Flřtilei­ir
fimmtudagurinn 20. j˙lÝá2017 - 13:43 | Umhverfis- og eignasvi­

Breyting ß deiliskipulagi ß Torfnesi

Bæjarráð Ísafjarðarbæjar, sem starfandi bæjarstjórn, samþykkti þann 14. júlí síðastliðinn að auglýsa tillögu að breytingu á deiliskipulagi íþróttasvæðis á Torfnesi skv. 1. mgr. 43. gr. skipulagslaga nr.123/2010.
 
Breytingarsvæðið afmarkast af íþróttasvæðinu á Torfnesi, Ísafirði. Deiliskipulagsbreytingin felur í sér að að hluti núverandi gervigrasvallar verði felldur út og þar verði nýr byggingarreitur fyrir fjölnotahús. Hönnun byggingarinnar skal miðast við að viðhalda heildaryfirbragði bygginganna á Torfnesi, með dökkrauðu þaki og þykkum þakkanti. Að öðru leyti gilda öll ákvæði gildandi deiliskipulags
 
Tillagan liggur frammi á bæjarskrifstofum Ísafjarðarbæjar, Stjórnsýsluhúsinu, Hafnarstræti 1 frá 20. júlí til og með 31.ágúst 2017. Tillagan verður einnig aðgengileg á heimasíðu sveitarfélagsins: www.isafjordur.is .
 
Athugasemdir skulu vera skriflegar og berast skipulagsfulltrúa í síðasta lagi 1. september 2017 annaðhvort á Tæknisvið Ísafjarðarbæjar, Hafnarstræti 1, 400 Ísafjörður eða á netfangið: axelov@isafjordur.is
■ri­judagurinn 18. j˙lÝá2017 - 11:46 | Umhverfis- og eignasvi­

Vatnsleysi vÝ­ar

Nú virðist sem vatnsleysið sé farið að hafa áhrif á efri bæinn á Ísafirði. Ekki er vitað hversu víðtækt það verður, en við skulum vona það besta en búast við því versta.

■ri­judagurinn 18. j˙lÝá2017 - 10:53 | Umhverfis- og eignasvi­

Vatnsleysi Ý HnÝfsdal og Tunguskˇgi

Óhapp varð þegar verktaki við varnargarða undir Gleiðarhjalla gerði gat á vatnsleiðslu við Hjallaveg með þeim afleiðingum að vatnstruflanir eða vatnsleysi er nú í Hnífsdal og Tunguskógi. Óljóst er hversu langan tíma viðgerðin tekur, en vatnsleysið gæti hæglega varað fram á kvöld.

f÷studagurinn 14. j˙lÝá2017 - 13:42 | Umhverfis- og eignasvi­

Ni­urfelling gatnager­argjalda

Bæjarráð sem starfandi bæjarstjórn samþykkti á fundi sínum 14. júlí 2017 að fella niður gatnagerðargjöld af byggingu íbúðarhúsnæðis á eftirtöldum lóðum:

 

Tunguhverfi

Ártunga (áður Asparlundur) nr. 1,2,3,4,6

Daltunga (áður Daltunga) 2,3,4,6,8

Fífutunga (áður Grenilundur) 4,6

Tungubraut

 

Seljaland

Seljaland 17,18,23

 

Ákvörðunin er tekin á grundvelli sérstakrar lækkunarheimildar sem hægt er að veita skv. 6. gr. laga um gatnagerðargjöld nr. 153/2006.

 

Ákvæðið varir til 1. maí 2018 og er ekki afturvirkt. Miðað er við að framkvæmdir hefjist innan þessara tímamarka og ljúki fyrir 1. maí 2020. Sækja þarf sérstaklega um þessa niðurfellingu til Ísafjarðarbæjar. Niðurfellingin mun taka gildi við lokaúttekt og er gjaldfrestur veittur fram að henni. Ljúki framkvæmdum ekki fyrir 1. maí 2020 fellur lækkunin niður.

f÷studagurinn 14. j˙lÝá2017 - 11:39 | Umhverfis- og eignasvi­

Yfirlřsing vegna laxeldis

Sjö sveitarfélög á Vestfjörðum hafa sent frá sér sameiginlega yfirlýsingu vegna laxeldis á Vestfjörðum.

