Stóri plokkdagurinn 24. apríl
23.04.2021
Fréttir
Stóri plokkdagurinn verður haldinn laugardaginn 24. apríl næstkomandi. Ísafjarðarbær hvetur íbúa til virkrar þátttöku í deginum og plokka í sínu næsta nágrenni eða á öðrum vel völdum svæðum.
Hægt verður að skilja ruslið sem safnað er eftir á eftirfarandi stöðum:
Flateyri: Aftan við bensínstöðina
Hnífsdalur: Framan við gamla barnaskólann
Ísafjörður, efri bær: Við áhaldahúsið
Ísafjörður, eyri: Í skotið bílastæðamegin við Stjórnsýsluhúsið
Ísafjörður, Holtahverfi: Við sparkvöllinn, Góuholtsmegin
Ísafjörður, Seljaland: Aftan við strætóskýli á Brúarnesti
Ísafjörður, Seljaland: Aftan við strætóskýli á Brúarnesti
Ísafjörður, Tunguhverfi: Við glergáminn hjá Bónus
Suðureyri: Við glergám hjá hafnarvog
Þingeyri: Við flöskusöfnun á tjaldsvæði
Gæta þarf þess að ruslapokar sem skildir eru eftir séu vel lokaðir og ef þeir eru mjög léttir gæti verið gott að fergja þá með steini.
Góð plokkráð:
- Finna sér svæði til að plokka á og hvetja fjölskylduna til að taka þátt.
- Útvega sér ruslapoka, hanska og ekki er verra að nota plokktöng.
- Klæða sig eftir aðstæðum.
- Virða samkomubann og gæta að tveggja metra reglunni.
- Gæta fyllstu varúðar og brýna fyrir börnum að láta nálar og aðra hættulega hluti vera, en tilkynna til foreldra eða umsjónarmanna svo mögulegt sé að fjarlægja þá.