Leikskólinn Sólborg Ísafirði – Leikskólakennarar

Leikskólinn Sólborg á Ísafirði auglýsir laus til umsóknar 100% störf leikskólakennara. Sólborg er fimm deilda leikskóli sem starfar eftir hugmyndafræði Reggio Emilia en í skólanum eru um 115 börn. Ein deildin er fimm ára deild sem staðsett er í húsnæði Tónlistarskóla Ísafjarðar.

Starfsumhverfið er lifandi og störfin mjög skemmtileg og gefandi. Gert er ráð fyrir að viðkomandi geti hafið störf 4. ágúst 2020 eða eftir nánara samkomulagi.

Helstu verkefni og ábyrgð:

  • Að vinna að uppeldi og menntun leikskólabarna samkvæmt starfslýsingu, þ.m.t. að taka þátt í skipulagningu faglegs starfs og foreldrasamstarfi.

Hæfnikröfur:

  • Leikskólakennaramenntun
  • Jákvæðni og lipurð í samskiptum
  • Frumkvæði í starfi
  • Sjálfstæð og skipulögð vinnubrögð
  • Reynsla af uppeldis- og kennslustörfum með ungum börnum æskileg
  • Góð íslenskukunnátta

Til greina kemur að ráða umsækjanda með aðra uppeldismenntun eða starfsmann leikskóla ef ekki fæst leikskólakennari. Þá verður um að ræða tímabundna ráðningu til eins árs.

Launakjör eru samkvæmt samningum launanefndar sveitarfélaga við viðkomandi stéttarfélag.

Umsóknir skulu sendar til Helgu Bjarkar Jóhannsdóttur leikskólastjóra á netfangið solborg@isafjordur.is. Með umsókn skal fylgja starfsferilskrá og leyfisbréf. Umsóknarfrestur um störfin er til 10. apríl 2020.

Nánari upplýsingar veitir Helga Björk í síma 450-8285 eða í gegnum tölvupóst. Við hvetjum bæði konur og karla til að sækja um störfin. Umsókn getur gilt í 6 mánuði. Öllum umsóknum verður svarað þegar ákvörðun um ráðningu hefur verið tekin.

-Við þjónum með gleði til gagns-

Var efnið á síðunni hjálplegt?