1.

2013050069 - Heimabær II, Hesteyri, Jökulfjörðum. - Kæra byggingarleyfis.

Lagt fram erindi dags. 31. maí sl. frá Úrskurðarnefnd umhverfis- og auðlindamála þar sem kært er byggingarleyfi á stækkun fasteignar að Heimabæ II, Hesteyri, Jökulfjörðum. Farið er fram á stöðvun framkvæmda.

Lagt fram til kynningar.

2.

2012080011 - Kæra á afgreiðslu umhverfisnefndar.

Lagður fram úrskurður úrskurðarnefndar umhverfis- og auðlindamála þar sem tekin var fyrir ákvörðun bæjarráðs Ísafjarðarbæjar frá 16. júlí 2012 um að veita Gámaþjónustu Vestfjarða ehf. afnot að lóð við Kirkjuból III, Engidal, Skutulsfirði..

Lagt fram til kynningar.

3.

2013050054 - Skógar ehf., Ísafirði. -Umsókn um stöðuleyfi fyrir torgsöluhús.

Lagt fram erindi dags. 16. maí 2013 frá Skógum ehf., Ísafirði, þar sem sótt er um stöðuleyfi torgsöluhúsa á 5 mismunandi staðsetningum á Ísafirði með fyrirvara um samþykki lóðahafa.

Umhverfisnefnd samþykkir erindið og felur byggingarfulltrúa að svara erindinu í samræmi við umræður á fundinum.

4.

2009120026 - Þjónustuaðstaða í Reykjanesi.

Erindi síðast á dagskrá umhverfisnefndar 29. maí sl.

Ísafjarðarbær sem landeigandi gefur Rnes ehf ,. heimild fyrir sitt leiti til að hlaða sjávarpotta úr sjávargrjóti í Hveravík í samræmi við teikningu Olgu Guðrúnar Sigfúsdóttur, dags. 23.05.2013, enda sé framkvæmdin afturkræf. Þess verði gætt að sem minnst rask verði á framkvæmdatíma og frágangur góður. Umhverfisnefnd bendir á að þarna gildir almannaréttur og gerir sem skilyrði að hann verður virtur. Nauðsynlegt er að tilskilið samþykki Súðavíkurhrepps liggi fyrir.

5.

2012040002 - Sjóvarnir og sportbátaaðstaða við Pollinn á Ísafirði.

Á fundi í bæjarráði 29. apríl sl., var lögð fram skýrsla starfshóps um framtíðarskipan Pollsins á Ísafirði.
Bæjarráð vísaði skýrslunni til umhverfisnefndar.

Umhverfisnefnd hvetur til að unnið verði eftir tillögum nefndarinnar.

6.

2013030009 - Samstarfssamningur Skógræktarfélags Ísafjarðar og Ísafjarðarbæjar.

Lagður fram samstarfssamningur á milli Ísafjarðarbæjar og Skógræktarfélags Ísafjarðarbæjar um skógrækt í Skutulsfirði næstu 20. árin.

Umhverfisnefnd felur sviðsstjóra umhverfis- og eignasviðs að koma tillögum að breytingum á samningnum til Skógræktarfélags Ísafjarðar.

7.

2010080007 - Smáhýsi í Tungudal, Skutulsfirði.

Tekin fyrir tillaga að breytingu á deiliskipulagi ,,Opið svæði í Tungudal", unnið af Sigurði Friðgeir.
Tillagan gerir ráð fyrir byggingu á allt að 21 smáhýsi ásamt gerð göngustíga.

Umhverfisnefnd leggur til við bæjarstjórn að deiliskipulagstillagan verði auglýst.

8.

2010080057 - Stefnumótum í atvinnumálum Ísafjarðarbæjar.

Á 796. fundi bæjarráðs Ísafjarðarbæjar þann 27. maí 2013, voru lögð fram drög að atvinnumálastefnu Ísafjarðarbæjar, sem merkt er sem vinnuskjal 24. maí 2013. Stefnan er unnin í samstarfi við Atvinnuþróunarfélag Vestfjarða, Neil Shiran K. Þórisson.
Bæjarráð óskar umsagnar umhverfisnefndar á drögum að atvinnumálastefnu Ísafjarðarbæjar og skoði sérstaklega hlutverk og ábyrgðarsvið sitt í atvinnumálastefnunni.

Sviðsstjóra umhverfis- og eignasviðs falið að vinna áfram að málinu í samræmi við umræður á fundinum.

1.

2013050011 - Dagverðardalur 11, Skutulsfirði. - Umsókn um lóð.

Lögð fram umsókn frá Hjálmari Guðmundssyni dags. 3. maí 2013, þar sem sótt er um lóð undir frístundahús á lóð nr. 11 í Dagverðardal.

Umhverfisnefnd frestar erindinu.

2.

2013040060 - Aðalstræti 37, Ísafirði. - Breytt skráning.

Lagt fram erindi Hæstakaupstaðar ehf., þar sem óskað er eftir að skráningu á húseigninni við Aðalstræti 37, Ísafirði, verði breytt úr verslun í íbúðarhúsnæði.

Skv. Aðalskipulagi Ísafjararbæjar 2008-2020 er fasteignin á jaðri miðsvæðis.
Umhverfisnefnd samþykkir því breytta skráningu.

3.

2013020007 - Grenjavinnsla 2013.

Lagður fram samningur við félag refa- og minkaveiðimanna í Ísafjarðarbæ fyrir árið 2013.

Umhverfisnefnd samþykkir framkominn samning.

4.

2009120026 - Þjónustuaðstaða í Reykjanesi við Ísafjarðardjúp.

Lögð fram umsókn frá Olgu Guðrúnu Sigfúsdóttir dags. 24. maí 2013, þar sem sótt er um leyfi fyrir gerð hlaðinna sjávarpotta (lauga) í Hveravík, Reykjanesi við Ísafjarðardjúp, í landi Ísafjarðarbæjar.

Umhverfisnefnd tekur jákvætt í erindið og er tæknideild  falið að ræða við bréfritara í samræmi við umræður á fundinum.

5.

2012030090 - Grunnskólinn á Ísafirði. 2012-2013.

Lagt fram erindi Sveinfríðar Olgu Veturliðadóttur, skólastjóra Grunnskólans á Ísafirði, dags. 8. maí 2013, þar sem óskað er eftir að skilgreina blómagarðinn við Austurvöll sem skólalóð.
Jafnframt lagðar fram nokkrar tillögur að nýrri skólalóð.

Umhverfisnefnd leggur til að farið verði eftir tillögu 3.
Umhverfisnefnd leggur til við bæjarráð að veitt verði fjármagni í endurbætur á garðinum. Allar endurbætur og hugsanlegar viðbætur skulu vera í samræmi við upphaflegan stíl garðsins.
Skv. aðalskipulagi Ísafjarðarbæjar 2008-2020 er Austurvöllur á hverfisverndarsvæði fyrir skrúðgarða. Þar segir að allt viðhald skuli miða við að varðveita garðinn í samræmi við upphafleg markmið hans.
Óheimilt er að skerða umfang garðsins.
Umhverfisnefnd samþykkir að grunnskólanum verði veitt leyfi til að nýta garðinn sem hluta af skólalóð undir eftirliti skólastjórnenda.

