Jóhann Birkir Helgason, sviðsstjóri umhverfis- og eignasviðs Ísafjarðarbæjar kynnir deiliskipulag á Suðurtanga á Ísafirði.

Jóhann fór ítarlega yfir það deiliskipulag sem nú er til umfjöllunar hjá umhverfis- og eignasviði og bæjarstjórn Ísafjarðarbæjar. Hafnarstjórn þakkar Jóhanni fyrir greinagóða lýsingu á deiliskipulaginu.

Jóhann vék af fundi kl. 17:50. 

2.      Erindisbréf  hafnarstjórnar Ísafjarðarbæjar. 2012-11-0034. 

Lagt fram erindisbréf hafnarstjórnar Ísafjarðarbæjar til endurskoðunar.

Hafnarstjórn leggur til að erindisbréfi verði breytt þannig að þess sé getið að fulltrúar í hafnarstjórn verði 5 í stað 7 fulltrúa eins og nú er kveðið á um. Einnig að skoðað verði sérstaklega ákvæðið um að höfnin starfi á hafnarmálasviði.

3.      Minnisblað hafnarstjóra varðandi þau verkefni sem eru í gangi og á samgönguáætlun. 2012-01-0001.                        

Lagt fram minnisblað hafnarstjóra, í sjö liðum, varðandi verkefni í gangi sem og verkefni á samgönguáætlun.

Verkin eru; færsla á flotbryggju, skábraut á Ísafirði, lagnir og þekja á Mávagarði og flotbryggja fyrir farþegabáta skemmtiferðaskipa.

Verkefni á samgönguáætlun varðandi endurnýjun stálþils á Suðureyri, dekkjamál á bryggjum og úttekt á öryggismálum Hafna Ísafjarðarbæjar.

4.   Atvinnumálastefna Ísafjarðarbæjar, vinnuskjal dagsett 24. maí 2013. 2010-08-0057.

Erindi frá Þorleifi Pálssyni, bæjarritara, dagsett 27. maí sl., er varðar tillögu Örnu Láru Jónsdóttur um atvinnumálastefnu Ísafjarðarbæjar, sem ákveðið er að vinna með Atvinnuþróunarfélagi Vestfjarða.

Hafnarstjórn óskar eftir að nýjustu drög að atvinnumálastefnu verði send á hafnarstjórn.

5.   Fundargerð 357. fundar stjórnar hafnasambands Íslands.

Lögð fram fundargerð 357. fundar hafnasambands Íslands sem haldinn var    8. maí sl.

Lagt fram til kynningar

6.   Fundargerð stjórnar og aðalfundar Cruise Europe.

Fundargerðir stjórnar og aðalfundar Cruise Europe sem haldinn var í Le Havre 23. til 25. apríl sl. Einnig fylgir fjárhagsáætlun og félagsgjaldaáætlun.

Lagt fram til kynningar.

7.   Skýrsla Pollnefndar Ísafjarðarbæjar. 2012-04-0002.

Fyrir fundinum liggur skýrsla starfshóps um framtíðarskipan Pollsins á Ísafirði, sem gerð var fyrir bæjarstjórn. Í skýrslunni koma fram hugmyndir og vangaveltur um framtíðar skipulagsmál við Pollinn.

Hafnarstjórn lýsir ánægju sinni með vel unna skýrslu og mun taka til skoðunar tillögur um framtíðarskipulag Pollsvæðis.

8.   Fundargerð um alþjóðlega björgunar- og viðbragðsmiðstöð á Íslandi. 2013-06-0031.

Erindi frá Hafnasambandi Íslands þar sem hagsmunaaðilar vegna alþjóðlegrar björgunar- og viðbragðsmiðstöðvar á Íslandi hittust á fundi í innanríkisráðuneytinu þann 30. maí sl.

Lagt fram til kynningar.

9.   Önnur mál. Lóðamál- Olíumúli-Fundir framundan.

2012-01-0001.

Hafnarstjóra er falið að tryggja með bráðabirgða girðingu að hindruð verði umferð gangandi vegfarenda um Gamla Olíumúla,  þar sem þekjan er mjög ótrygg.

