Bæjarráð - 747. fundur - 23. apríl 2012
Þetta var gert:
1. Erindi frá fjölskyldusviði Ísafjarðarbæjar. - Trúnaðarmál.
Lagt fram trúnaðarmál frá fjölskyldusviði Ísafjarðarbæjar og fært til bókar í trúnaðarmálabók bæjarráðs Ísafjarðarbæjar.
2. Fundargerðir nefnda.
Félagsmálanefnd 17/4. 367. fundur.
Fundargerðin er í níu liðum.
5. liður. Bæjarráð leggur til við bæjarstjórn að tillagan verði samþykkt og fjármagnið fundið innan viðkomandi sviðs.
Fundargerðin lögð fram til kynningar.
Fræðslunefnd 18/4. 319. fundur.
Fundargerðin er í sex liðum.
5. liður. Bæjarráð óskar eftir minnisblaði um stöðu mála vegna inntöku barna á leikskóla í Ísafjarðarbæ. Erindið tekið fyrir að nýju
er minnisblaðið liggur fyrir.
Fundargerðin lögð fram til kynningar.
Hafnarstjórn 17/4. 159. fundur.
Fundargerðin er í tveimur liðum.
Fundargerðin lögð fram til kynningar.
Nefnd um sorpmál í Ísafjarðarbæ 18/4. 20. fundur.
Fundargerðin er í tveimur liðum.
Fundargerðin lögð fram til kynningar.
Umhverfisnefnd 18/4. 373. fundur.
Fundargerðin er í sautján liðum.
Fundargerðin lögð fram til kynningar.
3. Minnisblað bæjarritara. - Samstarfssamningar við Héraðssamband Vestfirðinga. 2012-03-0068.
Lagt fram minnisblað bæjarritara dagsett 20. apríl sl., þar sem greint er frá afgreiðslu bæjarráðs á 746. fundi sínum þann 16. apríl sl., á drögum að samstarfssamningum Héraðssambands Vestfirðinga og Ísafjarðarbæjar.
Bæjarráð samþykkir á ofangreindum fundi sínum, að taka drög að samningum við Héraðssamband Vestfirðinga aftur fyrir á næsta fundi bæjarráðs og liggja þau því hér fyrir bæjarráði á ný.
Bæjarráð samþykkir að bæjarstjóri gangi frá endanlegum samningi, er síðan verði lagður fyrir næsta fund bæjarráðs.
4. Minnisblað formanns bæjarráðs. - MS hópurinn. 2011-10-0050.
Lagt fram til kynningar minnisblað Eiríks Finns Greipssonar, formanns bæjarráðs, dagsett þann 23. apríl sl., er fjallar um þróun mála í samskiptum bæjaryfirvalda, landbúnaðarráðuneytis, bænda á norðanverðum Vestfjörðum og forsvarsmanna mjólkuriðnaðarins vegna starfsemi mjólkurstöðvarinnar á Ísafirði.
5. Bréf sviðsstjóra umhverfis- og eignasviðs Ísafjarðarbæjar. - Almenningssamgöngur í Ísafjarðarbæ 2012-2016. 2012-02-0018.
Lagt fram bréf frá Jóhanni Birki Helgasyni, sviðsstjóra umhverfis- og eignasviðs Ísafjarðarbæjar, dagsett 20. apríl sl., er fjallar um almenningssamgöngur í Ísafjarðarbæ og skólaakstur í Skutulsfirði 2012-2016. Í niðurlagi bréfsins kemur fram, að núverandi samningar renna út um mánaðamótin maí-júní n.k. og því þarf að bjóða verkið út sem allra fyrst.
Bæjarráð felur bæjarstjóra að svara spurningum sviðsstjóra í ofangreindu bréfi með tilvísun til umræðna í bæjarráði.
6. Bréf sviðsstjóra umhverfis- og eignasviðs Ísafjarðarbæjar. - Útboð á sorphirðu stofnana Ísafjarðarbæjar. 2012-01-0071.
