Velferðarsvið Ísafjarðarbæjar - Forstöðumaður búsetuþjónustu

Velferðarsvið Ísafjarðarbæjar auglýsir laust til umsóknar 100% starf forstöðumanns í sólarhringsþjónustu (búsetu) fyrir fatlað fólk. Um er að ræða fjölbreytt og áhugavert starf. Næsti yfirmaður er deildarstjóri málefna fatlaðra á velferðarsviði Ísafjarðarbæjar. Æskilegast er að viðkomandi geti hafið störf þann 1. mars 2019 eða eftir nánara samkomulagi.

Meginverkefni

  • Ábyrgð á rekstri og skipulagningu á þjónustu búsetunnar.
  • Ábyrgð á innra starfi, starfsmannamálum, samskiptum við þjónustuþega, aðstandendur og samstarfsstofnanir.
  • Ábyrgð á áætlanagerð í búsetuþjónustu í samræmi við stefnu Ísafjarðarbæjar.
  • Þátttaka í stefnumótun þjónustu velferðarsviðs Ísafjarðarbæjar.

Menntun og hæfniskröfur

  • Háskólamenntun í þroskaþjálfafræði.
  • Reynsla og þekking á málefnum fatlaðra.
  • Reynsla og þekking á stjórnun æskileg.   
  • Frumkvæði, drift og skipulagshæfni.
  • Góð hæfni í mannlegum samskiptum.
  • Góð íslenskukunnátta og tjáning í ræðu og riti.

 

Launakjör eru samkvæmt samningum launanefndar sveitarfélaga við Þroskaþjálfafélag Íslands.

Umsóknarfrestur er til og með  23. janúar 2019. Umsóknir, ásamt ferilskrá og kynningarbréfi, skulu sendar til Baldurs Inga Jónassonar, mannauðsstjóra Ísafjarðarbæjar á netfangið baldurjo@isafjordur.is. Umsókn getur gilt í 6 mánuði.

Nánari upplýsingar veitir Þóra Marý Arnórsdóttir, deildarstjóri málefna fatlaðra á velferðarsviði, í síma 450-8000 eða í gegnum tölvupóst; thoraar@isafjordur.is.  

Öllum umsóknum verður svarað þegar ákvörðun um ráðningu hefur verið tekin. Við hvetjum konur jafnt sem karla til að sækja um starfið.

 

-Við þjónum með gleði til gagns-

Var efnið á síðunni hjálplegt?