Formaður hafnarstjórnar leggur til að nefndin fari í frí fram í miðjan ágúst n.k. nema að komi upp mál sem þarfnast brýnnar afgreiðslu.

Fleira ekki gert fundi slitið kl. 19:15.

Gísli Jón Kristjánsson           

Guðfinna Hreiðarsdóttir                   

Marzellíus Sveinbjörnsson

Kristján Andri Guðjónsson   

Sigurður Hafberg      

Guðmundur M Kristjánsson

Erindi frá Steinþóri Kristjánssyni fh. Iceland Pro Fishing ehf.,  þar sem sótt er um stöðuleyfi fyrir gám á hafnarsvæðinu á Flateyri. Einnig er sótt um svæði fyrir útigrill og sólpall.

Hafnarstjórn veitir Iceland Pro Fishing ehf. stöðuleyfi samkvæmt umsókn fyrir þurrkgáminn, við hliðina á masturshúsi við bátahöfn á Flateyri.

Hvað varðar umsókn um svæði fyrir sólpall og grillaðstöðu vísar hafnarstjórn því erindi til byggingarfulltrúa, þar sem umrætt svæði er ekki innan skilgreinds hafnarsvæðis.

2. Lóðarumsókn,  Sindragata 13a, Ísafirði. 2013-02-0068.

Lagður er fram tölvupóstur frá Bernharð Hjaltalín, dags. 27. febrúar sl., þar sem hann sækir um lóðina Sindragata 13a á Ísafirði. Sótt er um lóðina fyrir veitingahús samkvæmt útskýringum byggingarfulltrúa.

Hafnarstjórn gerir ekki athugasemdir við innkomið erindi.

3. Sölueiningar innan girðingar á Sundahöfn, Ísafirði. 2013-03-0030.

Erindi frá bæjarráði dags. 27. mars 2013, þar sem óskað er umsagnar hafnarstjórnar á erindi Icecard ehf., Barónstíg 5 101 Reykjavík.

Erindinu er hafnað. Það er ekki heimilt samkvæmt reglum um ISPS hafnverndarsvæði að önnur starfsemi,  en hafnarstarfsemi, fari fram innan hafnverndargirðingar.

4. Tilboð í verkin ,,Mávagarður lagnir og þekja“  og ,,Suðureyri niðurrekstur stálþils “. 2012-01-0001.

Lagt fram erindi frá Kristjáni Helgasyni hjá Siglingastofnun, er varðar tilboð í verkið niðurrekstur stálþils á Suðureyri og verkið þekja og lagnir á Mávagarði. Tilboð í rekstur stálþils á Suðureyri frá Íslenska Gámafélaginu kr. 47.993.880.-,  sem er 14% yfir kostnaðaráætlun. Í verkið lagnir og þekja á Mávagarði var lægsta tilboð frá Vestfirskum Verktökum ehf.,  kr. 28.463.984.- sem er 89,8% af kostnaðaráætlun.

Hafnarstjórn leggur til að tilboði Vestfirskra Verktaka ehf.,  verði tekið í þekju og lagnir á Mávagarði.

Hafnarstjórn frestar afgreiðslu  tilboðs í rekstur stálþils á Suðureyri,  en aðeins eitt tilboð barst í verkið, sem var talsvert yfir kostnaðaráætlun. Hafnarstjóra er falið að skoða málið í samvinnu við bæjaryfirvöld og Siglingastofnun.

5. Önnur mál.

Hafnarstjórn óskar eftir að á næsta fund komi einhver sérfróður aðili frá umhverfis- og eignasviði Ísafjarðarbæjar, til að kynna deiliskipulag á  hafnarsvæði Ísafjarðar.

Fleira ekki gert, fundi slitið kl 18:00.

Guðfinna Hreiðarsdóttir.                                          

Marzellíus Sveinbjörnsson.

Kristján Andri Guðjónsson.                                     

Barði Önundarson.

