Flřtilei­ir

Mˇttaka erinda

Til Ísafjarðarbæjar berast að jafnaði um 60 erindi á viku í pósti eða um 3.000 erindi á ári. Þar að auki berst daglega mikill fjöldi tölvupósta til bæjarstjóra og sviðsstjóranna fimm.

 

Mikið er lagt upp úr því að stjórnsýsla Ísafjarðarbæjar sé sem skilvirkust þannig að mál þurfi ekki að bíða afgreiðslu lengi.

Til að taka við erindum og koma þeim í vinnslu með sem skilvirkustum hætti tekur skjalastjóri Ísafjarðarbæjar við öllum pósti, flokkar hann, gefur málsnúmer í skjalavistunarkerfi bæjarins og afhendir til vinnslu hjá viðkomandi starfsmönnum, nefndum eða bæjarráði allt eftir eðli hvers erindis.

 

Þau erindi sem falla undir reglur bæjarins eða hafa verið afgreidd með ákveðnum hætti af bæjarráði og bæjarstjórn er hægt að afgreiða strax af starfsmönnum/sviðsstjórum/bæjarstjóra.

 

Sé bréfritari ekki sáttur við þá afgreiðslu er hægt að óska eftir því að hún verði tekin upp í bæjarráði.

Þau erindi sem starfsmenn geta ekki afgreitt fara til bæjarráðs sem gerir tillögur um afgreiðslu mála til bæjarstjórnar og lýkur afgreiðslu mála sem bæjarráð hefur heimild til að ljúka.

 

Öll erindi eru skönnuð inn í skjalavistunarkerfi bæjarins þannig að afrit allra bréfa eru geymd í skjalavistunarkerfinu undir ákveðnum málsnúmerum.

 

Skjalastjóri flokkar erindi, gefur málsnúmer og skannar inn í kerfið.

 

Erindi sem afgreidd hafa verið áður fara strax í vinnslu. Búið er að setja fordæmi með fyrri afgreiðslum og bæjarstjóri/sviðsstjóri/starfsmaður geta lokið því strax. Bréfritari þarf ekki að bíða eftir fundi bæjarráðs eða nefnda.

Erindi sem eru sérstaklega stíluð á nefndir eða bæjarráð fara þangað nema um sé að ræða erindi sem hefur áður verið afgreitt.

Vi­bur­adagatal
« Nˇvember »
S M Ů M F F L
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30    
Vefumsjˇn