Grunnskólinn á Ísafirði - Skólaritari

Við Grunnskólann á Ísafirði er auglýst laust til umsóknar starf skólaritara.  Um er að ræða 100% starf sem er í mótun vegna nýrra laga og reglna um persónuvernd og skjalavörslu. Æskilegt er að viðkomandi geti hafið störf 1. ágúst 2018.

Í Grunnskólanum á Ísafirði vinna um 80 starfsmenn. Leitað að jákvæðum liðsmanni með ríka þjónustulund sem er tilbúinn til að taka þátt í þróun á nýju og fjölbreyttu starfi.    

Helstu verkefni

  • Að sjá um daglega afgreiðslu, nemendaskráningu, símaþjónustu, upplýsingagjöf til nemenda, starfsmanna og gesta, póstafgreiðslu og móttöku gesta
  • Umsjón með skjalavistun skólans og afgreiðsla upplýsinga
  • Ábyrgð og eftirlit með ýmsum gögnum s.s. námsmöppum nemenda og öðrum gögnum er heyra undir persónuvernd og skjalavörslu
  • Umsjón með skrifstofuvörum skólans (innkaup, pöntun, móttaka, birgðahald, afgreiðsla)
  • Peningaumsýsla í samráði við stjórnendur
  • Að annast ýmsa úthringivinnu og bréfaskriftir í samráði við stjórnendur
  • Skipulagning forfallakennslu í samráði við stjórnendur
  • Að uppfæra fréttir, tilkynningar o.fl. á heimasíðu skólans í samráði við umsjónarmann heimasíðu og skólastjórnendur
  • Umsjón með mataráskrift nemenda
  • Aðstoð og eftirfylgni vegna kannana sem nemendur taka

 Hæfnikröfur

  • Gerð er krafa um stúdentspróf
  • Önnur menntun sem nýtist í starfi kostur
  • Þjónustulund, jákvæðni og lipurð í samskiptum nauðsynleg
  • Reynsla af sambærilegu starfi er kostur
  • Mjög góð íslensku- og enskukunnátta og hæfni til að tjá sig í ræðu og riti
  • Sjálfstæð og skipulögð vinnubrögð
  • Frumkvæði í starfi og faglegur metnaður
  • Mjög góð almenn tölvukunnátta, s.s. í ritvinnslu, Excel, Outlook og skjalaumsýslu

Launakjör eru samkvæmt samningum launanefndar sveitarfélaga við viðkomandi stéttarfélag.

Umsóknarfrestur er til og með 2. júlí 2018. Umsóknir skulu sendar til Sveinfríðar Olgu Veturliðadóttur, skólastjóra á netfangið sveinfridurve@isafjordur.is. Með umsókn skal fylgja ferilskrá. Við hvetjum konur jafnt sem karla til að sækja um starfið.  

Nánari upplýsingar veitir Sveinfríður, í síma 866-9456 eða í gegnum tölvupóst.  Öllum umsóknum verður svarað þegar ákvörðun um ráðningu hefur verið tekin.

-Við þjónum með gleði til gagns-

Var efnið á síðunni hjálplegt?