Bæjarráð - Nr. 706. fundur - 20. júní 2011
Þetta var gert:
1. Fundargerð nefndar.
Umhverfisnefnd 15/6. 353. fundur.
Fundargerðin er í átján liðum.
Fundargerðin lögð fram til kynningar.
2. Bréf Jóhanns B. Helgasonar. - Gleiðarhjalli, umhverfismat. 2011-05-0032.
Lagt fram bréf Jóhanns B. Helgasonar, sviðsstjóra umhverfis- og eignasviðs Ísafjarðarbæjar dagsett 15. júní sl., er varðar verðkönnun fyrir vinnu við umhverfismat á fyrirhuguðu snjóflóðavarnarsvæði undir Gleiðarhjalla á Ísafirði. Neðangreindir aðilar tóku þátt í verðkönnuninni og eru tilboð þeirra sem hér segir.
Náttúrustofa Vestfjarða kr. 3.566.080.-
Tækniþjónusta Vestfjarða kr. 4.724.150.-
Hnit hf. kr. 6.131.904.-
Mannvit hf. kr. 7.280.000.-
Framkvæmdasýsla ríkisins og Jóhann B. Helgason, sviðsstjóri umhverfis- og eignasviðs Ísafjarðarbæjar, mæla með að gengið verði til samninga við Náttúrustofu Vestfjarða á grundvelli tilboðs þeirra.
Bæjarráð leggur til við bæjarstjórn að gengið verði til samninga við Náttúrustofu Vestfjarða á grundvelli tilboðs þeirra.
3. Bréf Arnars Ingólfssonar. - Fasteignagjöld á Skíðheima 2011. 2011-06-0049.
Lagt fram bréf frá Erni Ingólfssyni, Ísafirði, dagsett 16. júní sl., þar sem hann óskar eftir að gerður verði samningur við Hollvinafélag Skíðheima á Seljalandsdal, um niðurfellingu fasteignagjalda af Skíðheimum á Seljalandsdal.
Bæjarráð samþykkir styrkveitingu til greiðslu fasteignagjalda af Skíðheimum á Seljalandsdal.
4. Bréf Skátafélagsins Einherjar-Valkyrjan. - Flöggun við Norðurtanga,
Ísafirði. 2011-06-0024
Lagt fram bréf Skátafélagsins Einherjar-Valkyrjan, Ísafirði, dagsett 10. júní sl., ásamt afriti af bréfi sama aðila til Ísafjarðarhafnar dagsettu 8. júní sl., en í því bréfi er farið fram á að skátafélagið taki að sér flöggun á fánastöng við Norðurtanga á Ísafirði, gegn gjaldi. Í bréfinu til Ísafjarðarbæjar er hins vegar farið fram á, að Ísafjarðarbær kosti kaup á fánum, samþykki hafnarstjóri Ísafjarðarbæjar erindið er sent var Ísafjarðarhöfn.
Bæjarráð felur bæjarstjóra í samráði við hafnarstjóra, að ræða við bréfritara.
5. Endurskoðuð drög að reglum Ísafjarðarbæjar um menningarstyrki. 2011-06-0050.
Lagðar fram að nýju reglur um úthlutun styrkja til menningarmála hjá Ísafjarðarbæ. Reglurnar voru fyrst lagðar fyrir 705. fund bæjarráðs, en hafa nú verið endurbættar í samræmi við umræður á þeim fundi.
Bæjarráð leggur til við bæjarstjórn að reglur Ísafjarðarbæjar um menningarstyrki verði samþykktar.
6. Bréf Greips Gíslasonar f.h. Við Djúpið. - Beiðni um afnot af íþróttasal
við Austurveg, Ísafirði. 2011-03-0047.
Lagt fram bréf frá Greip Gíslasyni f.h. ,,Við Djúpið“, þar sem óskað er eftir afnotum af íþróttasalnum í íþróttahúsinu við Austurveg á Ísafirði. Óskað er eftir afnotum fyrir hádegi án endurgjalds dagana 21.-26. júní n.k.
Bæjarráð tekur jákvætt í erindið og felur bæjarstjóra að svara bréfritara.
