Tafir á götusópun vegna bilunar á götusópara

Vegna bilunar í götusópara Ísafjarðarbæjar verða tafir á götusópun næstu vikur. Beðið er eftir varahlut sem kemur erlendis frá og verður viðgerð framkvæmd um leið og hann berst.

Við biðjum íbúa og vegfarendur velvirðingar á þeim óþægindum sem tafirnar kunna að valda og þökkum fyrir sýndan skilning.

Unnið verður að því að hefja reglubundna götusópun á ný eins fljótt og auðið er að viðgerð lokinni.