Bókari – Bæjarskrifstofur Ísafjarðarbæjar

Stjórnsýslu- og fjármálasvið Ísafjarðarbæjar auglýsir laust til umsóknar starf bókara á skrifstofum Ísafjarðarbæjar. Um er að ræða 100% starf og er æskilegast að viðkomandi geti hafið störf sem fyrst. 

Bókari annast m.a. merkingu fylgiskjala, sér um skráningu gagna í bókhald sveitarfélagsins, uppfærslu og afstemmingu á þeim. Hann sér um forskráningu og bókun innsendra reikninga á sveitarfélagið í greiðslubókhald. Næsti yfirmaður er aðalbókari.

Helstu verkefni

  • Upplýsingagjöf og þjónusta við lánadrottna og forstöðumenn stofnana
  • Eftirfylgni með samþykkt reikninga
  • Skráning kreditkorta- og söluuppgjöra frá stofnunum
  • Bókun greiðslna vegna launa og launatengdra gjalda
  • Bókun millifærslna og innborgana
  • Afstemming bankareikninga
  • Dagleg uppfærsla skráningargagna (dagbókar)

Menntunar- og hæfnikröfur

  • Stúdentspróf eða sambærileg menntun skilyrði
  • Reynsla af bókhaldsstörfum
  • Viðurkenndur bókari, kostur
  • Þekking á Navison eða sambærilegu bókhaldskerfi
  • Skipulagshæfni, vandvirkni og nákvæmni
  • Frumkvæði og sjálfstæði í vinnubrögðum
  • Hæfni í mannlegum samskiptum, þjónustulund og sveigjanleiki
  • Færni í excel og góð almenn tölvuþekking

Launakjör eru samkvæmt samningum launanefndar sveitarfélaga við viðkomandi stéttarfélag.

Umsóknarfrestur er til og með 12. desember 2019. Umsóknum skal skilað til mannauðsstjóra Ísafjarðarbæjar á netfangið baldurjo@isafjordur.is. Með umsókn skal fylgja ferilskrá og afrit af prófskírteinum. Umsókn getur gilt í 6 mánuði. 

Nánari upplýsingar veitir Þórdís Sif Sigurðardóttir, sviðsstjóri stjórnsýslu og fjármálasviðs í síma 450-8000 eða í gegnum tölvupóstfangið thordissif@isafjordur.is

Öllum umsóknum verður svarað þegar ákvörðun um ráðningu hefur verið tekin. Við hvetjum bæði konur og karla til að sækja um starfið.

 

-Við þjónum með gleði til gagns-

 

Var efnið á síðunni hjálplegt?