Bæjarráð - 738. fundur - 20. febrúar 2012
Þetta var gert:
1. Þriggja ára áætlun Ísafjarðarbæjar og stofnana 2013-2015. 2011-08-0013.
Lögð fram drög að 3ja ára áætlun Ísafjarðarbæjar og stofnana fyrir árin 2013-2015 af Daníel Jakobssyni bæjarstjóra.
Lagt fram til kynningar nú, tekið fyrir aftur á næsta fundi bæjarráðs.
2. Fundargerðir nefnda.
Félagsmálanefnd 14/2. 365. fundur.
Fundargerðin er í tólf liðum.
7. liður. Bæjarráð þakkar skýrslu sviðsstjóra fjölskyldusviðs.
Fundargerðin lögð fram til kynningar.
Þjónustuhópur aldraðra 3/2. 69. fundur.
Fundargerðin er í fjórum liðum.
Fundargerðin lögð fram til kynningar.
3. Starfsmannastefna Ísafjarðarbæjar. - Skipan starfshóps til endurskoðunar. 2011-02-0053.
Lagt fram minnisblað Daníels Jakobssonar, bæjarstjóra, dagsett 17. febrúar sl., þar sem hann m.a. gerir tillögu um skipan starfshóps til að hefja endurskoðun á starfsmannastefnu Ísafjarðarbæjar, sem samþykkt var í bæjarstjórn Ísafjarðarbæjar þann 16. maí 2002. Starfshópinn skipi eftirtaldir.
Fulltrúar Ísafjarðarbæjar: Kristín Hálfdánsdóttir, formaður.
Kristján Andri Guðjónsson.
Fulltrúar starfsmanna: Ingibjörg Kjartansdóttir.
Rannveig Þorvaldsdóttir.
Starfsmenn með hópnum: Daníel Jakobsson, bæjarstjóri.
Hálfdán Bjarki Hálfdánsson, upplýsingafulltrúi.
Bæjarráð samþykkir tillögu bæjarstjóra um skipan starfshóps til endurskoðunar á starfsmannastefnu Ísafjarðarbæjar.
4. Bréf frá nefndasviði Alþingis, tillaga til þingsályktunar um samgönguáætlun 2011-2022. 2012-02-0026.
Lagt fram bréf frá nefndasviði Alþingis dagsett 3. febrúar sl., þar sem óskað er umsagnar þingsályktunar um samgönguáætlun 2011-2022.
Eftir umræður var málinu vísað til næsta fundar bæjarráðs.
5. Minnisblað. - Útboð á rekstri skíðasvæða Ísafjarðarbæjar. 2012-01-0029.
Lagt fram minnisblað er greinir frá umfjöllun bæjarráðs og íþrótta- og tómstundanefndar Ísafjarðarbæjar á drögum sviðsstjóra umhverfis- og eignasviðs á útboði á skíðasvæðum Ísafjarðarbæjar í Tungudal og á Seljalandsdal í Skutulsfirði.
Eftir umræður var ákveðið að taka málið upp aftur í bæjarráði.
6. Bréf Jöfnunarsjóðs sveitarfélaga. - Uppgjör framlaga 2011. 2010-12-0038.
Lagt fram bréf frá Jöfnunarsjóði sveitarfélaga dagsett 10. febrúar sl., er fjallar um uppgjör og yfirlit framlaga úr sjóðnum á árinu 2011.
Lagt fram til kynningar.
7. Mánaðarskýrsla Ísafjarðarbæjar febrúar 2012. 2011-11-0043.
Lögð fram mánaðarskýrsla Ísafjarðarbæjar fyrir febrúar 2012, unnin af Hálfdáni Bjarka Hálfdánssyni, upplýsingafulltrúa Ísafjarðarbæjar.
Bæjarráð þakkar skýrsluna, sem lögð er fram til kynningar í bæjarráði.
8. Bréf Samb. ísl. sveitarf. - XXVI. landsþing sambandsins. 2012-02-0059.
Lagt fram bréf frá Samb. ísl. sveitarf. dagsett 14. febrúar sl., þar sem greint er frá að XXVI. landsþing sambandsins verður haldið föstudaginn 23. mars 2012 á Hótel Reykjavík Natura. Í bréfinu er sérstaklega bent á að sveitarfélög þurfi að kanna hvort breytingar hafi orðið á kjörnum fulltrúum þeirra á landsþing.
Lagt fram til kynningar.
9. Bréf Skógræktarfélags Ísafjarðar. - Krafa um bætur. 2011-10-0053.
Lagt fram bréf frá Skógræktarfélagi Ísafjarðar dagsett 9. febrúar sl., þar sem gerð er krafa um bætur á trjágróðri vegna fyrirhugaðra framkvæmda ofan Urðarvegar á Ísafirði.
Bæjarráð vísar erindinu til umhverfisnefndar Ísafjarðarbæjar.
10. Menntaskólinn á Ísafirði. - 127. fundargerð skólanefndar.
Lögð fram fundargerð skólanefndar Menntaskólans á Ísafirði frá 127. fundi er haldinn var á skrifstofu skólameistara þann 13. febrúar sl.
Lagt fram til kynningar.
11. Rekstrarstjórn Stjórnsýsluhúss. - Ársreikningur 2011. 2011-11-0067.
Lagður fram rekstrar- og efnahagsreikningur rekstrarstjórnar Stjórnsýsluhúss fyrir starfsárið 2011. Reikningurinn er undirritaður af formanni stjórnar og gjaldkera.
Lagt fram til kynningar.
Fleira ekki gert, fundarbókun upp lesin og samþykkt. Fundi slitið kl. 9:00.
Þorleifur Pálsson, ritari.
Eiríkur Finnur Greipsson, formaður bæjarráðs.
Albertína Elíasdóttir.
Arna Lára Jónsdóttir.
Daníel Jakobsson, bæjarstjóri.