Flřtilei­ir

A­alskipulag ═safjar­arbŠjar 2008-2020

Nýtt aðalskipulag Ísafjarðarbæjar 2008-2020 var samþykkt á fundi bæjarstjórnar þann 2. febrúar 2010. Hér að neðan er hægt að finna hið nýja skipulag og þau gögn sem því fylgja. Þá er einnig hægt að skoða hvernig þróun mála var í skipulagsvinnunni.

 

Greinargerð og viðaukar:

Aðalskipulag Ísafjarðarbæjar 2008-2020 

Viðauki A

Viðauki B

Viðauki C

Viðauki D 

Uppdrættir

Þéttbýli

Dreifbýli norðan Djúps

Dreifbýli sunnan Djúps

 

Skipulagsvinna - sagan:

 

Febrúar 2010: Skipulagið samþykkt á fundi bæjarstjórnar.

 

Nóvember-desember 2009: Uppfærsla á greinargerð í samræmi við athugasemdir og prófarkarlestur. Uppsetning á greinargerð og lokafrágangur á greinargerð og uppdráttum.

 

September-október 2009: Umhverfisnefnd og bæjarstjórn fjalla um athugasemdirnar (seinni umræður). Bæjarstjórn samþykkti, þann 22. október, tillögur umhverfisnefndar um afgreiðslu á framkomnum athugasemdum.

 

Júní-ágúst 2009: Skipulagstillagan var auglýst frá 28. júní, í samræmi við skipulags- og byggingarlög. Frestur til að skila inn athugasemdum var 9. ágúst. Tíu athugasemdir bárust.

 

Apríl-maí 2009: Fyrri umræða bæjarstjórnar Ísafjarðarbæjar um aðalskipulagið fór fram þann 2.4. Aðalskipulagið sent til umsagnar Skipulagsstofnunar - uppdrætti og greinargerð ásamt viðaukum frá 16. apríl má nálgast hér á heimasíðunni. Skipulagshópar norðan og sunnan Djúps funda ásamt umhverfisnefnd Ísafjarðarbæjar í lok apríl. Áætlað er að auglýsa aðalskipulagið með formlegum hætti, í samræmi við skipulagsreglugerð, í maí.

 

Febrúar- mars 2009: Unnið úr umsögnum lögbundinna umsagnaraðila. Umhverfisnefnd leggur til, þann 25.3., að bæjarstjórn Ísafjarðarbæjar auglýsi aðalskipulagið formlega.

 

Janúar 2009: Borgarafundir þar sem drög að aðalskipulaginu eru kynnt.

 

Desember 2008: Aðalskipulagið sent lögbundnum umsagnaraðilum til umsagnar og jafnframt kynnt almenningi. Skipulagshópur norðan Djúps fundar 3. desember.

 

Nóvember 2008: Umhverfisnefnd vísar tillögum að Aðalskipulagi Ísafjarðarbæjar 2008 – 2020 til meðferðar í bæjarstjórn samkvæmt skipulags og byggingarlögum. Bæjarstjórn fjallar um aðalskipulagið á bæjarstjórnarfundi 20.11. Skipulagshópur sunnan Djúps fer yfir skipulagstillöguna á fundi 26.11. Þéttbýlisuppdrættir ásamt uppfærðri greinargerð og uppfærðum dreifbýlisuppdráttum birt á heimasíðu Ísafjarðarbæjar.

 

September – október 2008: Fundir og annað samráð við landeigendur eyðijarða. Áframhaldandi vinna við gagnaöflun, úrvinnslu grunnupplýsinga, stefnumörkun og framsetningu greinargerðar og uppdrátta. Vinnufundur Teiknistofunnar og umhverfisnefndar haldinn 26.9. þar sem stefnan í aðalskipulaginu, einkum hugsanleg hverfisvernd, var rædd.

 

Ágúst 2008: Stefnumörkun í einstökum málaflokkum, m.a. hverfisvernd í þéttbýli. Unnið að gagnaöflun, úrvinnslu grunnupplýsinga, stefnumörkun og framsetningu greinargerðar og uppdrátta.

 

Júní-júlí 2008: Kynning á niðurstöðum skipulagshóps norðan Djúps (birt með fyrirvara um niðurstöður skipulagshóps sunnan Djúps). Kynning á dreifbýlisuppdrætti og drögum að greinargerð sunnan Djúps. Áframhaldandi úrvinnsla stefnumótunarvinnu. Matslýsing umhverfismats áætlana lögð fyrir Skipulagsstofnun.

