Bæjarráð

Verkefnalisti bæjarráðs kynntur.

Lagt fram minnisblað Bryndísar Óskar Jónsdóttur, sviðsstjóra stjórnsýslu- og fjármálasviðs, dags. 10. september 2020, varðandi breytingu á 14. gr. samþykktar um stjórn Ísafjarðarbæjar og fundarsköp, í kjölfar fyrri umræðu um breytingu á bæjarmálasamþykkt, á 460. fundi bæjarstjórnar þann 3. september 2020.

Lagður fram til kynningar tölvupóstur frá Hannesi Frímanni Sigurðssyni, f.h. Framkvæmdasýslu ríkisins, dags. 1. september 2020, ásamt samningi um frumathugun viðbyggingar við hjúkrunarheimilið Eyri á Ísafirði.

Trúnaðarmál kynnt fyrir nefndarmönnum.

Lagt er fram minnisblað Axels Rodriguez Överby, sviðsstjóra umhverfis- og eignasviðs, dagsett 11. september 2020, vegna verksins „Eyrarskjól-lóð“, þar sem lagt er til að samið verði við fyrirtækið Hellur og lagnir ehf., á grundvelli tilboðs þeirra.

Lögð fram til kynningar framvinduskýrsla frá Tækniþjónustu Vestfjarða fyrir júní, júlí og ágúst 2020 vegna verksins „Eyrarskjól - viðbygging“.

Lagðar fram fundargerðir nr. 2., 3. og 4. vegna verkfunda verksins „Skólagata - hellulögn, ásýnd miðbæjar“.

Lagt fram minnsblað Stefaníu H. Ásmundsdóttur, sviðsstjóra skóla- og tómstundasviðs, dags. 11. september 2020, um kaup á snjótroðara.

Lagður fram tölvupóstur Rafns Pálssonar, forsvarsmanns Sjósportsmiðstöðvar Íslands ehf., dags. 3. september sl., varðandi beiðni um notkun húsnæðisins eftir sölu þess.

Jafnframt lagt fram minnisblað Bryndísar Óskar Jónsdóttur, sviðsstjóra stjórnsýslu- og fjármálasviðs, dags. 10. september 2020, varðandi kostnað hússins í bókhaldi sveitarfélagsins.

Lagt fram til kynningar bréf Hverfisráðs Eyrar og efri bæjar á Ísafirði, dags. 4. september 2020, varðandi tillögur að nýtingu framkvæmdafjár 2020-2022, í samræmi við breytt verklag.

Jafnframt lagt fram til kynningar bréf Hverfisráðs Holta-, Tungu- og Seljalandshverfis, mótt. 7. september 2020, vegna tillagna um notkun framkvæmdafjár 2020-2022.

Lagt fram bréf Stein Ove Tveiten, framkvæmdastjóra, og Neil Shiran K. Þórissonar, fjármálastjóra Arctic Fish, dags. 15. júlí 2020, þar sem þess er óskað að hafin verði formleg vinna milli Ísafjarðarbæjar og Arctic Fish til þess að vinna að staðarvalkostagreiningu fyrir fyrirtækið.

Lagt fram bréf Egils Ólafssonar, f.h. Nemendagarða Lýðskólans á Flateyri, dags. 8. september 2020, ásamt tölvupósti Runólfs Ágústssonar, formanns stjórnar Lýðskólans á Flateyri, dags. s.d., og drögum að kostnaðaráætlun framkvæmda, þar sem óskað er eftir aðkomu sveitarfélagsins að uppbyggingu nemendagarða Lýðskólans á Flateyri.

Lagt fram bréf Jóhönnu Kristjánsdóttur og Guðrúnar Pálsdóttur, f.h. félagsins Hús og fólk ehf., þar sem óskað er áframhaldandi afnota af Svarta pakkhúsinu á Flateyri, fyrir sýningu um harðfisk og skreið, þegar endurbyggingu hússins lýkur.

Jafnframt lögð fram önnur gögn frá Hús og fólk ehf., s.s.yfirlit yfir störf félagsins, yfirlit yfir sögu Svarta pakkhússins, gögn vegna endurgerðar hússins, samskipti við sveitarfélagið vegna málsins og yfirlit yfir greiddan rafmagnskostnað Húsa og fólks ehf. vegna hússins á árunum 2012-2020.

Lagður fram tölvupóstur Jóns Þrándar Stefánssonar, sérfræðings atvinnuvega- og nýsköpunarráðuneytisins, dags. 11. september 2020, þar sem sveitarfélaginu er veitt heimild til að leggja til við ráðuneytið að sett verði sérstök skilyrði varðandi úthlutun byggðakvóta sveitarfélagsins eða einstakra byggðalaga, og er frestur til skila á rökstuddum tillögum 15. október 2020.

Lagður fram tölvupóstur og bréf Sigurðar P. Snorrasonar, Laufeyjar Sifjar Lárusdóttur, Haraldar Þorkelssonar og Jóhanns Guðmundssonar, f.h. Samtaka íslenskra handverksbrugghúsa, dags. 8. september 2020, þar sem skorað er á dómsmálaráðherra, þingmenn og sveitarstjórnarmenn að standa með íslenskri framleiðslu um að heimila íslenska netverslun með áfengi, á sama hátt og erlenda, og að heimila sölu vara til gesta í brugghúsi.

Lagt fram bréf Lilju Bjargeyjar Pétursdóttur, f.h. Póst- og fjarskiptastofnunar, dags. 14. ágúst 2020, vegna upplýsingabeiðnar um fjarskiptainnviði.

Lagður fram til kynningar tölvupóstur Vals Rafns Halldórssonar, sviðsstjóra Sambands íslenskra sveitarfélaga, dags. 8. september 2020, þar sem kynnt er að árleg fjármálaráðstefna sveitarfélaga verður með breyttu sniði í ljósi Covid-19.

Lagður fram til kynningar tölvupóstur Katrínar Bjarkar Ríkharðsdóttur, framkvæmdastjóra Jafnréttisstofu, dags. 8. september 2020, ásamt dagskrá landsfundar um jafnréttismál sveitarfélaga.

Lögð fram til kynningar fundargerð Hverfisráðsins á Þingeyri, dags. 31. ágúst 2020.

Lögð fram til kynningar fundargerð 418. fundar fræðslunefndar, sem haldinn var 10. september 2020. Fundargerðin er í einum lið.

Lögð fram til kynningar fundargerð 543. fundar skipulags- og mannvirkjanefndar sem fram fór 9. september sl.

Fundargerðin er í 10 liðum.