Götulokanir á Þingeyri vegna lagnaframkvæmda

Vegna framkvæmda við fráveitu eru tímabundnar götulokanir á Þingeyri sem geta haft áhrif á umferð um svæðið, í dag þriðjudaginn 21. júlí og fram í næstu viku. 

Þeir sem eiga leið að tjaldsvæðinu, sundlauginni eða heilsugæslunni eru beðnir um að aka um Brekkugötu. 

Áætlað er að framkvæmdum og tilheyrandi götulokunum ljúki í lok næstu viku, ef allt gengur samkvæmt áætlun.

Við biðjum vegfarendur að sýna aðgát á framkvæmdasvæðinu, fylgja merkingum og virða lokanir meðan á framkvæmdum stendur.

Við þökkum fyrir þolinmæði og skilning á meðan unnið er að nauðsynlegum endurbótum á veitukerfinu.