6.

2013050014 - Mýrarboltinn 2013.

Á fundi bæjarráðs Ísafjarðarbæjar voru tekin fyrir drög að samstarfssamningi við Mýrarboltafélag Íslands. Bæjarráð óskaði eftir umfjöllum umhverfisnefndar á erindinu.

Formanni umhverfisnefndar falið að koma athugasemdum nefndarinnar á framfæri til bæjarráðs.

7.

2012040002 - Sjóvarnir og sportbátaaðstaða við Pollinn á Ísafirði.

Lögð fram skýrsla starfshóps um framtíðarskipan Pollsins á Ísafirði, dagsett í apríl 2013.

Lagt fram en erindi frestað til næsta fundar.

8.

2013030023 - Ofanflóðavarnir neðan Gleiðarhjalla. - Framkvæmdaleyfi.

Lagt fram minnisblað dags. 7. maí 2013 frá verkfræðistofunni Mannvit vegna vatnsmagns ofan varnargarða og afkastagetu núverandi lagna og vegræsa.
Með tilkomu varnargarðanna minnkar afrennslisvatn um 30%. Núverandi lagnakerfi annar vatnsmagni nema við óvenjulegar aðstæður.

Umhverfisnefnd óskar eftir fundi með stjórn Ofanflóðasjóðs.

9.

2013050041 - Jarðgöng á milli Arnarfjarðar og Dýrafjarðar - mat á umhverfisáhrifum.

Lagt fram álit Skipulagsstofnunar um mat á umhverfisáhrifum vegna jarðganga milli Arnarfjarðar og Dýrafjarðar í Ísafjarðarbæ, dags. 17. maí 2013.
Skipulagsstofnun telur að helstu neikvæðu áhrif framkvæmdanna verði sjónræns eðlis og áhrif á landslag. Háar fyllingar og áberandi skeringar beggja megin gangamunnanna, auk munnanna sjálfra, koma til með að breyta yfirbragði þessa óraskaða svæðis og hafa talsverð neikvæð, óafturkræf áhrif á landslag svæðisins. Veglagning í fjöru í Dýrafirði mun hafa staðbundin neikvæð áhrif á búsvæði þeirra fuglategunda sem halda til í fjörunni, m.a. rauðbrysting. Lagt fram til kynningar.

10.

2013050035 - Endurbygging Ingjaldssandsvegar milli Vestfjarðavegar og Alviðru

í Dýrafirði.

Lögð fram umsókn Sigurðar Mar Óskarssonar f.h. Vegagerðarinnar dags. 14. maí 2013, þar sem sótt er um framkvæmdaleyfi vegna endurbyggingar Ingjaldssandsvegar milli Vestfjarðarvegar og Alviðru.

Umhverfisnefnd veitir framkvæmdaleyfi vegna endurbyggingar á Ingjaldssandsvegi enda verði gengið frá efnistökusvæðum eins og fram kemur í umsókninni og að framkvæmdin valdi sem minnstu raski.

11.

2013050038 - Ísafjarðarlína 1, breyting á legu og lagning jarðstrengs. Umsagnarbeiðni.

Lagt fram erindi frá Skipulagsstofnun dags. 15. maí 2013, er varðar umsögn um hvort og á hvaða forsendum ofangreind framkvæmd skuli háð mati á umhverfisáhrifum að teknu tilliti til 3. viðauka í lögum nr. 106/2000 m.s.b. um mat á umhverfisáhrifum.

Tillaga Landsnets felur í sér að legu loftlínunnar er breytt að litlu leyti. Í stað þess að liggja yfir Tungudal, þá mun línustæðið sveigja til austurs af Botnsheiði og nærri Neðra Austmannsfalli niður í Dagverðardal. Þaðan verði línan lögð sem jarðstrengur inn í byggð á Ísafirði.
Einnig er gert ráð fyrir að leggja jarðstreng í stað loftlínu á syðstu 2 km línunnar við tengivirkið í Breiðadal.
Umhverfisnefnd bendir á að tillagan er ekki í samræmi við Aðalskipulag Ísafjarðarbæjar 2008-2020 eins og fram kemur í tilkynningunni og því þarf að breyta aðalskipulagi.
Framkvæmdasvæðið er að hluta til innan vatnsverndarsvæðis. Í 6. gr. samþykktar um verndarsvæði vatnsbóla í Ísafjarðarbæ er brunnsvæði algjörlega friðað fyrir óviðkomandi umferð og framkvæmdum öðrum en þeim sem nauðsynlegar eru vegna vatnsveitunnar.
Umrædd lína liggur á svæði á náttúruminjaskrá.
Umhverfisnefnd telur að umræddar framkvæmdir komi ekki til með að hafa umtalsverð umhverfisáhrif í för með sér og sé því ekki háð mati á umhverfisáhrifum.

12.

2010080007 - Smáhýsi í Tungudal, Skutulsfirði.

Tekin fyrir tillaga að breytingu á deiliskipulagi ,,Opið svæði í Tungudal“, unnið af Sigurði Friðgeir.
Tillagan gerir ráð fyrir byggingu á allt að 21 smáhýsi ásamt gerð göngustíga.

Erindi frestað til næsta fundar umhverfisnefndar.

13.

2012080051 - Endurnýjun Fossárvirkjunar í Engidal, Skutulsfirði.

Auglýsinga- og athugasendarfrestur vegna deiliskipulags ásamt umhverfisskýrslu Fossárvirkjunar í Engidal, Ísafjarðarbæ er liðinn.
Engin athugasemd barst.

Umhverfisnefnd leggur til við bæjarstjórn að deiliskipulagið verði samþykkt.

1.

2010120030 - Umferðaröryggisáætlun

Lögð fram umferðaröryggisáætlun fyrir Ísafjarðarbæ.

Umhverfisnefnd felur tæknideild að boða til íbúafundar og kynna umferðaröryggisáætlunina.

2.

2013020068 - Sindragata 13a, Ísafirði. - Umsókn um lóð.

Á fundi umhverfisnefndar 13. mars sl. var lagður fram tölvupóstur frá Bernharð Hjaltalín dags. 27. febrúar 2013,  þar sem sótt var um lóðina að Sindragötu 13a á Ísafirði. Umhverfisnefnd óskaði eftir áliti Hafnarstjórnar á erindinu.
Hafnarstjórn gerði ekki athugasemdir við erindið.

Umhverfisnefnd leggur til við bæjarstjórn að Bernharð Hjaltalín fái lóðina Sindragata 13a, Ísafirði,  með þeim reglum sem í gildi eru og settar kunna að verða. Lóðarumsókn fellur úr gildi hafi teikningar ekki borist Ísafjarðarbæ innan 6 mánaða og framkvæmdir ekki hafist innan 12 mánaða frá úthlutun.

