Ísafjarðarbær

Félagsstarf fyrir eldri borgara á Flateyri opnar á Bryggjukaffi mánudaginn 26. janúar. Starfið verður í boði á mánudögum og fimmtudögum kl. 13-16.

Íbúar og starfsfólk Ísafjarðarbæjar er hvatt til þátttöku í Lífshlaupinu sem hefst þann 1. febrúar 2026.

Skrifstofur velferðarsviðs Ísafjarðarbæjar í Stjórnsýsluhúsinu á Ísafirði flytja tímabundið á efri hæðina á Sindragötu 7, í húsnæði Ístækni (áður Skaginn 3X), vegna framkvæmda í Stjórnsýsluhúsinu. Reiknað er með að velferðarsvið opni aftur í Stjórnsýsluhúsinu þann 20. febrúar 2026.

Opið hús verður haldið um skipulagsbreytingar og framkvæmdir vegna fyrirhugaðs Eyrarkláfs í Edinborgarhúsinu á Ísafirði, mánudaginn 26. janúar 2026 kl. 17:00 til 19:00.

Álagningarseðlar fasteignagjalda 2026 hafa verið birtir. Hægt er að fá aðstoð eða gera athugasemdir við innheimtu með því að senda tölvupóst á innheimta@isafjordur.is eða hringja í síma 450 8000. Kærufrestur á álagningu er til 28. febrúar 2026.

Afgreiðsla Ísafjarðarbæjar og skrifstofur stjórnsýslu- og fjármálasviðs flytja aftur í Stjórnsýsluhúsið á Ísafirði mánudaginn 19. janúar. Vegna flutninganna verður afgreiðslan lokuð á mánudeginum en opnar aftur kl. 10 þriðjudaginn 20. janúar.

Kynnt er vinnslutillaga deiliskipulagsbreytinga á hlíðinni neðan ytri hluta Gleiðarhjalla. Markmið með breytingunni er að minnka svæðið og gera ný skipulagsmörk á uppdrætti.

Bæjarstjórn birtir til kynningar vinnslutillögu á nýju deiliskipulagi Eyrarkláfs. Deiliskipulagstillagan nær til afþreyingar- og ferðamannasvæðis við rætur Eyrarfjalls sem teygir sig upp fjallshlíðina og á topp fjallsins.