Fjarverandi aðalfulltrúar: Eiríkur Finnur Greipsson, í h.st. Guðný S. Stefánsdóttir.  Guðfinna Hreiðarsdóttir í h. st. Steinþór Bragason.

Dagskrá:

I.         Ársreikningur Ísafjarðarbæjar, stofnana hans og fyrirtækja  fyrir árið 2012,

            síðari umræða í bæjarstjórn.

            Til máls tóku: Gísli H. Halldórsson, forseti, Daníel Jakobsson, bæjarstjóri og  Arna Lára Jónsdóttir.  

            Daníel Jakobsson, bæjarstjóri, lagði fram og gerði grein fyrir ársreikningi Ísafjarðarbæjar, stofnana hans og fyrirtækja  fyrir árið 2012, við síðari  umræðu í bæjarstjórn.  Jafnframt var lögð fram endurskoðunarskýrsla Endurskoðunar Vestfjarða ehf., Jóns Þ. Einarssonar, endurskoðanda.

            Að loknum umræðum um ársreikning bæjarsjóðs Ísafjarðarbæjar, stofnana hans og fyrirtækja  fyrir árið 2012, lagði Gísli H. Halldórsson, forseti, til að breytingar þær sem gerðar hafa verið á ársreikningi milli umræðna verði samþykktar.

            Tillaga forseta samþykkt 9-0.

            Síðan lagði Gísli H. Halldórsson, forseti, til að ársreikningur Ísafjarðarbæjar, stofnana hans og fyrirtækja fyrir starfsárið 2012 með áorðnum breytingum  verði samþykktur.

            Tillaga forseta samþykkt 9-0.       

II.        Tillaga til 327. fundar bæjarstjórnar Ísafjarðarbæjar 2. maí 2013.

            Til máls tóku: Gísli H. Halldórsson, forseti og  Arna Lára Jónsdóttir.

Bæjarráð Ísafjarðarbæjar 793. fundur 29. apríl 2013.

4.         Minnisblað sviðsstjóra skóla- og tómstundasviðs. - Niðurgreiðsla vegna leikskólagjalda.  2013-03-0002.

            Lagt fram minnisblað Margrétar Halldórsdóttur, sviðsstjóra skóla- og tómstundasviðs Ísafjarðarbæjar, dagsett 15. apríl sl., er varðar beiðni um niðurgreiðslu vegna barns, sem er á biðlista eftir leikskólaplássi á Ísafirði, en nýtir leikskólapláss í nágrannabyggðarlagi á meðan.  Erindið var áður tekið fyrir á 792. fundi bæjarráðs þann 22. apríl sl.

            Bæjarráð samþykkir að leggja til við bæjarstjórn að veita aukinn afslátt á leikskólagjöldum til foreldra barna 18 mánaða og eldri, sem eiga þess ekki kost að koma barni að í heimaleikskóla, en vilja nýta sér laus pláss í öðrum skóla.  Afsláttur nemi       kr. 20.000.-. 

            Tillaga bæjarráðs samþykkt 9-0.

III.      Tillaga til 327. fundar bæjarstjórnar Ísafjarðarbæjar 2. maí 2013.

            Til máls tók: Gísli H. Halldórsson, forseti.

Umhverfisnefnd Ísafjarðarbæjar 392. fundur 29. apríl 2013.

2.         2013020068 - Sindragata 13a, Ísafirði. - Umsókn um lóð.

            Á fundi umhverfisnefndar 13. mars sl. var lagður fram tölvupóstur frá Bernharð Hjaltalín dags. 27. febrúar 2013,  þar sem sótt var um lóðina að Sindragötu 13a á Ísafirði. Umhverfisnefnd óskaði eftir áliti Hafnarstjórnar á erindinu.

Hafnarstjórn gerði ekki athugasemdir við erindið.

            Umhverfisnefnd leggur til við bæjarstjórn að Bernharð Hjaltalín fái lóðina Sindragata 13a, Ísafirði,  með þeim reglum sem í gildi eru og settar kunna að verða. Lóðarumsókn fellur úr gildi hafi teikningar ekki borist Ísafjarðarbæ innan 6 mánaða og framkvæmdir ekki hafist innan 12 mánaða frá úthlutun.

            Tillaga umhverfisnefndar samþykkt 9-0.

IV.      Tillaga til 327. fundar bæjarstjórnar Ísafjarðarbæjar 2. maí 2013.

            Til máls tóku: Gísli H. Halldórsson, forseti, Jóna Benediktsdóttir, Albertína Elíasdóttir, Kristín Hálfdánsdóttir, Sigurður Pétursson og Kristján Andri Guðjónsson.

Umhverfisnefnd Ísafjarðarbæjar 392. fundur 29. apríl 2013.

5.         2012060008 - Endurskoðun samþykkta um hunda- og kattahald í Ísafjarðarbæ.

            Erindi síðast á dagskrá hjá umhverfisnefnd 13. mars sl.

            Umhverfisnefnd leggur til við bæjarstjórn að samþykkt um hunda- og kattahald í Ísafjarðarbæ verði samþykkt.

            Gísli H. Halldórsson, forseti, lagði til orðalagsbreytingu í lok 15. greinar samþykktar um kattahald í Ísafjarðarbæ og var tillaga forseta samþykkt  6-0.

Tillaga umhverfisnefndar um kattahald með orðalagsbreytingu forseta samþykkt 5-3.

Tillaga umhverfisnefndar um hundahald samþykkt  9-0.

V.        Bæjarráð.

            Til máls tóku: Gísli H. Halldórsson, forseti, Kristján Andri Guðjónsson, Sigurður Pétursson, Jóna Benediktsdóttir og Arna Lára Jónsdóttir.

Kristján Andri Guðjónsson lagði fram svohljóðandi bókun undir V. lið dagskrár.

Bókun um stöðvun úthafsrækjuveiða.

,,Undirritaðir bæjarfulltrúar Ísafjarðarbæjar mótmælir þeim áformum sem boðuð eru um, að þann 1.júlí 2013 verði rækjuveiðar í úthafinu stöðvaðar í tvo mánuði eða til loka fiskveiðiárs.

Bæjarfulltrúar telja að hér sé um illa ígrundaða ákvörðun að ræða, sem koma mun atvinnulífi í Ísafjarðabæ mjög illa,  þar sem uppbygging rækjuiðnaðar hefur verið að rísa úr mikilli lægð og meðal annars verið keyptur í bæinn fullkominn rækjutogari, sem skapar mörg störf í sveitarfélaginu.“    

Bókunin er undirrituð af Kristjáni Andra Guðjónssyni, Jónu Benediktsdóttur, Örnu Láru Jónsdóttur, Sigurði Péturssyni, Steinþóri Bragasyni, Guðnýju S. Stefánsdóttur, Kristínu Hálfdánsdóttur og Albertínu F. Elíasdóttur.

Fundargerðin 22/4.  792. fundur.

Fundargerðin er í sjö  liðum.

Fundargerðin lögð fram til kynningar.

Fundargerðin 29/4.  793. fundur.

Fundargerðin er í tíu  liðum.

Fundargerðin lögð fram til kynningar.

VI.      Félagsmálanefnd.

Fundargerðin 16/4.  377. fundur.

Fundargerðin er í sex  liðum.

Fundargerðin lögð fram til kynningar.

VII.     Fræðslunefnd.

Fundargerðin 17/4.  331.  fundur.

Fundargerðin er í sex  liðum.

Fundargerðin lögð fram til kynningar.

VIII.   Starfshópur um framtíðarskipan Pollsins á Ísafirði.

            Til máls tóku: Gísli H. Halldórsson, forseti, Kristján Andri Guðjónsson, Sigurður Pétursson og  Daníel Jakobsson, bæjarstjóri.  

Fundargerðin 26/4.  8. fundur.

Fundargerðin er í einu  lið.

Fundargerðin lögð fram til kynningar.

IX.      Umhverfisnefnd.

            Til máls tóku: Gísli H. Halldórsson, forseti, Jóna Benediktsdóttir og Arna Lára Jónsdóttir.

Fundargerðin 29/4. 393. fundur.

Fundargerðin er í sjö  liðum.

Fundargerðin staðfest í heild sinni 9-0.

Fleira ekki gert, fundarbókun upp lesin og undirrituð.  Fundi slitið kl. 18:30.

Þorleifur Pálsson, ritari.

Gísli H. Halldórsson, forseti bæjarstjórnar.

Guðný S. Stefánsdóttir.                                                       

Steinþór Bragason.

Kristín Hálfdánsdóttir.                                                        

Albertína F. Elíasdóttir.

Sigurður Pétursson.                                                              

Arna Lára Jónsdóttir.

Jóna Benediktsdóttir.                                                           

Kristján Andri Guðjónsson.

Daníel Jakobsson, bæjarstjóri.

Fjarverandi aðalfulltrúi: Kristján Andri Guðjónsson í h. st. Lína Björg Tryggvadóttir.

Áður en gengið var til formlegra fundarstarfa mættu á fund bæjarstjórnar þeir Jón H. Oddsson, fjármálastjóri Ísafjarðarbæjar og Jón Þorgeir Einarsson, löggiltur endurskoðandi hjá Endurskoðun Vestfjarða ehf. og fóru yfir drög að ársreikningi Ísafjarðarbæjar og stofnana fyrir árið 2012 og svöruðu fyrirspurnum bæjarfulltrúa.

Dagskrá:

I.         Ársreikningur Ísafjarðarbæjar og stofnana hans fyrir árið 2012, fyrri umræða í bæjarstjórn.

            Til máls tóku: Gísli H. Halldórsson, forseti, Daníel Jakobsson, bæjarstjóri og  Arna Lára Jónsdóttir.  

            Daníel Jakobsson, bæjarstjóri, lagði fram og gerði grein fyrir ársreikningi Ísafjarðarbæjar og stofnana hans fyrir árið 2012, við fyrri umræðu í bæjarstjórn.

Arna Lára Jónsdóttir lagði fram svohljóðandi bókun bæjarfulltrúa Í-listans, við fyrri umræðu um ársreikning Ísafjarðarbæjar og stofnana fyrir árið 2012.

            ,,Í-listinn fagnar góðri afkomu bæjarsjóðs Ísafjarðarbæjar árið 2012, eftir margra ára slaka fjármálastjórn, viðvarandi íbúafækkun og afleiðingar bankahrunsins, sem fólst í mikilli verðbólgu og hækkun skulda.

            Í-listinn vill þakka stjórnendum skóla og annarra stofnana ásamt starfsfólki bæjarins fyrir gott samstarf við bæjarstjórn,  við að halda aftur af útgjöldum og taka á sig sparnað og kjaraskerðingu á síðustu árum.  Íbúar hafa jafnframt mátt þola töluverða þjónustuskerðingu af hálfu sveitarfélagsins. Mikilvægt er að minna á að bæjarfulltrúar Í-listans hafa staðið með öðrum flokkum í bæjarstjórn Ísafjarðarbæjar í sársaukafullum niðurskurði og sparnaði, sem nú er að skila sér í betri fjárhagsstöðu bæjarfélagsins.

            Jafnframt er ljóst að stöðugt efnahagsumhverfi síðustu ára, með ábyrgum og traustum rekstri ríkissjóðs, lækkandi verðbólgu og stöðugu gengi, hefur styrkt afkomu sveitarfélaga, fyrirtækja og heimila í landinu. Það er mikilvægt að á næstu árum verði haldið áfram á sömu braut ábyrgrar fjármálastjórnar bæði hjá Ísafjarðarbæ og á vegum ríkisvaldsins. Þannig skapast traustur grunnur fyrir batnandi fjárhagsstöðu bæjarins og um leið bætta þjónustu og betri lífsgæði í Ísafjarðarbæ.“ 

Undirritað: Arna Lára Jónsdóttir.

            Gísli H. Halldórsson, forseti, lagði til í lok umræðna um ársreikning Ísafjarðar-bæjar 2012, að honum yrði vísað til síðari umræðu á fundi bæjarstjórnar þann 2. maí n.k.

            Tillaga forseta samþykkt 9-0.

II.        Tillaga til 326. fundar bæjarstjórnar Ísafjarðarbæjar 18. apríl 2013.

            Til máls tók: Gísli H. Halldórsson, forseti.

Bæjarráð Ísafjarðarbæjar 790. fundur 8. apríl 2013.

3.         Bréf Siglingastofnunar. – Tilboð í verkið Stálþil Mávagarði, Ísafirði, lagnir og þekja.  2012-01-0001.

            Lagt fram bréf frá Siglingastofnun dagsett 27. mars sl., þar sem greint er frá tilboðum er bárust í verkið ,,Stálþil Mávagarði, lagnir og þekja.  Tilboð bárust frá neðangreindum aðilum.

            Vestfirskir verktakar ehf.,                  kr. 28.463.984.-            89,8%

            Geirnaglinn ehf.,                                kr. 37.893.450.-          119,6%

            Íslenska gámafélagið ehf.,                 kr. 39.995.039.-          126,2%

Kostnaðaráætlun Siglingastofnunar,             kr. 31.681.960.-          100,0%

            Bæjarráð tekur undir afgreiðslu hafnarstjórnar Ísafjarðarbæjar frá 165. fundi og leggur til við bæjarstjórn, að gengið verði til samninga við Vestfirska verktaka ehf., að uppfylltum hæfiskröfum og samkvæmt innkaupareglum Ísafjarðarbæjar.

            Tillaga bæjarráðs samþykkt 9-0.

III.      Tillaga til 326. fundar bæjarstjórnar Ísafjarðarbæjar 18. apríl 2013.

            Til máls tóku: Gísli H. Halldórsson, forseti,  Sigurður Pétursson og Eiríkur Finnur Greipsson.

Bæjarráð Ísafjarðarbæjar 791. fundur 15. apríl 2013.

2.         Minnisblað bæjarritara. – Alþingiskosningar 27. apríl 2013. 2012-04-0014.

            Lagt fram minnisblað bæjarritara dagsett 10. apríl sl., þar sem greint er frá kjörskrá Ísafjarðarbæjar fyrir kosningar til Alþingis þann 27. apríl n.k. og skiptingu í kjördeildir. 

            Jafnframt er óskað eftir staðfestingu bæjarráðs/bæjarstjórnar á umboði til handa bæjarstjóra til að fjalla um athugasemdir, gera nauðsynlegar leiðréttingar og úrskurða um ágreiningsmál, sem kunna að koma fram að kjördegi vegna Alþingiskosninganna 27. apríl n.k. í samræmi við 27. gr. laga um kosningar til Alþingis.

            Bæjarráð leggur til við bæjarstjórn, að bæjarstjóra verði veitt umboð til að fjalla um athugasemdir, gera nauðsynlegar leiðréttingar og úrskurða um ágreiningsmál, sem kunna að koma fram að kjördegi vegna Alþingiskosninganna 27. apríl n.k. í samræmi við 27. gr. laga um kosningar til Alþingis.

            Sigurður Pétursson lagði til að bæjarráði yrði falið umboð í stað bæjarstjóra.

            Tillaga Sigurðar samþykkt 9-0.

            Tillaga bæjarráðs þannig breytt  samþykkt 9-0.

IV.      Tillaga til 326. fundar bæjarstjórnar Ísafjarðarbæjar 18. apríl 2013.

            Til máls tóku: Gísli H. Halldórsson, forseti, Daníel Jakobsson, bæjarstjóri og  Sigurður Pétursson.  

Bæjarráð Ísafjarðarbæjar 791. fundur 15. apríl 2013.

9.         Bréf Byggðasafns Vestfjarða. - Vélsmiðja Guðmundar J. Sigurðssonar á Þingeyri.  2012-09-0037.

            Lagt fram bréf frá Byggðasafni Vestfjarða dagsett 4. apríl sl. og undirritað af Jóni Sigurpálssyni, forstöðumanni.  Bréfið fjallar um kynningu á hugmyndum stjórnar Byggðasafns Vestfjarða á yfirtöku Vélsmiðju Guðmundar J. Sigurðssonar á Þingeyri.

            Bæjarráð samþykkir að leggja til við bæjarstjórn, að unnið verði samkvæmt hugmyndum í bréfi Byggðasafns Vestfjarða  að þessu máli.

            Tillaga bæjarráðs samþykkt 9-0.