Jóhann Bjarnason.                                                    

Guðmundur M Kristjánsson

Erindi sem var frestað frá síðasta fundi er varðar verkefni á Samgönguáætlun og framkvæmdaáætlun hafnarinnar 2013. Fyrir liggur tillaga frá formanni hafnarstjórnar varðandi staðsetningu á skábrautinni nyrst við Ásgeirsbakka á Ísafirði.

Hafnarstjórn samþykkir, að leggja það til við Siglingastofnun, að hefja undirbúning á að skábraut verði byggð við enda Ásgeirsbakka við hliðina á Gamla olíumúla. Gæta skal sérstaklega að því að skábrautin verði það löng að hallinn verði ekki til trafala vegna upptöku eða sjósetningar báta.

2.      Fundargerð Hafnasambands Íslands.

Lögð fram fundargerð 354. stjórnarfundar Hafnasambands Íslands, sem haldinn var 15. febrúar síðastliðinn.

Lögð fram til kynningar.

3.      Önnur mál.

Hafnarstjórn fagnar frumkvæði Samskipa að hefja strandsiglingar og óskar þeim velfarnaðar.

Rætt um öryggismál og ástand bjarghringja.

Rætt var um að gera áætlun um styrkingu skútuflotbryggju, sem staðsett er við Gamla olíumúla, Ísafirði.

Fleira ekki gert fundi slitið kl. 12:55.

Gísli Jón Kristjánsson, formaður.

Guðfinna Hreiðarsdóttir.                                          

Marzellíus Sveinbjörnsson.

Guðmundur M. Kristjánsson, hafnarstjóri.

Erindi frá Umhverfissviði Ísafjarðarbæjar er varðar framlagningu tillögum um deiliskipulag Suðurtanga á Ísafirði.  http://isafjordur.is/umhverfid/deiliskipulag/

Hafnarstjórn þakkar fyrir vel unnið skipulag, en frestar tillögugerð og athugasemdum þar til að kynning á verkefninu hefur farið fram.

2.      Framkvæmdir 2013. 2012-01-0001.

Erindi frá hafnarstjóra er varðar fyrirhugaðar framkvæmdir árið 2013.

Útboðsgögn varðandi endurnýjun stálþils á Suðureyri og þekja og lagnir á Mávagarði, Ísafirði, eru nú tilbúin til útboðs.

Ákveðið er að auglýsa Mávagarðsframkvæmdir í helgarblöðunum 19. janúar n.k. og Suðureyri helgina á eftir.

3.      Skábraut á Ísafirði. 2012-01-0001.

Verkefni á samgönguáætlun varðandi byggingu skábrautar á Ísafirði fyrir upptöku smábáta.

Hafnarstjórn frestar því til næsta fundar að taka ákvörðun um staðsetningu skábrautarinnar.

4.      Önnur mál.

Bent er á að æskilegt væri að rafmagnstengistaur væri staðsettur á stauraflotbryggju í Sundahöfn á Ísafirði. Hafnarstjóra falið að skoða kostnað við að framkvæma það.

Hafnarstjórn óskar eftir að fá sent erindisbréf hafnarstjórnar til endurskoðunar.

Rætt var um farmvernd og siglingarverndarmál Ísafjarðarhafnar.

Fleira ekki gert og fundi slitið kl. 18:55.

Gísli Jón Kristjánsson, formaður.

Guðfinna Hreiðarsdóttir.                                          

Marzellíus Sveinbjörnsson.

Kristján Andri Guðjónsson.                                     

Sigurður Hafberg.                 

Guðmundur M. Kristjánsson, hafnarstjóri.

Erindi frá umhverfis- og eignasviði Ísafjarðarbæjar er varðar umsókn Skeljungs um lóð E undir olíubirgðastöð á Mavagarði, Ísafirði.

Hafnarstjórn tekur jákvætt í erindið, en bendir á að þessi lóð er ekki skilgreind sem lóð fyrir oliubirgdastöð í gildandi deiliskipulagi.

2.      Fiskeldi í Skutulsfirði. 2012-10-0021.

Erindi frá umhverfis- og eignasviði Ísafjarðarbæjar er varðar umsögn vegna umsóknar Fjarðareldis ehf. um að stunda fiskeldi í Skutulsfirði.