7. Bréf sýslumannsins á Ísafirði. - Beiðni um umsögn vegna umsóknar um
rekstrarleyfi fyrir Krúsina, Ísafirði. 2011-06-0037.
Lagt fram bréf frá sýslumanninum á Ísafirði dagsett 15. júní sl., þar sem óskað er umsagnar Ísafjarðarbæjar á umsókn Gróu M. Böðvarsdóttur, um rekstrarleyfi fyrir Krúsina á Ísafirði.
Bæjarráð óskar umsagnar byggingarfulltrúa og eldvarnareftirlitsmanns Ísafjarðar- bæjar.
8. Minnisblað bæjarritara. - Umsagnir byggingarfulltrúa og eldvarnareftirlits-
manns Ísafjarðarbæjar, vegna leyfisveitinga.
Lagt fram minnisblað bæjarritara um umsagnir byggingarfulltrúa og eldvarnar-eftirlitsmanns Ísafjarðarbæjar, vegna leyfisveitinga til neðangreindra gisti- og eða veitingastaða.
Hótel Sandafell, Þingeyri. - Endurnýjun á rekstrarleyfi. 2011-05-0055.
Í umsögnum byggingarfulltrúa og eldvarnareftirlitsmanns Ísafjarðarbæjar kom ekki fram neinar athugasemdir við veitingu rekstrarleyfis.
Orkusteinn ehf., Hafnarstræti 8, Ísafirði. - Rekstrarleyfi fyrir gistiheimili.
2011-05-0046.
Í umsögnum byggingarfulltrúa og eldvarnareftirlitsmanns Ísafjarðarbæjar kom ekki fram neinar athugasemdir við veitingu rekstrarleyfis.
Slétt og slitrótt ehf., Ísafirði. - Endurnýjun og breyting á rekstrarleyfi.
2011-05-0045.
Í umsögnum byggingarfulltrúa og eldvarnareftirlitsmanns Ísafjarðarbæjar kom ekki fram neinar athugasemdir við veitingu rekstrarleyfis.
Talisman - Fisherman Hótel, Suðureyri. - Endurnýjun á rekstrarleyfi.
2011-05-0051.
Í umsögnum byggingarfulltrúa og eldvarnareftirlitsmanns Ísafjarðarbæjar koma ekki fram neinar athugasemdir við veitingu rekstrarleyfis.
Bæjarráð leggur til við bæjarstjórn að ekki verði gerðar athugasemdir við ofangreindar leyfisveitingar.
9. Minnisblað bæjarritara. - Undirskriftarlisti frá íbúum í Holtahverfi vegna
ástands leikvallar í hverfinu. 2011-06-0052.
Lagt fram minnisblað bæjarritara dagsett 16. júní sl., ásamt undirskriftarlistum frá íbúum í Holtahverfi á Ísafirði, þar sem bent er á ástand leikvallar, sem staðsettur er í Holtahverfi. Óskað er úrbóta og að leikvöllurinn sér þannig úr garði gerður, að hann verði barnvænn og skemmtilegur fyrir börn á öllu aldri.
Bæjarráð þakkar bréf íbúasamtaka Holtahverfis og vísar málinu til úrvinnslu hjá umhverfis- og eignarsviði Ísafjarðarbæjar.
10. Áhorfendastúka við Torfnesvöll, Ísafirði. 2011-06-0053.
Lagt fram bréf dagsett 16. júní sl., frá fimm einstaklingum fyrir hönd óstofnaðs eignarhaldsfélags, þar sem rætt er um byggingu áhorfendastúku við Torfnesvöll á Ísafirði og úthlutun byggingalóðar. Bréfið er undirritað af Jóhanni Torfasyni, Jóni Páli Hreinssyni, Guðmundi Valdimarssyni, Svavari Guðmundssyni og Samúel Samúelssyni.
Bæjarráð vísar málinu til umræðu í bæjarstjórn og til íþrótta- og tómstundanefndar.
Fleira ekki gert, fundarbókun upp lesin og samþykkt. Fundi slitið kl. 08:46.
Þorleifur Pálsson, ritari.
Eiríkur Finnur Greipsson, formaður bæjarráðs.
Albertína F. Elíasdóttir.
Arna Lára Jónsdóttir.
Daníel Jakobsson, bæjarstjóri.