Félagsleg liðveisla – Velferðarsvið Ísafjarðarbæjar

 

Velferðarsvið Ísafjarðarbæjar óskar eftir starfsmönnum í félagslega liðveislu. Um er að ræða ótímabundin störf í tímavinnu þar sem vinnutími er breytilegur að degi til, á kvöldin og um helgar. Æskilegast er að viðkomandi geti hafið störf sem fyrst. Umsóknarfrestur er til og með 26. september 2019.

Meginverkefni

·         Veita félagslegan stuðning

·         Efla fólk til sjálfstæðis í félagslegum samskiptum

·         Framfylgja vinnureglum sem ákveðnar eru og stuðla með því að samræmdum vinnubrögðum

Hæfnikröfur

  • Menntun eða reynsla sem nýtist í starfinu
  • Lipurð og færni í samskiptum
  • Rík þjónustulund
  • Jákvæðni og sveigjanleiki
  • Frumkvæði og þolinmæði
  • Góð íslensku- og/eða enskukunnátta (annað hvort fullnægjandi)
  • Bílpróf og bíll til afnota kostur 

Launakjör eru samkvæmt samningum launanefndar sveitarfélaga við viðkomandi stéttarfélag (FosVest / VerkVest).

Umsóknir skulu sendar til Jónínu Þorkelsdóttur, forstöðumanns stoðþjónustu á netfangið  joninath@isafjordur.is. Með umsókn skal fylgja ferilskrá. Umsókn getur gilt í 6 mánuði.

Nánari upplýsingar veitir Jónína, í síma 450-8000 eða í gegnum tölvupóst. Öllum umsóknum verður svarað þegar ákvörðun um ráðningu hefur verið tekin.  Við hvetjum karla jafnt sem konur til að sækja um starfið.

-Við þjónum með gleði til gagns-

 

 

Var efnið á síðunni hjálplegt?