Grunnskólinn á Þingeyri – Íþróttakennari

Grunnskólinn á Þingeyri auglýsir eftir hressum og metnaðarfullum kennara í íþrótta- og sundkennslu á unglinga-, mið- og yngsta stigi. Um er að ræða níu kennslustundir en möguleiki er á auknu starfshlutfalli ef viðkomandi er tilbúinn til að taka að sér bóklega tíma auk valgreina á unglingastigi. Einnig er möguleiki á þjálfun í boltaskóla og fl. fyrir íþróttafélagið á staðnum eftir skóla.

Á Þingeyri búa um 250 íbúar og í skólanum eru um 35 nemendur. Í Ísafjarðarbæ öllum búa tæplega 4000 íbúar en Ísafjörður er í um 50 km fjarlægð frá Þingeyri.

 

Menntunar og hæfnikröfur:

· Kennsluréttindi í grunnskóla

· Jákvæðni, lipurð og færni í samskipum og skipulagsfærni

· Áhugi á að starfa með börnum og ungmennum

· Frumkvæði og sjálfstæði í vinnubrögðum auk stundvísi og samviskusemi

 

Launakjör eru samkvæmt samningum launanefndar sveitarfélaga við KÍ.

Umsóknarfrestur er til og með 1. apríl 2020. Umsóknum skal skilað til Sonju Drafnar Helgadóttur skólastjóra á netfangið sonjahe@isafjordur.is. Með umsókn skal fylgja ferilskrá og afrit af leyfisbréfi. Umsókn getur gilt í 6 mánuði.

Allar nánari upplýsingar veitir Sonja Dröfn í síma 450-8370 eða í gegnum tölvupóst. Öllum umsóknum verður svarað þegar ákvörðun um ráðningu hefur verið tekin. Við hvetjum konur jafnt sem karla til að sækja um starfið.

 

-Við þjónum með gleði til gagns-

Var efnið á síðunni hjálplegt?