt átak um útbreiðslu skóga.

Lagður fram tölvupóstur Vals Rafns Halldórssonar, f.h. Sambands íslenskra sveitarfélaga, dags. 11. maí 2021, þar sem kynnt er að 36. landsþing sambandsins verður haldið rafrænt. Boðað var til þingsins með tölvupósti 4. maí 2021.

Lagður fram tölvupóstur Antons Helgasonar f.h. Heilbrigðiseftirlits Vestfjarða, dags. 10. maí 2021 þar sem kynnt eru helstu atriði ársskýrslu og ársreiknings Heilbrigðiseftirlits fyrir árið 2020, sem rædd voru á 113. fundi heilbrigðisnefndar Vestfjarðasvæðis sem haldinn var 6. maí. Fundargerðin, ársreikningur og ársskýrsla fylgja með í viðhengjum, ásamt gjaldskrá HEVF fyrir árið 2021.

Jafnframt er lagt fram afrit af bréfi Umhverfisstofnunar til Heilbrigðiseftirlitsins, dagsett 31. mars 2021, vegna eftirlits með leiksvæðum, en óskað er eftir að nýjustu skýrslur um aðalskoðun leikvalla í Ísafjarðarbæ verði sendar til Heilbrigðiseftirlits Vestfjarða.

Lögð fram til kynningar fundargerð 183. fundar barnaverndarnefndar á Vestfjörðum, en fundur var haldinn 11. maí 2021.

Fundargerðin er í fimm liðum.