 

Neðangreind sveitarfélög á Vestfjörðum lýsa vilja sínum til þess að á Vestfjörðum byggist upp kraftmikið laxeldi á næstu árum. Með uppbyggingu fiskeldis og styrkingu innviða á Vestfjörðum verði stuðlað að sjálfbærri fjölgun íbúa í landshlutanum.

Sveitarfélögin hafa mótað sér sameiginlega stefnu um sjálfbæra þróun í umhverfislegu og félagslegu tilliti og hafa þegar hlotið silfurvottun EarthCheck. Mörkuð hefur verið sú stefna að Vestfirðir verði sjálfbært samfélag og umhverfisvænt þar sem áhersla er lögð á að vernda sögu, minjar og landslag fyrir komandi framtíð.

Það er álit sveitarfélaganna að laxeldi teljist umhverfisvænt með tilliti til þess hve litlu álagi það veldur á auðlindir og loftlagsmál Jarðar í samanburði við annað eldi. Landnotkun og kolefnisfótspor laxeldis er þannig margfalt minna en af eldi kjúklinga, svína eða nautgripa. Þar að auki verður álagi laxeldis dreift þannig að umhverfi sjávarins ráði við það og ummerki verði afturkræf, á grunni mats Hafrannsóknarstofnunarinnar á burðarþoli og í samræmi við reynslu annarra þjóða.

Sveitarfélögin telja einsýnt að laxeldi muni fjölga stoðum atvinnulífs á Vestfjörðum og styrkja þær og dreifa þannig fjöreggjum byggðanna í fleiri körfur. Sveitarfélögin gera kröfu um að starfræksla eldisins verði til fyrirmyndar og byggist á þeirri þekkingu sem aðrar þjóðir hafa aflað, m.a. með því að læra af mistökum liðinna áratuga. Eldinu þarf nauðsynlega að fylgja uppbygging innviða sem tryggt getur möguleika fiskeldis og annarra atvinnugreina til vaxtar og framþróunar. Einnig þarf að tryggja eðlilega hlutdeild sveitarfélaganna í opinberum tekjum vegna fiskeldis.

Það er krafa sveitarfélaganna að afgreiðsla á umsóknum um laxeldisleyfi verði unnin á þeim hraða sem lög og góð stjórnsýsla mæla fyrir um, en verði ekki dregin mánuðum og árum saman undir yfirskyni manneklu eða fjárskorts.

Gríðarleg verðmæti munu skapast í íslensku hagkerfi af laxeldinu. Sveitarfélögin telja að vel útfært laxeldi í strandsjó Vestfjarða þjóni hagsmunum Vestfirðinga, íslensku þjóðarinnar og vistkerfa Jarðarinnar.

 

Ísafjarðarbær

Vesturbyggð

Bolungarvíkurkaupstaður

Tálknafjarðarhreppur

Súðavíkurhreppur

Strandabyggð

Reykhólahreppur

■ri­judagurinn 11. j˙lÝá2017 - 15:18 | Umhverfis- og eignasvi­

H÷ldum grˇ­ri innan lˇ­armarka

Nú sprettur gróður eins og enginn sé morgundagurinn og þá er rétt að huga að því að hann haldist innan lóðarmarka og valdi ekki truflun fyrir t.d. gangandi vegfarendur. Í byggingarreglugerð segir: „Lóðarhafa er skylt að halda vexti trjáa og runna á lóðinni innan lóðarmarka. Sinni hann því ekki og þar sem vöxtur trjáa eða runna fer út fyrir lóðarmörk við götur, gangstíga eða opin svæði er veghaldara eða umráðamanni svæðis heimilt að fjarlægja þann hluta er truflun eða óprýði veldur, á kostnað lóðarhafa að undangenginni aðvörun.“

mßnudagurinn 10. j˙lÝá2017 - 10:55 | BŠjarskrifstofur

Lokun bŠjarskrifstofu

Bæjarskrifstofan fer í sumarfrí.

