Umsjónarmaður félagsstarfs aldraðra – Flateyri

Umsóknarfrestur: 22. desember Hlutastarf, Ísafjarðarbær

Velferðarsvið Ísafjarðarbæjar auglýsir laust til umsóknar starf umsjónarmanns félagsstarfs aldraðra á Flateyri. Um er að ræða 22% starfshlutfall, frá byrjun janúar 2026 eða eftir nánara samkomulagi. Næsti yfirmaður er öldrunarfulltrúi á velferðarsviði.

Helstu verkefni

  • Skipulagning félagsstarfs og kynning á starfsemi
  • Aðstoða þjónustuþega við félagsstarf og tómstundaiðju
  • Aðhlynning við dagdvalargesti
  • Innkaup og umsjón með síðdegiskaffi fyrir þjónustuþega í félagsstarfi og dagdvöl​

Menntun og hæfniskröfur

  • Menntun sem nýtist í starfi
  • Reynsla af starfi með öldruðum er kostur
  • Lipurð, sveigjanleiki og færni í mannlegum samskiptum
  • Frumkvæði, drift og skipulagshæfni
  • Góð íslenskukunnátta er skilyrði

Launakjör eru samkvæmt samningum launanefndar sveitarfélaga við viðkomandi stéttarfélag (Kjöl/ VerkVest).

Umsóknarfrestur er til og með 22. desember 2025. Umsóknir skulu sendar til Svanlaugar Bjargar Másdóttur, öldrunarfulltrúa á netfangið svanlaugm@isafjordur.is. Með umsókn skal fylgja ferilskrá og afrit af prófskírteinum. Umsókn getur gilt í 6 mánuði.

Nánari upplýsingar veitir Svanlaug, í síma 450-8000 eða í gegnum tölvupóst. Öllum umsóknum verður svarað þegar ákvörðun um ráðningu hefur verið tekin.

Við hvetjum áhugasöm, óháð kyni til að sækja um starfið. Vakin er athygli á markmiði mannréttindastefnu Ísafjarðarbæjar að jafna kynjaskiptingu innan starfsgreina og að vinnustaðir endurspegli fjölbreytileika samfélagsins.

-Við þjónum með gleði til gagns-

Er hægt að bæta efnið á síðunni?