Leikskólinn Sólborg Ísafirði - Leikskólakennarar

Leikskólinn Sólborg á Ísafirði auglýsir laus til umsóknar 75-100% störf leikskólakennara. Gert er ráð fyrir að viðkomandi geti hafið störf 13. ágúst 2018. Sólborg er fimm deilda leikskóli sem starfar eftir hugmyndafræði Reggio Emilia en í skólanum eru um 115 börn. Ein deildin er fimm ára deild sem staðsett er í húsnæði Tónlistarskóla Ísafjarðar. Um er að ræða mjög skemmtileg og gefandi störf í lifandi starfsumhverfi.

Helstu verkefni og ábyrgð:

  • Að vinna að uppeldi og menntun leikskólabarna samkvæmt starfslýsingu, þ.m.t. að taka þátt í skipulagningu faglegs starfs og foreldrasamstarfi.

Hæfnikröfur:

  • Leikskólakennaramenntun
  • Jákvæðni og lipurð í samskiptum
  • Frumkvæði í starfi og sveigjanleiki
  • Sjálfstæð og skipulögð vinnubrögð
  • Reynsla af uppeldis- og kennslustörfum með ungum börnum æskileg
  • Góð íslenskukunnátta

Til greina kemur að ráða umsækjendur með aðra uppeldismenntun eða starfsmenn leikskóla ef ekki  fást leikskólakennarar. Þá verður um að ræða tímabundna ráðningu til eins árs.

Launakjör eru samkvæmt samningum launanefndar sveitarfélaga við viðkomandi stéttarfélag.

Umsóknarfrestur um störfin er til 26. júní 2018. Umsóknir skulu sendar til Helgu Bjarkar Jóhannsdóttur leikskólastjóra á netfangið solborg@isafjordur.is. Með umsókn skal fylgja starfsferilskrá og leyfisbréf.

Nánari upplýsingar veitir Helga Björk, í síma 450-8285 eða í gegnum tölvupóst. Við hvetjum bæði konur og karla til að sækja um störfin. Öllum umsóknum verður svarað þegar ákvörðun um ráðningu hefur verið tekin.

-Við þjónum með gleði til gagns-

Var efnið á síðunni hjálplegt?