V.        Tillaga til 326. fundar bæjarstjórnar Ísafjarðarbæjar 18. apríl 2013.

            Til máls tóku: Gísli H. Halldórsson, forseti,  Daníel Jakobsson, bæjarstjóri, Jóna Benediktsdóttir, Albertína Elíasdóttir og Guðfinna Hreiðarsdóttir.

Bæjarráð Ísafjarðarbæjar 791. fundur 15. apríl 2013.

12.       Minnisblað formanns stjórnar Byggðasafns Vestfjarða. - Hornstrandastofa. 2013-04-0037.

            Lagt fram minnisblað Daníels Jakobssonar, bæjarstjóra, sem jafnframt er formaður stjórnar Byggðasafns Vestfjarða dagsett 12. apríl sl. 

            Minnisblaðið fjallar um Hornstrandastofu og m.a. viðræður þær er verið hafa á milli Umhverfisstofnunar og Byggðasafns Vestfjarða um byggingu húsnæðis á grunni lóðar Byggðasafnsins ofl.

            Bæjarráð leggur til við bæjarstjórn, að unnið verði að byggingu umrædds húss í takti við þær tillögur sem lagðar eru fram í minnisblaði bæjarstjóra. Í því felst að gengið verði út frá því í hönnunarvinnu, að Upplýsingamiðstöð Vestfjarða verði flutt í  húsnæði Byggðasafns Vestfjarða í Neðstakaupstað og að stjórn safnsins fái heimild til að vinna málið áfram.

            Tillaga bæjarráðs samþykkt 9-0.

VI.      Tillaga til 326. fundar bæjarstjórnar Ísafjarðarbæjar 18. apríl 2013.

            Til máls tók: Gísli H. Halldórsson, forseti.  

Umhverfisnefnd  Ísafjarðarbæjar 392. fundur 10. apríl 2013.

1.         2013030034 - Túngata 5, Flateyri. - Afsal á lóðarréttindum.

            Lagt fram erindi dags. 25. mars sl. þar sem Úlfar Önundarson afsalar sér lóðinni Túngata 5, Flateyri. Geymsluhús var á lóðinni sem fauk árið 2007.

            Umhverfisnefnd samþykkir erindið og leggur til við bæjarstjórn að lóðaleigusamningurinn verði felldur úr gildi.  Byggingarfulltrúa falið að auglýsa lóðina lausa til umsóknar.

            Tillaga umhverfisnefndar samþykkt 9-0.

VII.     Tillaga til 326. fundar bæjarstjórnar Ísafjarðarbæjar 18. apríl 2013.

            Til máls tóku: Gísli H. Halldórsson, forseti, Albertína Elíasdóttir og Sigurður Pétursson.

Umhverfisnefnd  Ísafjarðarbæjar 392. fundur 10. apríl 2013.

4.         2011020059 - Deiliskipulag á Suðurtanga, Ísafirði.

Erindi var síðast á dagskrá fundar umhverfisnefndar 27. mars sl.

            Umhverfisnefnd leggur til við bæjarstjórn að götuheiti á Suðurtanga, Ísafirði, sem unnin hafa verið úr innsendum tillögum, verði sem hér segir.

A-gata fái heitið         Æðartangi,           B-gata fái heitið    Hrafnatangi,

C-gata fái heitið         Kríutangi,            D-gata fái heitið    Neðstafjara,

E-gata fái heitið          Bryggjufjara,       F-gata fái heitið     Bátafjara,

G-gata fái heitið         Eyrarfjara.

            Tillaga umhverfisnefndar samþykkt  9-0.

VIII.   Bæjarráð.

            Til máls tóku: Gísli H. Halldórsson, forseti, Albertína Elíasdóttir, Jóna Benedikts- dóttir og Eiríkur Finnur Greipsson.

Fundargerðin 8/4.  790. fundur.

Fundargerðin er í sex  liðum.

Fundargerðin lögð fram til kynningar.

Fundargerðin 15/4.  791. fundur.

Fundargerðin er í fjórtán  liðum.

Fundargerðin lögð fram til kynningar.

IX.      Atvinnumálanefnd.

Fundargerðin 12/4.  116. fundur.

Fundargerðin er í einum  lið.

Fundargerðin lögð fram til kynningar.

X.        Hafnarstjórn.

Fundargerðin 5/4.  165.  fundur.

Fundargerðin er í fimm  liðum.

Fundargerðin lögð fram til kynningar.

XI.      Nefnd um byggingu hjúkrunarheimilis á Ísafirði.

            Til máls tóku: Gísli H. Halldórsson, forseti og Eiríkur Finnur Greipsson.

Fundargerðin 4/4.  26. fundur.

Fundargerðin er í sex  liðum.

Fundargerðin lögð fram til kynningar.

XII.     Umhverfisnefnd.

            Til máls tók: Gísli H. Halldórsson, forseti.

Fundargerðin 10/4. 392. fundur.

Fundargerðin er í fimm  liðum.

Fundargerðin staðfest í heild sinni 9-0.

Fleira ekki gert, fundarbókun upp lesin og undirrituð.  Fundi slitið kl. 19:10.

Þorleifur Pálsson, ritari.

Gísli H. Halldórsson, forseti bæjarstjórnar.

Eiríkur Finnur Greipsson.                                                     

Guðfinna Hreiðarsdóttir.

Kristín Hálfdánsdóttir.                                                        

Albertína F. Elíasdóttir.

Sigurður Pétursson.                                                              

Arna Lára Jónsdóttir.

Jóna Benediktsdóttir.                                                           

Lína Björg Tryggvadóttir.

Daníel Jakobsson, bæjarstjóri.

Ath vegna tölvuvandamála er einungis upptaka frá seinni hluta fundarins.

Dagskrá:

I.         Tillaga til 325. fundar bæjarstjórnar Ísafjarðarbæjar 4. apríl  2013.

            Til máls tók:  Gísli H. Halldórsson, forseti,  

Bæjarráð Ísafjarðarbæjar 788. fundur 18. mars 2013.

2.         Minnisblað bæjarstjóra. - Húseignin Seljaland í Skutulsfirði.  2006-11-0053.

            Lagt fram minnisblað Daníels Jakobssonar, bæjarstjóra, dagsett 13. mars sl., þar sem hann gerir grein fyrir söluferli húseignarinnar Seljalands í Skutulsfirði og tilboði er liggur fyrir frá Magna Örvari Guðmundssyni, um kaup eignarinnar.  Bæjarstjóri leggur til að honum verði falið að ganga frá sölu eignarinnar til Magna Örvars fyrir kr. 600.000.-.

            Bæjarráð leggur til við bæjarstjórn að eignin Seljaland í Skutulsfirði verði seld Magna Örvari Guðmundssyni fyrir kr. 600.000.-.

            Tillaga bæjarráðs samþykkt 9-0.

II.        Tillaga til 325. fundar bæjarstjórnar Ísafjarðarbæjar 4. apríl  2013.

            Til máls tóku: Gísli H. Halldórsson, forseti, Albertína Elíasdóttir,  Kristján Andri Guðjónsson og Guðfinna Hreiðarsdóttir.

Umhverfisnefnd  Ísafjarðarbæjar 391. fundur 27. mars  2013.

7.         2013030023 - Ofanflóðavarnir neðan Gleiðarhjalla, framkvæmdaleyfi.

            Lagt fram bréf dags. 18. mars sl. frá Jóhanni Birki Helgasyni, sviðsstjóra umhverfis- og eignasviðs fh. Ísafjarðarbæjar, þar sem óskað er eftir framkvæmdaleyfi vegna byggingu ofanflóðavarna neðan Gleiðarhjalla á Ísafirði.

            Umhverfisnefnd leggur til við bæjarstjórn að framkvæmdaleyfið verði veitt fyrir ofanflóðavarnir neðan Gleiðarhjalla á Ísafirði með eftirfarandi skilyrðum.

    Að gengið verði til samninga við Skógræktarfélag Ísafjarðar um bætur vegna þeirra trjáa sem eru innan framkvæmdasvæðis.

    Að landmótun og frágangur yfirborðs verði í samræmi við deiliskipulag og umhverfismat framkvæmda á svæðinu.

    Að framkvæmdaraðili hugi sérstaklega að vökvunarbúnaði við uppgræðslu, vegna lítillar ofankomu yfir sumartímann.

    Að framkvæmdaraðili leggi fram greinargerð um að regnvatnslagnir, sem ofanvatni er beint í, anni því vatnsmagni sem fyrirséð er að komi úr hlíðinni fyrir ofan.

    Að gætt verði að, að  aðeins verði unnið innan skilgreinds framkvæmdasvæðis.

    Að sérstaklega verði gætt að ofanvatni á framkvæmdatíma.

            Tillaga umhverfisnefndar samþykkt  9-0.

III.      Tillaga til 325. fundar bæjarstjórnar Ísafjarðarbæjar 4. apríl  2013.

            Til máls tóku: Gísli H. Halldórsson, forseti,  Jóna Benediktsdóttir og  Albertína Elíasdóttir.

Umhverfisnefnd  Ísafjarðarbæjar 391. fundur 27. mars  2013.

9.         2012080051 - Endurnýjun Fossárvirkjunar.

            Lögð fram deiliskipulagstillaga og greinargerð Fossárvirkjunar fyrir Orkubú Vestfjarða ohf. Tillagan er unnin af Teiknistofunni Eik ehf. dags. mars 2013.

            Umhverfisnefnd leggur til við bæjarstjórn að deiliskipulagstillagan verði auglýst.

Jafnframt leggur umhverfisnefnd til að fallið verði frá kynningu á deiliskipulagstillögunni í samræmi við grein 5.6.1, í skipulagsreglugerð nr.90/2013 enda liggja allar meginforsendur fyrir í aðalskipulagi Ísafjarðarbæjar 2008 - 2020 og landeigendur voru boðaðir á fund vegna málsins 18. mars sl.

            Tillaga umhverfisnefndar samþykkt 9-0.

IV.      Bæjarráð.

            Til máls tóku: Gísli H. Halldórsson, forseti, Arna Lára Jónsdóttir, Albertína Elíasdóttir, Guðfinna Hreiðarsdóttir, Kristín Hálfdánsdóttir, Jóna Benediktsdóttir, Sigurður Pétursson, Eiríkur Finnur Greipsson og Kristján Andri Guðjónsson.

Fundargerðin 18/3.  788. fundur.

Fundargerðin er í fimmtán liðum.

Fundargerðin lögð fram til kynningar.

Fundargerðin 27/3.   789. fundur.

Fundargerðin er í átta  liðum.

Fundargerðin lögð fram til kynningar.

V.        Almannavarnanefnd.

Fundargerðin 7/3.  17. fundur.

Fundargerðin er í þremur  liðum.

Fundargerðin lögð fram til kynningar.

VI.      Félagsmálanefnd.

Fundargerðin 12/3.   376. fundur.

Fundargerðin er í fimm  liðum.

Fundargerðin lögð fram til kynningar.

VII.     Fræðslunefnd.

            Til máls tóku: Gísli H. Halldórsson, forseti, Sigurður Pétursson og Albertína Elíasdóttir.  

Fundargerðin 13/3.  330. fundur.

Fundargerðin er í sjö liðum.

Fundargerðin lögð fram til kynningar.

VIII.   Hafnarstjórn.

            Til máls tóku: Gísli H. Halldórsson, forseti, Albertína Elíasdóttir og Kristján Andri Guðjónsson.

Fundargerðin 5/3.  164. fundur.

Fundargerðin er í  þremur  liðum.

Fundargerðin lögð fram til kynningar.

IX.      Nefnd um sorpmál í Ísafjarðarbæ.

            Til máls tóku: Gísli H. Halldórsson, forseti, Kristján Andri Guðjónsson og Kristín Hálfdánsdóttir.

Fundargerðin 6/3.  24. fundur.

Fundargerðin er í þremur liðum.

Fundargerðin lögð fram til kynningar.

X.        Umhverfisnefnd.

            Til máls tóku: Gísli H. Halldórsson, forseti, Jóna Benediktsdóttir og Albertína Elíasdóttir.

Fundargerðin 13/3.  390. fundur.

Fundargerðin er í tíu  liðum.

Fundargerðin staðfest í heild sinni 9-0.

Fundargerðin 27/3.  391. fundur.

Fundargerðin er í tíu liðum.

Fundargerðin staðfest í heild sinni 9-0.

Fleira ekki gert, fundarbókun upp lesin og undirrituð.  Fundi slitið kl. 18:31.

Þorleifur Pálsson, ritari.

Gísli H. Halldórsson, forseti bæjarstjórnar.

Eiríkur Finnur Greipsson.                                                     

Guðfinna Hreiðarsdóttir.

Kristín Hálfdánsdóttir.                                                        

Albertína Elíasdóttir.

Sigurður Pétursson.                                                              

Arna Lára Jónsdóttir.

Jóna Benediktsdóttir.                                                           

Kristján Andri Guðjónsson.

Fjarverandi aðalfulltrúar: Sigurður Pétursson í h. st. Lína Björg Tryggvadóttir.  Kristján Andri Guðjónsson í h. st. Benedikt Bjarnason. Eiríkur Finnur Greipsson í h. st. Steinþór Bragason.

Dagskrá:

I.         Tillaga til 324. fundar bæjarstjórnar Ísafjarðarbæjar 7. mars 2013.

            Til máls tók: Gísli H. Halldórsson, forseti.

Bæjarráð Ísafjarðarbæjar 784. fundur 11. febrúar 2013.

3.         Bréf nefndasviðs Alþingis. - Tillaga til þingsályktunar um millilandaflug um Hornafjarðarflugvöll 174. mál.  2013-02-0010.

            Lagt fram bréf frá nefndasviði Alþingis dagsett 4. febrúar sl., ásamt tillögu til þingsályktunar um millilandaflug um Hornafjarðarflugvöll 174. mál.  Óskað er eftir umsögn um þingsályktunartillöguna fyrir 21. febrúar n.k.

            „Bæjarstjórn Ísafjarðarbæjar tekur undir þau rök sem fram koma í greinargerð þingsályktunartillögu um millilandaflug um Hornafjarðarflugvöll, sérstaklega hvað varðar minni farþegaflugvélar í millilandaflugi og vélar í ferjuflugi, en gríðarlega mikilvægt er upp á flug þessara véla, að útstöðvar séu á suðaustan- og norðvestanverðu landinu, þ.e.a.s. á Höfn í Hornafirði og á Ísafirði.“

            Bæjarráð leggur til við bæjarstjórn, að ofangreind umsögn verði samþykkt.

            Tillaga bæjarráðs samþykkt 9-0.

II.        Tillaga til 324. fundar bæjarstjórnar Ísafjarðarbæjar 7. mars 2013.

            Til máls tók: Gísli H. Halldórsson, forseti.

Bæjarráð Ísafjarðarbæjar 785. fundur 18. febrúar 2013.

2.         Minnisblað sviðsstjóra umhverfis- og eignasviðs. - Kauptilboð í íbúð að Sindragötu 4, Ísafirði.  2013-01-0072.

            Lagt fram minnisblað Jóhanns B. Helgasonar, sviðsstjóra umhverfis- og eignasviðs Ísafjarðarbæjar, dagsett 12. febrúar sl., er fjallar um kauptilboð er borist hefur í íbúð í eigu Ísafjarðarbæjar að Sindragötu 4, Ísafirði.

            Bæjarráð leggur til við bæjarstjórn að kauptilboðinu verði tekið með þeim fyrirvara að Ísafjarðarbær hafi forkaupsrétt að íbúðinni og að því gefnu að málefni núverandi íbúa verði leyst með fullnægjandi hætti.

            Tillaga bæjarráðs samþykkt 9-0.

            (2013-01-0004) Einnig leggur bæjarráð til að bæjarstjóra verði falið að leggja fram breytingar á fjárfestingaráætlun ársins 2013 vegna breytinga á húsnæði bæjarins við Pollgötu, Ísafirði.

            Tillaga bæjarráðs samþykkt 9-0.

III.      Tillaga til 324. fundar bæjarstjórnar Ísafjarðarbæjar 7. mars 2013.

            Til máls tóku: Gísli H. Halldórsson, forseti og Jóna Benediktsdóttir.

Bæjarráð Ísafjarðarbæjar 787. fundur 4. mars 2013.

4.         Minnisblað sviðsstjóra skóla- og tómstundasviðs. - Beiðni um ráðningu þroskaþjálfa við Grunnskólann á Ísafirði.  2013-02-0059.