 

Frá og með næstu viku (17. júlí) mun bæjarskrifstofan vera lokuð og starfssemin vera í lágmarki. Fjölskyldusvið bæjarins verður þó með venjulegan opnunartíma.

 

Venjulegur opnunartími hefst að nýju þann 8. ágúst.

mßnudagurinn 10. j˙lÝá2017 - 10:09 | Umhverfis- og eignasvi­

Vatnslaust Ý efri bŠ i tvo tÝma

Því miður þarf að skrúfa fyrir vatnið í efri bænum á Ísafirði milli klukkan eitt og þrjú í dag, mánudag. Vonandi veldur vatnsleysið ekki miklum óþægindum íbúa.

mßnudagurinn 10. j˙lÝá2017 - 09:30 | FrŠ­sla

Kynning ß endursko­un bygg­akvˇtakerfisins - Ůingeyri

Nefnd um endurskoðun byggðakvótakerfisins hefur skilað tillögum sínum til ráðherra og mun kynna þær á samráðsfundum víða um land.

 

Í dag, mánudaginn 10 júlí, mun nefndin kynna mál sitt á Þingeyri klukkan 12:00 í félagsheimilinu.

 

Tillögurnar verða birtar opinberlega í næstu viku en hægt verður að senda starfshópnum athugasemdir fram í lok júlí. Síðan fer málið í vinnslu í ráðuneytinu og fer að sjálfsögðu í hefðbundið umsagnarferli ef frumvarp kemur fram í þinginu.

fimmtudagurinn 6. j˙lÝá2017 - 14:34 | Umhverfis- og eignasvi­

Dr÷g a­ till÷gu a­ matsߊtlun

1 af 2

 

 

Vegagerðin auglýsir hér drög að tillögu að matsáætlun vegna fyrirhugaðra framkvæmda á Vestfjarðavegi (60) um Dynjandisheiði og á Bíldudalsvegi (63) frá Bíldudalsflugvelli að Vestfjarðavegi á Dynjandisheiði. Framkvæmdin er í sveitarfélögunum Vesturbyggð og Ísafjarðarbæ.

Núverandi Vestfjarðavegur er 41,1 km langur en gert er ráð fyrir að nýr vegur verði 35,4-39,2 km langur, háð leiðarvali. Áætlanir eru um að meta umhverfisáhrif þriggja veglína, þ.e. A, B og C.  

Núverandi Bíldudalsvegur er 29,1 km langur en gert er ráð fyrir að nýr vegur verði aðeins styttri. 

 

Markmið framkvæmdarinnar er að opna heilsárshringveg um Vestfirði með því að bæta samgöngur um Vestfjarðaveg (60) milli norðan- og sunnanverðra Vestfjarða og um Bíldudalsveg (63) milli Bíldudals og Vestfjarðavegar. Gert er ráð fyrir að samgöngur á svæðinu verði áreiðanlegri og öruggari og að framkvæmdin hafi þar með jákvæð áhrif á samfélagið.

Drög að tillögu að matsáætlun eru kynnt á heimasíðu Vegagerðarinnar, http://www.vegagerdin.is/framkvaemdir/umhverfismat/matsaetlun/ samkvæmt reglugerð 1123/2005 um mat á umhverfisáhrifum.

 

Almenningur getur gert athugasemdir við áætlunina og er athugasemdafrestur til 31. júlí 2017. Athugasemdir skal  senda með tölvupósti til helga.adalgeirsdottir@vegagerdin.is eða til Vegagerðarinnar, Miðhúsavegi 1, 600 Akureyri. 

Fyrri sÝ­a
1
234567949596NŠsta sÝ­a
SÝ­a 1 af 96
Vi­bur­adagatal
« J˙lÝ »
S M Ů M F F L
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          
Vefumsjˇn