Aðalskipulag Ísafjarðarbæjar 2025–2050: Opið hús í öllum byggðarkjörnum

Íbúum Ísafjarðarbæjar er boðið á opið hús þar sem kynnt verður staða og framvinda vinnu við Aðalskipulag 2025–2050.

Vinna vinnuhóps aðalskipulagsins er vel á veg komin og stefnt er að því að leggja fram vinnslutillögu næsta sumar. Á opna húsinu gefst tækifæri til að kynna sér verkefnið, koma á framfæri ábendingum og ræða hugmyndir um skipulag og þróun sveitarfélagsins á næstu áratugum. Markmiðið er að tryggja gott samráð við íbúa og því eru íbúar hvattir til að fjölmenna. Á staðnum verður Aðalskipulag Ísafjarðarbæjar 2008–2020 og leiðarljós og markmið fyrir nýja aðalskipulagið 2025–2050.

Opnu húsin verða sem hér segir:

• Flateyri:
  18. nóvember kl. 14–17 í Skúrinni
• Suðureyri:
  19. nóvember kl. 14–17 í Sunnuhlíð
• Hnífsdalur:
  25. nóvember kl. 14–17 í félagsheimilinu
• Þingeyri:
  26. nóvember kl. 14–17 í Blábankanum
• Ísafjörður:
  2. desember kl. 13–17 í fundarsal á 4. hæð Stjórnsýsluhúss

Erla Margrét Gunnarsdóttir, skipulags- og umhverfisfulltrúi, og Helga Þuríður Magnúsdóttir, verkefnastjóri á umhverfis- og eignasviði, munu kynna vinnuna og svara spurningum.