            Lagt fram minnisblað Margrétar Halldórsdóttur, sviðsstjóra skóla- og tómstundasviðs Ísafjarðarbæjar, dagsett 1. mars sl., þar sem gerð er grein fyrir beiðni um ráðningu þroskaþjálfa við Grunnskólann á Ísafirði, út yfirstandandi skólaár.  Beiðnin var til umræðu á 329. fundi fræðslunefndar Ísafjarðarbæjar og þar lagt til við bæjarstjórn Ísafjarðarbæjar að beiðnin verði samþykkt. Í minnisblaðinu koma fram kostnaðarútreikningar vegna þessa.

            Margrét Halldórsdóttir, sviðsstjóri skóla- og tómstundasviðs, er mætt á fund bæjarráðs undir þessum lið dagskrár.

            Bæjarráð tekur undir afgreiðslu fræðslunefndar og leggur til að bæjarstjórn heimili ráðningu þroskaþjálfa við Grunnskólann á Ísafirði í 180 kennslustunda starf á yfirstandandi skólaári. Kostnaði verði vísað til endurskoðunar launaáætlunar á hausti komanda.

            Tillaga bæjarráðs samþykkt 9-0.

IV.      Tillaga til 324. fundar bæjarstjórnar Ísafjarðarbæjar 7. mars 2013.

            Til máls tóku: Gísli H. Halldórsson, forseti, Arna Lára Jónsdóttir, Daníel Jakobsson, bæjarstjóri og Albertína F. Elíasdóttir.

Bæjarráð Ísafjarðarbæjar 787. fundur 4. mars 2013.

5.         Minnisblað sviðsstjóra skóla- og tómstundasviðs. - Leikskóladeild fyrir 5 ára börn í Skutulsfirði.  2013-01-0070.

            Lagt fram minnisblað Margrétar Halldórsdóttur, sviðsstjóra skóla- og tómstunda- sviðs Ísafjarðarbæjar, dagsett 1. mars sl., er fjallar um að opna leikskóladeild fyrir 5 ára börn í Skutulsfirði.  Gerð er grein fyrir hugsanlegum möguleika á staðsetningu, sem og kostnaðaráætlun.

            Margrét Halldórsdóttir, sviðsstjóri skóla- og tómstundasviðs, er mætt á fund bæjarráðs undir þessum lið dagskrár.

            Bæjarráð leggur til við bæjarstjórn, að heimiluð verði opnun á leikskóladeild fyrir 5 ára börn í Skutulsfirði, í húsnæði á Hlíf II, Ísafirði. Opnunin taki gildi frá og með         1. ágúst n.k.

            Bæjarstjórn samþykkir fyrir sitt leyti tillögu bæjarráðs 9-0.

V.        Tillaga til 324. fundar bæjarstjórnar Ísafjarðarbæjar 7. mars 2013.

            Til máls tóku: Gísli H. Halldórsson, forseti, Arna Lára Jónsdóttir og Lína Björg Tryggvadóttir.

Bæjarráð Ísafjarðarbæjar 787. fundur 4. mars 2013.

6.         Minnisblað sviðsstjóra skóla- og tómstundasviðs. - Sumarlokanir leikskóla í Ísafjarðarbæ. 2012-03-0054.

            Lagt fram minnisblað Margrétar Halldórsdóttur, sviðsstjóra skóla- og tómstundasviðs Ísafjarðarbæjar, dagsett 1. mars sl., þar sem hún gerir grein fyrir sumarlokunum leikskóla í Ísafjarðarbæ og kostnaðarauka með tilvísun til samþykktrar tillögu á 323. fundi bæjarstjórnar Ísafjarðarbæjar frá 7. febrúar sl.

            Margrét Halldórsdóttir, sviðsstjóri skóla- og tómstundasviðs, er mætt á fund bæjarráðs undir þessum lið dagskrár.

            Bæjarráð felur bæjarstjóra að móta tillögu til bæjarstjórnar, um sumarlokanir leikskóla Ísafjarðarbæjar, í samræmi við umræður í bæjarráði.

Tillaga bæjarstjóra til bæjarstjórnar hljóðar svo:

            Lagt er til að bæjarstjórn Ísafjarðarbæjar samþykki, að stytta sumarlokun leiksskóla sumarið 2013, úr fimm í fjórar vikur á leikskólunum Eyrarskjóli, Tjarnarbæ og Sólborg. Heimilað verði að ráða samtals í 75-80% stöðugildi á árinu 2013 inn á umrædda leikskóla, eftir nánari ákvörðun sviðsstjóra skóla- og tómstundasviðs.

M.v. þessar forsendur hækkar launaáætlun bæjarins um 3,4 m.kr. Vísað er til meðf. viðauka við fjárhagsáætlun sem einnig er til umfjöllunar bæjarstjórnar á þessum fundi.

            Tillaga bæjarstjóra mótuð í framhaldi af umræðum í bæjarráði samþykkt  9-0.

VI.      Tillaga til 324. fundar bæjarstjórnar Ísafjarðarbæjar 7. mars 2013.

            Til máls tóku: Gísli H. Halldórsson, forseti, Jóna Benediktsdóttir, Guðfinna Hreiðarsdóttir og Arna Lára Jónsdóttir.

Jóna Benediktsdóttir lagði fram svohljóðandi bókun Í-lista undir þessum lið dagskrár.

            ,,Sérstakar húsaleigubætur eru félagslegt úrræði til að aðstoða fólk í fjárhagsvanda. Mörg sveitarfélög hafa tekið upp ákvæði um búsetu í tiltekinn tíma sem forsendu fyrir bótarétti eins og félagsmálanefnd leggur til að gert verði nú hjá Ísafjarðarbæ.  Slík forsenda stríðir gegn hugmyndum um jafnræði og getur virkað hamlandi fyrir fólk til/við að bæta aðstæður sínar. Það er hinsvegar flókið þegar um þetta gilda ekki samræmdar reglur hjá sveitarfélögum landsins.
            Í-listinn situr því hjá við afgreiðslu þessa máls og óskar eftir því að bæjarstjóri beiti sér fyrir því að innan Sambands íslenskra sveitarfélaga  verði hafin vinna við að samræma reglur um sérstakar húsaleigubætur.“

Félagsmálanefnd Ísafjarðarbæjar 375. fundur 19. febrúar 2013.

3.         2007010072 - Sérstakar húsaleigubætur.

            Lögð fram drög að endurskoðuðum reglum um sérstakar húsaleigubætur í Ísafjarðarbæ.

            Lagt fram til kynningar á fundi nefndarinnar og lagt  til að bæjarstjórn samþykki endurskoðaðar reglur um sérstakar húsaleigubætur í Ísafjarðarbæ.

            Tillaga félagsmálanefndar samþykkt 5-0.

VII.     Tillaga til 324. fundar bæjarstjórnar Ísafjarðarbæjar 7. mars 2013.

            Til máls tók: Gísli H. Halldórsson, forseti.

Félagsmálanefnd Ísafjarðarbæjar 375. fundur 19. febrúar 2013.

6.         2012120016 - Fjárhagsaðstoð.

            Lagt fram minnisblað frá Sædísi Maríu Jónatansdóttur dags. 19. febrúar 2013, um grunnfjárhæð fjárhagsaðstoðar. Lagt er til að grunnfjárhæð fjárhagsaðstoðar fyrir einstakling hækki í samræmi við vísitölu neysluverðs miðað við 1. janúar 2013 og taki gildi 1. mars n.k. Gert er ráð fyrir að hækkunin rúmist innan fjárhagsáætlunar fyrir árið 2013.

            Lagt er til að bæjarstjórn samþykki að  grunnfjárhæð fjárhagsaðstoðar hækki í samræmi við vísitölu neysluverðs miðað við 1. janúar 2013.

            Tillaga félagsmálanefndar samþykkt 9-0.

VIII.   Tillaga til 324. fundar bæjarstjórnar Ísafjarðarbæjar 7. mars 2013.

            Til máls tók: Gísli H. Halldórsson, forseti.

Umhverfisnefnd Ísafjarðarbæjar 389. fundur 13. febrúar 2013.

1.         2013020001 - Sindragata 4b, Ísafirði. - Umsókn um lóð.

            Lagt fram erindi dags. 1. febrúar sl. þar sem Guðmundur Tr. Ásbergsson sækir um lóðina Sindragata 4b, Ísafirði, undir fjölbýlishús.

            Umhverfisnefnd leggur til við bæjarstjórn að Guðmundur Tr. Ásbergsson fái lóðina Sindragata 4b, Ísafirði,  með þeim reglum sem í gildi eru og settar kunna að verða. Lóðarumsókn fellur úr gildi hafi teikningar ekki borist Ísafjarðarbæ innan 6 mánaða og framkvæmdir ekki hafist innan 12 mánaða frá úthlutun.

            Tillaga umhverfisnefndar samþykkt  9-0.

IX.      Tillaga til 324. fundar bæjarstjórnar Ísafjarðarbæjar 7. mars 2013.

            Til máls tók: Gísli H. Halldórsson, forseti.

Umhverfisnefnd Ísafjarðarbæjar 389. fundur 13. febrúar 2013.

2.         2013020016 - Skeið 7, Ísafirði. - Umsókn um lóð.

            Lagt fram erindi frá Verkís f.h. Landsnets, þar sem sótt er um lóðina Skeið 7, Ísafirði, undir tengivirki Landsnets.

            Umhverfisnefnd leggur til við bæjarstjórn að Landsnet fái lóðina Skeið 7, Ísafirði,  með þeim reglum sem í gildi eru og settar kunna að verða. Lóðarumsókn fellur úr gildi hafi teikningar ekki borist Ísafjarðarbæ innan 6 mánaða og framkvæmdir ekki hafist innan 12 mánaða frá úthlutun.

            Tillaga umhverfisnefndar samþykkt 9-0.

X.        Bæjarráð.

            Til máls tóku: Gísli H. Halldórsson, forseti, Jóna Benediktsdóttir, Arna Lára Jónsdóttir, Lína Björg Tryggvadóttir, Guðfinna Hreiðarsdóttir, Benedikt Bjarnason, Albertína Elíasdóttir og Daníel Jakobsson, bæjarstjóri.

Fundargerðin 11/2.  784. fundur.

Fundargerðin er í átta liðum.

Fundargerðin lögð fram til kynningar.

Fundargerðin 18/2.   785. fundur.

Fundargerðin er í tíu liðum.

Fundargerðin lögð fram til kynningar.

Fundargerðin 26/2.  786. fundur.

Fundargerðin er í þrettán liðum.

Fundargerðin lögð fram til kynningar.

Fundargerðin 5/3.  787. fundur.

Fundargerðin er í tólf liðum.

Fundargerðin lögð fram til kynningar.

XI.      Félagsmálanefnd.

Fundargerðin 19/-21.  375. fundur.

Fundargerðin er í tíu liðum.

Fundargerðin lögð fram til kynningar.

XII.     Fjallskilanefnd.

            Til máls tóku: Gísli H. Halldórsson, forseti og Daníel Jakobsson, bæjarstjóri.

Fundargerðin 20/2.  1. fundur.

Fundargerðin er í tveimur liðum.

Fundargerðin lögð fram til kynningar.

XIII.   Fræðslunefnd.

Fundargerðin 6/2.  328. fundur.

Fundargerðin er í sjö liðum.

Fundargerðin lögð fram til kynningar.

Fundargerðin 27/2.  329. fundur.

Fundargerðin er í sjö liðum.

Fundargerðin lögð fram til kynningar.

XIV.   Íþrótta- og tómstundanefnd.

Fundargerðin 13/2.  138. fundur.

Fundargerðin er í  átta liðum.

Fundargerðin lögð fram til kynningar.

XV.     Starfshópur um framtíðarskipan Pollsins á Ísafirði.

Fundargerðin 15/2. 7. fundur.

Fundargerðin er í einum lið.

Fundargerðin lögð fram til kynningar.

XVI.   Umhverfisnefnd.

            Til máls tók: Gísli H. Halldórsson, forseti.

Fundargerðin 13/2.  389. fundur.

Fundargerðin er í ellefu liðum.

Fundargerðin staðfest í heild sinni 9-0.

XVII.  Tillaga til 324. fundar bæjarstjórnar Ísafjarðarbæjar 7. mars 2013.

            Til máls tóku: Gísli H. Halldórsson, forseti og Daníel Jakobsson, bæjarstjóri.

Viðaukatillaga við fjárhagsáætlun Ísafjarðarbæjar 2013, lögð fram af bæjarstjóra. 2012-09-0006.

            Lögð fram af Daníel Jakobssyni, bæjarstjóra, viðaukatillaga við fjárhagsáætlun ársins 2013, er varðar nýja áætlun frá Jöfnunarsjóði sveitarfélaga vegna fasteignaskatts- framlags, samkvæmt reglugerð 80/2001 og breytinga vegna sumarlokunar leikskóla Ísafjarðarbæjar.

            Tillaga bæjarstjóra um viðauka við fjárhagsáætlun 2013 samþykkt 9-0.   

Fleira ekki gert, fundarbókun upp lesin og undirrituð.  Fundi slitið kl. 18:17.

Þorleifur Pálsson, ritari.

Gísli H. Halldórsson, forseti bæjarstjórnar.

Steinþór Bragason.                                                               

Guðfinna Hreiðarsdóttir.

Kristín Hálfdánsdóttir.                                                        

Albertína Elíasdóttir.

Lína Björg Tryggvadóttir.                                                    

Arna Lára Jónsdóttir.

Jóna Benediktsdóttir.                                                           

Benedikt Bjarnason.

Daníel Jakobsson, bæjarstjóri.

Að loknum V. lið á dagskrá vék Jóna Benediktsdóttir af fundi og í hennar stað kom Kristján Andri Guðjónsson.

Áður en gengið var til dagskrár óskaði Gísli H. Halldórsson, forseti, eftir að tekið yrði á dagskrá, sem XXII. liður, umsögn um frumvarp til náttúruverndarlaga, þingskjal 537, 429.

Jafnframt óskaði forseti eftir að tekið yrði á dagskrá, sem XXIII. liður, tillögur Í-lista um ungbarnadeild við leikskólann Sólborg á Ísafirði og lokun leikskóla vegna sumarleyfa.

Beiðni forseta var samþykkt  9-0 og bætast þessir liðir við áður boðaða dagskrá.  

Dagskrá:

I.         Tillaga til 323. fundar bæjarstjórnar Ísafjarðarbæjar 7. febrúar 2013.

            Til máls tóku: Gísli H. Halldórsson, forseti, Daníel Jakobsson, bæjarstjóri, Eiríkur Finnur Greipsson, Arna Lára Jónsdóttir, Jóna Benediktsdóttir, Guðfinna Hreiðarsdóttir og Sigurður Pétursson.

Bæjarráð Ísafjarðarbæjar 783. fundur 4. febrúar 2013.

1.         Þriggja ára áætlun Ísafjarðarbæjar og stofnana 2014/2016. 2012-09-0006.

            Bæjarráð vísar þriggja ára áætlun Ísafjarðarbæjar og stofnana hans fyrir starfsárin 2014/2016 til síðari umræðu í bæjarstjórn þann 7. febrúar n.k., ásamt meðfylgjandi undirgögnum.

            Eiríkur Finnur Greipsson lagði fram svohljóðandi bókun meirihluta B og D-lista bæjarstjórnar.

            ,,Fjárhagsáætlun Ísafjarðarbæjar til ársins 2016 er nú lögð fram til síðari umræðu. Markmið þau sem sett voru við framlagningu áætlunarinnar til fyrri umræðu eru óbreytt, svo sem um auknar útsvarstekjur, um 15% framlegð frá rekstri og að náð verði því markmiði að lækka skuldahlutfall bæjarins niður fyrir 150% á næstu þrem árum.

            Allt frá því að núverandi meirihluti var myndaður árið 2010 hefur megin áherslan í starfi bæjarstjórnar beinst að því að bæta rekstur og fjármálastöðu bæjarins, til að hægt verði að takast á við verkefni í viðhaldi og endurnýjun stoðkerfis og fasteigna og lækkun á gjaldskrám og álögum á fjölskyldur og atvinnulíf.

