Grunnskólinn á Þingeyri – Grunnskólakennarar, sérkennari, list, og verkgreinakennari og íþróttakennari

Umsóknarfrestur: 10. apríl Fullt starf, Hlutastarf, Ísafjarðarbær

Grunnskólinn á Þingeyri auglýsir eftir metnaðarfullum og áhugasömum kennurum til starfa á komandi skólaári í eftirtalinn verkefni:

  • Umsjón á elsta stigi, íslensku-, stærðfræði-, dönsku-, upplýsingatækni-, samfélagsfræði, náttúrufræðikennsla (80-100%).
  • Sérkennsla (50%) - möguleiki á auknu starfshlutfalli með kennslu í öðrum greinum.
  • Kennari í list- og verkgreinum (50–100%) - möguleiki er á auknu starfshlutfalli með kennslu í bóklegum greinum og/eða stuðningi.
  • Íþróttakennari (50–80%) - sveigjanlegt starf með möguleika á samstarfi við íþróttafélag. Einnig er möguleiki á auknu starfshlutfalli með kennslu í bóklegum greinum, vali á elsta stigi og/eða stuðningi.

Grunnskólinn á Þingeyri er lifandi og jákvæður vinnustaður þar sem lögð er áhersla á fagmennsku, samstarf og vellíðan. Á næsta skólaári verða um 46 nemendur í 1.–10. bekk. Uppeldisstefnan Uppeldi til ábyrgðar er við lýði í skólanum og kennt er í anda Leiðsagnarnáms. Í skólanum er leitast við að efla hvern einstakling í námi og starfi með fjölbreyttum kennsluaðferðum og áhersla er lögð á skapandi nám.

Á Þingeyri búa um 300 íbúar og þar má finna íþróttahús, sundlaug, golfvöll, reiðskemmu, litla verslun og hótel. Umhverfi fjarðarins er rómað fyrir mikla náttúrufegurð og veðursæld. Í Ísafjarðarbæ öllum búa tæplega 4000 íbúar en Ísafjörður er í um 50 km fjarlægð frá Þingeyri.

Helstu verkefni og ábyrgð:

  • Annast kennslu samkvæmt markmiðum aðalnámskrár og stefnu skólans
  • Skipuleggur kennslu sína í samræmi við markmið grunnskólalaga og með hliðsjón af þörfum og þroska nemenda hverju sinni
  • Fylgist með námi, þroska og félagslegu gengi nemenda sinna.
  • Hefur forgöngu um aðgerðir ef eitthvað bregður út af varðandi nám eða annað
  • Sér um vitnisburð og skýrslugerð varðandi nemendur.
  • Fylgist með skólasókn nemenda og skráir hana samkvæmt fyrirmælum
  • Er í samstarfi við foreldra og samfélag eftir því sem viðeigandi er

Menntunar og hæfniskröfur:

  • Kennsluréttindi í grunnskóla
  • Reynsla af kennslu kostur
  • Jákvæðni, lipurð og færni í samskipum og skipulagsfærni
  • Áhugi á að starfa með börnum og ungmennum
  • Frumkvæði og sjálfstæði í vinnubrögðum auk stundvísi og samviskusemi
  • Gerð er krafa um góða íslenskukunnáttu í ræðu og riti
  • Góð færni á sviði tækni og nýsköpunar er æskileg

Launakjör eru samkvæmt samningum launanefndar sveitarfélaga við KÍ.

Umsókn skal skilað til Ernu Höskuldsdóttur skólastjóra á netfangið ernaho@isafjordur.is og með henni skal fylgja ferilskrá, afrit af prófskírteinum og leyfisbréf. Umsóknarfrestur er til og með 10. apríl 2026. Umsókn getur gilt í 6 mánuði.

Allar nánari upplýsingar veitir Erna í síma 450-8370 eða í gegnum ofangreindan tölvupóst.

Við hvetjum áhugasöm, óháð kyni til að sækja um störfin. Vakin er athygli á markmiði mannréttindastefnu Ísafjarðarbæjar að jafna kynjaskiptingu innan starfsgreina og að vinnustaðir endurspegli fjölbreytileika samfélagsins. Öllum umsóknum verður svarað þegar ákvörðun um ráðningu hefur verið tekin.

-Við þjónum með gleði til gagns-​

Er hægt að bæta efnið á síðunni?