3.

2013020047 - Stöðuleyfi fyrir gám á Flateyri.

Á fundi umhverfisnefndar 13. mars sl., var lögð fram umsókn frá Iceland ProFishing ehf., Hafnarstræti 9, Flateyri, þar sem sótt var um stöðuleyfi fyrir gámahúsi ásamt palli fyrir grillaðstöðu á smábátahöfninni / Melagötu, Flateyri..
Umhverfisnefnd óskaði álits íbúasamtaka Önundarfjarðar á grillaðstöðu og ósk um stöðuleyfi fyrir gámi var sent Hafnarstjórn Ísafjarðarbæjar.
Hafnarstjórn gerði ekki athugasemd við erindið.

Umhverfisnefnd veitir Iceland ProFishing ehf. stöðuleyfi fyrir gámahúsi á hafnarsvæðinu til 1. október 2013. Einnig samþykkir umhverfisnefnd að veita Iceland ProFishing ehf. leyfi fyrir grillaðstöðu. Útfærsla og staðsetning svæðis skal vera í samráði við tæknideild Ísafjarðarbæjar.

4.

2013020007 - Grenjavinnsla 2013.

Lagt fram erindi dags. 25. mars sl. frá Ragnari I. Jakobssyni þar sem Ragnar óskar eftir að sinna grenjavinnslu í norðurhluta Grunnavíkurhrepps hinum forna.

Þar sem ekki er víst hvort samningur við Félag refa- og minkaveiðimanna verði endurnýjaður, ítrekar umhverfisnefnd bókun sína frá 27. mars sl.,  þar sem óskað var eftir áliti bæjarráðs á erindinu.

5.

2012060008 - Endurskoðun samþykkta um hunda- og kattahald í Ísafjarðarbæ.

Erindi síðast á dagskrá hjá umhverfisnefnd 13. mars sl.

Umhverfisnefnd leggur til við bæjarstjórn að samþykkt um hunda- og kattahald í Ísafjarðarbæ verði samþykkt.

6.

2013040054 - Suðurtangi 2, Ísafirði. - Uppgröftur í fjöru.

Lagður fram tölvupóstur dags. 24. apríl sl. frá Halldóri Sveinbjörnssyni fh. Sæfara á Ísafirði, þar sem félagið fer þess á leit við Ísafjarðarbæ að fá að klára að lagfæra fjöruna neðan við aðstöðu Sæfara að Suðurtanga 2, Ísafirði.

Umhverfisnefnd óskar eftir nánari upplýsingum um fyrirhugaðar framkvæmdir og útlit svæðis.

7.

2013040057 - Svæði fyrir hunda á Ísafirði.

Lagt fram erindi dags. 25. apríl. sl frá Rolando Diaz fh. Félags hundaeigenda á norðanverðum Vestfjörðum, þar sem óskað er eftir svæði frá Ísafjarðarbæ fyrir hunda þar sem þeir mega vera lausir.

Umhverfisnefnd fagnar erindinu og telur svæðið við Kofra heppilegra. Umhverfisnefnd felur tæknideild að gefa íbúum kost á að gera athugasemdir um fyrirhugað svæði.

1.

2013030034 - Túngata 5, Flateyri. - Afsal á lóðarréttindum.

Lagt fram erindi dags. 25. mars sl. þar sem Úlfar Önundarson afsalar sér lóðinni Túngata 5, Flateyri. Geymsluhús var á lóðinni sem fauk árið 2007.

Umhverfisnefnd samþykkir erindið og leggur til við bæjarstjórn að lóðaleigusamningurinn verði felldur úr gildi.  Byggingarfulltrúa falið að auglýsa lóðina lausa til umsóknar.

2.

2013040011 - Brunavarnir í sumarhúsabyggð í Tunguskógi.

Lagt fram erindi móttekið 5. apríl sl. frá Níels R. Björnssyni,  þar sem hann óskar eftir upplýsingum um brunaáætlun og brunahönnun í Tunguskógi í Skutulsfirði.

Umhverfisnefnd óskar umsagnar slökkviliðsstjóra á erindinu.

3.

2010120048 - Snjóflóðavarnir undir Kubba. - Framkvæmdaleyfi.

Lagðar fram myndir af frágangi á snjóflóðavarnargaði undir Kubba í Skutulsfirði.

Umhverfisnefnd vekur athygli Framkvæmdasýslu rískisins á hættu vegna ófrágenginna netgrinda og óskar eftir úrbótum nú þegar.

4.

2011020059 - Deiliskipulag á Suðurtanga, Ísafirði.

Erindi var síðast á dagskrá fundar umhverfisnefndar 27. mars sl.

Umhverfisnefnd leggur til við bæjarstjórn að götuheiti á Suðurtanga, Ísafirði, sem unnar hafa verið úr innsendum tillögum, verði sem hér segir.
A-gata fái heitið Æðartangi,           B-gata fái heitið Hrafnatangi,
C-gata fái heitið Kríutangi,           D-gata fái heitið Neðstafjara,
E-gata fái heitið Bryggjufjara,      F-gata fái heitið Bátafjara og
G-gata fái heitið Eyrarfjara.
Umhverfisnefnd þakkar öllum sem sendu inn tillögur.

5.

2012030090 - Grunnskólinn á Ísafirði 2012.

Lögð fram frumdrög að skólalóð Grunnskólans á Ísafirði. Teikningin er unnin af Teiknistofunni Eik og dagsett í  mars 2013.

Uhverfisnefnd óskar eftir umsögn slökkviliðsstjóra á frumdrögunum.
Tæknideild falið að vinna áfram að frumdrögunum í samræmi við umræður á fundinum.

1.

2013030028 - Tankurinn við Sólbakka á Flateyri. - Breytt skráning.

Lagt fram erindi dags. 20. mars sl., þar sem Karl Hjálmarsson fh. Fjallið Þorfinnur ehf., óskar eftir að breyta skráningu Tanksins á Flateyri úr iðnaðarhúsnæði  í íbúðarhúsnæði.

Umhverfisnefnd getur ekki fallist á að breyta skráningu hússins úr iðnaðarhúsi og í íbúðarhús þar sem það er staðsett á snjóflóðahættusvæði. Hinsvegar getur umhverfisnefnd fallist á að breyta skráningu hússins í sumarhús og í lóðaleigusamning verði ákvæði um að búseta sé aðeins heimil á tímabilinu 30. apríl til 1. nóvember ár hvert.

2.

2013020007 - Grenjavinnsla 2013.

Lagt fram erindi dags. 9. mars sl. þar sem Finnbogi J. Jónasson leggur inn umsókn um grenjavinnslu og refaveiðar í Skutulsfirði og Hnífsdal í Ísafjarðarbæ.

Þar sem ekki er víst hvort samningur við Félag refa- og minkaveiðimanna verði endurnýjaður, óskar umhverfisnefnd eftir áliti bæjarráðs á erindinu.

3.

2013030022 - Fjallskilanefnd Súðavíkurhrepps.

