Sýslumaðurinn á Vestfjörðum - Skrifstofumaður á Ísafirði

Laus er til umsóknar staða þjónustufulltrúa hjá Sýslumanninum á Vestfjörðum á skrifstofu embættisins Ísafirði. Um fullt starf er að ræða tímabundið til 9 mánaða, með möguleika á framlengingu. Umsækjandi þarf að geta hafið störf sem fyrst.

Helstu verkefni eru afgreiðsla, símsvörun, almenn skrifstofu- og ritarastörf og önnur tilfallandi verkefni sem embættið annast. Sjá má upplýsingar um helstu verkefni embættisins á vef sýslumanna, www.syslumenn.is

Óskað er eftir einstaklingi sem er skipulagður, býr yfir góðri almennri tölvufærni, íslensku-og enskukunnáttu. Nauðsynlegt er að umsækjandi sé jákvæður, þjónustulundaður, eigi gott með samskipti og geti unnið undir álagi.

Starfskjör fara eftir kjarasamningi ríkisins og SFR - Stéttarfélagi í almannaþjónustu. Karlar jafnt sem konur eru hvött til að sækja um. Umsókn fylgi náms- og starfsferilsskrá.

Frekari upplýsingar veita Jónas Guðmundsson, sýslumaður, netfang jg@syslumenn.is og Helga Dóra Kristjánsdóttir, starfsmannastjóri, netfang hdk@syslumenn.is, bæði s. 458 2400.

Umsóknir ásamt ferilskrá skulu berast embættinu í síðasta lagi 1. október nk. í ofangreind netföng.

Öllum umsóknum verður svarað þegar ákvörðun um ráðningu hefur verið tekin. Umsókn getur gilt í 6 mánuði.

Embætti sýslumannsins á Vestfjörðum var stofnað við sameiningu fjögurra embætta sýslumanna á Vestfjörðum 1. janúar 2015 og er starfssvæði þess allir Vestfirðir. Starfsmenn eru 18 og skrifstofur þrjár.

Var efnið á síðunni hjálplegt?