            Engu að síður hefur verið lögð áhersla á, að draga sem minnst úr þjónustu við íbúa, en leita frekar hagkvæmari leiða til að bæta hana. Bæjarstjóri og starfsfólk hans, með aðstoð ráðgjafa sem ráðinn var til verksins, hafa staðið í stafni við að fylgja eftir þessari stefnu og ná fram nauðsynlegri hagræðingu.

            Meirihlutinn telur mikilvægt að á næstu árum verði haldið áfram á sömu braut aðhaldsaðgerða í rekstri og greiðslu skulda, en jafnframt verði reynt að bæta þjónustu með hagkvæmum hætti.

            Miðað við þann árangur sem þegar hefur náðst, þá er það álit meirihlutans að fljótlega verði mögulegt að nýta bætta fjárhagsstöðu, til þess að lækka álögur og gjaldskrár svo sem fasteignagjöld, sorpgjöld og leikskólagjöld.“  

Fyrir hönd meirihluta B og D-lista , Eiríkur Finnur Greipsson.

            Gísli H. Halldórsson, forseti, lagði til við bæjarstjórn að þriggja ára áætlun Ísafjarðarbæjar og stofnana hans, eins og hún liggur nú fyrir, verði samþykkt.

            Tillaga forseta samþykkt 9-0.

II.        Tillaga til 323. fundar bæjarstjórnar Ísafjarðarbæjar 7. febrúar 2013.

                Til máls tóku: Gísli H. Halldórsson, forseti, Eiríkur Finnur Greipsson og Sigurður Pétursson.

Bæjarráð Ísafjarðarbæjar 783. fundur 4. febrúar 2013.

6.         Tillaga formanns bæjarráðs að bókun. - Bætt þjónustustig þjóðvegar 61.

            2013-01-0078.

Bætt þjónustustig þjóðvegar nr. 61. - Tillaga að bókun.

            Bæjarstjórn Ísafjarðarbæjar tekur undir þá kröfu fyrirtækja og almennings að þjónustustig þjóðvegar númer 61, verði hækkað úr 3. stigi í 2. stig til að tryggja betur samgöngur við norðanverða Vestfirði. Lágmarkskrafa er að Vegagerðin taki tillit til atvinnulífs og ferðalanga við stöðlun á þjónustu fyrir svæðið, bæti umferðaröryggi og jafni rekstrarskilyrði Vestfirðinga með fjölgun mokstursdaga úr sex í sjö og bættum hálkuvörnum og mokstri á þjóðveginum.

Greinargerð:

            Mikið ófremdarástand hefur hefur ítrekað skapast í samgöngumálum á norðanverðum Vestfjörðum í vetur vegna gífurlegrar hálku og ófærðar. Saman hefur farið mikill vindhraði og hitastig nálægt frostmarki sem veldur mikilli ísmyndun á vegum. Á sama tíma hefur flug legið niðri og því engar samgöngur við aðra landshluta þegar vegir eru lokaðir.  Það þarf varla að taka það fram að samgöngur eru undirstaða byggðar á svæðum eins og Vestfjörðum, þar sem bæði atvinnulíf og öryggi íbúa er háð tengingu við höfuðborgina.

            Vegagerðin setur Vestfirði undir 3. þjónustustig sem er skör lægri en t.d. þjóðvegurinn norður í land, en þjónustustigið ræður t.d. fjölda mokstursdaga og lengd þjónustu fram á kvöld.

            Bætt þjónusta við þjóðveginn til norðanverðra Vestfjarða er undirstaða uppbyggingar á svæðinu þar sem nauðsynlegt er að tryggja samgöngur eins og best verður á kosið. Þjónusta við þjóðveginn er ráðandi þáttur um samkeppnishæfni svæðisins og því ein af megin kröfum íbúa um að hún verði bætt. Í því samhengi er rétt að benda á að umferðarþungi vegarins er mestur seinnipart dags og á kvöldin en þá eru starfsmenn Vegargerðarinnar hættir störfum og því engin þjónusta í boði.  Það er eðlilegt að Vegagerðin aðlagi sig að þörfum íbúa, atvinnulífs og ferðamanna, en ekki öfugt.

Lagt er til við bæjarstjórn Ísafjarðarbæjar að ofangreind bókun verði samþykkt.

            Samþykkt í bæjarstjórn Ísafjarðarbæjar 9-0.

III.      Tillaga til 323. fundar bæjarstjórnar Ísafjarðarbæjar 7. febrúar 2013.

            Til máls tóku: Gísli H. Halldórsson, forseti og Jóna Benediktsdóttir.

Bæjarráð Ísafjarðarbæjar 783. fundur 4. febrúar 2013.

7.         Minnisblað bæjarstjóra. - Sameinaðar almannavarnanefndir á

            norðanverðum Vestfjörðum.  2013-01-0081.

            Lagt fram minnisblað Daníels Jakobssonar, bæjarstjóra, dagsett 30. janúar sl., þar sem hann fjallar um hugsanlega sameiningu almannavarnanefnda á norðanverðum Vestfjörðum og vísar til bókunar sameinaðra almannavarnanefnda Súðavíkurhrepps og Ísafjarðarbæjar á fundi þann 12. janúar 2012.  Nefnd fundargerð fylgir minnisblaðinu.

            Bæjarráð leggur til við bæjarstjórn að unnið verði að sameiningu þessara nefnda á grundvelli minnisblaðs bæjarstjóra.

            Tillaga bæjarráðs samþykt 9-0.

IV.      Tillaga til 323. fundar bæjarstjórnar Ísafjarðarbæjar 7. febrúar 2013.

            Til máls tóku: Gísli H. Halldórsson, forseti, Daníel Jakobsson, bæjarstjóri, Eiríkur Finnur Greipsson, Sigurður Pétursson, Jóna Benediktsdóttir, Lína Björg Tryggvadóttir og Marzellíus Sveinbjörnsson.

Bæjarráð Ísafjarðarbæjar 783. fundur 4. febrúar 2013.

16.       Minnisblað bæjarstjóra. - Greiðslur fyrir setu í bæjarstjórn, bæjarráði og

            nefndum á vegum Ísafjarðarbæjar. 2013-02-0002.

            Lagt fram minnisblað Daníels Jakobssonar, bæjarstjóra, dagsett 31. janúar sl., þar sem hann gerir grein fyrir tillögu að greiðslum til bæjarfulltrúa og nefndarmanna fyrir fundarsetur í bæjarstjórn, bæjarráði og nefndum sveitarfélagsins. Jafnframt er minnst á aðrar greiðslur, t.d. ferðakostnað til bæjarfulltrúa, er þeir fara út fyrir sveitarfélagið á  þess vegum.

            Bæjarráð felur bæjarstjóra að móta tillögu, í samræmi við umræður í bæjarráði,  tillögu er lögð verði fyrir næsta fund bæjarstjórnar.

            Tillaga bæjarstjóra fylgir útsendum gögnum í dagskrá 323. fundar bæjarstjórnar.

            Tillaga bæjarstjóra samþykkt 8-0.

V.        Tillaga til 323. fundar bæjarstjórnar Ísafjarðarbæjar 7. febrúar 2013.

            Til máls tóku: Gísli H. Halldórsson, forseti og Sigurður Pétursson.

            Eiríkur Finnur Greipsson vék af fundi undir þessum lið dagskrár.

Bæjarráð Ísafjarðarbæjar 783. fundur 4. febrúar 2013.

17.       Minnisblað. - Byggðakvóti fiskveiðiársins 2012/2013.  2012-09-0043.

            Lagt fram minnisblað Daníels Jakobssonar, bæjarstjóra, dagsett 1. febrúar sl., er varðar tillögu til breytinga á reglum um úthlutun byggðakvóta fiskveiðiársins 2012/2013.

            Jafnframt er lagt fram bréf frá atvinnuvega- og nýsköpunarráðuneyti dagsett þann 31. janúar sl., er varðar úrskurði ráðuneytisins á umbeðnum breytingum Ísafjarðarbæjar á úthlutunarreglum byggðakvóta fiskveiðiárið 2012/2013.

            Bæjarráð leggur til við bæjarstjórn, að neðangreind tillaga í minnisblaði um breytingar á 4. gr. reglugerðar nr. 628 frá 13. júlí 2012, um úthlutun byggðakvóta fiskveiðiársins 2012/2013 verði samþykkt.

            ,,Lagt er  til,  að óskað verði eftir við atvinnuvega- og nýsköpunarráðuneytið, þeirri breytingu á 4. gr. reglugerðar nr. 628 frá 13. júlí 2012, að viðmið um landaðan afla í þorskígildum talið verði innan sveitarfélagsins á tímabilinu 1. september 2011 til 31. ágúst 2012, í stað viðkomandi byggðarlags.“

            Með tilvísun til bréfs atvinnuvega- og nýsköpunarráðuneytis frá 31. janúar sl., leggur bæjarráð til við bæjarstjórn að niðurstaða ráðuneytisins varðandi breytingar á úthlutunarreglum vegna byggðakvóta 2012/2013, verði samþykkt. 

            Bæjarráð telur þó að niðurstaða ráðuneytisins varðandi tillögu Ísafjarðarbæjar í   c-lið, um breytingar á úthlutunarreglum sé enn órökstudd, en telur að nauðsynlegt sé að málið verði afgreitt án frekari tafa svo hægt verði að hefja úthlutun byggðakvótans.

Viðaukatillaga forseta:

Ákvæði reglugerðar nr. 628 frá 13. júlí 2012 gildi um úthlutun byggðakvóta byggðarlaga í Ísafjarðarbæ með eftirfarandi viðauka/breytingum, er lagðar voru fram á fundi bæjarstjórnar.

a.         A-liður 1. greinar breytist og verður:

Hafa leyfi til veiða í atvinnuskyni, sbr. 4. gr. laga nr. 116/2006, um stjórn fiskveiða, með síðari breytingum eða frístundaveiðileyfi skv. 2. tl. 4. mgr. 6. gr. sömu laga, við lok umsóknarfrests.

b.         Ákvæði b- og c-liðar 1. gr. breytist á þann veg að í stað þess að þar verði miðað við dagsetninguna 1. júlí 2012 verði miðað við dagsetninguna 8. nóvember 2012.

Áður var aðeins getið um c-lið, en ákvæðið er merkingarlaust nema það gildi einnig um b-lið.

d. Nýr liður bætist við:

Við 4. grein bætist málsliðurinn, ,,Af byggðakvóta vegna Ísafjarðar fari að hámarki 12 tonn á hvern bát“.

Fallið er frá svohljóðandi breytingu sem bæjarstjórn samþykkti 8. nóvember síðastliðinn:

c.-liður „6. gr. breytist þannig að inn í textann bætist sem 3. málsliður, ,,Ef ekki næst bindandi samningur sveitarfélags við fiskvinnslustöð í byggðarlagi, um móttöku afla vegna byggðakvóta, að lágmarki miðað við Verðlagsstofuverð eða ef vinnslur byggðalags loka og geta ekki tekið við afla, er skipum í því byggðarlagi heimilt að landa til vinnslu hvar sem er í sveitarfélaginu á meðan“.“

Að mati ráðuneytisins er efni ákvæðisins óskýrt og ekki ljóst hvort eða hvernig með því verði náð þeim markmiðum sem ákvæði laga og stjórnvaldsreglna um úthlutun byggðakvóta eru byggð á eða hvernig ákvæðið muni koma til framkvæmda. Einnig er að mati ráðuneytisins ljóst að ákvæðið getur ekki átt við í öllum byggðarlögum sveitarfélagsins.

Bæjarstjórn Ísafjarðarbæjar samþykkir að reglur um sérstök skilyrði fyrir úthlutun byggðakvóta í Ísafjarðarbæ fyrir fiskveiðiárið 2012/2013 verði með ofangreindum hætti sem atvinnuvega- og nýsköpunarráðuneytið hefur fallist á.

Bæjarstjórn lýsir engu að síður óánægju með að ekki hafi verið tekið tillit til óska hennar um breytingar á 6. grein skv. c-lið og fellst ekki á rökstuðning ráðuneytisins hvað þetta varðar.

Tillaga bæjarráðs um breytingar á 4. gr. í úthlutunarreglum samþykkt 7-0.

Tillaga bæjarráðs með viðaukatillögu forseta um aðrar breytingar á úthlutunarreglum og niðurstöðu ráðuneytisins með athugasemd Ísafjarðarbæjar samþykkt 7-0.

 VI.     Tillaga til 323. fundar bæjarstjórnar Ísafjarðarbæjar 7. febrúar 2013.

            Til máls tóku: Gísli H. Halldórsson, forseti, Daníel Jakobsson, bæjarstjóri og Arna Lára Jónsdóttir.

Bæjarráð Ísafjarðarbæjar 783. fundur 4. febrúar 2013.

18.       Erindi frá bæjarstjóra. - Samþykktir Náttúrustofu Vestfjarða. 2012-06-0085.

            Lögð fram drög að samþykktum fyrir Náttúrustofu Vestfjarða, sem unnin eru af Daníel Jakobssyni, bæjarstjóra.    

            Bæjarráð samþykkir að vísa málinu til bæjarstjórnar í samræmi við umræður á fundinum og felur bæjarstjóra að móta tillögu er lögð verði fyrir næsta fund bæjarstjórnar.

            Tillögur bæjarstjóra eru svohljóðandi, samkvæmt minnisblaði er fylgir dagskrá 323. fundar.

1. Lagt er til að bæjarstjóra verði heimilað að skrifa undir fyrirliggjandi drög að samþykktum um Náttúrustofu Vestfjarða.
2. Lagt er til að bæjarstjóra verði heimilað að framlengja samstarfsamning aðildarsveitarfélaga um Náttúrustofu Vestfjarða til fjögurra ára.
3. Bæjarstjóra verið falið að tryggja að uppgjör NAVE við Bolungarvíkurkaupstað um framlög fyrri ára verði hraðað eins og kostur er.

Tillögur í minnisblaði bæjarstjóra merktar eitt til þrjú, samþykktar 9-0.      

VII.     Tillaga til 323. fundar bæjarstjórnar Ísafjarðarbæjar 7. febrúar 2013.

            Til máls tók: Gísli H. Halldórsson, forseti.

Fræðslunefnd Ísafjarðarbæjar 327. fundur 16. janúar 2013.

2.         2013010033 - Afsláttargjald leikskóla.

            Lagt fram minnisblað frá Sigurlínu Jónasdóttur, skóla- og sérkennslufulltrúa, dagsett 11. janúar 2013, þar sem óskað er eftir því að fræðslunefnd taki afstöðu til þess hvort að foreldrar, sem eru einstæðir eða báðir námsmenn og eiga fleiri en eitt barn í leikskóla, geti verið bæði með afslátt sem einstæðir foreldrar og/eða námsmenn og einnig fengið systkinaafslátt, misjafnt er hvernig þetta er í öðrum sveitarfélögum, sum eru með báða afslættina en önnur bara annan.

            Fræðslunefnd leggur til við bæjarstjórn Ísafjarðarbæjar, að systkinaafsláttur verði reiknaður af leikskólagjaldi eftir að lækkað hefur verið vegna annarra afslátta.

            Tillagan samþykkt 9-0.

VIII.   Tillaga til 323. fundar bæjarstjórnar Ísafjarðarbæjar 7. febrúar 2013.

            Til máls tóku: Gísli H. Halldórsson, forseti, Eiríkur Finnur Greipsson og Sigurður Pétursson.

Nefnd um byggingu hjúkrunarheimilis á Ísafirði  25. fundur 31. janúar 2013.

1.         Skipulag og hönnun Eyrar. 2011-12-0009.

Daníel Jakobsson fór yfir nýja útfærslu á miðrými hjúkrunarheimilisins.  Rætt um miðrými íbúðareininga og hvort nauðsynlegt sé að stúka það svona mikið niður. Eiríkur Finnur tekur að sér að skoða málið og senda upplýsingar til nefndarmanna.

Salur, iðjuþjálfun og önnur rými rædd ítarlega.  Nefndin er sátt við framkomnar tillögur og felur formanni og sviðsstjóra umhverfis- og eignasviðs að ganga frá endanlegri útfærslu teikninga í samvinnu við Heilbrigðisstofnun Vestfjarða.