Hafnarstjórn bendir á að umrætt svæði er mjög nálægt siglingaleið smábáta og óskar eftir því að leitað verði álits Eldingar félags smábátasjómanna á Ísafirði á þessu máli.  Að öðru leiti gerir hafnarstjórn ekki athugasemdir við málið.

Hafnarstjórn tekur undir með umhverfisnefnd Ísafjarðarbæjar að ákvarðanir um svona mál verði færðar heim í hérað.

3.      Gjaldskrá hafna Ísafjarðarbæjar  2013.  2011-11-0019.

Umræður og ákvarðanir um hækkun gjaldskrár fyrir hafnir Ísafjarðarbæjar árið 2013.

Hafnarstjórn samþykkir að gjaldskrá hækki almennt um 4 % en aflagjald verði óbreytt.

4.      Kaupsamningur vegna dráttarbrautar í Suðurtanga, Ísafirði.   2010-06-0074.

Lagður fram kaupsamningur og afsal vegna sölu Ísafjarðarbæjar á dráttarbrautinni í Suðurtanga, Ísafirði,  til Skipanausts ehf., Ísafirði.

Lagt fram til kynningar.

5.      Umsókn um lóð fyrir bílastæði á Suðureyri. 2012-10-0040.

Erindi frá umhverfis- og eignasviði Ísafjarðarbæjar er varðar erindi Elíasar Guðmundssyni, Suðureyri, varðandi rútubílastæði á uppfyllingu ofan til við hafnarhúsið milli þjóðvegar og uppsáturs smábáta.

Hafnarstjórn gerir ekki athugasemd við erindið, en leggur áherslu á að tryggt verði að þetta skerði ekki aðgengi að skábrautinni við Suðureyrarhöfn eða starfsemi henni tengdri.

6.      Gamli olíumúlinn við Ásgeirsbakka, Ísafirði.  2012-10-0004.

Hafnarstjórn felur hafnarstjóra að gera frumkönnun og kostnaðaráætlun varðandi verndun gamla olíumúla við Ásgeirsbakka á Ísafirði, í samræmi við umræður á fundinum og finna verkefninu stað í fjárhagsáætlun.

Fleira ekki gert og fundi slitið kl. 13:25.

Gísli Jón Kristjánsson, formaður.

Guðfinna Hreiðarsdóttir.                                          

Marzellíus Sveinbjörnsson.

Kristján Andri Guðjónsson.                                     

Sigurður Hafberg.                 

Guðmundur M. Kristjánsson, hafnarstjóri.

Erindi frá umhverfis- og eignasviði Ísafjarðarbæjar er varðar umsókn rækjuverksmiðjunnar Kampa ehf., Ísafirði, um lóðir A og B á Mávagarði.

Hafnarstjórn lýsir ánægju sinni með að það skuli vera eftirspurn eftir byggingalóðum og gerir ekki athugasemdir við úthlutun lóða A og B til Kampa ehf.

2. Hafnasambandsþing 2012.   2012-08-0037.

Lagðar fram bókanir og samþykktir hafnasambandsþings sem haldið var í Vestmannaeyjum 20. og 21. september síðastliðinn.

Lagt fram til kynningar.

3. Skemmtitferðaskip til Ísafjarðar sumarið 2012.   2011-01-0034.

Erindi hafnarstjóra varðandi komu skemmtiferðaskipa til Ísafjarðar 2012 og horfur og forbókanir fyrir árið 2013.

Fram komur í erindi hafnarstjóra að 32 skip hafi komið til hafnar af 34 skipum, sem skráð voru og tekjur hafi verið rúmar 32 miljónir króna. Einnig kom fram hjá hafnarstjóra að 38 skip eru skráð til hafnar á næsta ári og farþegafjöldi aukist um tíu þúsund manns þar sem farþegafjöldi fer úr 30.000 manns í 40.000.  