Lagt fram bréf dags. 13. mars sl. frá Ómari Má Jónssyni, sveitarstjóra í Súðavíkurhreppi, þar sem tilkynnt er skipan í fjallskilanefnd Súðavíkurhrepps.

Lagt fram til kynningar.

4.

2013030027 - Frumvarp til laga um vatnalög og rannsóknir á auðlindum í jörðu, 634. mál.

Lagður fram tölvupóstur dags. 14. mars sl. frá atvinnuveganefnd Alþingis, þar sem lagt er fram frumvarp til laga um vatnalög og rannskóknir á auðlindum í jörðu (samræming reglna um vatnsréttindi), 634. mál. Umsagnir þurfa að berast eigi síðar en 19. mars nk.

Umhverfisnefnd gerir ekki athugasemdir við frumvarpið,  en lýsir yfir óánægju sinni við þann stutta tíma sem gefinn er til umsagnar.

5.

2013030009 - Samstarfssamningur Skógræktarfélags Ísafjarðar og Ísafjarðarbæjar.

Á fundi bæjarráðs 18. mars sl. var lagt fram bréf frá Skógræktarfélagi Ísafjarðar dagsett 6. mars sl., þar sem félagið er að leita eftir samstarfssamningi við Ísafjarðarbæ. Bréfinu fylgja drög að slíkum samstarfssamningi. Fulltrúar Skógræktarfélagsins óska eftir fundi með fulltrúum umhverfisnefndar Ísafjarðarbæjar eins fljótt og mögulegt er, til að ræða þessi mál og önnur er á félaginu brenna. Bæjarráð vísaði erindinu til vinnslu á umhverfis- og eignasviði og í umhverfisnefnd.

Umhverfisnefnd felur sviðsstjóra umhverfis- og eignasviðs að ræða við Skógræktarfélagið í samræmi við umræður á fundinum.

6.

2013020060 - Malbikun gatna 2013.

Lagt fram yfirlit frá tæknideild Ísafjarðarbæjar yfir götur á Ísafirði, þar sem slitlag er orðið lélegt.  Erindi frestað á síðasta fundi umhverfisnefdnar.

Umhverfisnefnd samþykkir að farið verði í hellulögn í Smiðjugötu og að Seljalandsvegur frá Miðtúnsbrekku að Engi verði malbikaður í samræmi við fjárhagsáætlun.

7.

2013030023 - Ofanflóðavarnir neðan Gleiðarhjalla, framkvæmdaleyfi.

Lagt fram bréf dags. 18. mars sl. frá Jóhanni Birki Helgasyni, sviðsstjóra umhverfis- og eignasviðs fh. Ísafjarðarbæjar, þar sem óskað er eftir framkvæmdaleyfi vegna byggingu ofanflóðavarna neðan Gleiðarhjalla á Ísafirði.

Umhverfisnefnd leggur til við bæjarstjórn að framkvæmdaleyfið verði veitt fyrir ofanflóðavarnir neðan Gleiðarhjalla á Ísafirði með eftirfarandi skilyrðum:
    Að gengið verði til samninga við Skógræktarfélag Ísafjarðar um bætur vegna þeirra trjáa sem eru innan framkvæmdasvæðis.
    Að landmótun og frágangur yfirborðs verði í samræmi við deiliskipulag og umhverfismat framkvæmda á svæðinu.
    Að framkvæmdaraðili hugi sérstaklega að vökvunarbúnaði við uppgræðslu, vegna lítillar ofankomu yfir sumartímann.
    Að framkvæmdaraðili leggi fram greinargerð um að regnvatnslagnir, sem ofanvatni er beint í, anni því vatnsmagni sem fyrirséð er að komi úr hlíðinni fyrir ofan.
    Að gætt verði að, að  aðeins verði unnið innan skilgreinds framkvæmdasvæðis.
    Að sérstaklega verði gætt að ofanvatni á framkvæmdatíma.

8.

2011020059 - Deiliskipulag á Suðurtanga, Ísafirði.

Á fundi umhverfisnefndar 14. nóvember 2012, var sviðsstjóra umhverfis- og eignasviðs Ísafjarðarbæjar, falið að auglýsa eftir tillögum að götunöfnum á Suðurtanga á Ísafirði. Lagðar fram 24 tillögur að götunöfnum á Suðurtanga.

Tæknideild falið að vinna áfram að málinu í samræmi við umræður á fundinum.

9.

2012080051 - Endurnýjun Fossárvirkjunar.

Lögð fram deiliskipulagstillaga og greinargerð Forssárvirkjunar fyrir Orkubú Vestfjarða ohf. Tillagan er unnin af Teiknistofunni Eik ehf. dags. mars 2013.

Umhverfisnefnd leggur til við bæjarstjórn að deiliskipulagstillagan verði auglýst.
Jafnframt leggur umhverfisnefnd til að fallið verði frá kynningu á deiliskipulagstillögunni í samræmi við grein 5.6.1, í skipulagsreglugerð nr.90/2013 enda liggja allar meginforsendur fyrir í aðalskipulagi Ísafjarðarbæjar 2008 - 2020 og landeigendur voru boðaðir á fund vegna málsins 18. mars sl.

10.

2013030033 - Samráðsfundur 2013. - Skipulagsstofnun og Samb. ísl. sveitarf.

Lagður fram tölvupóstur dags. 25. mars sl. frá Skipulagsstofnun þar sem kynntur er árlegur samráðsfundur Skipulagsstofnunar, Sambands íslenskra sveitarfélaga og sveitarfélaganna. Fundurinn verður haldinn 11. og 12. apríl 2013 á Hótel Cabin, 7. hæð, Borgartúni 32, Reykjavík.
Fundurinn er ætlaður kjörnum fulltrúum og starfsmönnum sveitarfélaganna í skipulagsmálum.

Umhverfisnefnd samþykkir, að Albertína Elíasdóttir og Gísli Halldór Halldórsson mæta á fundinn fyrir hönd Ísafjarðarbæjar.

1.

2013020047 - Stöðuleyfi fyrir gám á Flateyri.

Lögð fram umsókn frá Iceland Profishing hf, Hafnarstræti 9, Flateyri, þar sem sótt er um stöðuleyfi fyrir gámahúsi ásamt palli fyrir grillaðstöðu á smábátahöfninni  Melagötu á Flateyri.

Umhverfisnefnd óskar álits íbúasamtaka Önundarfjarðar á erindi Iceland Profishing hf. vegna grillaðstöðunnar.
Ósk um stöðuleyfi fyrir gám er sent til Hafnarstjórnar Ísafjarðarbæjar. Lausn sem þessi, með lausum gámum ætti alltaf að vera tímabundin.

2.

2013020017 - Gámar í Ísafjarðarbæ 2013.

Lögð fram samantekt, unnin af byggingarfulltrúa Ísafjarðarbæjar, um stöðuleyfi fyrir gáma í Ísafjarðarbæ.

Umhverfisnefnd lýsir ánægju sinni með úttektina og felur byggingarfulltrúa að vinna áfram að gámamálunum í samræmi við umræður á fundinum.

