Laust starf hjá umhverfis- og eignasviði Ísafjarðarbæjar - Verkefnastjóri á tæknideild

Umhverfis- og eignasvið Ísafjarðarbæjar auglýsir laust til umsóknar 100% starf verkefnastjóra á tæknideild sviðsins. Um er að ræða fjölbreytt og áhugavert starf í vaxandi sveitarfélagi. Leitað er eftir öflugum og drífandi einstaklingi sem sýnir metnað og frumkvæði í starfi. Æskilegt er að viðkomandi geti hafið störf sem fyrst.

Helstu verkefni:

  • Samskipti og miðlun upplýsinga um byggingamál til bæjarbúa og annarra viðskiptavina sveitarfélagsins og aðila í stjórnsýslu sveitarfélagsins.
  • Yfirferð aðaluppdrátta.
  • Gerð grunngagna vegna byggingargjaldareikninga til fjármáladeildar í tengslum við útgáfu byggingarleyfa.
  • Byggingaeftirlit og áfangaúttektir.
  • Útgáfa og eftirlit með stöðuleyfum.
  • Skýrslugerð um byggingarmál fyrir opinbera aðila.
  • Viðhald fasteignagrunns og samráð við fjármáladeild vegna álagningar fasteignagjalds.
  • Umsjón og eftirlit með útboðsverkefnum.
  • Gerð kostnaðaráætlana.

Menntun og hæfni:

  • Háskólamenntun sem nýtist í starfi, s.s. byggingafræði, tæknifræði, verkfræði, skipulagsfræði eða arkitekt
  • Þekking og reynsla af byggingarmálum
  • Þekking á þeim lögum og reglugerðum sem gilda um málaflokkinn
  • Þekking og reynsla af opinberri stjórnsýslu er kostur
  • Góð skipulags- og samskiptafærni
  • Góð almenn tölvukunnátta
  • Góð íslenskufærni í ræðu og riti, önnur tungumál kostur
  • Dugnaður, vinnusemi og sveigjanleiki

Launakjör eru skv. kjarasamningi Launanefndar sveitarfélaga og viðkomandi stéttarfélags.

Nánari upplýsingar um starfið veitir Brynjar Þór Jónasson sviðsstjóri umhverfis- og eignasviðs í gegnum tölvupóst (brynjarjo@isafjordur.is) eða í síma 450-8000.

Umsóknarfrestur er til og með 21. janúar 2019. Umsóknir ásamt ferilskrá og kynningarbréfi skulu sendar til mannauðsstjóra á netfangið baldurjo@isafjordur.is. Umsókn getur gilt í 6 mánuði.

Við hvetjum konur jafnt sem karla til að sækja um starfið. Öllum umsóknum verður svarað þegar ákvörðun um ráðningu hefur verið tekin.

 

-Við þjónum með gleði til gagns-

Var efnið á síðunni hjálplegt?