Hafnarstjórn leggur áherslu á að það verði að bregðast við þessum aukna fjölda skipa og fólks og styrkja innviðina. Hafnarstjórn telur brýnt að hafinn verði undirbúningur að dýpkun Sundanna á Ísafirði, til að geta bæði aukið tekjur sínar, sem og veitt tilhlýðilega þjónustu. Jafnframt bendir hafnarstjórn hinum almenna bæjarbúa á þá möguleika sem þessi aukning skemmti-ferðaskipa getur haft og hvetur einstaklinga og fyrirtæki til að nýta sér þá.

4. Önnur mál

a)      Hafnarstjórn ræddi um væntanlegar gjaldskrár fyrir árið 2013. Einnig var rætt um innheimtumál. 2011-01-0034.

b)      Hafnarstjórn leggur áherslu á að farið verði sem fyrst í að byggja landstöpul fyrir flutning flotbryggju að Sundabakka. 2012-08-0039.

c)      Hafnarstjórn felur hafnarstjóra að athuga hugmyndir um varnir við Olíumúla í samræmi við umræður á fundinum. 2012-10.0004.

Fleira ekki gert fundi slitið kl. 13:15.

Gísli Jón Kristjánsson.                                  

Kristján Andri Guðjónsson.

Guðfinna Hreiðarsdóttir.                              

Guðmundur M. Kristjánsson.                       

Marzellíus Sveinbjörnsson.

Guðmundur M Kristjánsson ritar fundargerð.

Sigurður Hafberg fjarverandi sem og varamaður hans

 1. Fjögurra ára samgönguáætlun. 2012-01-0001.                                           

Erindi frá Siglingastofnun dagsett 29/06/2012 er varðar samgönguáætlun 2013-2016 þar sem óskað er eftir tillögum verkefna á samgönguáætlun.

Hafnarstjóra falið að skrifa erindi til Siglingastofnunar og óska eftir að verði farið í eftirfarandi verkefni: Hækkun sjóvarnar á Mávagarði, endurgerð sjóvarna vegna landsigs meðfram dráttarbraut, hækkun sjóvarna við inngang framan við skipasmíðastöð, lagfæringar á sjóvörn vegna landsigs meðfram Sundahafnarsvæði. Á Suðureyri framan við Klofning. Á Flateyri að lengdur verði grjótgarður til suðurs og dýpkað verði milli bátahafnar og skábrautar, einnig að gerð verði tillaga og gert verði við vegna sigs á nýja hafskipakanti. Á Þingeyri að haldið verði áfram innan við smábátahöfn. Gerð er tillaga um að hafist verði handa við undirbúning við dýpkun sundanna á Ísafirði samkvæmt tillögu Siglingastofnunnar frá því nóvember 2011. Einnig óskar hafnarstjórn eftir því að Siglingastofnun komi með tillögu og að könnuð verði landmyndun við Norðurtanga og hvernig eigi að bregðast við því hvort það muni hafa áhrif á sandburði að innsiglingunni. Einnig að gerð verði sjóvörn við bryggjuna við Grænagarð. Hafnarstjórn óskar eftir því að gerðar verði framtíðarúrbætur á gamla Olíumúla og óskar eftir viðræðum um þá lausn.

2. Farþegaskattur á fyrirtækið Sjóferðir Hafsteins og Kiddýar. 2012-06-0080.

Erindi frá Bæjarráði Ísafjarðarbæjar dagsett 3/7/2012 er varðar athugasemdir og bréf frá Sjóferðum Hafsteins og Kiddýar. Í bréfinu eru nokkur atriði sem fyrirtækið óskar eftir að fá skýringar á.

Hafnarstjóra falið að svara erindinu í samræmi við umræður á fundinum.  

3. Bryggjan á Gemlufalli. 2012-08-0038.

Erindi frá Eiríki Finni Greipssyni fh. Arctic odda og Dýrfisks ehf. er varðar afnot af bryggjunni á Gemlufalli.

Hafnarstjórn gerir ekki athugasemd við að Arctic Oddi eða aðrir hafi afnot af bryggjunni en áréttar að ekki eru fyrirhugaðar neinar endurbætur á aðstöðunni.  

