Grunnskólinn á Þingeyri – Grunnskólakennarar

Laus eru til umsóknar tvö störf grunnskólakennara við Grunnskólann á Þingeyri. Um er að ræða 100% starf umsjónarkennara á unglingastigi, þar sem kennslugreinar eru m.a. stærðfræði, samfélagsfræði, náttúrufræði og lífsleikni. Einnig 50% starf kennara á mið- og unglingastigi þar sem kennslugreinar eru m.a. danska, íslenska og samfélagsfræði.

Í dag eru 34 nemendur í Grunnskólanum á Þingeyri og eru einkunnarorð skólans ábyrgð, virðing, samheldni og gleði. Á Þingeyri er íþróttahús, sundlaug , golfvöllur, reiðskemma og lítil verslun og er umhverfið rómað fyrir mikla náttúrufegurð.

Menntunar og hæfnikröfur:

  • Kennsluréttindi í grunnskóla
  • Jákvæðni, lipurð og færni í samskipum og skipulagsfærni
  • Áhugi á að starfa með börnum og ungmennum
  • Frumkvæði og sjálfstæði í vinnubrögðum auk stundvísi og samviskusemi
  • Góð íslenskukunnátta

Launakjör eru samkvæmt samningum launanefndar sveitarfélaga við KÍ.

Umsóknum skal skilað til Sonju Drafnar Helgadóttur skólastjóra á netfangið sonjahe@isafjordur.is. Með umsókn skal fylgja ferilskrá og afrit af leyfisbréfi. Umsóknarfrestur er til og með 10. apríl 2020. Umsókn getur gilt í 6 mánuði.

Allar nánari upplýsingar veitir Sonja í síma 450-8370 eða í gegnum tölvupóst. Öllum umsóknum verður svarað þegar ákvörðun um ráðningu hefur verið tekin. Við hvetjum konur jafnt sem karla til að sækja um störfin.

-Við þjónum með gleði til gagns-

Var efnið á síðunni hjálplegt?