Nefndin leggur til við bæjarstjórn að byggingin verði um 60 m² stærri en viðmið velferðarráðuneytisins gerir ráð fyrir.  Ráðuneytið hefur heimilað 2.250 m² byggingu (75 m² pr. íbúa) en nefndin vill byggja 2.310 m² byggingu (77 m² pr. íbúa). Ástæða stækkunarinnar er tengibygging við Heilbrigðisstofnun Vestfjarða og stækkun á sal í miðrými.  Gróf kostnaðaráætlun við stækkunina er um 250-300 þús. pr. m²

            Tillaga nefndar um byggingu hjúkrunarheimilis á Ísafirði samþykkt 9-0.

IX.      Tillaga til 323. fundar bæjarstjórnar Ísafjarðarbæjar 7. febrúar 2013.

            Til máls tóku: Gísli H. Halldórsson, forseti, Sigurður Pétursson, Kristján Andri Guðjónsson, Eiríkur Finnur Greipsson og Lína Björg Tryggvadóttir.

Umhverfisnefnd Ísafjarðarbæjar  388. fundur 23. janúar 2013.

4.         2011090100 - Deiliskipulag á Ingjaldssandi.

            Lögð fram deiliskipulagstillaga að Ingjaldssandi. Erindið var síðast á dagskrá umhverfisnefndar 3. október 2012. Umhverfisnefnd frestar afgreiðslu deiliskipulags-tillögu fyrir Álfadal svæði F31 og F32, þar til gengið hefur verið með formlegum hætti frá skiptum á jörðunum Ástúni og Álfadal.

            Umhverfisnefnd leggur til við bæjarstjórn að deiliskipulagstillaga af Nesdal svæði F27 og Hrauni F29 og F30 verði samþykkt enda styðja fyrirliggjandi gögn eignarhald Sæbóls að Nesdal og enginn annar hefur lýst eign sinni í auglýsingarferli deiliskipulags-tillögunnar.

            Tillaga umhverfisnefndar samþykkt  7-0.

X.        Tillaga til 323. fundar bæjarstjórnar Ísafjarðarbæjar 7. febrúar 2013.

            Til máls tók: Gísli H. Halldórsson, forseti.

Umhverfisnefnd Ísafjarðarbæjar  388. fundur 23. janúar 2013.

9.         2011070030 - Fjallskilareglugerð fyrir Vestfirði.

            Umhverfisnefnd leggur til við bæjarstjórn að eftirtaldir aðilar verði skipaðir fulltrúar í fjallskilanefnd Ísafjarðarbæjar: Karl Guðmundsson, Súgandafirði, Kristján Andri Guðjónsson, Skutulsfirði, Kristján Jónsson, Skutulsfirði, Svala Sigríður Jónsdóttir, Súgandafirði, Ásvaldur Magnússon, Önundarfirði, Sighvatur Jón Þórarinsson, Dýrafirði og Ómar Dýri Sigurðsson, Dýrafirði.   Fjallskilanefnd velji sér formann.

            Tillaga umhverfisnefndar samþykkt 8-0.

XI.      Tillaga til 323. fundar bæjarstjórnar Ísafjarðarbæjar 7. febrúar 2013.

            Til máls tóku: Gísli H. Halldórsson, forseti og Marzellíus Sveinbjörnsson.

Umhverfisnefnd Ísafjarðarbæjar  388. fundur 23. janúar 2013.

10.       2009060058 - Deiliskipulag í Tungudal, Skutulsfirði.

            Lögð fram deiliskipulagstillaga frístundabyggðar í Tungudal, Skutulsfirði, unnin af Teiknistofunni Eik.

            Umhverfisnefnd leggur til við bæjarstjórn að deiliskipulagstillagan verði auglýst.

            Tillaga umhverfisnefndar samþykkt 8-0.

XII.     Tillaga til 323. fundar bæjarstjórnar Ísafjarðarbæjar 7. febrúar 2013.

            Til máls tók: Gísli H. Halldórsson, forseti.

Umhverfisnefnd Ísafjarðarbæjar  388. fundur 23. janúar 2013.

11.       2004020154 - Snjóflóðavarnir í Kubba. - Breyting á deiliskipulagi.

            Lögð fram deiliskipulagstillaga vegna snjóflóðavarna í Kubba á Ísafirði, unnin af Teiknistofunni Eik, Ísafirði.

            Umhverfisnefnd leggur til við bæjarstjórn að deiliskipulagstillagan verði auglýst.

            Tillaga umhverfisnefndar samþykkt 9-0.

XIII.   Tillaga til 323. fundar bæjarstjórnar Ísafjarðarbæjar 7. febrúar 2013.

            Til máls tók: Gísli H. Halldórsson, forseti.

Umhverfisnefnd Ísafjarðarbæjar  388. fundur 23. janúar 2013.

12.       2010040047 - Deiliskipulag á Suðureyri. - Miðsvæði.

            Lögð fram deiliskipulagstillaga af miðbæ Suðureyrar, unnin af Teiknistofunni Eik, Ísafirði.

            Umhverfisnefnd leggur til við bæjarstjórn að deiliskipulagstillagan verði auglýst.

            Tillaga umhverfisnefndar samþykkt 9-0.

XIV.   Tillaga til 323. fundar bæjarstjórnar Ísafjarðarbæjar 7. febrúar 2013.  

2013-02-0011. 

            Til máls tók: Gísli H. Halldórsson, forseti.

Erindi frá bæjarstjóra.

Endurskoðun Vestfjarða ehf., Jón Þorgeir Einarsson, löggiltur endurskoðandi.      

            Á fundi bæjarráðs Ísafjarðarbæjar þann 30. nóvember 2009, var lagt fram bréf frá Endurskoðun Vestfjarða ehf. og Löggiltum endurskoðendum  Vestfjörðum ehf., dagsett 19. nóvember 2009, þar sem fram kemur að fyrirtækið EV ehf., hefur keypt rekstur LEV ehf., Aðalstræti 24, Ísafirði. 

            Bæjarráð lagði til við bæjarstjórn, að Endurskoðun Vestfjarða ehf., verði endurskoðandi Ísafjarðarbæjar í stað Löggiltra endurskoðenda Vestfjörðum ehf. og Guðmundur E. Kjartansson yrði áfram endurskoðandi. 

Sú tillaga var samþykkt á 269. fundi bæjarstjórnar Ísafjarðarbæjar þann 17. desember 2010.

            Með tilvísun til laga nr. 79/2008, um endurskoðendur skal eining tengd almannahagsmunum (Ísafjarðarbær telst slík eining vegna skuldabréfa í Kauphöll) skipta um endurskoðanda eftir 7 ár.  Fráfarandi endurskoðandi má síðan koma að endurskoðun einingarinnar aftur eftir tvö ár ef þannig ræðst.         

            Með hliðsjón af ofangreindum lögum og þess tíma er Guðmundur E. Kjartansson hefur starfað sem endurskoðandi Ísafjarðarbæjar, þá hefur verið undirritað ráðningarbréf við Endurskoðun Vestfjarða ehf., um að Jón Þorgeir Einarsson komi í stað Guðmundar E. Kjartanssonar, sem löggiltur endurskoðandi Ísafjarðarbæjar, til eins árs, það er endurskoði rekstrarárið 2012.

            Því leggur Daníel Jakobsson, bæjarstjóri, til við bæjarstjórn Ísafjarðarbæjar, að ráðningarbréf um endurskoðun milli Endurskoðunar Vestfjarða ehf. og Ísafjarðarbæjar, dagsett 4. febrúar sl., verði samþykkt.

            Tillaga bæjarstjóra samþykkt 9-0.

XV.     Bæjarráð.

            Til máls tóku: Gísli H. Halldórsson, forseti og Arna Lára Jónsdóttir.

Fundargerðin 21/1.  781. fundur.

Fundargerðin er í sjö liðum.

Fundargerðin lögð fram til kynningar.

Fundargerðin 28/1.   782. fundur.

Fundargerðin er í sjö liðum.

Fundargerðin lögð fram til kynningar.

Fundargerðin 4/2.  783. fundur.

Fundargerðin er í átján liðum.

Fundargerðin lögð fram til kynningar.

XVI.   Atvinnumálanefnd.

Fundargerðin 30/1.  115. fundur.

Fundargerðin er í þremur liðum.

Fundargerðin lögð fram til kynningar.

XVII.  Félagsmálanefnd.

Fundargerðin 15/1.  374. fundur.

Fundargerðin er í átta liðum.

Fundargerðin lögð fram til kynningar.

XVIII.            Fræðslunefnd.

Fundargerðin 16/1.  327. fundur.

Fundargerðin er í sex liðum.

Fundargerðin staðfest í heild sinni 9-0.

XIX.   Hafnarstjórn.

Fundargerðin 11/1.  163. fundur.

Fundargerðin er í  fjórum liðum.

Fundargerðin lögð fram til kynningar.

XX.     Nefnd um byggingu hjúkrunarheimilis á Ísafirði.

Fundargerðin 19/12.12.  23. fundur.

Fundargerðin er í tveimur liðum.

Fundargerðin lögð fram til kynningar.

Fundargerðin 24/1.   24. fundur.

Fundargerðin er í sex liðum.

Fundargerðin lögð fram til kynningar.

Fundargerðin 31/1.  25. fundur.

Fundargerðin er í tveimur liðum.

Fundargerðin lögð fram til kynningar.

XXI.   Umhverfisnefnd.

            Til máls tóku: Gísli H. Halldórsson, forseti, Sigurður Pétursson og Daníel Jakobsson, bæjarstjóri,

Fundargerðin 23/1.  388. fundur.

Fundargerðin er í tólf liðum.

Fundargerðin staðfest í heild sinni 9-0.

XXII.  Umsögn um frumvarp til laga um náttúruvernd, þingskjal 537, 429. mál.

            Til máls tók: Gísli H. Halldórsson, forseti.

            Fyrir liggur tölvubréf frá Þorleifi Eiríkssyni, forstöðumanni Náttúrustofu Vestfjarða, dagsett 6. febrúar sl., þar sem fjallað er um umsögn Samtaka náttúrustofa um frumvarp til laga um náttúruvernd heildarlög 429. mál, sem borist hefur frá umhverfis- og samgöngunefnd Alþingis. Í bréfi Náttúrustofu Vestfjarða er hvatt til að sveitarfélögin er standa að NV taki undir umsögnina og sendi á nefndasvið Alþingis.

            Bæjarstjórn samþykkir  umsögnina 9-0.

XXIII.  Tillaga Í-lista um ungbarnadeild við leikskólann Sólborg á Ísafirði

 og tillaga er varðar lokun leikskóla vegna sumarleyfa.

            Til máls tóku: Gísli H. Halldórsson, forseti og Arna Lára Jónsdóttir.

Arna Lára Jónsdóttir lagði fram svohljóðandi tillögur Í-lista undir þessum lið dagskrár.

            ,,Bæjarstjórn Ísafjarðarbæjar felur skóla og tómstundasviði að skoða kosti þess og galla að opna sérstaka ungbarnadeild og að setja upp færanlega kennslustofu við leikskólann Sólborg samhliða því að gera úttekt á opnun leikskóladeildar fyrir fimm ára börn sem bæjarráð hefur þegar óskað eftir.“

Greinargerð.  

            Brýnt er að bregðast strax við þeim dagvistunarvanda sem uppi er vegna fjölgunar barna á Ísafirði. Skoða þarf allar mögulegar leiðir til að tryggja börnum 18 mánaða og eldri dagvistun. Ein leið er að opna sérstaka leiksskóladeild fyrir fimm ára börn og tengja við Grunnskólann á Ísafirði. Önnur leið er að opna sérstaka ungbarnadeild og sú þriðja er að setja upp færanlega kennslustofu við leikskólann Sólborg þar sem nýta mætti skipulag og það starf sem fyrir er. Þessar þrjár leiðir þarf að meta saman m.t.t. til kostnaðar, þjónustustigs og hversu auðvelt er að hrinda lausninni í framkvæmd.

            ,,Í- listinn leggur til að nú þegar verði leitað leiða til að bregðast við þeim vanda, sem margir foreldrar leikskólabarna standa frammi fyrir vegna lokana leikskólanna í sumarleyfum starfsmanna. Kannaður verði kostnaður og möguleikar á að breyta því þannig að  leikskólar sveitarfélagsins verði aðeins lokaðir í fjórar vikur í stað fimm sumarið 2013 og að lokanirnar verði í júlí og ágúst, til að koma til móts við sem flesta foreldra.  Framkvæmdin verði einnig þannig að báðir skólarnir á Ísafirði yrðu aðeins lokaðir í tvær vikur á sama tíma, eins og gert var til fjölda ára og mikil ánægja var með.

            Tillögur Í-lista samþykktar 9-0.

Fleira ekki gert, fundarbókun upp lesin og undirrituð.  Fundi slitið kl. 19:42.

Þorleifur Pálsson, ritari

Gísli H. Halldórsson, forseti bæjarstjórnar

Eiríkur Finnur Greipsson

Guðfinna Hreiðarsdóttir

Steinþór Bragason

Marzellíus Sveinbjörnsson

Sigurður Pétursson

Arna Lára Jónsdóttir

Jóna Benediktsdóttir

Kristján Andri Guðjónsson

Daníel Jakobsson, bæjarstjóri

Dagskrá:

I.         Tillaga til 322. fundar bæjarstjórnar Ísafjarðarbæjar 17. janúar 2013.

            Til máls tóku: Gísli H. Halldórsson, forseti og Daníel Jakobsson, bæjarstjóri.

Bæjarráð Ísafjarðarbæjar 779. fundur 8. janúar 2013.

1.         Minnisblað fjármálastjóra. - Álagning fasteignagjalda 2013 og innheimta þeirra.  2013-01-0007.

            Lagt fram minnisblað Jóns H. Oddssonar, fjármálastjóra, dagsett 4. janúar sl., þar sem fram koma ýmis praktísk atriði, sem þarf að taka afstöðu til varðandi álagningu og innheimtu fasteignagjalda vegna ársins 2013.

            Bæjarráð leggur til við bæjarstjórn, að tillögur í minnisblaði fjármálastjóra varðandi álagningu og innheimtu fasteignagjalda 2013 verði samþykktar.

            Tillaga bæjarráðs samþykkt 9-0.

II.        Tillaga til 322. fundar bæjarstjórnar Ísafjarðarbæjar 17. janúar 2013.

            Til máls tóku: Gísli H. Halldórsson, forseti, Daníel Jakobsson, bæjarstjóri, Arna Lára Jónsdóttir, Eiríkur Finnur Greipsson, Jóna Benediktsdóttir og Kristján Andri Guðjónsson.

Bæjarráð Ísafjarðarbæjar 780. fundur 14. janúar 2013.

5.         Þriggja ára áætlun Ísafjarðarbæjar og stofnana 2014/2016.  2012-09-0006.

            Lögð fram drög að þriggja ára áætlun Ísafjarðarbæjar, stofnana hans og fyrirtækja fyrir árin 2014/2016.  Jón H. Oddsson, fjármálastjóri, er mættur á fund bæjarráðs.

            Bæjarráð samþykkir að leggja drög að þriggja ára áætlun Ísafjarðarbæjar ásamt greinargerð, fyrir fund bæjarstjórnar þann 17. janúar n.k.

            Forseti lagði til að þriggja ára áætlun Ísafjarðarbæjar, stofnana hans og fyrirtækja verði vísað til síðari umræðu á næsta fundi bæjarstjórnar.

            Tillaga forseta samþykkt 9-0.

III.      Tillaga til 322. fundar bæjarstjórnar Ísafjarðarbæjar 17. janúar 2013.

            Til máls tóku: Gísli H. Halldórsson, forseti, Sigurður Pétursson, Eiríkur Finnur Greipsson, Arna Lára Jónsdóttir og Kristín Hálfdánsdóttir.

Umhverfisnefnd Ísafjarðarbæjar 387. fundur 9. janúar 2013.

5.         2010080007 - Smáhýsi í Tungudal, Skutulsfirði.

            Lagt fram bréf dags. 26. nóvember sl. frá Guðmundi Tryggva Ásbergssyni, þar sem sótt er um leyfi til að reisa 20 smáhýsi á svæði, sem er innan og vestan við tjaldsvæðið í Tungudal, Skutulsfirði.  Erindið var tekið fyrir á fundi umhverfisnefndar 12. des. 2012 og var óskað eftir því að bréfritari kæmi á næsta fund nefndarinnar og sat hann fundinn undir þessum lið dagskrár.

