Bæjarráð

Fyrir hönd Ísafjarðarbæjar sendi byggingafulltrúi erindi á bæði Snerpu og Mílu, þ.e. bréf dags. 28. feb. sl. þar sem óskað var eftir tillögum frá viðkomandi fjarskiptafélögum út frá því fjármagni sem var í boði vegna styrkveitingar Fjarskiptasjóðs og framlagi Ísafjarðarbæjar í verkefnið. Svar barst frá Mílu í tölvupósti dags. 19. mars 2018 þar sem þeir telja áhættu á aukakostnaði óásættanlega m.v. mögulegar tekjur og sér sér ekki fært að taka þátt í þessu verkefni.
Snerpa sendi inn grófhönnun og endurskoðaða kostnaðaráætlun. Snerpa gerir ráð fyrir samlegð með framkvæmdum OV sunnan Dýrafjarðar árið 2019 en leggur til að öllum framkvæmdum norðan Dýrafjarðar verði lokið í ár. Miðað við upphaflegar forsendur bætist í þann hluta verkefnisins plæging og sæstrengur. Snerpa er tilbúin að taka þann umframkostnað sem gæti orðið að verkefninu.

Ríkissjóður lagði fram boð til Ísafjarðarbæjar í tölvupósti dags. 9. febrúar 2018 um yfirtöku á landi umhverfis Skrúð. Þ.e. land sem ríkissjóður eignaðist með makaskiptasamningi við landeigendur jarðarinnar Núps í Dýrafirði (landn. 140975), dags. 12. janúar 2006, sbr. og makaskiptasamningur dags. 20. ágúst 2010.
Lagt er fram afsal fyrir umræddu landi þar sem ofangreindu landi er afsalað til Ísafjarðarbæjar.
Önnur fylgigögn eru makaskiptasamningur dags. 20. ágúst 2010 og makaskiptasamningur dags. 12. janúar 2006.

Lagt fram bréf Árna Brynjólfssonar f.h. stjórnar búnaðarfélagsins Bjarma, dagsett 17. mars sl., með ályktun aðalfundar búnaðarfélagsins vegna sorphirðu í dreifbýli.
Einnig lagt fram minnisblað Ralf Trylla, umhverfisfulltrúa, dagsett 21. mars sl., með upplýsingum um kostnað við sorphirðu.

Lagt fram bréf Sigurbergs Björnssonar og Írisar Huldar Christersdóttur f.h. samgöngu- og sveitarstjórnarráðuneytis, dagsett 14. mars sl., með svari ráðuneytisins við kröfu Ísafjarðarbæjar frá 9. janúar sl., um að ráðuneytið tryggi lágmarkssamgöngur við lögbýlin á Ingjaldssandi.
Ráðuneytið leitaði umsagnar Vegagerðarinnar, sem fylgir með erindinu. Vegagerðin álítur að G-snjómokstursregla eigi ekki við í þessu sambandi og tekur ráðuneytið undir sjónarmið Vegagerðarinnar.

Kynnt drög að samningi milli Ísafjarðarbæjar og Lýðháskólans á Flateyri.

Einnig er kynnt minnisblað bæjarritara, dagsett 23. mars sl., með útskýringum um áætlað heildarverðmæti styrkveitingar Ísafjarðarbæjar til Lýðháskólans.

Marzellíus Sveinbjörnsson, áheyrnarfulltrúi framsóknarflokks, leggur fram eftirfarandi tillögu að ályktun:

„Í ljósi nýlegra ummæla forstjóra Hafrannsóknarstofnunar um að sviðsstjórastarf á sviði fiskeldis flytjist ekki til starfsstöðvar Hafrannsóknarstofnunar á Ísafirði, þvert á fyrri ákvarðanir fyrri ráðherra og ríkisstjórnar vill bæjarráð Ísafjarðarbæjar spyrja sjávarútvegs- og landbúnaðarráðherra, Kristján Þór Júlíusson út í hans aðkomu að málinu.
Forsaga málsins er sú að í september 2016 hafði verið lögð fyrir ríkisstjórn skýrsla Vestfjarðarnefndar um aðgerðaráætlun fyrir Vestfirði. Í þeirri skýrslu var tillaga um að miðstöð rannsókna á fiskeldi yrði á Ísafirði og útibúið þar yrði eflt. Það væri í takt við uppbyggingu fiskeldis á svæðinu og mikilvægi þess að rannsóknir yrðu nálægt atvinnugreininni.
Þann 6. október kom tilkynning á heimasíðu atvinnuvega og nýsköpunarráðuneytisins þar sem tilkynnt var minnisblað frá þáverandi ráðherra, Gunnari Braga Sveinssyni sem lýsti ákvörðunum um að aukið yrði eftirlit MAST með greininni bæði á Vestfjörðum og Austfjörðum og auk þess heldur yrði miðstöð fiskeldisrannsókna á Vestfjörðum með ráðningu tveggja sérfræðinga á starfsstöð Hafró á Ísafirði og að sviðsstjóri fiskeldis (sem var ný staða og í auglýsingu á þessum tíma) flytjist vestur 2018.
Á heimasíðu forsætisráðuneytisins má svo sjá að minnisblað ráðherra var lagt fyrir ríkisstjórn þann 07.10.2016 og samþykkt.
Eftirfarandi spurningar eru því lagðar fyrir sjávarútvegsráðherra:
1. Hefur ráðherra breytt ákvörðun fyrri ráðherra og ríkisstjórnar um að sviðsstjóri fiskeldis Hafrannsóknarstofnunar verði á Ísafirði?
2. Ef svo er ekki, finnst ráðherra eðlilegt að forstjórar undirstofnana geti valið hvaða ákvörðunum framkvæmdavaldsins þeir fylgi?
3. Hvernig hyggst ráðherrann beita sér fyrir því að starfið flytjist vestur líkt og ákveðið hefur verið.“

Lagður fram tölvupóstur Helga Guðmundssonar f.h. Félagsvísindastofnun Háskóla Íslands, dagsettur 23. mars sl., þar sem upplýst er að könnun um Sundhöll Ísafjarðar sé tilbúin.

Lögð fram svohljóðandi tillaga Gísla Halldórs Halldórssonar, bæjarstjóra, dagsett 23. mars sl:

„Lagt er til að bæjarstjóri fari með atkvæði Ísafjarðarbæjar á hluthafafundum Stúdíó Dan ehf. og taki einnig ákvarðanir fyrir hönd félagsins sem framkvæmdastjóri þess.“

Lagt fram bréf Sigríðar Auðar Arnardóttur og Hafsteins Pálssonar f.h. Ofanflóðanefndar, dagsett 13. mars sl., þar sem upplýst er að ósk Ísafjarðarbæjar um lán úr Ofanflóðasjóði vegna framkvæmda við ofanflóðavarnir í Ísafjarðarbæ hafi verið samþykkt.

Lagður fram til kynningar samningur velferðarráðuneytis og Ísafjarðarbæjar um móttöku, aðstoð og stuðning við hóp flóttafólks 2018-2020.

Lagt fram bréf Guðna Kristjánssonar, framkvæmdastjóra Varasjóðs húsnæðismála, dagsett 21. mars sl., ásamt skýrslum með niðurstöðum úr greiningu sjóðsins á stöðu fasteigna hjá sveitarfélögum. Óskað er eftir samþykki sveitarfélagsins fyrir birtingu niðurstaðna úr könnuninni.

Lagður fram tölvupóstur Telmu Halldórsdóttur f.h. Sambands íslenskra sveitarfélaga, dagsettur 19. mars sl., þar sem kynnt er umsögn sambandsins um drög að frumvarpi til laga um persónuvernd.

Lagður fram tölvupóstur Margrétar Tryggvadóttur f.h. Sagna - samtaka um barnamenningu, dagsettur 19. mars sl., þar sem óskað er eftir styrk vegna Verðlaunahátíðar barnanna. Hátíðin er hápunktur lestrarhvetjandi verkefnis á landsvísu, sem verið hefur í gangi í vetur.
Með því að styrkja hátíðina um kr. 100.000,- geta sveitarfélög orðið samstarfsaðilar og þátttakendur í verðlaunahátíðinni, en með því að styrkja hana um kr. 300.000,- fá sveitarfélög ákveðinn kynningarpakka, sem kynntur er í meðfylgjandi fylgiskjali.

Lagður fram tölvupóstur Sigrúnar Helgu Sigurjónsdóttur f.h. nefndasviðs Alþingis, dagsettur 22. mars sl., þar sem Ísafjarðarbæ er sent til umsagnar frumvarp til laga um breytingu á ýmsum lögum á sviði samgöngu-, fjarskipta-, sveitarstjórnar- og byggðamála, 389. mál. Umsagnarfrestur er til 5. apríl nk.

Lögð er fram tillaga Daníels Jakobssonar, bæjarfulltrúa, um að rýna stöðu jafnréttismála hjá Ísafjarðarbæ.

Fundargerð 495. fundar skipulags- og mannvirkjanefndar sem haldinn var 21. mars sl. Fundargerðin er í 6 liðum.

Fundargerð 63. fundar umhverfis- og framkvæmdanefndar sem haldinn var 20. mars sl. Fundargerðin er í 1 lið.