Skipulags- og mannvirkjanefnd - 347. fundur - 9. febrúar 2011
Mættir: Albertína Elíasdóttir, formaður, Gísli Halldór Halldórsson, Marzellíus Sveinbjörnsson, Björn Davíðsson, Lína Björg Tryggvadóttir, Ralf Trylla, umhverfisfulltrúi, Jóhann Birkir Helgasons, sviðsstjóri framkvæmda- og rekstrarsviðs og Anna Guðrún Gylfadóttir, byggingarfulltrúi, sem jafnframt ritaði fundargerð.
Dagskrá:
1. 2011-02-0002 - Fjarðargata 64, Þingeyri. - Fyrirspurn.
Lögð fram fyrirspurn dags. 15. janúar sl. frá PK. Arkitektum fh. húseigenda að Fjarðargötu 64, Þingeyri, þar sem óskað er eftir leyfi til að byggja sérstæða bílageymslu á lóðinni Fjarðargata 64, Þingeyri samkæmt meðfylgjandi teikningu frá PK Arkitektum.
Umhverfisnefnd tekur jákvætt í fyrirspurnina en bendir á að þak bílskúrsins verði í samræmi við þak íbúðarhússins.
2. 2010-12-0065 - Freyjugata 5, Suðureyri. - Byggingarleyfi.
Erindið var síðast á fundi umhverfisnefndar 29. desember sl. er varðar fyrirspurn dags. 21. desember sl. frá Þórði Emil Sigurvinssyni fh. Flugöldu ehf., þar sem hann óskaði eftir umsögn umhverfisnefndar á leyfi til að reisa hjall við fasteignina Freyjugötu 5, Suðureyri. Umhverfisnefnd fól byggingarfulltrúa að afla nánari gagna vegna málsins.
Umhverfisnefnd tekur jákvætt í erindið en vísar því inn í deiliskipulagsvinnu af svæðinu sem er i vinnslu.
3. 2011-01-0061 - Breiðadalur Neðri, Önundarfirði. - Leyfi fyrir vatnslögn.
Lagt fram erindi dags. 25. janúar sl. frá Halldóri Mikkaelssyni í Breiðadal Neðri, Önundarfirði, þar sem sótt er um leyfi til að leggja ca. 250 m vatnslögn út frá eldri lögn sem gerð var 1992 samkvæmt meðfylgjandi teikningu. Meðfylgjandi umsókn er staðfesting frá Þóri Steinarssyni fyrir leyfi að fara með lögnina yfir á hans land.
Umhverfisnefnd samþykkir erindið.
4. 2011-01-0031 - Sláttur opinna svæða í Ísafjarðarbæ 2011.
Lagt fram þjónustuútboð fyrir slátt opinna svæða í Ísafjarðarbæ. Útboðið er unnið af Tæknideild Ísafjarðarbæjar 2011.
Umhverfisnefnd samþykkir útboðsgögnin með þeim ábendingum sem fram komu á fundinum.
5. 2011-01-0062 - Frumvarp til laga um breytingu á skipulagslögum, 113. mál.
Lagt fram tölvubréf dags. 25. janúar sl. frá Kristjönu Benediktsdóttur, skjalaverði á nefndarsviði Alþingis, þar sem óskað er eftir umsögn á frumvarpi til laga um breytingu á skipulagslögum (skilvirkari afgreiðsla aðalskipulags), 113. mál.
Umhverfisnefnd gerir ekki athugasemd við frumvarpið.
6. 2011-01-0085 - Frumvarp til laga um fjöleignarhús, 377. mál.
Lagt fram tölvubréf dags. 31. janúar sl. frá Kristjönu Benediktsdóttur, skjalaverði á nefndarsviði Alþingis, þar sem óskað er eftir umsögn á frumvarpi til laga um fjöleignarhús (leiðsöguhundar o.fl.), 377. mál.
Umhverfisnefnd gerir ekki athugasemd við frumvarpið.
7. 2011-02-0012 - Rekstrarleyfi til laxeldis í Arnarfirði.
Lagt fram erindi dags. 28. janúar sl. frá Fiskistofu vegna beiðni um umsagnir vegna þriggja aðila um rekstarleyfi til laxeldis í Arnarfirði.
Umhverfisnefnd bendir á að í vinnslu er nýtingaráætlun fyrir Arnarfjörð og mælir með að leyfi verði ekki veitt nema með fyrirvara um niðurstöður úr þeirri vinnu.
8. 2011-02-0010 - Æfingasvæði. - Samningur.
