Umhverfisstofnun – Sérfræðingur í teymi losunarbókhalds
Hjá Umhverfisstofnun er laust til umsóknar starf sérfræðings í teymi losunarbókhalds.
Megin verkefni sérfræðingsins verða söfnun gagna frá stofnunum og fyrirtækjum, utanumhald og útreikningar á losun gróðurhúsalofttegunda og loftmengunarefna, sem og þátttaka í úttektum á losunarbókhaldi og vinnu við regluverk. Í starfinu felst jafnframt greining á þróun losunartalna og túlkun bókhaldsins. Sérfræðingurinn mun taka þátt í miðlun upplýsinga um losunarbókhaldið og loftslagsmál almennt, bæði til hagsmunaaðila og almennings. Sérfræðingurinn mun starfa í öflugu teymi þar sem áhersla er lögð á þverfaglega samvinnu. Mikil samskipti eru við evrópskar og alþjóðlegar stofnanir.
Helstu verkefni og ábyrgð
- Söfnun gagna frá stofnunum og fyrirtækjum
- Utanumhald og útreikningar á losun gróðurhúsalofttegunda og loftmengunarefna
- Þátttaka í úttektum á losunarbókhaldi
- Stjórnsýsluverkefni
- Miðlun upplýsinga um losunarbókhaldið og loftslagsmál almennt, bæði til hagsmunaaðila og almennings
- Samskipti við evrópskar og alþjóðlegar stofnanir
Hæfniskröfur
- Háskólamenntun á sviði verkfræði, náttúruvísinda eða sambærilegra greina með áherslu á úrvinnslu gagna
- Þekking og/eða reynsla af loftgæða- og/eða loftslagsmálum
- Talnagleggni, greiningarhæfni og gott vald á Excel
- Hæfni til miðlunar og framsetningar efnis á aðgengilegan hátt
- Gott vald á íslensku og ensku bæði í ræðu og riti
- Góð samstarfshæfni og sveigjanleiki í samskiptum
- Skipulögð og sjálfstæð vinnubrögð
- Þekking á opinberri stjórnsýslu er kostur
- Haldbær þekking á einu Norðurlandamáli er kostur
Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.
Starfsaðstaða sérfræðingsins getur verið í Reykjavík, Hellissandi, Patreksfirði, Ísafirði, Akureyri, Mývatni, Egilsstöðum, Hellu eða Vestmannaeyjum; allt eftir búsetu.
Við hvetjum áhugasama til að sækja um, óháð kyni og uppruna.
Umsóknir geta gilt í 6 mánuði frá því að umsóknarfrestur rennur út.
Sjá nánari upplýsingar um Umhverfisstofnun á umhverfisstofnun.is
Starfshlutfall er 100%
Umsóknarfrestur er til og með 29.11.2021
Nánari upplýsingar veitir
Elva Rakel Jónsdóttir - elva@umhverfisstofnun.is - 5912000
Þóra Margrét Pálsdóttir Briem - thoram@ust.is - 5912000