Bæjarstjórn

Tillaga forseta um kosningu forseta og varaforseta bæjarstjórnar samkvæmt 7. gr. samþykkta um stjórn Ísafjarðarbæjar og fundarsköpum bæjarstjórnar.

Tillagan er sú að Sigríður Júlía Brynleifsdóttir verði kjörin forseti, Magnús Einar Magnússon fyrsti varaforseti og Jóhann Birkir Helgason annar varaforseti bæjarstjórnar.

Tillaga forseta um kosningu þriggja aðalfulltrúa og þriggja varafulltrúa í bæjarráð til eins árs, auk áheyrnarfulltrúa og varaáheyrnarfulltrúa, sbr. 27. gr. samþykkta um stjórn Ísafjarðarbæjar og fundarsköpum bæjarstjórnar. Jafnframt tillaga forseta um kosningu formanns og varaformanns bæjarráðs.

Tillaga forseta er að Gylfi Ólafsson, Nanný Arna Guðmundsdóttir og Kristján Þór Kristjánsson verði kosin aðalfulltrúar, og Magnús Einar Magnússon, Sigríður Júlía Brynleifsdóttir og Elísabet Samúelsdóttir verði kosin varafulltrúar, auk þess sem Jóhann Birkir Helgason verði kosinn áheyrnarfulltrúi, og Steinunn Guðný Einarsdóttir verði kosin varaáheyrnarfulltrúi. Formaður yrði Gylfi Ólafsson og varaformaður Nanný Arna Guðmundsdóttir.

Tillaga forseta um að sumarleyfi bæjarstjórnar verði tveir mánuðir, júlí og ágúst 2023, og að bæjarstjórn komi saman til fyrsta fundar að loknu sumarleyfi þann 7. september 2023.

Meðan á sumarleyfi bæjarstjórnar stendur fer bæjarráð með fullnaðarákvörðun mála samkvæmt 8. gr. samþykkta um stjórn Ísafjarðarbæjar og fundarsköpum bæjarstjórnar.

Tillaga forseta að dagsetningum bæjarstjórnarfunda september 2023 til og með júní 2024, samkvæmt minnisblaði Bryndísar Óskar Jónsdóttur, sviðsstjóra stjórnsýslu- og fjármálasviðs, dags. 13. júní 2023.

Tillaga frá 610. fundi skipulags- og mannvirkjanefndar, sem haldinn var 8. júní 2023, um að bæjarstjórn heimili óverulegar breytingar á deiliskipulagi við Tunguskeið skv. 2. mgr. 43. gr. skipulagslaga 123/2010, vegna fjölgunar lóða undir 6 íbúða raðhús, við götuna Bræðratungu.

Tillaga frá 610. fundi skipulags- og mannvirkjanefndar, sem haldinn var 8. júní 2023, um að bæjarstjórn heimili útgáfu lóðarleigusamnings undir fasteignina við Brekkugötu 56 á Þingeyri.

Tillaga frá 610. fundi skipulags- og mannvirkjanefndar, sem haldinn var 8. júní 2023, um að bæjarstjórn samþykki að úthluta Rakel Sylvíu Björnsdóttur lóðinni við Seljaland 23, Ísafirði, skv. umsókn, með þeim reglum sem í gildi eru og settar kunna að verða. Lóðarumsókn fellur úr gildi hafi framkvæmdir ekki hafist innan 12 mánaða frá úthlutun.

Tillaga frá 471. fundi velferðarnefndar, sem haldinn var þann 8. júní 2023, um að bæjarstjórn samþykki að sótt verði um þátttöku í tilraunaverkefninu ásamt þeim sveitarfélögunum sem spanna þjónustusvæði Heilbrigðisstofnunar Vestfjarða.

Lögð fram til kynningar fundargerð 1243. fundar bæjarráðs, en fundur var haldinn 5. júní 2023.

Fundargerðin er í sjö liðum.

Lögð fram til kynningar fundargerð 1244. fundar bæjarráðs, en fundur var haldinn 12. júní 2023.

Fundargerðin er í ellefu liðum.

Lögð fram til kynningar fundargerð 454. fundar fræðslunefndar, en fundur var haldinn 6. júní 2023.

Fundargerðin er í sex liðum.

Lögð fram til kynningar fundargerð 610. fundar skipulags- og mannvirkjanefndar, en fundur var haldinn 8. júní 2023.

Fundargerðin er í tíu liðum.

Lögð fram til kynningar fundargerð 471. fundar velferðarnefndar, en fundur var haldinn 8. júní 2023.

Fundargerðin er í sex liðum.