Íþróttamannvirki Ísafjarðarbæjar - Sundlaugarverðir og vallarstarfsmaður

Íþróttamannvirki Ísafjarðarbæjar auglýsa eftir sundlaugarvörðum í sumarstörf við sundlaugarnar á Ísafirði, Suðureyri, Flateyri og Þingeyri. Jafnframt er auglýst eftir öflugum starfsmanni á vallarsvæðið á Ísafirði.  Æskilegast er að sundlaugarverðir geti hafið störf í lok maí 2019 eða eftir nánara samkomulagi. Um er að ræða 100% störf í vaktavinnu. Vallarstarfsmaður hefur störf 1. maí 2019 eða eftir nánara samkomulagi. Störfin eru tímabundin til loka ágústmánaðar 2018. Umsóknarfrestur er til og með 19. mars 2019.

Sundlaugarverðir:

Helstu verkefni og ábyrgðasvið: Afgreiðsla, þrif, laugarvarsla, eftirlit með búnaði og fleiru. Sundlaugarvörður á Þingeyri sinnir einnig þjónustu við tjaldsvæði.

Hæfnikröfur: Viðkomandi þarf að vera orðin(n) 20 ára og í líkamlega góðu formi til að geta staðist hæfnispróf í björgun, þarf að hafa framúrskarandi hæfni í mannlegum samskiptum og hafa gaman af því að veita þjónustu. Viðkomandi þarf að vera þrifin(n).

 

Vallarstarfsmaður:

Helstu verkefni og ábyrgðarsvið:  Starfar við ýmis störf á íþróttavöllum á Torfnesi, vallarhúsi og  íþróttahúsi.  Umsjón með íþróttavöllum og viðhald, heldur svæði snyrtilegu, veitir þjálfurum og iðkendum aðstoð eftir þörfum, auk fleiri tilfallandi verkefna.  

Hæfnikröfur: Viðkomandi þarf að vera orðinn 20 ára, vera sveigjanleg(ur) og handlagin(n), búa yfir framúrskarandi hæfni í mannlegum samskiptum og hafa gaman af því að veita þjónustu.

 

Launakjör eru samkvæmt samningum launanefndar sveitarfélaga við VerkVest/FOSVest.

Tilgreina skal í umsókn um hvaða starf er að ræða og starfsstöð. Nánari upplýsingar um störfin á Ísafirði, Suðureyri og Flateyri veitir forstöðumaður íþróttamannvirkja, Grétar Helgason, í síma 450-8488 eða í gegnum tölvupóst á netfangið gretarhe@isafjordur.is.  Umsóknir sendist á netfangið gretarhe@isafjordur.is.  Með umsókn skal fylgja ferilskrá.

Nánari upplýsingar um starf sundlaugarvarðar á Þingeyri veitir Þorbjörg Gunnarsdóttir forstöðumaður í síma 450-8470 eða í gegnum tölvupóst á netfangið sundth@isafjordur.is. Umsóknir sendist á netfangið sundth@isafjordur.is.  Með umsókn skal fylgja ferilskrá.  

Öllum umsóknum verður svarað þegar ákvörðun um ráðningu hefur verið tekin. Við hvetjum konur jafnt sem karla til að sækja um störfin.

 

-Við þjónum með gleði til gagns-

Var efnið á síðunni hjálplegt?