Skipulags- og mannvirkjanefnd

Garðar Sigurgeirsson, f.h. Skeiðs ehf. og Vestfirskra verktaka ehf., mætir til fundar við nefndina vegna óska þeirra um sex lóðir á Ísafirði fyrir byggingu fjölbýlishúsa, þ.e. 40-50 íbúðir. Sótt er um lóð við Hafnarstræti 15 og 17 (sameinaðar), Pollgötu 2, Pollgötu 6, lóð að horni Suðurgötu og Njarðarsunds, og lóð að horni Mjósunds og Aðalstrætis.

Vegna umsóknar Skeiðs ehf. um stofnframlag hefur sveitarfélagið tekið yfir umsókn fyrirtækisins og mun nýta framlag HMS til óstofnaðs félags á vegum nokkurra sveitarfélaga í kring um landið, þarf vilyrði fyrir lóð vegna styrkveitingar.

Lagt fram bréf Peters Weiss, forstöðumanns Háskólaseturs Vestfjarða, og Sigríðar Ólafar Kristjánsdóttur, framkvæmdastjóra Vestfjarðastofu, dagsett 25. janúar 2022, vegna húsnæðismála nemenda við Háskólasetur.

Bæjarráð vísar inn í skipulags- og mannvirkjanefnd endurskoðun samþykktar um gatnagerðargjald, stofngjald vatnsveitu, stofngjald holræsa og byggingarleyfisgjald í Ísafjarðarbæ, skv. erindi frá Daníel Jakobssyni, formanns bæjarráðs og bæjarfulltrúa Sjálfstæðisflokks sem barst með tölvupósti dags. 28. janúar 2022, auk greinargerðar um málið.

Á 1185. fundi bæjarráðs, þann 31. janúar 2022, var málið tekið fyrir að beiðni Daníels Jakobssonar, formanns bæjarráðs og bæjarfulltrúa Sjálfstæðisflokks. Var lagður fram tölvupóstur Daníels Jakobssonar, dags. 28. janúar 2022, þar sem fram kemur sú tillaga að skipulagsnefnd verði falið að endurskoða samþykkt um gatnagerðargjald, stofngjald vatnsveitu, stofngjald holræsa og byggingarleyfisgjald í Ísafjarðarbæ, auk greinargerðar um málið. Bæjarráð samþykkti að skipulags- og mannvirkjanefnd yrði falið að taka til endurskoðunar samþykkt um gatnagerðargjald, stofngjald vatnsveitu, stofngjald holræsa og byggingarleyfisgjald í Ísafjarðarbæ, og vísaði málinu til nefndarinnar.

Sviðsstjóri umhverfis- og eignasviðs sækir um framkvæmdaleyfi f.h. Ísafjarðarbæjar vegna fjarlægingar þjónustuvegar í Kubba. Fylgigögn eru verklýsing frá Verkís, verðkönnunargögn frá Framkvæmdasýslu Ríkisins og uppdráttur frá Verkís dags. 11.05.2016

Lögð fram hönnunargögn frá Verkís ehf. vegna tillögu að bættri ásýnd miðbæjar Ísafjarðar.

Einar Valur Kristjánsson, fh. Hraðfrystihússins - Gunnvarar hf., óskar eftir að byggingarkvöð á Árnagötu 3 á Ísafirði verði aflétt. Við Árnagötu 3 stóð áður skipaþjónusta fyrirtækisins, en húsið brann til kaldra kola í desember 2017.

Verkís ehf., fyrir hönd eigenda Hraðfrystihússins Norðurtanga ehf. og Kerecis hf., sækir um viðbótarlóð við Sundstræti 36 og 38 á Ísafirði. Sundstræti 36 er á eignarlóð en 38 er nýstofnuð lóð undir bílastæði fyrirtækisins. Meðfylgjandi er umsókn frá desember 2020 ásamt mæliblöðum Tæknideildar frá janúar 2022 eftir uppskipti lóðarinnar Sundstræti 36 fyrir matshluta 01 og matshluti 02 sameinast tilheyrir Sundstræti 38 sem stækkar þar af leiðandi um 540 fermetra.

Sigurður Hafberg hjá Grænhöfða ehf. sækir um byggingarlóð undir atvinnuhúsnæði við Túngötu 5 á Flateyri. Fylgiskjöl er rafræn umsókn dags. 7. júní 2021 og mæliblað lóðarinnar L141206 á Flateyrarodda.

Elías Guðmundsson, f.h. Nostalgíu ehf., sækir um lóðir við Höfðastíg 4-9 á Suðureyri. Umsækjandi óskar eftir samvinnu Ísafjarðarbæjar við gerð lóðanna þar sem landfyllingu vantar á hluta svæðisins.

Ásta Guðrún Beck, lögfræðingur á fasteignasviði Þjóðkirkjunnar-biskupsstofu, óskar eftir stofnun lóðar úr landi jarðarinnar Holts í Önundarfirði.
Fyrirhugað er að lóðin verði leigð á lóðarleigu til Neyðarlínunnar ohf. sem hyggst sækja um að reisa þar fjarskiptaaðstöðu (mastur, tækjahús og vararafstöð). Fyrir liggja drög að lóðarleigusamningi til 40 ára milli aðila.

Þrjú ný starfsleyfi eru í vinnslu hjá Heilbrigðisnefnd Vestfjarða. Því óskar Heilbrigðiseftirlit Vestfjarða eftir staðfestingu á því hvort að eftirfarandi atvinnurekstur samræmist gildandi skipulagsskilmálum og samþykktri notkun fasteignar:

1.
Fisherman ehf- Aðalgata 15- 430 Suðureyri - F2511684 Reykhús
2.
Hampiðjan ísland ehf Suðurtanga 14- 400 Ísafjörður- F2515826 Nótaþvottastöð
3.
Silfurtorg Jógasetur Mávagarður D - 400 Ísafjörður - F2358055 Jógasetur líkamsrækt


Skv. 6.gr.reglugerðar nr 550/2018 um losun frá atvinnurekstri og menunarvarnareftirlit er eftirfarandi ákvæði -Nýr atvinnurekstur skal vera í samræmi við gildandi deiliskipulag. Deiliskipulag þarf þó ekki að vera til staðar vegna atvinnurekstrar, sbr. VII., IX. og X. viðauka, enda samrýmist starfsemin gildandi aðalskipulagi hvað varðar landnotkun og byggðaþróun og sé í samræmi við samþykkta notkun fasteignar. Útgefandi starfsleyfis skal leita umsagnar viðkomandi skipulagsfulltrúa og byggingarfulltrúa um þessa þætti.

Halldór Þórólfsson og Þórný María Heiðarsdóttir, lóðarhafar við Dagverðardal 17 sækja um stækkun lóðar undir fyrirhugað sumarhús sem verður reist sumarið 2022.
Búið er að steypa sökkla og reisa geymslu.
Meðfylgjandi er greinargerð með yfirlitsmynd sem sýnir aðstæður á lóðinni ásamt svæði sem sótt er um dagssett 27. janúar 2022.