Land og skógur: Sviðsstjóri – Rekstur, fjármál og stafræn þróun

Land og skógur (LOGS) er þjónandi þekkingarstofnun í sjálfbærri landnýtingu sem hefur nýverið lokið endurskoðun stefnu sinnar og stjórnskipulags og leitar nú að sviðstjórum til að fara fyrir sviðum stofnunarinnar:

Rekstur, fjármál og stafræn þróun (RFS) Hlutverk stoðsviðsins er að tryggja að innra skipulag stofnunarinnar séu traust og skilvirkt og framtíðarhæft. Það felur í sér yfirsýn og umsjón landupplýsinga, daglegan stuðning við starfsemi, þ.á m. innkaup, húsnæði innra starfs LOGS og rekstraröryggi. Sviðið ber ábyrgð á fjármálum, áætlanagerð, kostnaðareftirliti og gagnsæjum fjárhagsupplýsingum, sem og öryggi gagna, kerfa og rekstrarferla. Jafnframt sinnir það innleiðingu og þróun tæknilausna sem auka skilvirkni, bæta þjónustu og styðja nýsköpun.

Störf sviðsstjóra eru að mestu óstaðbundin og gætu flestar starfsstöðvar LOGS komið til greina sem meginstarfsstöð viðkomandi sviðsstjóra.

• Leiðir faglegt starf og daglega stjórnun sviðsins
• Ber ábyrgð á verkefnum sviðsins
• Tekur þátt í stefnumótun og þróun LOGS
• Stuðlar að árangursríku samstarfi innan sem utan LOGS
• Situr í framkvæmdaráði LOGS

• MSc gráða í hagfræði, viðskiptafræði, náttúruvísindum eða sambærilegt
• Greiningar- og skipulagshæfni og geta til að leiða faglegt starf og ná árangri
• Framúrskarandi samskiptahæfni og geta til að byggja upp traust og samvinnu
• Farsæl reynsla af stjórnun
• Sjálfstæði og vönduð vinnubrögð
• Reynsla af opinberum fjármálum og stjórnsýslu
• Þekking á landupplýsingakerfum og stafrænni þróun er kostur
• Góð tölvufærni, íslensku- og enskukunnátta

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Markmið Lands og skógar er að vera eftirsóttur vinnustaður fyrir starfsfólk með fjölbreytta menntun og bakgrunn. Þar er starfsfólki búin góð vinnuaðstaða, greiður aðgangur að upplýsingum og fjölbreyttir möguleikar á símenntun. Land og skógur hefur innleitt græn skref í ríkisrekstri. Þá hefur stofnunin sett sér umhverfis- og loftslagsáætlun með tímasettum markmiðum ásamt áætlunum um réttindi, vernd og ábyrgð starfsfólks, s.s. áætlanir um áreitni og einelti ásamt viðbrögðum við slíku.

Með umsókn skal fylgja ítarleg náms- og starfsferilskrá, kynningarbréf þar sem gert er grein fyrir hæfni og áhuga á starfinu ásamt afriti af prófskírteinum. Viðtöl verða tekin við umsækjendur og byggist ákvörðun um ráðningu á þeim ásamt innsendum gögnum og umsögnum umsagnaraðila. Umsóknir gilda í sex mánuði frá því að umsóknarfrestur rennur út. Áhugasamir einstaklingar, óháð kyni, eru hvattir til að sækja um.

Tekið er mið af jafnréttisstefnu stofnunarinnar við ráðningu. Öllum umsóknum verður svarað þegar ákvörðun um ráðningu hefur verið tekin.