Skipulags- og mannvirkjanefnd

Fundargerðir hverfisráða Ísafjarðarbæjar, auk fundargerða fastanefnda, starfshópa og annarra nefnda sveitarfélagsins af fundum sem haldnir voru til og með ársins 2017 má finna undir aðrar fundargerðir
612. fundur 11. júlí 2023 kl. 09:30 - 11:15 í fundarsal bæjarstjórnar í Stjórnsýsluhúsinu á Ísafirði
Nefndarmenn
  • Sigríður Júlía Brynleifsdóttir formaður
  • Guðmundur Ólafsson varaformaður
  • Jóna Símonía Bjarnadóttir aðalmaður
  • Anton Helgi Guðjónsson aðalmaður
  • Þóra Marý Arnórsdóttir varamaður
Starfsmenn
  • Axel Rodriguez Överby sviðsstjóri umhverfis- og eignasviðs
  • Guðmundur Rafn Kristjánsson verkefnastjóri
Fundargerð ritaði: Guðmundur Rafn Kristjánsson verkefnastjóri
Dagskrá

1.Fyrirstöðugarður - Suðurtangi og Norðurtangi - 2023040012

Lögð fram umsókn um framkvæmdaleyfi vegna fyrirstöðugarðs við Norðurtanga, frá Hilmari Lyngmo hafnarstjóra f.h. hafna Ísafjarðarbæjar, dags. 19. júní 2023.
Jafnframt lagðir fram uppdrættir frá EFLU dags. 26. apríl 2023, grunnmynd og snið.
Framkvæmdin snýr að flutningi grjóts úr námu að garði og röðun í garð. Einnig skal taka upp og endurnýta grjót úr núverandi grjótvörn.
Skipulags- og mannvirkjanefnd leggur til við bæjarstjórn að gefið verði út framkvæmdaleyfi, á grundvelli breytingar á Aðalskipulagi Ísafjarðarbæjar 2008-2020 „Íbúðarbyggð á landfyllingu norðan Skutulsfjarðareyrar“, vegna fyrirstöðugarðs við Norðurtanga samkvæmt framlagðri umsókn og fylgigögnum.

Nefndin bendir á að framkvæmdasvæðið er í þéttri byggð sem og allar aðkomuleiðir. Því þarf sérstaklega að gæta að loftgæðum og mögulegri rykmyndun á framkvæmdatíma. Eins er lögð áhersla á takmörkun umferðarhraða og frágangs farms.

2.Ósk um breytingu á aðalskipulagi vegna Mjólkárlínu 2 - 2022090041

Lagt fram minnisblað frá Verkís, dags. 23. júní 2023, viðbrögð við athugasemdir og ábendingar eftir auglýsingu skipulagstillögu vegna breytingar á Aðalskipulagi Ísafjarðarbæjar 2008-2020 „Mjólkárlína 2“.
Skipulags- og mannvirkjanefnd hefur tekið athugasemdir og umsagnir, sem bárust á fyrri stigum, til efnislegrar meðferðar á fundum nr. 599 og 601. Athugasemdir nú, eftir auglýsingu, gefa ekki tilefni til að gerðar verði efnislegar breytingar á uppdrætti og greinargerð. Skipulagsfulltrúa er falið að svara umsögnum og athugasemdum með vísan í skjalið „MJ2 Umsagnir - auglýst tillaga“ dags. 23. júní 2023.

Skipulags- og mannvirkjanefnd leggur til við bæjarstjórn að aðalskipulagsbreytingin verði samþykkt óbreytt með vísan í 32. gr. skipulagslaga nr. 123/2010.

3.Aðalskipulag Ísafjarðarbæjar 2020-2032 - 2020070011

Endurskoðun Aðalskipulags Ísafjarðarbæjar 2020-2032. Fjarfundur með Arkís vegna vinnu við endurskoðun aðalskipulagsins.
Skipulags- og mannvirkjanefnd þakkar Arkís fyrir góða kynningu og stöðumat á endurskoðun Aðalskipulags Ísafjarðarbæjar 2020-2032.
Ráðgert er að nefndin og ráðgjafar haldi vinnufund í september nk.
Gestir yfirgáfu fundinn kl. 10:20

Gestir

  • Edda Einarssdóttir - mæting: 10:00
  • Björn Guðbrandsson - mæting: 10:00
  • Þorvarður Lárus Björgvinsson - mæting: 10:00

4.Hafnarbakki 1 Flateyri. Umsókn um lóð - 2023070017

Lögð fram umsókn Guðfinnu Hinriksdóttur, dags. 3. júlí 2023, um lóðina við Hafnarbakka 1 á Flateyri. Jafnframt lagt fram gildandi deiliskipulag „Flateyri: Flateyraroddi, iðnaðar- og hafnarsvæði“ frá 1999.

Samkvæmt deiliskipulagi er gert ráð fyrir iðnaðarhúsnæði á einni hæð, mesta vegghæð 4,0 m og hámarksnýtingarhlutfall 0,25 á lóðinni.
Skipulags- og mannvirkjanefnd leggur til við bæjarstjórn að úthluta Guðfinnu Hinriksdóttur lóðina við Hafnarbakka 1 á Flateyri, samkvæmt umsókn, með þeim reglum sem í gildi eru og settar kunna að verða.
Lóðarumsókn fellur úr gildi hafi framkvæmdir ekki hafist innan 12 mánaða frá úthlutun.

5.Rafhleðslustöðvar við Tjaldsvæðið í Tungudal - 2023060133

Lagður fram tölvupóstur, dags. 23. júní 2023, frá Gauti Ívari Halldórssyni með ósk um að sveitarfélagið leggi rafmagnsheimtaug, að bílastæðum við Tjaldsvæðið í Tungudal, vegna uppsetningar á rafhleðslustöðvum.
Skipulags- og mannvirkjanefnd felur starfsmanni tæknideildar að vinna málið áfram í samvinnu við Orkubú Vestfjarða.

7.Mótorsport í Ísafjarðarbæ - 2023050106

Á 241. fundi íþrótta- og tómstundanefndar, þann 17. maí 2023, var lagt fram erindi frá Georg Val Ívarssyni dags. 7. maí 2023 varðandi aðstöðu til að iðka mótorsport í Ísafjarðarbæ.

Íþrótta- og tómstundanefnd bókaði að hún fagnaði umræðunni um bætta aðstöðu fyrir mótorsport en telur að svæði við Kofra sé ekki ákjósanlegur kostur vegna nálægðar við íbúðarhverfi. Málinu vísað til skipulags- og mannvirkjanefndar.
Skipulags- og mannvirkjanefnd fagnar frumkvæðinu og bendir á að svona erindi ættu að fara í gegnum HSV.

8.Frisbígolfvöllur - 2022080054

Á 242. fundi íþrótta- og tómstundanefndar, þann 21. júní 2023, var lagt fram erindi frá Hákoni Guðjónssyni, f.h. frisbígolffélagsins Nökkva, dags. 20. maí 2023 varðandi aðstöðu til að stunda frisbígolf á Ísafirði.

Íþrótta- og tómstundanefnd vísaði málinu til skipulags- og mannvirkjanefndar.
Skipulags- og mannvirkjanefnd felur starfsmanni að vinna málið áfram í samvinnu við Nökkva.

9.Afgreiðslufundir byggingarfulltrúa - 67 - 2306014F

Lögð fram fundargerð 67. afgreiðslufundar byggingarfulltrúa sem var haldinn 30. júní 2023.
Lagt fram til kynningar.

Fundi slitið - kl. 11:15.

Er hægt að bæta efnið á síðunni?