Flřtilei­ir

Skˇla- og tˇmstundasvi­

Skóla- og tómstundasvið Ísafjarðarbæjar er til húsa á 2. hæð í Stjórnsýsluhúsinu, Hafnarstræti 1 á Ísafirði. Símsvörun og almenn móttaka er á 2. hæð á þjónustuborði. Yfirmaður og sviðsstjóri er Margrét Halldórsdóttir.  Sími: 450 8000 - Fax: 456 3508.


Afgreiðslutími: 10:00 - 15:00, Símavarsla: 10.00 - 15.00.


Póstfang: margreth@isafjordur.is

 

Skóla- og tómstundasvið Ísafjarðarbæjar var stofnað vorið 2011 og nær yfir málaflokkana fræðslumál og íþrótta- og tómstundamál. Á sviðinu starfa ráðgjafar og starfsmenn skólaþjónustu. Hlutverk skrifstofunnar er að veita íbúum Ísafjarðarbæjar ráðgjöf, leiðbeiningar og úrlausnir eftir því sem við á í þjónustu og styður við þátttöku þeirra í samfélaginu. 

 

Skrifstofan veitir líka grunnskólum og leikskólum sérfræðiaðstoð og ráðgjöf. Forstöðumaður, sérkennsluráðgjafi, skólasálfræðingur og námsráðgjafi sinna ráðgjöf við grunnskóla. Leikskólasérkennari annast leikskólana. Þjónusta talmeinafræðings er aðkeypt. Þjónustan felst m.a. í að ráðgjafar skólaskrifstofu athugi og greini börn sem eiga í hegðunar-, náms- eða félagslegum erfiðleikum og koma með tillögur að úrræðum, auk reglulegs endurmats á stöðu barnsins eftir því sem þörf er á. Einnig vinnur skrifstofan eftir lögum um ráðgjafar- og sálfræðiþjónustu leik- og grunnskóla.

 

Skólastjórar, kennarar og annað starfsfólk skóla getur óskað eftir ráðgjöf vegna ýmissa atriða er lúta að skólaþróun, sjálfsmati skóla sem og öðru því starfi innan skólans er þeir sinna. Foreldrar geta leitað til ráðgjafa skólaskrifstofu með vandamál sem upp koma tengd skólagöngu barns. Ýmis vandamál má þó leysa innan skólans. Nemendur eiga kost á að leita til ráðgjafaþjónustunnar varðandi skólagöngu sína. Sérfræðingar aðrir en námsráðgjafi veita nemanda einungis eitt viðtal án þess að fengið sé formlegt samþykki foreldra.

 

Eftirtaldar nefndir starfa á vegum skóla- og tómstundasviðs. Smellið á hlekkina til að fá upplýsingar um starf nefndanna, nefndarmenn eða til að leita í fundargerðum. 

 

     Fræðslunefnd

     Íþrótta- og tómstundanefnd

Vefumsjˇn