Umhverfisstofnun – Sérfræðingur í teymi loftgæða og losunarheimilda
Umhverfisstofnun auglýsir laust til umsóknar starf sérfræðings í teymi loftgæða og losunarheimilda.
Megin verkefni sérfræðings felast í vinnu við viðskiptakerfi ESB með losunarheimildir gróðurhúsalofttegunda vegna losunar frá flugi og staðbundnum iðnaði, auk tengdra verkefna sem falla undir kerfið. Í boði er krefjandi starf í frjóu umhverfi sérfræðinga þar sem áhersla er lögð á framsýni, samstarf og árangur í þverfaglegri teymisvinnu. Mikil samskipti eru við evrópskar og alþjóðlegar stofnanir.
Helstu verkefni og ábyrgð
- Samskipti við og upplýsingagjöf til rekstraraðila, flugrekenda, stjórnvalda og systurstofnana vegna losunar gróðurhúsalofttegunda
- Yfirferð og utanumhald gagna frá rekstraraðilum og flugrekendum vegna losunar ETS-kerfisins og CORSIA
- Stjórnsýsluverkefni
- Þátttaka í sérfræðihópum á vegum ESB
- Útreikningar vegna úthlutunar losunarheimilda
Hæfniskröfur
- Háskólamenntun sem nýtist í starfi svo sem náttúruvísindi eða verkfræði
- Þekking á viðskiptakerfi ESB með losunarheimildir er kostur
- Þekking og reynsla af opinberri stjórnsýslu er kostur
- Þekking á EES gerðum og Evrópusamvinnu er kostur
- Gagnalæsi og færni í Excel er mikill kostur
- Góð samstarfshæfni og vilji til að vinna í teymi
- Gott vald á framsetningu efnis á íslensku og ensku bæði í ræðu og riti
- Frumkvæði og skipulögð og sjálfstæð vinnubrögð
Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.
Starfsaðstaða sérfræðingsins getur verið í Reykjavík, Hellissandi, Patreksfirði, Ísafirði, Akureyri, Mývatni, Egilsstöðum, Hellu eða Vestmannaeyjum; allt eftir búsetu.
Gagnkvæmur reynslutími er sex mánuðir við ráðningu. Æskilegt er að sérfræðingurinn geti hafið störf sem fyrst. Umsóknir geta gilt í 6 mánuði frá því að umsóknarfrestur rennur út.
Við hvetjum áhugasama til að sækja um, óháð kyni og uppruna.
Sjá nánari upplýsingar um Umhverfisstofnun á umhverfisstofnun.is
Starfshlutfall er 100%
Umsóknarfrestur er til og með 29.11.2021
Nánari upplýsingar veitir
Aðalbjörg Birna Guttormsdóttir - birnag@umhverfisstofnun.is - 5912000
Þóra Margrét Pálsdóttir Briem - thoram@ust.is - 5912000