            Umhverfisnefnd leggur til við bæjarstjórn, að tekin verði upp að nýju deiliskipulagsvinna af svæðinu. Gert yrði ráð fyrir smáhýsunum á næst innsta túninu í Tungudal, neðan Landsbankabústaðar.

Albertína Friðbjörg Elíasdóttir sat hjá við afgreiðslu erindisins.

            Tillaga umhverfisnefndar samþykkt  9-0.

IV.      Tillaga til 322. fundar bæjarstjórnar Ísafjarðarbæjar 17. janúar 2013.

            Til máls tóku: Gísli H. Halldórsson, forseti og Eiríkur Finnur Greipsson.

Umhverfisnefnd Ísafjarðarbæjar 387. fundur 9. janúar 2013.

9.         2012040041 - Neðri-mið-Hvammur í Dýrafirði. - Skipting lands.

            Erindi síðast á dagskrá umhverfisnefndar 28. nóvember sl.

            Umhverfisnefnd leggur til við bæjarstjórn að erindið verði samþykkt.

            Tillaga umhverfisnefndar samþykkt 9-0.

V.        Tillaga til 322. fundar bæjarstjórnar Ísafjarðarbæjar 17. janúar 2013.

            Til máls tók: Gísli H. Halldórsson, forseti.

Umhverfisnefnd Ísafjarðarbæjar 387. fundur 9. janúar 2013.

10.       2011040052 - Deiliskipulag hjúkrunarheimilis.

            Lögð fram deiliskipulagstillaga að hjúkrunarheimili á Torfnesi, Ísafirði. Skipulagstillagan var samþykkt í umhverfisnefnd 21. mars 2012 og tekin fyrir í bæjarráði 30. apríl 2012.

Í bréfi dags. 18. apríl 2012 frá Skipulagsstofnun, var ekki gerð athugasemd við að Ísafjarðarbær birti auglýsingu um samþykkt deiliskipulagsbreytingarinnar í b-deild Stjórnartíðinda.

            Umhverfisnefnd leggur til við bæjarstjórn að deiliskipulagstillagan verði auglýst.

            Tillaga umhverfisnefndar samþykkt 9-0.

VI.      Tillaga Kristjáns Andra Guðjónssonar, bæjarfulltrúa, til 322. fundar

            bæjarstjórnar Ísafjarðarbæjar 17. janúar 2013.   2013-01-0015.

            Til máls tóku: Gísli H. Halldórsson, forseti, Kristján Andri Guðjónsson, Eiríkur Finnur Greipsson, Jóna Benediktsdóttir, Daníel Jakobsson, bæjarstjóri og Arna Lára Jónsdóttir.

Tillaga um skipan starfshóps til að kanna mögulega nýtingu skipaflotans til raforkuframleiðslu í Ísafjarðabæ  ef neyðarástand skapast.

            Bæjarstjórn Ísafjarðabæjar samþykkir, að fela bæjarstjóra  að hafa forgöngu um  skipan starfshóps skipaðan fulltrúum Ísafjarðabæjar, Orkubús Vestfjarða og Landsnets, til að gera tillögur um með hvaða hætti nýta megi þá miklu möguleika til raforkuframleiðslu, sem eru fyrir hendi í skipaflotanum, þegar raforkulínur og jafnvel varaaflstöðvar bregðast í óveðri eins og því sem gekk yfir landið um áramótin síðustu.  Starfshópurinn skili áliti sínu fyrir 1.júní n.k.

Greinargerð:

            Í óveðri því sem gekk yfir landið um áramótin síðustu, voru íbúar  Ísafjarðabæjar og margir aðrir íbúar Vestfjarða rækilega minntir á, hversu ótryggt ástand raforkumála getur verið í aftaka veðrum.

            Raforkulínur rofnuðu og voru óvirkar í marga sólarhringja  vegna ofsaveðurs og varaaflstöðvar gátu ekki haldið uppi raforkuframleiðslu, til að tryggja nauðsynlegustu starfsemi. Önnur stóra varaaflstöðin á Ísafirði bilaði þegar til átti að taka. 

            Á sama tíma og óveðrið geisaði var togarafloti Ísfirðinga í höfn, en þar um borð eru stórar og öflugar ljósavélar, sem hefðu auðveldlega getað nýst sem varaafl fyrir Ísafjarðabæ, ef eftir væri leitað og skipulagning og búnaður væri með þeim hætti að unnt væri að mæta því ástandi, eins og varð hér um áramótin.

            Með tillögu þessari er lagt til að þessi mál verði könnuð til hlítar. Bent skal á að hér er um að ræða öryggi íbúa svæðisins.

Bæjarstjórn samþykkir tillögu Kristjáns Andra Guðjónssonar, um skipan starfshóps 9-0.

 VII.    Bæjarráð.

            Til máls tóku: Gísli H. Halldórsson, forseti, Jóna Benediktsdóttir, Arna Lára Jónsdóttir, Daníel Jakobsson, bæjarstjóri, Sigurður Pétursson, Eiríkur Finnur Greipsson og  Kristján Andri Guðjónsson.     

Fundargerðin 8/1.13.  779. fundur.

Fundargerðin er í níu liðum.

Fundargerðin lögð fram til kynningar.

Fundargerðin 14/1.13.   780. fundur.

Fundargerðin er í fimm liðum.

Fundargerðin lögð fram til kynningar.

VIII.   Barnaverndarnefnd.

Fundargerðin 10/1.13.  123. fundur.

Fundargerðin er í fimm liðum.

Fundargerðin lögð fram til kynningar.

IX.      Íþrótta- og tómstundanefnd.

Fundargerðin 9/1.13.  137. fundur.

Fundargerðin er í þremur liðum.

Fundargerðin lögð fram til kynningar.

X.        Umhverfisnefnd.

            Til máls tók: Gísli H. Halldórsson, forseti.

Fundargerðin 9/1.13.  387. fundur.

Fundargerðin er í þrettán liðum.

Fundargerðin staðfest í heild sinni 9-0.

XI.      Almannavarnanefnd.

            Til máls tók:  Gísli H. Halldórsson, forseti.

Fundargerðin 28/12.12.  12. fundur.

Fundargerðin er í tveimur liðum.

Fundargerðin lögð fram til kynningar.

Fundargerðin 29/12.12.  13. fundur.

Fundargerðin er í átta liðum.

Fundargerðin lögð fram til kynningar.

Fundargerðin 31/12.12.  14. fundur.

Fundargerðin er í fjórum liðum.

Fundargerðin lögð fram til kynningar.

Fundargerðin 31/12.12.  15. fundur.

Fundargerðin er í fjórum liðum.

Fundargerðin lögð fram til kynningar.

XII.     Tillaga Í-lista um kosningu fulltrúa í íþrótta- og tómstundanefnd. 2013-01-0048.

            Til máls tóku: Gísli H. Halldórsson, forseti og Arna Lára Jónsdóttir.

            Arna Lára Jónsdóttir lagði fram svohljóðandi tillögu Í-lista um breytingar á fulltrúum í íþrótta- og tómstundanefnd Ísafjarðarbæjar.

Tillaga.

Nanný Arna Guðmundsdóttir, Fífutungu 5, Ísafirði, verði aðalfulltrúi í íþrótta- og tómstundanefnd í stað Vernharðs Jósefssonar.

Vernharður Jósefsson, Aðalgötu 37, Suðureyri, verður varafulltrúi í stað Örnu Sigríðar Albertsdóttur.

            Tillagan samþykkt 9-0.

XIII.   Tillaga um ályktun bæjarstjórnar varðandi starfsstöð Fiskistofu á Ísafirði.

            Til máls tóku:  Gísli H. Halldórsson, forseti, Jóna Benediktsdóttir og Eiríkur Finnur Greipsson.

Jóna Benediktsdóttir lagði fram svohljóðandi tillögu að ályktun bæjarstjórnar Ísafjarðarbæjar.

            ,,Bæjarstjórn Ísafjarðarbæjar mótmælir alfarið fyrirhuguðum breytingum á starfssemi Fiskistofu á Ísafirði.  Umræddar breytingar eru líklegar til að fela í sér bæði fjárhagslegt óhagræði og fækkun starfsmanna á svæðinu.

            Hlutdeild Vestfirðinga í fiskveiðum er langt umfram þau umsvif Fiskistofu sem birtast í starfsemi hennar hér.

            Bæjarstjórn telur þessi áform óásættanleg með öllu og hvetur stjórnendur Fiskistofu til að endurskoða þessar áætlanir og auki þess í stað starfsemi sína á svæðinu.“

Ályktunin er undirrituð af öllum bæjarfulltrúum Ísafjarðarbæjar.

            Tillagan samþykkt 9-0.

Fleira ekki gert, fundarbókun upp lesin og undirrituð.  Fundi slitið kl.19:08.  

Þorleifur Pálsson, ritari. 

Gísli H. Halldórsson, forseti bæjarstjórnar.

Eiríkur Finnur Greipsson.                                                     

Guðfinna Hreiðarsdóttir.

Kristín Hálfdánsdóttir.                                                        

Marzellíus Sveinbjörnsson.

Sigurður Pétursson.                                                              

Arna Lára Jónsdóttir.

Jóna Benediktsdóttir.                                                           

Kristján Andri Guðjónsson.

Daníel Jakobsson, bæjarstjóri.

Dagskrá:

I.         Tillaga til 321. fundar bæjarstjórnar Ísafjarðarbæjar 20. desember 2012.

            Til máls tók: Gísli H. Halldórsson, forseti.

Bæjarráð Ísafjarðarbæjar 778. fundur 17. desember 2012.

5.         Minnisblað bæjarritara. - Staðfesting álagningarprósentu útsvars tekjuárið 2013. 2012-09-0006.

            Lagt fram minnisblað bæjarritara dagsett 13. desember sl., er varðar staðfestingu á álagningarprósentu útsvars tekjuárið 2013.  Í fjárhagsáætlun Ísafjarðarbæjar 2013, er samþykkt var á 320. fundi bæjarstjórnar Ísafjarðarbæjar þann 6. desember sl., er gert ráð fyrir að álagningarprósenta útsvars sé 14,48%.  Bæjarstjórn Ísafjarðarbæjar þarf að staðfesta þetta formlega.

            Bæjarráð leggur til við bæjarstjórn að álagningarprósenta útsvars tekjuárið 2013, verði óbreytt milli ára eða 14,48%.

            Tillagan samþykkt 9-0.

II.        Tillaga til 321. fundar bæjarstjórnar Ísafjarðarbæjar 20. desember 2012.

            Til máls tók: Gísli H. Halldórsson, forseti.

Bæjarráð Ísafjarðarbæjar 778. fundur 17. desember 2012.

6.         Minnisblað. - Útboð trygginga Ísafjarðarbæjar.  2012-03-0077.

            Lagt fram minnisblað Daníels Jakobssonar, bæjarstjóra, dagsett 14. desember sl., þar sem fram kemur að farið hefur verið aftur yfir tilboð er borist hafa frá þremur aðilum er buðu í tryggingar Ísafjarðarbæjar samkvæmt útboði.  Eins var leitað eftir mati Andra Árnasonar, bæjarlögmanns, á rétti Ísafjarðarbæjar til töku tilboða.

            Daníel Jakobsson, bæjarstjóri, leggur til við bæjarráð, að gengið verði til samninga við Tryggingamiðstöðina.

            Bæjarráð leggur til við bæjarstjórn að gengið verði til samninga við Tryggingamiðstöðina á grundvelli tilboðs fyrirtækisins.

            Tillagan samþykkt 9-0.

III.      Tillaga til 321. fundar bæjarstjórnar Ísafjarðarbæjar 20. desember 2012.

            Til máls tóku: Gísli H. Halldórsson, forseti og Daníel Jakobsson, bæjarstjóri. 

Bæjarráð Ísafjarðarbæjar 778. fundur 17. desember 2012.

10.       Minnisblað fjármálastjóra. - Meðferð skammtímaskulda B-hlutafyrirtækja við Aðalsjóð.  2012-03-0075.

            Lagt fram minnisblað frá Jóni H. Oddssyni, fjármálastjóra, dagsett 14. desember sl., þar sem gerðar eru tillögur um meðferð skammtímaskulda B-hlutafyrirtækja hjá Ísafjarðarbæ við Aðalsjóð.

            Bæjarráð leggur til við bæjarstjórn að tillaga fjármálastjóra, um meðferð skammtímaskulda B- hlutafyrirtækja við Aðalsjóð, verði samþykkt.

            Tillagan samþykkt 9-0.

IV.      Tillaga til 321. fundar bæjarstjórnar Ísafjarðarbæjar 20. desember 2012.

            Til máls tók: Gísli H. Halldórsson, forseti.

Bæjarráð Ísafjarðarbæjar 778. fundur 17. desember 2012.

14.       Viðauki við fjárhagsáætlun 2012. - Uppgjör við Kubb ehf., Ísafirði. 2012-07-0031.

            Lögð fram beiðni um viðauka við fjárhagsáætlun 2012, að upphæð kr. 11.922.500.- vegna uppgjörs við Kubb ehf., Ísafirði, út af sorptunnum.

            Bæjarráð leggur til við bæjarstjórn, að viðaukinn við fjárhagsáætlun 2012 verði samþykktur.

            Tillagan samþykkt 9-0.

V.        Tillaga til 321. fundar bæjarstjórnar Ísafjarðarbæjar 20. desember 2012.

            Til máls tóku: Gísli H. Halldórsson, forseti, Jóna Benediktsdóttir og Arna Lára Jónsdóttir.

Félagsmálanefnd 373. fundur 11. desember 2012.

2.         Jafnréttisstefna - starfsmarkmið 2012-2013.  2010-05-0008.

            Lögð fram drög að starfsmarkmiðum vegna jafnréttisstefnu Ísafjarðarbæjar fyrir árin 2012 og 2013. Starfsmarkmiðin eru framkvæmdaáætlun og skilgreining á þeim verkefnum sem félagsmálanefnd vill vinna að.

            Félagsmálanefnd samþykkir starfsmarkmiðin,  en felur starfsmanni að gera breytingar á skjalinu í samræmi við umræður á fundinum, þ.e. að blaðsíða fjögur verði felld út þar sem ekki var gert ráð fyrir að hún fylgdi gögnunum. Málið verði þannig lagt fyrir bæjarstjórn til samþykktar.

            Endurskoðuð starfsmarkmið fylgja bókun félagsmálanefndar.

            Tillaga félagsmálanefndar um starfsmarkmið samþykkt 9-0.

VI.      Tillaga til 321. fundar bæjarstjórnar Ísafjarðarbæjar 20. desember 2012.

            Til máls tóku: Gísli H. Halldórsson, forseti, Daníel Jakobsson, bæjarstjóri, Arna Lára Jónsdóttir, Eiríkur Finnur Greipsson, Jóna Benediktsdóttir, Kristján Andri Guðjónsson og Sigurður Pétursson.

Arna Lára Jónsdóttir lagði fram svohljóðandi breytingartillögu Í-lista undir þessum lið dagskrár.

,,Bæjarfulltrúar Í-lista leggja til að fenginn verði óháður sérfræðingur á sviði tölvumála til að meta þarfir stofnana Ísafjarðarbæjar og hagræðingarmöguleika á því sviði.  Á grundvelli þeirrar þarfagreiningar verði svo metið hvort hagstæðara er fyrir sveitarfélagið að standa sjálft að rekstri tölvukerfisins eða fara í útboð.“

Undirritað af Örnu Láru Jónsdóttur, Kristjáni Andra Guðjónssyni, Jónu Benediktsdóttur og Sigurði Péturssyni.

Tillaga frá Daníel Jakobssyni, bæjarstjóra. - Tölvumál, leiðir í upplýsinga-tæknimálum Ísafjarðarbæjar.  2012-10-0042.

            Lagt fram minnisblað Daníels Jakobssonar, bæjarstjóra, dagsett 18. desember sl., þar sem hann gerir grein fyrir viðræðum er hafa átt sér stað við nokkur fyrirtæki, um leiðir í tölvumálum og upplýsingatæknimálum Ísafjarðarbæjar.

Tillaga bæjarstjóra er svohljóðandi.

Lagt er til að bæjarstjóra verði heimilað að gera þrjá samninga um upplýsingatæknimál, til allt að fimm ára við Nýherja hf. Um er að ræða eftirfarandi samninga:

1. Grunnsamning um miðlægan rekstur og þjónustu við útstöðvar.
2. Samning um Prentlausnir (Rent a Prent)
3. Samning um sýndarvélar.

