Lagt fram bréf frá bæjarverkfr. v/ upplýsingar um útilistaverk bæjarins og verkið "Úr álögum" eftir Einar Jónsson sem bærinn hefur fengið að gjöf.

Nefndin leggur til að verkið verði flutt til bæjarins og undirbúin uppsetning þess. Nefndin óskar eftir kostnaðaráætlun tæknideildar v/ uppsetningu verksins.

Lagt fram bréf frá Sunnukórnum v/ Grænlandsferð, þar sem upplýst er að ekkert verði af ferðinni.

Lagt fram bréf frá Agli Egilssyni þar sem fram kemur, að styrk Menningarráðs til Fjöllistahópsins hafi verið skilað, enda varð ekkert af hátíðinni.

Tilkynning: Alþjóðlegt dúkkusafn á Flateyri - fram kom að þetta safn hefur þegar verið sett upp í gamla sparisjóðnum á Flateyri.

Nefndin vekur athygli á því að 46. fundur menninganefndar 1. júlí s.l., hafi ekki verið á dagskrá bæjarstjórnar 3. sept. s.l. eins og eðlilegt væri.

Farið yfir afgreiðslu ýmissa mála í fundargerðum bæjarráðs v/ málefni, sem að mati nefndarinnar heyra undir hana. Rætt um verkefni nefndarinnar og menningarfulltrúa.

Nefndin samþykkir eftirfarandi bókun:

Bæjaryfirvöld hafa að undanförnu ítrekað tekið mál, sem heyra undir starfssvið menningarnefndar, til endanlegrar afgreiðslu án þess að menningarnefnd hafi fengið þau til umfjöllunar og umsagnar svo sem vera ber.
Menningarnefnd mótmælir þessum vinnubrögðum og fer fram á að stjórnskipulag bæjarins sé virt þannig að öllum málum, sem heyra undir starfssvið menningarnefndar, verði vísað til nefndarinnar áður en til endanlegrar afgreiðslu þeirra kemur.

Tilkynnt að skrifstofa menningarfulltrúa hefði verið flutt í stjórnsýsluhúsið á Ísafirði.

Nefndin fagnar þessum áfanga.