Bæjarráð

Lagður fram tölvupóstur Egils Þórarinssonar f.h. Skipulagsstofnunar, dagsettur 3. apríl sl., með áliti Skipulagsstofnunar vegna 6.800 tonna framleiðslu á laxi í sjókvíum í Ísafjarðardjúpi á vegum Háafells, skv. lögum nr. 106/2000 um mat á umhverfisáhrifum.

Lagður fram tölvupóstur Ómars Ingþórssonar f.h. Skipulagsstofnunar, dagsettur 3. apríl sl., þar sem Ísafjarðarbæ er send til umsagnar frummatsskýrsla um framleiðslu á 4.000 tonnum af laxi í kynslóðaskiptu eldi í Arnarfirði.

Kynnt drög að samningi um samstarf um barnavernd á norðanverðum Vestfjörðum. Samningsdrögunum hefur verið breytt samkvæmt umræðum bæjarstjóra sveitarfélaganna þriggja sem að samningnum standa, og varða helst 4. og 5. grein hans. Samningsdrögin hafa verið kynnt fyrir Bolungarvíkurkaupstað og Súðavíkurhreppi.

Lagt er fram bréf Helenu Jónsdóttur, framkvæmdastjóra Lýðháskólans á Flateyri, dags. 5. apríl sl., þar sem fram kemur að stefnt sé að því að fara af stað með tvær brautir í Lýðháskólanum haustið 2018 ef fjármögnun tekst.

Lagt fram bréf Guðna Geirs Einarssonar og Gústavs Arons Gústavssonar, f.h. Jöfnunarsjóðs sveitarfélaga, dagsett 28. mars sl., þar sem tilkynnt er að sjóðurinn veiti framlag allt að kr. 10.000.000,- til Ísafjarðarbæjar vegna Lýðháskóla á Flateyri.

Lagt fram minnisblað Margrétar Halldórsdóttur, sviðsstjóra skóla- og tómstundasviðs, dagsett 4. apríl 2018, þar sem greint er frá kostnaði við móttöku Norddjobbara.

Lagt fram bréf Hermanns Jónssonar, f.h. Íbúðalánasjóðs, dagsett 27. mars sl., þar sem Ísafjarðarbæ er boðið að skoða 6 eignir sjóðsins í sveitarfélaginu, með það í huga að taka þær á leigu.

Lagður fram tölvupóstur Telmu Halldórsdóttur f.h. Sambands íslenskra sveitarfélaga, dagsettur 4. apríl sl., ásamt minnisblaði um kostnað sveitarfélaga af nýjum lögum um persónuvernd.

Á 141. fundi atvinnu- og menningarmálanefndar, sem haldinn var 5. apríl sl., lagði nefndin til við bæjarráð að afhending Virðisaukans fyrir árið 2017 fari fram með hátíðlegri athöfn við upphaf næsta bæjarstjórnarfundar.

Lögð fram eftirfarandi fyrirspurn Jónasar Þórs Birgissonar, bæjarfulltrúa sjálfstæðisflokks, dagsett 13. mars sl., er varðar skuldir og lántöku Ísafjarðarbæjar. Jafnframt er lagt fram minnisblað Þórdísar Sifjar Sigurðardóttur, bæjarritara, dags. 6. apríl sl., með svörum við framlagðri fyrirspurn.

Lögð fram eftirfarandi fyrirspurn Jónasar Þórs Birgissonar, bæjarfulltrúa sjálfstæðisflokks, dagsett 4. apríl sl., varðandi hækkun fasteignagjalda sumarbústaðalóða og fund með ráðherra samgöngumála vegna frestunar á vegaframkvæmdum á Dynjandisheiði.

Lagt er fram minnisblað Eddu Maríu Hagalín, fjármálastjóra, dags. 6.apríl sl., varðandi afgreiðslu styrkja til félaga og félagasamtaka til greiðslu á fasteignagjöldum 2018, samtals fjárhæð kr. 1.387.663,- en gert er ráð fyrir þessum styrkjum í áætlun 2018.

Ákvörðun í bæjarráði um vinnufund bæjarstjórnar og dagsetningu hans, vegna stefnumörkunar fjárhagsáætlunar 2019-2023.

Kynnt eru drög að ársreikningi Ísfjarðarbæjar og stofnana fyrir árið 2017 ásamt samstæðuársreikningi Ísafjarðarbæjar 2017.

Lagður fram tölvupóstur Brynjars Þórs Jónassonar, sviðsstjóra umhverfis- og eignasviðs, dagsettur 27. mars sl., með fundarboði á aðalfund stjórnar Fasteigna Ísafjarðarbæjar sem haldinn verður 10. apríl nk.

Lagður fram tölvupóstur Kristjönu Benediktsdóttur f.h. nefndasviðs Alþingis, dagsettur 27. mars sl., þar sem Ísafjarðarbæ er sent til umsagnar frumvarp til laga um jafna meðferð á vinnumarkaði, 394. mál. Umsagnarfrestur er til 13. apríl nk.

Lagður fram tölvupóstur Kristjönu Benediktsdóttur f.h. nefndasviðs Alþingis, dagsettur 27. mars sl., þar sem Ísafjarðarbæ er sent til umsagnar frumvarp til laga um lögheimili og aðsetur, 345. mál. Umsagnarfrestur er til 12. apríl nk.

Lagður fram tölvupóstur Kolbrúnar Ernu Magnúsdóttur f.h. Sambands íslenskra sveitarfélaga, dagsettur 27. mars sl., ásamt fundargerð 858. fundar stjórnar sambandsins, sem haldinn var 23. mars sl.

Fundargerð 141. fundar atvinnu- og menningarmálanefndar sem haldinn var 5. apríl sl. Fundargerðin er í 3 liðum.

Fundargerð 390. fundar fræðslunefndar, sem haldinn var 5. apríl sl. Fundargerðin er í 5 liðum.

Fundargerð 197. fundar hafnarstjórnar, sem haldinn var 27. mars sl. Fundargerðin er í 8 liðum.