Samhliða verði breytingar skv. viðauka 1, samkvæmt minnisblaði, færðar í fjárhagsáætlun fyrir árið 2013, en þær bæta afkomu bæjarins um rúmar 5 m.kr. á næsta ári.

Breytingartillaga Í-lista felld 5-4.

Tillaga Daníels Jakobssonar, bæjarstjóra, samþykkt 5-4.

            Jóna Benediktsdóttir lagði fram svohljóðandi bókun Í-lista undir þessum lið dagskrár.

            ,,Bæjarfulltrúar Í-lista lýsa yfir vonbrigðum með að meirihluti bæjarstjórnar hafi hafnað því að fá hlutlausan sérfræðing til að gera úttekt á þörfum stofnana bæjarins fyrir tölvuþjónustu og hagræðingarmöguleikum í því sambandi.

            Ýmis atriði eru til þess fallin að vekja tortryggni bæjarfulltrúa við vinnslu þessa máls.  Tilboð tölvufyrirtækjanna, eða lokasamningur hafa ekki verið lögð fram í bæjarráði eða samþykkt þar. 

            Bæjarfulltrúar hafa aðeins fengið í hendur tilboð Nýherja, sem meirihlutinn vill samþykkja, en ekki tilboð Opinna kerfa, sem er í samstarfi við upplýsingatæknifyrirtækið Snerpu.  Þetta gerir bæjarfulltrúum Í-lista ómögulegt að bera saman tilboðin.

            Bæjarfulltrúar Í-lista hafa ekki verið fullvissaðir um að jafnræðis hafi verið gætt á milli fyrirtækja við undirbúning þeirra tilboða sem nú liggja fyrir.

            Bæjarfulltrúum Í-lista er því ómögulegt að samþykkja fyrirliggjandi samningsdrög.“       

 VII.    Bæjarráð.

            Til máls tóku: Gísli H. Halldórsson, forseti, Arna Lára Jónsdóttir, Jóna Benediktsdóttir, Albertína Elíasdóttir, Sigurður Pétursson og Kristján Andri Guðjónsson.

Fundargerðin 10/12.  777. fundur.

Fundargerðin er í tólf liðum.

Fundargerðin lögð fram til kynningar.

Fundargerðin 17/12.  778. fundur.

Fundargerðin er í fimmtán liðum.

Fundargerðin lögð fram til kynningar.

VIII.   Félagsmálanefnd.

            Til máls tóku. Gísli H. Halldórsson, forseti, Jóna Benediktsdóttir, Guðfinna Hreiðarsdóttir og Eiríkur Finnur Greipsson.

Fundargerðin 11/12.  373. fundur.

Fundargerðin er í þrettán liðum.

Fundargerðin lögð fram til kynningar.

IX.      Fræðslunefnd.

Fundargerðin 12/12.  326. fundur.

Fundargerðin er í tólf liðum.

Fundargerðin lögð fram til kynningar.

X.        Umhverfisnefnd.

            Til máls tók: Gísli H. Halldórsson, forseti.

Fundargerðin 12/12.  386. fundur.

Fundargerðin er í sjö liðum.

Fundargerðin staðfest í heild sinni 9-0.

XI.      Tillaga til 321. fundar bæjarstjórnar Ísafjarðarbæjar 20. desember 2012.

            Til máls tóku: Gísli H. Halldórsson, forseti og Arna Lára Jónsdóttir.

Tillaga frá Gísla H. Halldórssyni, forseta bæjarstjórnar Ísafjarðarbæjar.

                Lagt er til að aðeins verði haldinn einn fundur í bæjarstjórn Ísafjarðarbæjar í janúar 2013.  Fyrsti fimmtudagur í janúar á næsta ári er þann 3. janúar og trúlega verður fyrsti fundur bæjarráðs 2013 þann 7. janúar.

                Því er gerð tillaga um að fundurinn sem halda ætti 3. janúar 2013 verði felldur niður og þann 17. janúar 2013 verði haldinn fyrsti fundur bæjarstjórnar á nýju ári.

            Tillaga forseta samþykkt 9-0.

Fleira ekki gert, fundarbókun upp lesin og undirrituð.  Fundi slitið kl. 19:06.

Þorleifur Pálsson, ritari.

Gísli H. Halldórsson, forseti bæjarstjórnar.

Eiríkur Finnur Greipsson.                                                     

Guðfinna Hreiðarsdóttir.

Kristín Hálfdánsdóttir.                                                        

Albertína F. Elíasdóttir.

Sigurður Pétursson.                                                              

Arna Lára Jónsdóttir.

Jóna Benediktsdóttir.                                                           

Kristján Andri Guðjónsson.

Daníel Jakobsson, bæjarstjóri.

Fjarverandi aðalfulltrúi: Albertína F. Elíasdóttir í h. st. Marzellíus Sveinbjörnsson.

Dagskrá:

Minnisblað bæjarstjóra um breytingar er gerðar hafa verið á fjárhagsáætlun 2013 á milli umræðna.

Innkomnar tillögur er dreift verður með dagskrá.

A. Tillaga Í-lista, aukin fjárveiting til Áhaldahúss Ísafjarðarbæjar.

B. Tillaga umhverfisnefndar vegna stofnunar fjallskilanefndar Ísafjarðarbæjar.

I.         Tillaga til 320. fundar bæjarstjórnar Ísafjarðarbæjar 6. desember 2012.

            Til máls tóku: Gísli H. Halldórsson, forseti, Kristján Andri Guðjónsson, Arna Lára Jónsdóttir og Eiríkur Finnur Greipsson.

Bæjarráð Ísafjarðarbæjar 775. fundur 26. nóvember 2012.

2.         Bréf Smára Ríkarðssonar. - Útboð trygginga Ísafjarðarbæjar.  2012-03-0077.

            Lagt fram bréf frá Smára Ríkarðssyni, tryggingafræðingi, dagsett 19. nóvember sl., er varðar samanburð tilboða er bárust í tryggingar Ísafjarðarbæjar eftir útboð. Þeir aðilar sem buðu eru Sjóvá, Tryggingamiðstöðin og Vátryggingafélag Íslands.     

            Bæjarráð leggur til við bæjarstjórn, að gengið verði til samninga við Tryggingamiðstöðina, með tilvísun til niðurstöðu útboðs.

Gísli H. Halldórsson, forseti, lagði fram svohljóðandi tillögu.

,,Legg til að málinu verði frestað og það kannað hvort að tilboð TM sé í raun lægst þegar tekið er tillit til þeirra báta, sem getið er í bréfi Smára Ríkharðssonar og þess kostnaðar, sem bærinn verður hugsanlega fyrir við það að flytja tryggingar sínar á milli félaga. Jafnframt felur bæjarstjórn bæjarráði að ljúka þessu máli, að lokinni þessari könnun“.

Greinargerð:

Í bréfi Smára Ríkharðssonar kemur fram að um kr. 200.000.-  muni á TM og Sjóvá. Jafnframt segir orðrétt. „Það er lítill munur í ljósi þess að eitthvað á eftir að laga vátryggingarnar, sem gæti haft áhrif á iðgjöldin. Sem dæmi um það þá eru nokkrir bátar á vegum Byggðasafnsins óvátryggðir og það þarf að laga. Í sjótryggingum er Sjóvá aðeins ódýrari þannig að líklega minnkar munurinn enn frekar ef það er skoðað.

            Tillaga forseta samþykkt 9-0.

 II.       Tillaga til 320. fundar bæjarstjórnar Ísafjarðarbæjar 6. desember 2012.

            Til máls tóku: Gísli H. Halldórsson, forseti og Jóna Benediktsdóttir.

Bæjarráð Ísafjarðarbæjar 776. fundur 3. desember 2012.

3.         Minnisblað bæjarritara. - Reglur um launalaust leyfi starfsmanna

            Ísafjarðarbæjar.  2012-11-0067.

            Lagt fram minnisblað bæjarritara dagsett 28. nóvember sl., er varðar tillögu að reglum um launalaust leyfi starfsmanna Ísafjarðarbæjar.  Reglurnar eru settar upp með tilvísun til ábendinga frá Samb. ísl. sveitarf. og skoðaðar voru reglur hjá öðrum sveitarfélögum.

            Bæjarráð leggur til við bæjarstjórn að reglurnar um launalaust leyfi starfsmanna Ísafjarðarbæjar verði samþykktar.

Gísli H. Halldórsson, forseti, leggur til að 5. grein reglna um launalaust leyfi starfsmanna hljóði svo.

,,Forstöðumaður, að fenginni staðfestingu bæjarstjóra, tekur ákvörðun um veitingu launalauss leyfis til allt að 12 mánaða.“

Greinargerð:  Miðað við þær reglur sem eru í gangi nú við ráðningar starfsfólks, staðfestir bæjarstjóri allar breytingar á starfskjörum og nýráðningum.  Því er talið eðlilegt að hann staðfesti launalaust leyfi einnig.

Jóna Benediktsdóttir lagði fram svohljóðandi breytingatillögu við 1. grein reglna um launalaust leyfi. ,,Í stað 6 mánaða komi 3 mánuðir.“

            Tillaga forseta samþykkt 9-0.

            Tillaga Jónu Benediktsdóttur samþykkt 9-0.

            Tillagan þannig breytt samþykkt 9-0.

III.      Tillaga til 320. fundar bæjarstjórnar Ísafjarðarbæjar 6. desember 2012.

            Til máls tóku: Gísli H. Halldórsson, forseti, Eiríkur Finnur Greipsson og Jóna Benediktsdóttir.

Bæjarráð Ísafjarðarbæjar 776. fundur 3. desember 2012.

5.         Minnisblað bæjarritara. - Umsóknir um lóðir við Rómarstíg og Stefnisgötu á Suðureyri.  2010-07-0062.

            Lagt fram minnisblað bæjarritara dagsett 29. nóvember sl., er fjallar um umsókn Elíasar Guðmundssonar á Suðureyri, á lóðum við Rómarstíg og Stefnisgötu á Suðureyri.  Málinu var frestað á 319. fundi bæjarstjórnar, þar sem óskað var eftir frekari gögnum.  Gögnin liggja nú fyrir og er málið lagt fyrir bæjarráð.

            Bæjarráð leggur til við bæjarstjórn að Elíasi Guðmundssyni verði úthlutað umræddum lóðum við Rómarstíg og Stefnisgötu á Suðureyri.

Breytingartillaga lögð fram af Gísla H. Halldórssyni, forseta.

,,Bæjarstjórn samþykkir að Elías Guðmundsson, Suðureyri, fái umbeðnar 6 lóðir við Rómarstíg og Stefnisgötu, Suðureyri, enda verði gengið til samninga á grundvelli fyrirliggjandi samkomulagsdraga.“

            Breytingatillaga forseta samþykkt 9-0.

            Tillagan í heild sinni samþykkt 9-0.

IV.      Bæjarráð.

            Til máls tóku: Gísli H. Halldórsson, forseti, Jóna Benediktsdóttir, Sigurður Pétursson, Guðfinna Hreiðarsdóttir, Eiríkur Finnur Greipsson, Daníel Jakobsson, bæjarstjóri og Kristján Andri Guðjónsson.

Fundargerðin 26/11.  775. fundur.

Fundargerðin er í fjórtán liðum.

Fundargerðin lögð fram til kynningar.

Fundargerðin 3/12.  776. fundur.

Fundargerðin er í tíu liðum.

Fundargerðin lögð fram til kynningar.

V.        Stjórn Byggðasafns Vestfjarða.

            Til máls tóku. Gísli H. Halldórsson, forseti, Kristján Andri Guðjónsson, Sigurður Pétursson, Eiríkur Finnur Greipsson, Guðfinna Hreiðarsdóttir og Daníel Jakobsson, bæjarstjóri.

Fundargerðin 11/9.  36. fundur.

Fundargerðin er í sex liðum.

Fundargerðin lögð fram til kynningar.

Fundargerðin 16/10.  37. fundur.

Fundargerðin er í sex liðum.

Fundargerðin lögð fram til kynningar.

Fundargerðin 13/11.  38. fundur.

Fundargerðin er í sex liðum.

Fundargerðin lögð fram til kynningar.

VI.      Umhverfisnefnd.

            Til máls tóku: Gísli H. Halldórsson, forseti, Jóna Benediktsdóttir og Kristján Andri Guðjónsson.  

Fundargerðin 28/11.  385. fundur.

Fundargerðin er í tíu liðum.

Fundargerðin staðfest í heild sinni 9-0.

VII.     Fjárhagsáætlun Ísafjarðarbæjar, stofnana hans og fyrirtækja fyrir árið 2013, síðari umræða. 

            Til máls tóku: Gísli H. Halldórsson, forseti, Daníel Jakobsson, bæjarstjóri, Jóna Benediktsdóttir, Eiríkur Finnur Greipsson, Sigurður Pétursson, Arna Lára Jónsdóttir, Kristján Andri Guðjónsson, Marzellíus Sveinbjörnsson og Guðfinna Hreiðarsdóttir.

Forseti bar upp þá dagskrártillögu að hver og ein tillaga við fjárhagsáætlun merktar frá A til og með J yrðu ræddar sérstaklega og greidd um þær atkvæði sérstaklega.

Dagskrártillaga forseta samþykkt 9-0.

Breytingatillögur við seinni umræðu um fjárhagsáætlun Ísafjarðarbæjar árið 2013. 

A.        Tillaga Í-lista til bæjarstjórnar Ísafjarðarbæjar 320. fundur 6. desember 2012. Breytingartillaga við fjárhagsáætlun ársins 2013.

Bæjarstjórn Ísafjarðarbæjar samþykkir, að gera áætlun um endurnýjun tækja og véla við áhaldahús bæjarins á næstu 4 árum.

Á árinu 2013 verði 5 milljónum króna veitt til verkefnisins.

Rökstuðningur:

Fram hefur komið í umræðum á fundum bæjarstjórnar og í viðræðum við starfsmenn þjónustumiðstöðvar bæjarins, að mikil þörf er á endurnýjun véla og tækjabúnaðar áhaldahússins. Full þörf er á því að gera áætlun um endurnýjun véla og tækja til næstu fjögurra ára, svo þjónustumiðstöðin geti sinnt hlutverki sínu, líkt og hingað til. Æskilegt er að hefjast þegar handa og áætla fjármuni til þess strax á næsta ári.

Ísafirði, 3. desember 2012.

Fyrir hönd bæjarfulltrúa Í-listans,

Sigurður Pétursson, bæjarfulltrúi.

            Tillaga Í- lista kom ekki til atkvæðagreiðslu.

---------------------------------------------------------------------------------------------------

A1.      Breytingartillaga fulltrúa Framsóknarflokks og Sjálfstæðisflokks við A-tillögu Í-lista, flutt af forseta.

Að þessu sinni verði ekki gerðar breytingar á núverandi fjárfestingaráætlun bæjarins. Í staðinn verði settar 500 þ.kr. í að leggja mat á núverandi starfsemi áhaldahússins og móta framtíðarsýn fyrir áhaldahús Ísafjarðarbæjar. Þar verði skoðað hvað hver þjónustuþáttur kostar okkur í dag og hvað hann mun kosta út frá áætlaðri fjárfestingarþörf næstu ára.

Jafnframt verði skoðað hvernig best sé að haga þjónustu til framtíðar með hagsmuni allra byggðarkjarna í húfi. Í því samhengi verði einnig skoðuð möguleg samlegð við aðrar stofnarnir bæjarins s.s. íþróttamannvirki og hafnir.

            Breytingartillaga B- og D-lista bæjarstjórnar samþykkt 5-1.

            Tillaga B- og D-lista síðan samþykkt 5-1.

Sigurður Pétursson lagði fram svohljóðandi bókun við afgreiðslu tillögu A1.

,,Í-listinn telur miður að meirihluti bæjarstjórnar skuli ekki treysta sér til að styrkja áhaldahús bæjarins í sessi.  Öllum má vera ljóst að til þess ber brýna nauðsyn og knýjandi þörf.“ 

Undirritað af Kristjáni Andra Guðjónssyni, Örnu Láru Jónsdóttur, Sigurði Péturssyni og Jónu Benediktsdóttur.

----------------------------------------------------------------------------------------------------

B.        Tillaga til 320. fundar bæjarstjórnar Ísafjarðarbæjar 6. desember 2012.

            Umhverfisnefnd Ísafjarðarbæjar 385. fundur 28. nóvember 2012.