3.

2012060008 - Endurskoðun samþykkta um hunda- og kattahald í Ísafjarðarbæ.

Tekin fyrir að nýju samþykkt um hunda- og kattahald í Ísafjarðarbæ. Fyrir liggur umsögn Heilbrigðiseftirlits Vestfjarða á drögunum.

Lagt fram til kynningar.

4.

2013020070 - Reglugerð um hlutverk Umhverfisstofnunar sbr. lög um náttúruvernd. - Umsagnarbeiðni.

Lagt fram bréf Umhverfis- og auðlindaráðuneytisins dagsett 25. febrúar 2013, er varðar drög að reglugerð um eftirlit Umhverfisstofnunar með náttúru landsins.
Óskað er umsagnar á reglugerðardrögunum eigi síðar en 22. mars nk.

Umhverfisnefnd gerir ekki athugasemd við drögin.

5.

2013020068 - Sindragata 13a, Ísafirði. - Umsókn um lóð.

Lagður fram tölvupóstur frá Bernharð Hjaltalín dags. 27. febrúar 2013, þar sem sótt er um lóðina að Sindragötu 13a á Ísafirði.

Umhverfisnefnd óskar eftir áliti Hafnarstjórnar Ísafjarðarbæjar á umsókn, þar sem lóðin er á skipulögðu hafnarsvæði skv. Aðalskipulagi Ísafjarðarbæjar 2008 - 2020.

6.

2013020060 - Malbikun gatna 2013.

Lagt fram yfirlit frá tæknideild Ísafjarðarbæjar yfir götur á Ísafirði, þar sem slitlag er orðið lélegt.

Erindi frestað til næsta fundar.

7.

2013020073 - Skipulagsreglugerð 90/2013.

Lögð fram ný skipulagsreglugerð nr.90/2013. Jafnframt er lagður fram tölvupóstur frá Fjórðungssambandi Vestfirðinga dags. 27. febrúar 2013, er varðar kynningu á nýju skipulagsreglugerðinni.
Kynningin verður haldin í fundarsal Fræðslumiðstöðvar Vestfjarða, Suðurgötu 12, Ísafirði,  miðvikudaginn 13. mars 2013 kl.13-15.

Lagt fram til kynningar.

8.

2011110051 - Flutningur á tengivirki í Stórurð á Ísafirði.

Lagt fram bréf frá Verkís, f.h. Landsnets og Orkubús Vestfjarða dagsett 28. febrúar 2013,  er varðar leyfi landeiganda til að fá að þvera Tunguá í Skutulsfirði með ídráttarrörum fyrir rafstrengi vegna flutnings tengivirkis úr Stórurð að Skeiði 7, Ísafirði.

Umhverfisnefnd samþykkir erindið en óskar eftir að framkvæmdaáætlun verði lögð fram til tæknideildar áður en framkvæmdir hefjast. Valinn verði framkvæmdatími sem minnst áhrif hefur á lífríkið. Haft verði samráð við tæknideild um frágang.

9.

2011110051 - Flutningur á tengivirki í Stórurð á Ísafirði.

Lagt fram bréf Verkís, f.h. Landsnets og Orkubús Vestfjarða er varðar framkvæmdaleyfi við lagningu rafstrengs vegna færslu tengivirkis í Stórurð á Ísafirði. Gert er ráð fyrir að leggja þrjá 11 kV strengi frá Stakkanesi að tengivirki við Skeiði 7 og tvo 66 kV strengi frá Seljalandi að tengivirki við Skeiði 7.

Umhverfisnefnd samþykkir erindið en óskar eftir að framkvæmdaáætlun verði lögð fram til tæknideildar áður en framkvæmdir hefjast. Haft verði samráð við tæknideild um frágang og sérstök áhersla verði lögð á frágang við göngustíg.

10.

2011020059 - Deiliskipulag á Suðurtanga, Ísafirði

Á fundi umhverfisnefndar 14. nóvember 2012, var sviðsstjóra umhverfis- og eignasviðs Ísafjarðarbæjar, falið að auglýsa eftir tillögum að götunöfnum á Suðurtanga á Ísafirði. Lagðar fram 24 tillögur að götunöfnum á Suðurtanga.

Erindi frestað og unnið áfram að málinu fram að næsta fundi umhverfisnefndar.

1.

2013020001 - Sindragata 4b, Ísafirði. - Umsókn um lóð.

Lagt fram erindi dags. 1. febrúar sl. þar sem Guðmundur Tr. Ásbergsson sækir um lóðina Sindragata 4b, Ísafirði, undir fjölbýlishús.

Umhverfisnefnd leggur til við bæjarstjórn að Guðmundur Tr. Ásbergsson fái lóðina Sindragata 4b, Ísafirði,  með þeim reglum sem í gildi eru og settar kunna að verða. Lóðarumsókn fellur úr gildi hafi teikningar ekki borist Ísafjarðarbæ innan 6 mánaða og framkvæmdir ekki hafist innan 12 mánaða frá úthlutun.

2.

2013020016 - Skeið 7, Ísafirði. - Umsókn um lóð.

Lagt fram erindi frá Verkís fh. Landsnets, þar sem sótt er um lóðina Skeið 7, Ísafirði, undir tengivirki Landsnets.

Umhverfisnefnd leggur til við bæjarstjórn að Landsnet fái lóðina Skeið 7, Ísafirði,  með þeim reglum sem í gildi eru og settar kunna að verða. Lóðarumsókn fellur úr gildi hafi teikningar ekki borist Ísafjarðarbæ innan 6 mánaða og framkvæmdir ekki hafist innan 12 mánaða frá úthlutun.

3.

2009030054 - Brekkustígur 7, Suðureyri. - Byggingarleyfi.

Lagt fram bréf byggingarfulltrúa dags. 6. febrúar sl., til eiganda Brekkustígs 7, Suðureyri.

Lagt fram til kynningar.

4.

2011100076 - Torfnes, Ísafirði. - Byggingarleyfi v/ áhorfendastúku.

Erindi síðast á dagskrá í umhverfisnefnd 23. janúar sl. Umhverfisnefnd óskaði eftir úrlausn mála frá byggingarnefnd stúkunnar.

Samkvæmt þeim gögnum sem lögð hafa verið fram hjá byggingarfulltrúa Ísafjarðarbæjar, þá teljast þau fullnægjandi og þar með brugðist við athugasemdum.

5.

2013020007 - Grenjavinnsla 2013.

Lagt fram bréf dags. 2. febrúar sl. frá Salvari Baldurssyni, formanni stjórnar Dúnlands, þar sem kynnt er ályktun sem samþykkt var á stjórnarfundi Æðarræktarfélagsins Dúnlands, sem haldinn var á Mýrum í Dýrafirði 18. janúar sl.

Lagt fram til kynningar.

6.

2012060008 - Endurskoðun samþykkta um hunda- og kattahald í Ísafjarðarbæ.

Lagðar fram endurstoðaðar samþykktir um  hundahald og kattahald í Ísafjarðarbæ.

