Bæjarverkstjóri – Þjónustumiðstöð Ísafjarðarbæjar
Umhverfis- og eignasvið Ísafjarðarbæjar auglýsir laust til umsóknar 100% starf bæjarverkstjóra í þjónustumiðstöð/áhaldahús bæjarins. Leitað er eftir öflugum og drífandi einstaklingi sem sýnir metnað og frumkvæði í starfi. Æskilegast er að viðkomandi geti hafið störf 1. febrúar 2025 eða eftir nánara samkomulagi. Næsti yfirmaður er forstöðumaður þjónustumiðstöðvar.
Bæjarverkstjóri framkvæmir fyrirliggjandi verkefni skv. ákvörðun forstöðumanns og verkstýrir starfsmönnum í samvinnu við hann. Viðkomandi gætir þess að þjónusta við bæjarbúa og starfsfólk sveitarfélagsins af hálfu þjónustumiðstöðvarinnar sé sem árangursríkust.
Helstu verkefni
- Dagleg verkstjórn starfsmanna í samráði við forstöðumann þjónustumiðstöðvar
- Tryggir að öll tæki og áhöld séu í lagi og kemur með tillögur að endurnýjunarþörf
- Stjórnun stærri tækja og þungavinnuvéla s.s. gröfu og götusóps ef þörf krefur
- Umsjón með tækjum og vinnuvélum, viðhald og viðgerðir
- Verkstjórn og samskipti við verktaka varðandi snjómokstur
- Lagnavinna og gatnagerð
- Ýmiskonar viðhald s.s. viðhald gatna, gönguleiða, holræsa og vatnslagna
- Ýmiskonar flutningur og önnur þjónusta við stofnanir bæjarins
- Kemur að og sinnir öryggismálum á vinnustað
Hæfniskröfur
- Meirapróf og vinnuvélaréttindi
- Iðnmenntun kostur
- Leiðtoga og stjórnunarhæfni
- Frumkvæði, sjálfstæð vinnubrögð og rökhugsun
- Reynsla af verkstjórn æskileg
- Góð hæfni í mannlegum samskiptum og þolinmæði
- Rík þjónustulund og sveigjanleiki
- Góð tölvukunnátta
- Góð íslensku- og enskukunnátta
Launakjör eru samkvæmt samningum launanefndar sveitarfélaga við viðkomandi stéttarfélag (Kjöl/VerkVest).
Umsóknarfrestur er til og með 11. nóvember 2024. Umsóknum skal skilað til mannauðsstjóra Ísafjarðarbæjar á netfangið baldurjo@isafjordur.is og með þeim skal fylgja starfsferilskrá, kynningarbréf og afrit af prófskírteinum. Umsókn getur gilt í 6 mánuði.
Nánari upplýsingar veitir Kristján Andri Guðjónsson, forstöðumaður þjónustumiðstöðvar, í síma 620-7634 eða í gegnum tölvupóst ahaldahus@isafjordur.is.
Við hvetjum áhugasöm, óháð kyni til að sækja um starfið. Vakin er athygli á markmiði mannréttindastefnu Ísafjarðarbæjar að jafna kynjaskiptingu innan starfsgreina og að vinnustaðir endurspegli fjölbreytileika samfélagsins. Öllum umsóknum verður svarað þegar ákvörðun um ráðningu hefur verið tekin.
-Við þjónum með gleði til gagns-