 

Maí 2008: Áfram unnið með skipulagstillögu sunnan Djúps, greinargerð og fyrstu drög að uppdrætti lögð fram. Fundir skipulagshóps í lok maí. Stefnumótun nefnda Ísafjarðarbæjar.

 

Mars – apríl 2008: Skipulagshópur norðan Djúps samþykkti að kynna drög að niðurstöðum hópsins fyrir félagsmönnum sínum. Stefnumótun nefnda Ísafjarðarbæjar.

 

Febrúar 2008: Fundir með fulltrúum íbúsamtaka og hagsmunaaðila í bæjarkjörnum: Þingeyri, Flateyri, Suðureyri, Holtahverfi og nágrenni, Hnífsdal, Eyrinni og efri bæ.

 

Nóvember 2007-janúar 2008: Fundir skipulagshópa norðan og sunnan Djúps. Farið gróflega yfir meginþætti í einstökum köflum greinargerðarinnar sunnan Djúps . Áfram unnið með uppdrátt og greinargerð norðan Djúps. Sigmundur Davíð Gunnlaugsson hélt erindi fyrir kjörna fulltrúa: Hinir fögru fimm - Ísafjarðarbær, bær  tækifæranna. 

 

Október 2007: Fundir skipulagshópa. Fyrstu drög að skipulagstillögu sunnan Djúps.

 

September 2007: Fundir skipulagshópa. Grunnur að skipulagstillögu skipulagshóps sunnan Djúps. Frekari úrvinnsla á uppdrætti og greinargerð skipulagshóps norðan Djúps (Hornstrandasvæðis). Stefnumótun nefnda hjá Ísafjarðarbæ.

 

Ágúst 2007: Grunnvinna skipulagshóps sunnan Djúps. Fulltrúar í skipulagshópi norðan Djúps (Hornstrandasvæðis) leita umsagnar hjá félagsmönnum sínum.

 

Júlí 2007: Ýmis konar grunnvinna skipulagsráðgjafa.

 

Laugardaginn 9. júní var haldið málþing á Þingeyri um skipulagsmál í Ísafjarðarbæ. Málþingið bar yfirskriftina Auðlindir og lífsgæði sunnan Djúps og hægt er að nálgast efni og fyrirlestra þingsins hér á síðunni.

 

Júní 2007: Fyrsti fundur skipulagshóps sunnan Djúps var haldinn 6. júní. Nánari upplýsingar um hópinn er að finna hér á síðunni.

 

Apríl – maí 2007: Skipulagshópur Hornstrandasvæðis hélt vinnufundi. Hópurinn hefur gert drög að niðurstöðum sem fulltrúar félaga munu kynna sínum félagsmönnum í sumar. Einnig var unnið undirbúningi skipulagshóps hagsmunaaðila sunnan Djúps.

 

Mars 2007: Skipulagshópur Hornstrandasvæðis hóf störf. Kynning á vinnu við aðalskipulagið í þéttbýliskjörnum í lok mars. Nánari upplýsingar og ýmis gögn er varða skipulagshópinn og kynninguna er að finna hér á síðunni.

 

Helgina 26.-27. janúar 2007 var haldin ráðstefna um skipulagsmál á Hornstrandasvæðinu. Í framhaldinu verður settur á fót sérstakur skipulagshópur hagsmunaaðila. Nánari upplýsingar um ráðstefnuna og samráðið má nálgast hér á síðunni.

 

Janúar - febrúar 2007: Nefndir Ísafjarðarbæjar vinna að stefnumótun í þeim málaflokkum sem til umfjöllunar eru í aðalskipulaginu.

 

Haustið 2006 var auglýst eftir þátttöku félagasamtaka og fyrirtækja í skipulagshóp aðalskipulagsins. Sjá nánar undir liðnum samráð hér á síðunni.

 

Í september 2006 var lokið við Áfangaskýrslu 1 sem fjallar um gögn og aðferðir. Hana má nálgast hér.

 

Sumar 2006: Formleg vinna við Aðalskipulag Ísafjarðarbæjar hefst.

Skipulagsráðgjafi er Teiknistofan Eik ehf, Ísafirði. Hægt er að senda skipulagsráðgjafa athugasemdir eða ábendingar um gögn er varða aðalskipulagsvinnuna með því að smella á hnappinn hér til hliðar.

Vefumsjˇn