Forstöðumaður Dægradvalar - afleysing

Laust er til umsóknar 100% starf forstöðumanns Dægradvalar . Um tímabundna afleysingu er að ræða frá 11. ágúst 2025 til 11. ágúst 2026. Leitað er að kröftugri og jákvæðri manneskju með gott frumkvæði, í starf sem er afar líflegt og gefandi. Næsti yfirmaður er sviðsstjóri skóla- og tómstundasviðs.

Helstu verkefni:

• Starfsmannahald, stjórnun og skipulagning starfs
• Er í forsvari fyrir velferð einstaklinga í þjónustu dægradvalar
• Umsjón með skráningum og faglegu starfi
• Dagleg umsjón með rekstri og ábyrgð á tekju- og útgjaldaliðum vegna starfseminnar
• Umsjón með innkaupum aðfanga í samræmi við innkaupareglur
• Skipuleggur samskipti og samstarf við aðila milli stofnana og utan þeirra eftir þörfum
• Ber ábyrgð á skipulagningu og framkvæmd á ákveðnum skilgreindum verkefnum á sviði félags- og tómstundastarfs í samráði við yfirmann
• Leitast við að vera góð fyrirmynd barna

Menntunar- og hæfniskröfur

• Háskólamenntun sem nýtist í starfi
• Starfs- og stjórnunarreynsla á sviðinu kostur
• Framúrskarandi hæfni í mannlegum samskiptum og jákvæðni
• Þjónustulund og sveigjanleiki
• Frumkvæði og sjálfstæði í vinnubrögðum
• Haldgóð þekking í skyndihjálp
• Góð íslenskukunnátta
• Góð tölvukunnátta

Launakjör eru samkvæmt samningum launanefndar sveitarfélaga við Kjöl/VerkVest.

Umsóknarfrestur er til og með 22. júní 2025. Umsóknum skal skilað til Baldurs Inga Jónassonar, mannauðsstjóra Ísafjarðarbæjar í netfangið baldurjo@isafjordur.is. Með umsókn skal fylgja ferilskrá.

Nánari upplýsingar um starfið veitir Hafdís Gunnarsdóttir í síma: 450-8000 eða í gegnum tölvupóst á hafdisgu@isafjordur.is.

Við hvetjum áhugasöm, óháð kyni til að sækja um starfið. Vakin er athygli á markmiði mannréttindastefnu Ísafjarðarbæjar að jafna kynjaskiptingu innan starfsgreina og að vinnustaðir endurspegli fjölbreytileika samfélagsins. Öllum umsóknum verður svarað þegar ákvörðun um ráðningu hefur verið tekin.

-Við þjónum með gleði til gagns-