4. Olíubirgðastöð á Mávagarði. 2009-02-0030.

Erindi er varðar samning Olíudreifingar  og Ísafjarðarbæjar. Fyrir fundinum liggur fyrir samningurinn milli Ísafjarðarbæjar og ODR.

Daníel Jakobsson bæjarstjóri fór í gegnum samninginn og útskýrði helstu atriði samnings Ísafjarðarbæjar og Olíudreifingar. Hafnarstjórn gerir athugasemd við að ekki hafi verið haft samráð og að samningsdrög hafi ekki verið lögð fyrir hafnarstjórn fyrir undirritun samningsins. Hafnarstjórn  óskar eftir því að lóð E á  Mávagarði verði ekki úthlutað án samráðs við hafnarstjórn.

Hafnarstjórn Ísafjarðarbæjar lýsir yfir því í tengslum við samning Olíudreifingar og Ísafjarðarbæjar um flutning olíubirgðastöðvar á Mávagarð dagsettum 2. júlí 2012 að ekki stendur til að hækka vörugjöld á olíu umfram aðra gjaldskráliði hafnarinnar.

5. Hafnarframkvæmdir 2012. 2011-02-0006.

Rætt um hafnarframkvæmdir í Ísafjarðarbæ og þau verkefni sem eru á gildandi Samgönguáætlun. Verkefnin eru frágangur á Mávagarði, endurnýjun stálþils á Suðureyri og skábraut á Ísafirði. Fyrir fundinum liggur minnisblað  hafnarstjóra.

Hafnarstjórn ákveður að óska eftir því við Siglingastofnun að hafist verði handa og undirbúin verði útboð á eftirtöldum verkefnum: Ljúka yfirstandandi framkvæmdum á Mávagarði. Endurnýjun stálþils löndunarkants á Suðureyri og skábraut á Ísafirði. Hafnarstjórn óskar eftir viðræðum við Siglingastofnun um breytingu á verkefninu skábraut á Ísafirði.  

6. 38. Hafnasambandsþing. 2012-08-0037.

Erindi frá Hafnasambandi Íslands dagsett 14/08/2012 þar sem boðað er til 38. hafnasambandsþings sem haldið verður í Vestmannaeyjum þann 20. og 21. september nk. Ísafjarðarhöfn á rétt á að senda 2 fulltrúa á þingið.

Hafnarstjórn tilnefnir Guðfinnu Hreiðarsdóttur og Gísla Jón Kristjánsson til að sækja 38. hafnasambandsþing. Til vara verði Kristján Andri Guðjónsson og Marzellíus Sveinbjörnsson.

7. Sex mánaðauppgjör hafnarsjóðs. 2011-01-0034.

Fyrir fundinum liggur 6 mánaðauppgjör hafnarsjóðs.

Daníel Jakobsson bæjarstjóri fór yfir rekstrarniðurstöðu 6 mánaða uppgjörs hafnarsjóðs. Kom fram að afskriftir og launakostnaður er talsvert umfram áætlun.

8. Flotbryggja í Sundahöfn. 2012-08-0039.

Fyrir fundinum er tillaga hafnarstjóra um flutning og uppsetningu á flotbryggju við Sundabakka til að “tenderar” skemmtiferðaskipa og þjónusta við farþega af þeim skipum sem liggja við akkeri verði betri en núverandi aðstaða.

Hafnarstjórn ákveður að færa hluta lóðsbryggju að Sundahöfn og að farið verði í að byggja landstöpul núna í haust og hafnarstjóra falið að leita fjármagns í það verkefni. Þessu verkefni verði lokið að fullu fyrir næstu skemmtiferðaskipavertíð. Hafnarstjórn bendir á að langtíma bílastæði hafa verið á þessu svæði og leggur til að bifreiðarstöður verði alfarið bannaðar á þessu svæði og viðeigandi merkingar verði settar upp.

Önnur mál. 2011-01-0034.