Lagður fram samningur dags. 28. janúar sl. á milli Slökkviliðs Ísafjarðarbæjar, Félags slökkviliðsmanna í Ísafjarðarbæ og Ísafjarðarbæjar. Þar sem Ísafjarðarbær veitir Slökkviliði Ísafjarðar og Félagi slökkviliðsmanna í Ísafjarðarbæ afnot af geymslusvæði, sunnan megin við sorpbrennsluna Funa.
Lagt fram til kynningar.
9. 2009-06-0058 - Deiliskipulag í Tungudal, Skutulsfirði.
Auglýsinga og athugasemdarfrestur vegna deiliskipulagsins í Tungudal, Skutulsfirði, er runninn út. Þrjár athugasemdir bárust. Þær eru frá Magdalenu Sigurðardóttur, Sigurði Mar Óskarssyni og Marzellíusi Sveinbjörnssyni.
Umhverfisnefnd þakkar ábendingu Magdalenu Sigurðardóttur, en telur hana ekki hafa áhrif á deiliskipulagið.
Varðandi athugasemd Sigurðar Mars Óskarssonar. Þá er ekki mögulegt að færa byggingarreiti nær lóðamörkum en gert er ráð fyrir í deiliskipulagstillögunni með tillit til hagsmuna annarra lóðarhafa.
Varðandi athugasemd Marzellíusar Sveinbjörnssonar. Þá var afstaða til hússins á lóð nr. 62 í Tunguskógi ekki tekin við gerð deiliskipulagstillögunnar. Afstaða verður tekin til þess þegar sótt verður um byggingarleyfi fyrir húsinu. Bent er á að byggingarreitur lóðar nr. 62 er síst nær lóðamörkum en aðrar lóðir í Tunguskógi. Ekki verður tekin afstaða til mænisstefnu á bústöðunum.
Með vísan í ofnagreint, leggur umhverfisnefnd til við bæjarstjórn að deiliskipulagstillagan verði samþykkt óbreytt.
Marzellíus Sveinbjörnsson vék af fundi við afgreiðslu þessa liðar.
10. 2008-06-0063 - Deiliskipulag í Dagverðardal, Skutulsfirði.
Auglýsinga og athugasemdarfrestur vegna deiluskipulags í Dagverðardal, Skutulsfirði, er liðinn. Þrjár athugasemdir bárust. Frá Bæring Gunnari Jónssyni fh. núverandi sumarhúsaeigenda í Dagverðardal og Magdalenu Sigurðardóttur.
Varðandi athugasemd sumarhúsaeigenda tertu elur umhverfisnefnd að með kvöð um byggingarstíl og stærð húsa þá sé komið til móts við þær kröfur sem fram koma í athugasemdunum.
Er varðar athugasemd Magdalenu Sigurðardóttur, þá eru reiðstígar staðsettir í Aðalskipulagi Ísafjarðarbæjar 2008 - 2020 og tekur deiliskipulagstillagan mið af því.
Með vísan í ofangreint þá leggur umhverfisnefnd til við bæjarstjórn að deiliskipulagstillagan verði samþykkt óbreytt.
11. 2011-02-0023 - Silfurtorg 2, Ísafirði. - Umsókn um byggingarleyfi.
Lagt fram erindi dags. 4. janúar sl. frá NOVA ehf., þar sem sótt eru um leyfi til að setja loftnet á þak hússins að Silfurtorg 2, Ísafirði, samkvæmt meðfylgjandi teikningum frá Verkís. Fyrir liggur samþykki eiganda hússins fyrir framkvæmdinni.
Umhverfisnefnd samþykkir erindið.
12. Önnur mál.
- Skipulagsstofnun boðar til fundar 24. febrúar nk. kl. 13.00 - 16.00 hjá Fjórðungssambandi Vestfjarða í Vestrahúsi. Nefndarmenn eru hvattir til að mæta. Umræðuefnið er framkvæmd nýrra laga um skipulag og mannvirki.
- Umhverfisnefnd leggur til, að í samræmi við nýjar verklagsreglur um deiliskipulag að eftirtalin skipulög fari í vinnu í skipulagshópum.
Um er að ræða Tunguskógur, Suðureyri og Suðurtanga.
Fleira ekki gert, fundarbókun upp lesin og samþykkt. Fundi slitið kl. 10:20.
Gísli Halldór Halldórsson,
Marzellíus Sveinbjörnsson.
Björn Davíðsson.
Lína Björg Tryggvadóttir.
Jóhann Birkir Helgason, sviðsstj. framkv.- og rekstrarsviðs.