Umhverfisnefnd vísar drögum að samþykkt um hunda- og kattahald til Heilbrigðiseftirlits Vestfjarða og héraðsdýralæknis (Matís) til umsagnar með þeim breytingum sem fram komu á fundinum.

7.

2013020017 - Gámar í Ísafjarðarbæ 2013.

Lagt fram minnisblað byggingarfulltrúa Ísafjarðarbæjar, um staðsetningu gáma á Ísafirði og í Hnífsdal.

Umhverfisnefnd felur tæknideild að vinna áfram að málinu í samræmi við umræður á fundinum.

8.

2013020015 - Þingsályktunartillaga um breytta framtíðarskipan refaveiða, 84. mál - umsagnarbeiðni.

Lagt fram erindi dags. 7. febrúar sl. frá nefndasviði Alþingis þar sem óskað er umsagnar Ísafjarðarbæjar um tillögu til þingsályktunar um breytta framtíðarskipan refaveiða á Íslandi, 84. mál.

Umhverfisnefnd leggur áherslu á að það eigi að vera hlutverk ríkisins að halda ref og mink í skefjum og að ríkið beri af því allan kostnað.
Umhverfisnefnd telur æskilegt að rannsóknir og veiðistjórnun verði á einni hendi á ábyrgð ríkisins.

9.

2013020024 - Frumvarp til laga um búfjármál, 282. mál. - Umsögn.

Lagt fram erindi dags. 8. febrúar sl. frá nefndasviði Alþingis, þar sem óskað er umsagnar Ísafjarðarbæjar um frumvarp til laga um búfjárhald, 282. mál.

Umhverfisnefnd gerir ekki athugasemd við frumvarpið.

10.

2013020026 - Frumvarp til laga um velferð dýra (heildarlög), 283. mál - Umsögn.

Lagt fram erindi dags. 8. febrúar sl. frá nefndasviði Alþingis, þar sem óskað er umsagnar Ísafjarðarbæjar um frumvarp til laga um velferð dýra (heildarlög), 283. mál.

Umhverfisnefnd gerir ekki athugasemd við frumvarpið.

11.

2013010015 - Skýrsla um ,,Afhendingaröryggi raforku á Vestfjörðum“.

Á fundi bæjarráðs 11. febrúar sl.,  var lögð fram skýrslan ,,Afhendingaröryggi raforku á Vestfjörðum“, sem unnin er af starfshópi um bætt afhendingaröryggi raforku á Vestfjörðum. Skýrslan kom út í desember 2012.

Skýrslan lögð fram til kynningar í bæjarráði og vísað til kynningar í umhverfisnefnd Ísafjarðarbæjar.

Lagt fram til kynningar.

1.

2012070029 - Samb.ísl.sveitarf. - Ýmis erindi 2012.

Á fundi bæjarráðs 8. janúar sl., var lagt fram tölvubréf frá Guðjóni Bragasyni hjá Samb. ísl. sveitarf., þar sem hann vekur athygli sveitarfélaga á lagabreytingum er voru samþykktar á Alþingi þann 19. desember 2012 og snerta sveitarfélögin í landinu. Tölvubréfið var lagt fram til kynningar í bæjarráði og vísað til umhverfisnefndar til kynningar.

Lagt fram til kynningar.

2.

2012040002 - Sjóvarnir og sportbátaaðstaða við Pollinn á Ísafirði.

Lögð fram drög að skýrslu starfshóps um framtíðarskipan Pollsins á Ísafirði, dags. jan. 2013.

Lagt fram til kynningar.

3.

2012030012 - Sjókvíaeldi Dýrfisks ehf. í Dýrafirði.

Lagt fram erindi frá Skipulagsstofnun dagsett 8. janúar sl., þar sem gerð er grein fyrir tilkynningu frá Dýrfiski ehf., til Skipulagsstofnunar, um aukningu á framleiðslu á regnbogasilungi (eða laxi) í Dýrafirði. Skipulagsstofnun óskar umsagnar Ísafjarðarbæjar á því hvort eða á hvaða forsendum ofangreind framkvæmd sé háð mati á umhverfisáhrifum skv. 6. gr. laga nr. 106/2000 og óskast umsögn send fyrir 25. janúar n.k.

Umhverfisnefnd áréttar enn og aftur að hún telur mikilvægt að Ísafjarðarbær öðlist skipulagsvald yfir strandsvæðum sínum út að einni sjómílu frá grunnlínupunktum.
Þar sem um er að ræða mikið hagsmunamál, m.a. með vísan í æðarvarp á Mýrum og víðar í firðinum, þá leggur umhverfisnefnd til við Skipulagsstofnun að auglýst verði eftir athugasemdum eins og um deiliskipulag væri að ræða.
Þar sem hluti svæðis er innan hafnarsvæðis Ísafjarðarbæjar er nauðsynlegt að fyrir liggi umsögn hafnarstjórnar Ísafjarðarbæjar á erindinu.

4.

2011090100 - Deiliskipulag á Ingjaldssandi.

Lögð fram deiliskipulagstillaga að Ingjaldssandi.
Erindið var síðast á dagskrá umhverfisnefndar 3. október 2012.

Umhverfisnefnd frestar afgreiðslu deiliskipulagstillögu fyrir Álfadal svæði F31 og F32, þar til gengið hefur verið með formlegum hætti frá skiptum á jörðunum Ástúni og Álfadal.
Umhverfisnefnd leggur til við bæjarstjórn að deiliskipulagstillaga af Nesdal svæði F27 og Hrauni F29 og F30 verði samþykkt enda styðja fyrirliggjandi gögn eignarhald Sæbóls að Nesdal og enginn annar hefur lýst eign sinni í auglýsingarferli deiliskipulagstillögunnar.

5.

2013010045 - Ecological quality assessment for Pollurinn by using biotic indices.

Lögð fram meistararitgerð, Ecological quality assessment for Pollurinn (Ísafjörður) by using biotic indices. Ritgerðin er unnin af Arastou Gharibi nemanda í Coastal and Marine Management, í apríl 2011.

Lagt fram til kynningar.

6.

2011100076 - Torfnes. - Byggingarleyfi v/ áhorfendastúku.

Lagt fram minnisblað byggingarfulltrúa Ísafjarðarbæjar dags. 21. janúar sl.

Umhverfisnefnd óskar eftir úrlausn málsins frá byggingarnefnd stúkunnar, að öðrum kosti fari erindið í ferli dagsektarmála hjá byggingarfulltrúa Ísafjarðarbæjar að loknum næsta fundi nefndarinnar.

7.

2013010041 - Minjastofnun Íslands.

Lagt fram bréf dags. 9. janúar sl. frá Agnesi Stefánsdóttur, deildastjóra, fh. forstöðumanns Minjastofnunar Íslands, þar sem bent er á ný lög um menningarminjar nr. 80/2012,  sem tóku gildi 1. janúar 2013. Með gildistöku þessara laga voru Fornleifavernd ríkisins og Húsafriðunarnefnd ríkisins lagðar niður og ný stofnun, Minjastofnun Íslands tók til starfa.

