Fræðslunefnd - 332. fundur - 15. maí 2013

1.

2013050008 - Skóladagatöl 2013-2014.

Lögð fram skóladagatöl fyrir skólaárið 2013-2014 fyrir leikskólana Eyrarskjól, Sólborg, Grænagarð, Laufás og Tjarnarbæ.

Fræðslunefnd samþykkir dagatölin en vill ítreka það sem kemur fram í Skólastefnu Ísafjarðarbæjar,  að samræma skuli starfsdaga skóla innan byggðarkjarna.

2.

2013050012 - Ósk um að ráða tvo starfsmenn á leikskólann Sólborg, Ísafirði.

Lagt fram bréf, dagsett 10. maí 2013, frá Helgu Björk Jóhannsdóttur, leikskólastjóra á Sólborg,  þar sem hún óskar eftir að fá að ráða inn tvo starfsmenn í sitthvort 81,25% starfshlutfallið, vegna barna sem þurfa aðstoð í námi.

Fræðslunefnd frestar erindinu til næsta fundar.

3.

2013020050 - Skýrslur grunnskóla 2013.

Lagðar fram niðurstöður úr könnun sem var send á kennara Grunnskólans á Ísafirði, þar sem spurt var um viðhorf þeirra til fræðsluyfirvalda og sérfræðiþjónustu sveitarfélagsins. Könnunin var send í framhaldi af innra mati sem skólinn gerði.

Fræðslunefnd óskar eftir frekari greiningu á svörunum.

4.

2013050017 - Skóladagatöl 2013-2014.

Lögð fram skóladagatöl fyrir skólaárið 2013-2014 fyrir Grunnskólann á Ísafirði, Grunnskólann á Suðureyri, Grunnskólann á Þingeyri og Grunnskóla Önundarfjarðar.

Fræðslunefnd samþykkir dagatölin en ítrekar eins og hjá leikskólunum , að samræma skuli starfsdaga skóla innan byggðarkjarna.

5.

2013020004 - Fréttabréf Grunnskólanns á Ísafirði 2013.

Lagt fram fréttabréf fyrir apríl frá Grunnskólanum á Ísafirði.

Lagt fram til kynningar.