Hafnarstjórn telur rétt að benda umhverfisfulltrúa Ísfjarðarbæjar á bátauppsátur sem er að myndast á safnasvæði við Ásgeirsbakka og óskar eftir að kannað verði hvort að þetta samrýmist nýjum skipulagslögum og aðalskipulagi Ísafjarðarbæjar sem geymslustaður. Hafnarstjórn bendir á að í framtíðarverkefnum hafnarinnar er að byggja upp aðstöðu til upptöku og geymslu á minni bátum á svæði hafnarinnar á Suðurtanga.

Hafnarstjórn stefnir að því að fundir verði framvegis einu sinni í mánuði.

Fleira ekki gert fundi slitið kl. 12:00.

Gísli Jón Kristjánsson

Guðfinna Hreiðarsdóttir                    

Marzellíus Sveinbjörnsson

Kristján Andri Guðjónsson

Daníel Jakbobsson     

Guðmundur M Kristjánsson

1.      Úttekt á starfsemi hafna Ísafjarðarbæjar. 2011-08-0013.                                             

Skýrsla Haraldar L Haraldssonar liggur fyrir fundinum og til umræðu er  kaflinn um hafnir Ísafjarðarbæjar.

Hafnarstjórn vill undirstrika að vegna athugasemda er varða bakvaktir starfsmanna að þá eru vaktir starfsmanna skipulagðar samkvæmt gildandi kjarasamningum og verður ekki séð að hægt verði að hnika mikið þar til nema að skilgreint verði annað þjónustustig hafnarinnar, sem myndi þá kalla á skerta þjónustu við viðskiptavini. Hafnarstjórn bendir einnig á að við hvert útkall starfsmanna koma tekjur á móti.

Hafnarstjórn vill að auglýst verði starf sumarstarfsmanns á Flateyri vegna fyrirsjánlegrar aukningar á bátum, sem eru væntanlega að koma þar í viðskipti. Lagt er til að reynt verði að hafa það á sömu forsendum og á Suðureyri og Þingeyri.

Önnur mál.

2012-04-0040  Hafnarstjórn  leggur til að tekið verði til skoðunar að byggt verð bátaskýli á Sundahafnarsvæðinu, sem leigt verði út sem geymslupláss fyrir smábáta á veturna og gæti hugsanlega nýst sem markaðstorg yfir sumartímann þegar skemmtiferðatraffíkin er í hámarki.

Fleira ekki gert fundislitið kl. 13:15.

Gísli Jón Kristjánsson.                                             

Guðfinna Hreiðarsdóttir.

Marzellíus Sveinbjörnsson.                                       

Kolbrún Sverrisdóttir.

Guðmundur M Kristjánsson.

Erindi frá umhverfisnefnd Ísafjarðarbæjar vegna lóðarumsóknar Lindarfoss ehf., þar sem óskað er eftir lóð með aðgengi að hafnarsvæði.

Hafnarstjórn frestar afgreiðslu málsins og óskar eftir frekari gögnum frá umhverfisnefnd.

2.  Veðurstöð á Mávagarði, Ísafirði. 2011-01-0034.                                              

 Erindi frá hafnarstjóra er varðar tilboð í veðurstöð frá Vista  að upphæð kr. 934.640.-  og frá MogT að upphæð kr. 1.120.745.-.  Í báðum tilfellum eru tilboðin án uppsetningar.

Hafnarstjórn leggur til að tilboði Vista verði tekið.

3.  Hafnasamband Íslands.

Lögð fram fundargerð frá síðasata fundi Hafnasambands Íslands, sem haldinn var 17. febrúar sl., ásamt ársreikningi Hafnasambandsins fyrir árið 2011.

Lagt fram til kynningar.

4.  Samb. ísl. sveitarf. - Viðurkenning Evrópuráðsins til strandbæja. 2012-02-0069.

Erindi frá bæjarráði Ísafjarðarbæjar.

Lagt fram bréf frá Samb. ísl. sveitarf. móttekið 20. febrúar sl., þar sem fjallað er um að Evrópuráðið ætlar að veita strandbæjum, sem hafa staðið sig vel    í uppbyggingu, sérstaka viðurkenningu.  Hjálagt er bréf frá The Congress of the Council of Europe, dagsett 6. febrúar 2012.

