Þjónusta í þágu farsældar barna

Lögin krefjast aukins samráðs skóla, velferðar- og heilbrigðisstofnana, ávallt með hagsmuni barna að leiðarljósi. Þannig er hægt að bregðast fyrr við þegar barn er í erfiðum aðstæðum og þarf stuðning.

Ábyrgðaraðilar samkvæmt lögum þessum skulu:

• Fylgjast með velferð og farsæld barna og foreldra og meta þörf fyrir þjónustu.
• Bregðast við þörf barna og foreldra fyrir þjónustu á skilvirkan hátt um leið og þörf krefur.
• Hafa samráð sín á milli með það að markmiði að þjónusta sé samfelld og samþætt í þágu velferðar og farsældar barna og foreldra.

Í lögunum er kveðið á um stigskiptingu á þjónustu; fyrsta, annað og þriðja stig. Fyrsta stigið er aðgengilegt öllum börnum og foreldrum en um er að ræða einstaklingsbundinn snemmtækan stuðning. Á öðru stigi er markvissari einstaklingsþjónusta (t.d. liðveisla) og á þriðja stigi er þjónustan orðin mun sérhæfðari (t.d. þvingunarúrræði á barnaverndarstigi).

Tvær leiðir eru til að sækja um samþættingu þjónustu:

1. Óska eftir viðtali við tengilið sem metur í samráði við foreldra/barn þjónustuþörfina og kemur máli í feril.
2. Fylla út viðeigandi eyðublað í gegnum þjónustugátt Ísafjarðarbæjar.

Tengiliðir