Lagt fram til kynningar.

8.

2013010051 - Frumvarp til laga um náttúruvernd (heildarlög), 429. mál.

Lagður fram tölvupóstur dags. 17. janúar sl. frá nefndasviði Alþingis, þar sem umhverfis- og samgöngunefnd Alþingis sendir Ísafjarðarbæ til umsagnar frumvarp til laga um náttúruvernd (heildarlög), 429. mál.

Lagt fram til kynningar.

9.

2011070030 - Fjallskilareglugerð fyrir Vestfirði.

Erindi frestað á síðasta fundi umhverfisnefndar.

Umhverfisnefnd leggur til við bæjarráð að greiðsla vegna vinnu við endurskoðun Fjallskilasamþykktar verði samþykkt.

 
Umhverfisnefnd leggur til við bæjarstjórn að eftirtaldir aðilar verði skipaðir fulltrúar í Fjallskilanefnd Ísafjarðarbæjar: Karl Guðmundsson, Súgandafirði, Kristján Andri Guðjónsson, Skutulsfirði, Kristján Jónsson, Skutulsfirði, Svala Sigríður Jónsdóttir, Súgandafirði, Ásvaldur Magnússon, Önundarfirði, Sighvatur Jón Þórarinsson, Dýrafirði og Ómar Dýri Sigurðsson, Dýrafirði.

Fjallskilanefnd velji sér formann.

10.

2009060058 - Deiliskipulag í Tungudal, Skutulsfirði.

Lögð fram deiliskipulagstillaga frístundabyggðar í Tungudal, Skutulsfirði, unnin af Teiknistofunni Eik.

Umhverfisnefnd leggur til við bæjarstjórn að deiliskipulagstillagan verði auglýst.

11.

2004020154 - Snjóflóðavarnir í Kubba. - Breyting á deiliskipulagi.

Lögð fram deiliskipulagstillaga vegna snjóflóðavarna í Kubba á Ísafirði, unnin af Teiknistofunni Eik.

Umhverfisnefnd leggur til við bæjarstjórn að deiliskipulagstillagan verði auglýst.

12.

2010040047 - Deiliskipulag á Suðureyri. - Miðsvæði.

Lögð fram deiliskipulagstillaga af miðbæ Suðureyrar, unnin af Teiknistofunni Eik.

Umhverfisnefnd leggur til við bæjarstjórn að deiliskipulagstillagan verði auglýst.

1.

2009070034 - Heimabær II. - Hesteyri.

Lagt fram bréf dags. 19. des. sl. frá Arnari Þór Stefánssyni hrl., þar sem vísað er í bréf frá 28. nóvember sl. er varðar bókun umhverfisnefndar frá 14. nóvember sl. Lagðar eru inn breyttar teikningar á Heimabæ II, Hesteyri.

Umhverfisnefnd samþykkir framkomnar teikningar enda hefur verið farið eftir ábendingum umhverfisnefndar Ísafjarðarbæjar.

2.

2012120030 - Stefnisgata 7, Suðureyri. - Umsókn um lóð.

Lagt fram erindi dags. 17. des. sl. frá Sigurjóni Andra Guðmundssyni, þar sem hann sækir um lóðina Stefnisgata 7, Suðureyri, samkvæmt deiliskipulagi af miðbæ Suðureyrar.

Þar sem umrædd lóð er ekki laus til umsóknar getur umhverfisnefnd ekki úthlutað lóðinni að svo stöddu.
Byggingarfulltrúa falið að ræða við bréfritara.

3.

2012120025 - Austurvegur 2, Ísafirði. - Byggingarleyfi.

Lagt fram erindi dags. 11. des. sl. frá Ágústi Gíslasyni fh. Þallar ehf. þar sem óskað er eftir breyttri skráningu/notkun á húsnæði Þallar að Austurvegi 2, Ísafirði, samkvæmt teikningu frá Gísla Má Ágústssyni.

Umhverfisnefnd gerir ekki athugasemd við að notkun á húseigninni Austurvegi 2, Ísafirði, verði breytt úr skrifstofuhúsnæði og í gistiheimili, enda í samræmi við Aðalskipulag Ísafjarðarbæjar 2008 - 2020.

4.

2012120024 - Breytt notkun á leikvallarlóð á Austurvegi, Ísafirði.

Lagt fram erindi dags. 12. des. sl. frá Árna Traustasyni, Þorsteini Þráinssyni og Þórði J. Skúlasyni fh. Oddfellowstúknanna á Ísafirði, þar sem óskað er eftir breyttri nýtingu á leikvallarlóð við Austurveg.

Umhverfisnefnd tekur jákvætt í erindið og vísar erindinu í hönnunarferli af svæðinu.

5.

2010080007 - Smáhýsi í Tungudal, Skutulsfirði.

Lagt fram bréf dags. 26. nóvember sl. frá Guðmundi Tryggva Ásbergssyni, þar sem sótt er um leyfi til að reisa 20 smáhýsi á svæði, sem er innan og vestan við tjaldsvæðið í Tungudal, Skutulsfirði.
Erindið var tekið fyrir á fundi umhverfisnefndar 12. des. sl. og var óskað eftir því að bréfritari kæmi á næsta fund nefndarinnar og sat hann fundinn undir þessum lið dagskrár.

Umhverfisnefnd leggur til við bæjarstjórn að tekin verði upp að nýju deiliskipulagsvinna af svæðinu.
Gert yrði ráð fyrir smáhýsunum á næst innsta túninu í Tungudal, neðan Landsbankabústaðar.

Albertína Friðbjörg Elíasdóttir sat hjá við afgreiðslu erindisins.

6.

2012080051 - Endurnýjun Fossárvirkjunar í Engidal, Skutulsfirði.

Lagt fram erindi dags. 20. des. sl. frá Skipulagsstofnun þar sem óskað er eftir umsögn Ísafjarðarbæjar um hvort og á hvaða forsendum framkvæmd OV ohf., á endurnýjun Fossárvirkjunar í Engidal, Skutulsfirði skuli háð mati á umhverfisáhrifum í samræmi við 6. gr. laga nr. 106/2000 msb. og 11. gr. reglugerðar nr. 1123/2005 að teknu tilliti til 3. viðauka í framangreindum lögum.
Jafnframt er lögð fram deiliskipulags- og matslýsing fyrir Fossárvirkjun, dags. 20. desember 2012.

Umhverfisnefnd metur það svo að framkomnar upplýsingar gefi ekki tilefni til að framkvæmdin sé háð mati á umhverfisáhrifum með vísan í 3. viðauka laga nr. 106/2000 m.s.br.
Umhverfisnefnd samþykkir framkomna deiliskipulags- og matslýsingu enda í samræmi við Aðalskipulag Ísafjarðarbæjar 2008-2020.

7.

2011020053 - Starfsmannastefna Ísafjarðarbæjar - Endurskoðun.

Lögð fram drög af starfsmannastefnu Ísafjarðarbæjar.