Lagt fram til kynningar og hafnarstjóra falið að athuga með að svara verkefninu þrátt fyrir að fyrirvarinn sé stuttur.

5.  Önnur mál.  2009-02-0084. 

Hafnarstjórn leggur til við bæjarstjórn að settur verði á stofn starfshópur, sem gerir tillögur um framtíðarskipulag sportbátaaðstöðu í Pollinum.

Lagt er til að starfshópurinn taki mið af framtíðaráformum sportbátahafnar og sjóvörnum á Ísafirði.

Fleira ekki gert og fundi slitið kr. 13:15.

Guðfinna Hreiðarsdóttir.                                                      

Marzellíus Sveinbjörnsson.                

Barði Önundarson.                                                                 

Kristján Andri Guðjónsson.

Jóhann Bjarnason.                                                                 

Guðmundur M. Kristjánsson.

Skýrsla frá Siglingastofnun dagsett 23.nóvembers sl., er varðar nokkrar útfærslur á dýpkun í Sundunum á Ísafirði. Skýrslan er unnin af Pétri Sveinbörnssyni, sérfræðingi Siglingastofnunar.

Hafnarstjórn þakkar fyrir vel unna skýrslu. Hafnarstjóri skýrði frá þeirri þróun, sem er í stærð skemmtiferðaskipa er koma til Ísafjarðar og þeim bókunum sem fyrir liggja næstu 2 ár fram í tímann.

Hafnarstjórn felur hafnarstjóra að vinna að málinu í samræmi við umræður á fundinum  til að koma því í farveg.

2.       Þjónustuhús á hafnarsvæði á Suðureyri.  2011-11-0058.                        

Erindi frá Jóni Svanberg Hjartarsyni fh. Hvíldarkletts ehf., varðandi byggingu þjónustuhúss á hafnarsvæðinu á Suðureyri.

Hafnarstjórn gerir ekki athugasemdir við staðarvalið á framkominni tillögu, en gerir kröfur um, að nákvæmari staðsetning og framkvæmd á verkefninu verði unnið í samstarfi við hafnarstjóra.

3.      Gjaldskrá fyrir hafnir Ísafjarðarbæjar 2012. 2011-11-0019.

Viðbótartillögur hafnarstjórnar varðandi gjaldskrárliði fyrir árið 2012, er varðar stöðuleyfi vinnuskúra á hafnarsvæði.

Hafnarstjórn gerir tillögu um að sett verði í 11 gr. gjaldskrár hafna Ísafjarðarbæjar, viðbótarákvæði um að stöðuleyfi vinnuskúra á hafnarsvæðum verði kr. 14.278.- á fermetra á ári, sem er viðmiðunargjald Ísafjarðarbæjar, en gefinn verði 50% afsláttur árið 2012 til aðlögunar og verður það endurskoðað fyrir næstu gjaldskrárákvörðun.

4.      Uppsátur á Þingeyri. 2011-12-0027.

Erindi frá Þorvaldi Jóni Ottósyni, þar sem óskað er leyfis til að taka upp bát, til viðgerða, í fjöruna á Þingeyri.

Hafnarstjórn hafnar erindinu en bendir á, að almennt séu skip tekin til viðhalds í upptökumannvirkjun.

5.      Önnur mál.

a.         Rætt er um sölu dráttarbrautar og hvernig það mál stendur. Ákveðið er að afla        frekari    upplýsinga um máið. Marzellíus Sveinbjörnsson vék af fundi undir þessum lið. 2010-06-0074.

b.         Rætt var um hugmyndir vegna flotbryggjuaðstöðu á Pollinum á Ísafirði.

Fleira ekki gert og fundinum slitið kl. 13:15.

Gísli Jón Kristjánsson, formaður.

Guðfinna Hreiðarsdóttir.                                                      

Marzellíus Sveinbjörnsson.

Kristján Andri Guðjónsson.                                                  

Kolbrún Sverrisdóttir.            

Guðmundur M. Kristjánsson, hafnarstjóri.