Pöntunarakstur – Flateyri

Tilraunaverkefni í almenningssamgöngum, A10-Flateyri, hefst í janúar 2022. Verkefnið snýst um niðurgreiðslu á pöntunarakstri á leigubílum.

Ef íbúar vilja ferðast á milli Flateyrar og Ísafjarðar á milli kl. 06:30 og 22 á kvöldin, þó ekki hálftíma fyrir eða eftir áætlunarferð strætó, virkar pöntunarþjónustan svona:

1.    Hringið fyrst í einn af neðangreindum bílstjórum og athugið hvort þeir geti farið í ferðina.

Ástþór Sigurður Ágústsson: 893 1949
Björgvin Sveinson: 789 4444
Stígur Sophusson: 666 6950

2.    Skráið upplýsingar um ferðina á skráningarsíðu og fáið staðfestingu með tölvupósti til baka í símann.
3.    Sýnið bílstjóra staðfestinguna þegar hann kemur.
4.    Borgið startgjaldið.

Bílstjórinn sér svo um að rukka Ísafjarðarbæ um eftirstöðvar kostnaðar við ferðina.

• Munið að þið þurfið að ná samkomulagi við bílstjóra um ferðina áður en þið farið í skráninguna og mælst er til þess að farþegar reyni að samnýta leigubílaferðir eins og kostur er t.d. með því að auglýsa ferð á Facebook.
• Allar frekari upplýsingar um verkefnið má fá hjá verkefnastjóra á Flateyri, Hrönn Garðarsdóttur, hronng@isafjordur.is.