Lagt fram bréf frá Jóhanni Birki Helgasyni, sviðsstjóra umhverfis- og eignasviðs Ísafjarðarbæjar dagsett 20. apríl sl., er fjallar um útboð á sorphirðu stofnana Ísafjarðarbæjar og niðurstöður þess útboðs.
Bæjarráð staðfestir samkomulag við Kubb ehf., um sorphirðu stofnana Ísafjarðarbæjar.
7. Bréf velferðarráðuneytis. - Úthlutun úr Framkvæmdasjóði aldraðra 2012. 2012-01-0081.
Lagt fram bréf frá velferðarráðuneytinu dagsett 12. apríl sl., þar sem fram kemur að Ísafjarðarbæ hefur verið úthlutað kr. 100.000.- úr Framkvæmdasjóði aldraðra, með tilvísun til umsóknar Ísafjarðarbæjar.
Lagt fram til kynningar.
8. Bréf Jóhönnu G. Kristjánsdóttur, Flateyri. - Svarta pakkhúsið á Flateyri. 2012-03-0086.
Lagt fram bréf frá Jóhönnu G. Kristjánsdóttur, Flateyri, dagsett 12. apríl sl., þar sem hún fyrir hönd vinnuhóps um sýningu í Svarta pakkhúsinu Flateyri, ítrekar mikilvægi þess, að haldið sé áfram framkvæmdum við endurbætur og frágang á húsinu.
Bæjarráð vísar bréfi Jóhönnu G. Kristjánsdóttur til sviðsstjóra umhverfis- og eignasviðs til vinnslu.
9. Bréf ríkisskattstjóra. - Staðfesting á útsvarsprósentu. 2012-04-0030.
Lagt fram bréf frá ríkisskattstjóra dagsett 13. apríl sl., þar sem fjallað er um staðfestingu á útsvarsprósentu við álagningu 2012 á tekjur ársins 2011.
Bæjarráð staðfestir útsvarsprósentu Ísafjarðarbæjar.
10. Bréf Gunnars B. Guðmundssonar. - Varðar jörðina Neðri-Mið-Hvamm í Dýrafirði. 2012-04-0041.
Lagt fram bréf frá Gunnari B. Guðmundssyni dagsett 17. apríl sl., er fjallar um hugsanleg makaskipti á eignarhlutum innan jarðarinnar Neðri-Mið-Hvamms í Dýrafirði á milli núverandi eigenda. Sé landið í heild sinni um 197.000 m2 þá er hlutur Ísafjarðarbæjar hátt í 50.000 m2.
Bæjarráð vísar erindinu til umhverfisnefndar og umhverfis- og eignasviðs Ísafjarðarbæjar.
11. Bréf Framkvæmdasjóðs Skrúðs. - Ósk um tilnefningu fulltrúa í Framkvæmdasjóð Skrúðs. 2012-04-0032.
Lagt fram bréf frá Framkvæmdasjóði Skrúðs dagsett í apríl 2012 og undirritað af Brynjólfi Jónssyni, formanni. Í bréfinu er óskað eftir tilnefningu frá Ísafjarðarbæ, um fulltrúa í Framkvæmdasjóð Skrúðs, í stað Ragnheiðar Davíðsdóttur, sem óskað hefur eftir því að láta af störfum.
Bæjarráð leggur til við bæjarstjórn að Þórir Örn Guðmundsson, Þingeyri, verði fulltrúi Ísafjarðarbæjar í Framkvæmdasjóði Skrúðs.
12. Starfsendurhæfing Vestfjarða. - Boðun ársfundar. 2012-04-0031.
Lagt fram ársfundarboð Starfsendurhæfingar Vestfjarða, en fundurinn verður haldinn þann 25. apríl n.k. á Hótel Ísafirði og hefst kl. 12:00. Ársfundurinn er boðaður með dagskrá.
Lagt fram til kynningar.
Fleira ekki gert, fundarbókun upp lesin og samþykkt. Fundi slitið kl. 9:10.
Þorleifur Pálsson, ritari.
Eiríkur Finnur Greipsson, formaður bæjarráðs.
Albertína F. Elíasdóttir,
Arna Lára Jónsdóttir.
Daníel Jakobsson, bæjarstjóri.