Umhverfisnefnd fagnar framkomnum drögum en telur að skýra þurfi eftirfylgni og framkvæmd stefnunnar.

8.

2011070030 - Fjallskilareglugerð fyrir Vestfirði.

Lagt fram bréf dags. 10. des. sl. frá Guðmundi Steinari Björgmundssyni fh. Búnaðarfélagsins Bjarma þar sem lögð er fram tillaga búnaðarfélagsins um fulltrúa í fjallskilanefnd Ísafjarðarbæjar.

Erindi rætt og ákvörðun frestað til næsta fundar.

9.

2012040041 - Neðri-mið-Hvammur í Dýrafirði. - Skipting lands.

Erindi síðast á dagskrá umhverfisnefndar 28. nóvember sl.

Umhverfisnefnd leggur til við bæjarstjórn að erindið verði samþykkt.

10.

2011040052 - Deiliskipulag hjúkrunarheimilis

Lögð fram deiliskipulagstillaga að hjúkrunarheimili á Torfnesi, Ísafirði. Skipulagstillagan var samþykkt í umhverfisnefnd 21. mars 2012 og tekin fyrir í bæjarráði 30. apríl 2012.
Í bréfi dags. 18. apríl 2012 frá Skipulagsstofnun, var ekki gerð athugasemd við að Ísafjarðarbær birti auglýsingu um samþykkt deiliskipulagsbreytingarinnar í b-deild Stjórnartíðinda.

Umhverfisnefnd leggur til við bæjarstjórn að deiliskipulagstillagan verði auglýst.

11.

2012090061 - Aðalskipulagsbreytingar - sumarhúsalóðir í Arnardal, Skutulsfirði.

Erindi var síðast á dagskrá umhverfisnefndar 16. október sl.
Umsagnir voru sendar til eigenda lands í Arnardal.
3 umsagnir bárust. Þær voru frá eigendum jarðanna Fremri-Húsa og Fremri Arnardals, eigendum Fremri Arnardals 1 og eigendum nýbýlisins að Holti í Arnardal.

Umhverfisnefnd þakkar framkomnar ábendingar og vísar þeim í vinnu við breytingu á Aðalskipulagi Ísafjarðarbæjar 2008-2020.

12.

2011070023 - Reglugerð um landsskipulagsstefnu. - Umsagnarbeiðni.

Lagt fram bréf dags. 20. des. sl. frá Einari Jónssyni, verkefnastjóra landsskipulags, fh. Skipulagsstofnuar þar er bent er á greinargerð þar sem er að finna yfirlit, samantektir athugasemda, efnisleg svör Skipulagsstofnunar, afgreiðslu og tillögur stofnunarinnar til umhverfis- og auðlindaráðherra, um breytingar á auglýstri tillögu að landsskipulagsstefnu. Greinargerðina er að finna á www.landsskipulag.is

Lagt fram til kynningar.

13.

2012110030 - Erindisbréf umhverfisnefndar 2012.

Erindi síðast á dagskrá umhverfisnefndar 28. nóvember sl.

Umhverfisnefnd felur sviðstjóra umhverfis- og eignasviðs að vinna áfram í drögum að erindisbréfi í samræmi við umræður á fundinum.

1.

2010080007 - Smáhýsi í Tungudal.

Lagt fram bréf dags. 26. nóvember sl. frá Guðmundi Tryggva Ásbergssyni, þar sem sótt er um leyfi til að reisa 20 smáhýsi á svæði sem er innan og vestan við tjaldsvæðið í Tungudal.

Umhverfisnefnd óskar eftir að bréfritari komi á næsta fund nefndarinnar og kynni verkefnið.

2.

2012120015 - Innra eftirlit með leiksvæðum Ísafjarðarbæjar.

Lögð fram handbók sem ætluð er fyrir rekstrarskoðun leiksvæða og skemmtigarða. Handbókin er gefin út af RoSPA(Royal Society og Prevention of Accidents) í Bretlandi og er þýdd og staðfærð á vegum Umhverfisstofnunar.

Umhverfisnefnd samþykkir framkomna handbók og felurstarfsmönnum eignasjóðs að kynna handbókina þeim stofnunum er málið viðkemur. Þær stofnanir setji sér verklagsreglur í samvinnu við tæknideild sem lagðar verða fyrir umhverfisnefnd.
Handbókinni vísað til kynningar í fræðslunefnd.

3.

2012120004 - Rekstur tjaldsvæðis á Suðurtanga, Ísafirði. 2013-2014.

Lagt fram bréf dags. 4. desember sl. frá Elíasi Oddssyni fh. Kagrafells ehf., Ísafirði, þar sem óskað er eftir áframhaldandi leyfi til reksturs tjaldsvæðis við Suðurtanga á Ísafirði fyrir árin 2013 og 2014.

Umhverfisnefnd samþykkir að framlengja leyfið út árið 2014. Bréfritara er gerð grein fyrir að hugsanlegar framkvæmdir samhliða væntanlegu deiliskipulagi gætu hafist í nágrenni svæðisins á tímabilinu.

Albertína Elíasdóttir vék af fundi undir þessum lið.

4.

2012120014 - Landamerki Granda í Dýrafirði.

Lögð fram yfirlýsing dags. 15.10.2012, þar sem eigandi jarðarinnar Granda og Ísafjarðarbær eru sammála um þau landamerki sem tilgreind eru á milli Granda og Sanda í Dýrafirði í skjali sem fylgdi erindi frá Tækniþjónustu Vestfjarða.

Umhverfisnefnd gerir ekki athugasemd við framkomin landamerki á milli Granda og Ísafjarðarbæjar.
Sviðsstjóra falið að ganga frá málinu í samræmi við umræður á fundinum.

5.

2012120010 - Frumvarp til laga um gatnagerðargjald, 290 mál. Umsögn.

Lagt fram frumvarp til laga um gatnagerðargjald (framlenging gjaldtökuheimildar), 290. mál frá Umhverfis- og samgöngunefnd Alþingis. Óskað er umsagnar á frumvarpinu fyrir 14. des. nk.

Umhverfisnefnd gerir ekki athugasemd við erindið.

6.

2012120001 - Ályktun frá aðalfundi Skógræktarfélags Íslands 2012.

Lagt fram bréf dags. 30. nóvember sl. þar sem Skógræktarfélag Íslands sendir ályktun, sem samþykkt var á aðalfundi félagsins á Blönduósi dagana 24. - 26. september sl.

Lagt fram til kynningar.

7.

2012020066 - Grenjavinnsla 2012.

Á fundi bæjarráðs 10. des sl. var lögð fram ársskýrsla frá Félagi refa- og minkaveiðimanna í Ísafjarðarbæ fyrir árið 2012. Í skýrslunni er yfirlit um starfsemi félagsins á líðandi ári og hugleiðingar veiðimanna um ástandið og úrbætur.
Bæjarráð vísaði skýrslunni til umhverfisnefndar.

Umhverfisnefnd hvetur til að samningurinn verði virtur.