Fjölbreytt störf á skíðasvæði Ísafjarðarbæjar

Skíðasvæði Ísafjarðarbæjar óskar eftir starfsfólki til starfa í tímabundin störf til 15. maí 2019. Almennt fara störfin fram seinnipart dags á 4 tíma vöktum virka daga en 7-8 tíma vöktum um helgar. Um er að ræða ólík störf og vinnutíma.  Æskilegast er að viðkomandi geti hafið störf 1. nóvember 2018.  Umsóknarfrestur er til og með 31. október 2018.

Eftirlits og þjónustumaður

Um er að ræða 70-100% starf á skíðasvæði Ísfirðinga. Eftirlits- og þjónustumaður hefur, ásamt forstöðumanni, umsjón með viðhaldi á lyftum, girðingum, merkingum og endasvæðum skíðasvæðis og sér til þess að öll öryggisatriði séu í lagi. Eftirlits- og þjónustumaður er á stöðugri ferð um svæðið og er því í miklum samskiptum við viðskiptavini, skíðaiðkendur og samstarfsfólk.

Hæfnikröfur

  • Reynsla af notkun tækja (s.s. vélsleða)
  • Reynsla af viðgerðum tækja og viðhaldi
  • Gott frumkvæði og sjálfstæði í vinnubrögðum
  • Haldgóð þekking í skyndihjálp
  • Góð samskiptafærni
  • Rík þjónustulund
  • Viðkomandi þarf að vera orðinn 18 ára

 

Umsjón með sjoppu og skíðaleigu og hlutastörf í afgreiðslu, 50-80% störf

Umsjónarmaður sjoppu sér um innkaup og skipulagningu starfs sjoppu og skíðaleigu. Starfsmaður í afgreiðslu sinnir almennum afgreiðslustörfum í skíðaskálanum, sölu aðgangskorta, afgreiðslu í skíðaleigu og sjoppu. Á helgum sér hann auk þess um að elda hádegismat fyrir starfsmenn skíðasvæðis. Til viðbótar sjá starfsmenn afgreiðslu um ræstingu skíðaskálans í lok dags.

Hæfnikröfur

  • Hæfni í mannlegum samskiptum
  • Þjónustulund og frumkvæði
  • Þekking á skíðabúnaði æskilegur
  • Reynsla af afgreiðslustörfum æskileg
  • Þekking í skyndihjálp kostur
  • Vera orðinn 18 ára

 

Hlutastörf í lyftuvörslu

Lyftuvörður hefur umsjón með lyftu þegar hún er í notkun. Einnig tekur hann að sér önnur tilfallandi störf. Hann ber ábyrgð á að lyftan og brekkur sem að henni liggja séu í góðu ástandi, sér um rekstrardagbók lyftunnar, fylgist með því fólki er notar lyftuna hverju sinni og gengur frá lyftunni við lokun.

Hæfnikröfur

  • Starfsreynsla á sviðinu æskileg
  • Haldgóð þekking í skyndihjálp
  • Hæfni í mannlegum samskiptum
  • Þjónustulund og frumkvæði
  • Vera orðinn 18 ára

 

Launakjör eru samkvæmt samningum launanefndar sveitarfélaga við FOSVest/VerkVest.

Við hvetjum bæði konur og karla til að sækja um störfin.

Allar nánari upplýsingar veitir Hlynur Kristinsson forstöðumaður í síma 450-8400 eða á netfangið hlynurk@isafjordur.is.

Umsóknum skal skilað til Hlyns á netfangið hlynurk@isafjordur.is. Með umsókn skal fylgja ferilskrá. Öllum umsóknum verður svarað þegar ákvörðun um ráðningu hefur verið tekin.

 

-Við þjónum með gleði til gagns-

Var efnið á síðunni hjálplegt?