Hagnýtar upplýsingar

20170804-_dsc2100.jpg

Hagnýtar upplýsingar fyrir nýja íbúa í Ísafjarðarbæ.

Umsóknir og eyðublöð

Unnið er að því að koma öllum umsóknum og eyðublöðum á rafrænt form og, eftir því sem við á, setja inn í íbúagáttina rafrænn Ísafjarðarbær. Þar má nú þegar finna umsóknir um leyfi til dýrahalds, umsóknir um ýmsa félagslega þjónustu, leikskólaumsóknir, umsókn um dægradvöl, skráningu í grunnskóla og umsóknir um störf í Vinnuskóla Ísafjarðarbæjar. Þar má einnig finna ýmsar umsóknir um styrki. Skráning inn á rafrænan Ísafjarðarbæ er gerð með því að nota rafræn skilríki eða íslykil.

Flutningur á lögheimili

Flutningur á lögheimili er tilkynntur rafrænt á vef Þjóðskrár. Einnig er hægt að tilkynna flutning með því að mæta í afgreiðslu Þjóðskrár Íslands í Reykjavík eða á Akureyri eða fylla út eyðublað sem má fá í afgreiðslu á bæjarskrifstofum Ísafjarðarbæjar.

Upplýsingagjöf til íbúa

Undir flokknum „íbúar“ hér á isafjordur.is er urmull af gagnlegum upplýsingum um þjónustu sem stendur íbúum til boða, svo sem:

Undir flokknum „stjórnsýsla“ má meðal annars finna eyðublöð og gjaldskrár sveitarfélagsins. Á forsíðunni eru einnig upplýsingar um laus störf í sveitarfélaginu.

Tilkynningar og fréttir frá sveitarfélaginu eru settar inn á fréttasíðu hér á vefnum og á Facebooksíðu Ísafjarðarbæjar. Þegar koma þarf út skilaboðum til íbúa á afmörkuðu svæði með hraði, t.d. þegar taka þarf vatn af hverfum eða íbúar þurfa að færa bíla vegna snjóhreinsunar er notast við SMS-kerfi frá símaskrá 1819.is. Það er því mikilvægt að íbúar séu skráðir þar á rétt heimilisfang svo þeir fái þessi skilaboð.

Aðrar gagnlegar upplýsingar

Eins og annars staðar leikur Facebook nokkuð stórt hlutverk í að tengja fólk saman og eru margir áhugaverðir hópar í boði á vegum einstaklinga í bænum, t.d. Ísafjarðarmarkaðurinn sem er eins konar rafrænn flóamarkaður, Lánum og fáum lánað - Ísafjörður og nágrenni og Auglýsingatafla Ísafjarðar og nágrennis

Var efnið á síðunni hjálplegt?