            6.         2011070030 - Fjallskilareglugerð fyrir Vestfirði.

            Á 773. fundi bæjarráðs Ísafjarðarbæjar fól bæjarráð umhverfisnefnd að skipa fjallskilanefnd fyrir Ísafjarðarbæ.

            Umhverfisnefnd óskaði eftir að aðilar frá Búnaðarfélaginu Bjarma mættu á næsta fund umhverfisnefndar vegna málsins. Umhverfisnefnd óskar eftir ábendingum frá Búnaðarfélaginu Bjarma um fimm fulltrúa til að sitja í fjallskilanefnd. Nefndin vill undirstrika að aðrir þættir málsins verði kláraðir sem fyrst.

            Umhverfisnefnd leggur til við bæjarstjórn að fjármagn verði tryggt í rekstur fjallskilanefndar í fjárhagsáætlun 2013.

            Tillaga umhverfisnefndar samþykkt 8-0.

-------------------------------------------------------------------------------------------------------

Breytingartillögur við gjaldskrár Ísafjarðarbæjar fyrir 2013.

C.        Gjaldskrá fyrir söfnun, förgun, móttöku og flokkun sorps í Ísafjarðarbæ.

•          2. gr. breytist og verður:

Bæjarstjórn Ísafjarðarbæjar samþykkir að sorpgjald í þéttbýli á hvert heimili verði         kr. 39.300.-   og á hvert heimili í dreifbýli kr. 26.700.-.

Auk þess samþykkir bæjarstjórn, að sorpgjald á sumarbústaði og íbúðarhúsnæði með ákvæði um takmörkun á íveru vegna snjóflóðahættu verði kr. 13.230.-.

Ofangreind gjöld skulu innheimt samhliða fasteignagjöldum.

            Tillaga um ákvörðun sorpgjalda samþykkt 9-0.

--------------------------------------------------------------------------------------------------------

D.        Gjaldskrá fjölskyldusviðs Ísafjarðarbæjar.

•          Fjölskyldusvið – útseld vinna:

Bæjarstjórn Ísafjarðarbæjar samþykkir, að útseld vinna án vsk. pr. vinnustund verði       kr. 15.000.- (var við fyrri umræðu kr. 11.485.-).

Ástæða þessarar hækkunar er sú að starfsmenn okkar komast illa yfir að vinna útselda vinnu vegna anna. Þessi hækkun er þ.a.l. sett inn til að draga úr eftirspurn annarra sveitarfélaga í okkar þjónustu og gera hana á sama tíma arðbærari fyrir okkur. Hafa ber í huga að hlutfall útseldrar vinnu af raunverulegum vinnutíma er lágt. Þ.e.a.s. að fyrir hvern seldan vinnutíma liggja margir vinnutímar að baki.

            Jóna Benediktsdóttir lagði til að setningin ,,Þessi hækkun o.s.frv.“ verði felld niður úr texta.

            Tillaga Jónu Benediktsdóttur felld á jöfnum atkvæðum 4-4.

            Tillaga um hækkun útseldrar vinnu á fjölskyldusviði samþykkt 7-2.

Jóna Benediktsdóttir lagði fram svohljóðandi bókun undir afgreiðslu D liðar.

,,Sjálfsagt hefði verið að samþykkja þessa hækkun vegna útseldrar vinnu starfsmanna Ísafjarðarbæjar ef rökin fyrir henni hefðu verið þau að hún væri nauðsynleg vegna kostnaðar bæjarins, en ekki í þeim tilgangi að draga úr eftirspurn.“

Undirritað af Jónu Benediktsdóttur og Örnu Láru Jónsdóttur.

------------------------------------------------------------------------------------------------------

E.        Gjaldskrá skóla- og tómstundasviðs

•          Dagforeldrar 

Bæjarstjórn Ísafjarðarbæjar samþykkir aukna niðurgreiðslu vegna barna 18 mánaða og eldri. Niðurgreiðsla til þeirra verði hækkuð um kr. 20.000.-  á mánuði, þannig að kostnaður foreldra verði svipaður fyrir dagvist barna 18 mánaða og eldri hjá dagmæðrum og á leikskóla. Viðmiðunargjald verði jafnframt hækkað í kr. 70.000.-  og settir inn tveir dálkar til að sýna hver niðurgreiðsla er fyrir 8 tíma vistun.

Ástæðan fyrir þessari hækkun er sú að Ísafjarðarbær hefur þá stefnu að öll börn eldri en 18 mánaða fái leikskólapláss. Næstu tvö árin verður meiri eftirspurn eftir leikskólaplássi en verið hefur og er talið að það þurfi að vera hægt að bjóða upp á þetta.

            Tillaga um hækkun niðurgreiðslu til dagforeldra samþykkt 9-0.

-------------------------------------------------------------------------------------------------

Breytingartillögur við rekstraráætlun Ísafjarðarbæjar fyrir 2013.

F.        Leikskólinn Eyrarskjól, Ísafirði. - 04 11

Í fjárhagsáætlun Ísafjarðarbæjar fyrir árið 2013 var launakostnaður við leikskólann Eyrarskjól vanreiknaður um eitt stöðugildi vegna fæðingarorlofs, en afleysing ekki sett inn á móti.

Bæjarstjórn Ísafjarðarbæjar samþykki hækkun á launaliðum Eyrarskjóls um

kr. 4.620.728.- á rekstrarárinu 2013.

            Tillaga um hækkun launaliðar á Eyrarskjóli samþykkt 8-0.

------------------------------------------------------------------------------------------------------

G.        Grunnskóli á Flateyri.

Í upphafi fjárhagsáætlunargerðar fyrir árið 2013 voru vanreiknaðir liðirnir 04-16-0252 fæðisgjöld um +kr.  650.000.- og 04-16-2111 matvæli um -kr. 491.167.-.

Bæjarstjórn Ísafjarðarbæjar samþykki ofangreindar breytingar með nettó tekjuauka upp á         kr. 158.833.-.

            Tillaga um fæðisgjöld og matvæli við Grunnskólann á Flateyri samþykkt 9-0.

---------------------------------------------------------------------------------------------------

H.        Tillaga Í-lista frá 319. fundi bæjarstjórnar Ísafjarðarbæjar 22. nóvember     2012.

Eftir úrvinnslu (skóla- og tómstundasviðs) á tillögu Í-lista frá 319. fundi bæjarstjórnar Ísafjarðarbæjar, þar sem lagt var til að veittar yrðu á fjárhagsáætlun 2013 alls                 kr. 3.000.000.- til verkfærakaupa fyrir nemendur í grunnskólum bæjarfélagsins á árinu 2013, samþykki bæjarstjórn Ísafjarðarbæjar eftirfarandi breytingar frá fyrri umræðu á neðangreindum bókhaldslyklum.

            Grunnskólinn á Ísafirði      04-21-2691 hækki um                kr. 2.133.000.-

            Grunnskólinn á Flateyri     04-26-2691 hækki um                kr.      76.500.-

            Grunnskólinn á Þingeyri    04-28-2691 hækki um                kr.      27.000.-

            Grunnskólinn á Suðureyri  04-29-2691 hækki um                kr.    162.000.- 

                                                                                                          kr. 2.398.500.-

Lagt er til að veittar verði aukalega í ófyrirséð og skipt

hlutfallslega milli skólanna                                                               kr.    601.500.-

                                                                                                          kr. 3.000.000.-

            Tillaga Í-lista merkt H felld 5-4.

Jóna Benediktsdóttir lagði fram svohljóðandi bókun Í-lista undir tillögu H.

,,Innkaup fjölskyldna vegna verkfæra fyrir skólabörn eru oft veruleg þrátt fyrir að nám í grunnskóla eigi samkvæmt lögum að vera foreldrum að kostnaðarlausu.  Í-listi telur að með því að skilgreina ákveðið fjármagn til verkfærakaupa fyrir nemendur væri stigið framfaraskref í þjónustu við barnafjölskyldur í sveitarfélaginu.“

Undirritað af Kristjáni Andra Guðjónssyni, Örnu Láru Jónsdóttur, Sigurði Péturssyni og Jónu Benediktsdóttur.  

-----------------------------------------------------------------------------------------------------

H2.      Breytingartillaga fulltrúa Framsóknarflokks og Sjálfstæðisflokks við             fjárhagsáætlun, um kaup á kennslubúnaði í grunnskóla.

Í stað kaupa á ritföngum o.þ.h. fyrir nemendur leggur meirihlutinn til að kr. 3.000.000,- verði varið til kaupa á kennslubúnaði í grunnskólum og leikskólum, t.d. skjávörpum eða öðru sem þurfa þykir.

Upphæðinni verði ráðstafað og skipt milli skóla í Ísafjarðarbæ í samráði skólastjóranna og sviðsstjóra skóla- og tómstundasviðs.

Greinargerð:

Fulltrúar Framsóknarflokks og Sjálfstæðisflokks leggja til að tillögu Í-lista um kaup á ritföngum o.þ.h. fyrir skólabörn verði hafnað. Á síðasta bæjarstjórnarfundi lagði Í-listinn til að áætlaðar verði 3.000.000.- til ,,verkfærakaupa“ fyrir nemendur í grunnskólum bæjarfélagsins á næsta ári. Kom fram að átt væri við ritföng og sambærilegan búnað.

Vegna erfiðrar fjárhagsaðstöðu hefur framlag bæjarins til búnaðarkaupa verið með minnsta móti síðastliðin ár en í fjárhagsáætlun þeirri sem lögð var fram til fyrri umræðu á s.l. bæjarstjórnarfundi mátti sjá greinileg merki þess að vilji var til þess að gera betur í þeim efnum. Þegar grunnskólar í heild sinni eru skoðaðir er viðhald skólanna sjálfra fyrir utan viðhald Eignasjóðs aukið úr 780 þ.kr. í 2,9 m.kr. á milli áætlana. Vörukaup að teknu tilliti til breytinga á mötuneyti GÍ hækka úr 10,5 m.kr. í 13,1 m.kr. Þ.a. eru kennsluvörur og efniskostnaður hækkaður um 1,2 m.kr. úr 4,3 m.kr. í 5,6 m.kr. Til viðbótar er starfsmannakostnaður aukinn, t.d. eru ráðstefnu- og námskeiðsgjöld hækkuð um 1 m.kr. úr 730 þ.kr. í 1,7 m.kr.

Það er því ljóst að í fyrstu drögum er búið að koma verulega til móts við grunnskólana og þeim gefið meira svigrúm í innkaupum á vörum og þjónustu.

Jafnframt má á það benda að skólarnir hafa sent 7. bekk í skólabúðir að Reykjum í Hrútafirði. Kostnaður hvers foreldris um sig hefur verið um 19 þ.kr. á barn. Þar er um veruleg fjárútlát að ræða og telja fulltrúar umræddra flokka mikilvægara að sá kostnaður sé niðurgreiddur og var hann settur inn við fyrri umræðu. (Reyndar á vitlausan lykil, matvæli en ekki ferðakostnað nemenda). Ekki er æskilegt að bærinn „skikki“ foreldra til að senda börn sín í svo dýrar skólabúðir. Af þessum sökum vilja fulltrúar meirihlutans frekar sjá niðurgreiðslu á þeim lið.

Þegar kemur að skriffærum, stílabókum og öðrum kennslutækjum sem nemendur þurfa sjálfir að leggja til er í flestum tilfellum ekki um mjög háar upphæðir að ræða fyrir hvert og eitt foreldri. Jafnframt má færa fyrir því rök að sé þetta lagt til í skólanum sé um leið borin minni virðing fyrir þessum hlutum sem leiðir til sóunar. Foreldrar hafa heldur ekki lagt mikla áherslu á þessa ráðstöfun, frekar hafa þeir óskað eftir því að skólinn sjái um sameiginleg innkaup. Einnig er mögulegt að gera betur með því að skólinn komi sér upp ákveðnum tækjum sem lítið eru notaðir s.s. talnagrindum, vasareiknum og slíkum búnaði sem gæti verið til staðar í skólanum og hugsanlega væri hægt að kaupa notaðan án mikils tilkostnaðar í vetrarlok.

Jóna Benediktsdóttir lagði til að bætt yrði inn í aðra málgrein orðinu ,,hlutfallslega“.

Tillaga Jónu Benediktsdóttur felld 5-4.

Tillaga B- og D-lista samþykkt 5-0.

--------------------------------------------------------------------------------------------------------

Breytingartillögur við framkvæmda- og fjárfestingaáætlun fyrir 2013.

I.         Tillaga Í-lista frá 319. fundi bæjarstjórnar Ísafjarðarbæjar 22. nóvember     2012.

Á 319. fundi bæjarstjórnar Ísafjarðarbæjar lagði Í-listinn til, að gert yrði ráð fyrir            kr. 2.000.000.- í fjárhagsáætlun 2013 til hönnunar á útisvæði með heitum pottum við Sundhöll Ísafjarðarbæjar.

Bæjarstjórn Ísafjarðarbæjar samþykki, að gert verði ráð fyrir kr. 2.000.000.- til þessa verkefnis undir málaflokki  32.

            Tillaga Í-lista merkt I kom ekki til atkvæðagreiðslu.

-----------------------------------------------------------------------------------------------------

I2.       Breytingartillaga meirihluta B- og D-lista við tillögu Í-lista.

Meirihlutinn leggur til að  tillögu Í-lista vegna útipotta verði breytt og hljóði þannig: „Nafni liðarins Skólalóð við GÍ verði breytt í framkvæmdir og undirbúningur við skólalóðir og íþróttahús og hann hækkaður úr 5 m.kr.  í 7 m.kr.

Bæjarstjórn og bæjarráð fari síðan í framhaldinu betur yfir þau verkefni sem liggja fyrir og forgangsraði fjármagni. Markmiðið verði að flutningur tækja á skólalóð GÍ við Austurveg og hönnun útipottaðstöðu á Ísafirði, sem og skólalóða á Suðureyri og Flateyri verði lokið á árinu.“

Greinargerð.

Við fyrri umræðu fjárhagsáætlunar lagði Í-listinn fram tillögu þess efnis að leggja 2 m.kr. í að hanna útipotta við Sundlaug Ísafjarðar við Austurveg.  Það er í sjálfu sér áhugavert verkefni sem gaman væri að styðja. Bæjarráð lét tæknisvið gera kostnaðaráætlun fyrir verkefnið s.l. sumar og grunnmyndir af svæðinu en lagði það til hliðar vegna kostnaðar.

Það ber að líta til þess að við upphaf fjárhagsáætlunarvinnunnar var lagt upp með ákveðnar forsendur þegar litið er til fjárfestinga. M.v. þá fjárhæð sem setja á í framkvæmdir á þessu ári var ekki talið mögulegt að fara í allar þær framkvæmdir sem settar voru í forgang. M.a. var framkvæmdum við skólalóð á Suðureyri og Flateyri og endurbótum á sundlaug á Suðureyri frestað til ársins 2014.

Einnig er vert að benda á að ekki er sjálfgefið að útipottar við Sundlaug Ísafjarðar við Austurveg sé skynsamlegasta leiðin til framtíðar þegar hugað er að bættri sundaðstöðu. Mannvirkið er komið til ára sinna, aðgengi fyrir fatlaða er takmarkað, starfsmannaaðstaða er ófullnægjandi, veitingaaðstaða er engin, búningsklefar eru þröngir og án skápa og hreinsunar og dælukerfi þarfnast endurnýjunar.

Áður en tekin er ákvörðun um að hanna útipott við sundlaugina vill meirihlutinn því kanna hvort að aðrir kostir séu heppilegri til lengri tíma litið. T.d. mætti skoða hvort að heppilegra sé að byggja umrædda potta við Íþróttahúsið á Torfnesi. Þannig mætti hugsanlega áfangaskipta því mikilvæga verkefni að koma upp nýrri sundlaug í Skutulsfirði. Fyrsti áfangi gæti þannig verið að byggja potta og útiaðstöðu við íþróttahúsið. Í öðrum áfanga væri búningsaðstaða stækkuð en síðan væri sundlaugin sjálf byggð.

Jóna Benediktsdóttir lagði fram svohljóðandi tillögu við tillögu meirihlutans.

,,Legg til að breytingartillaga meirihluta við tillögu Í-lista merkt I2 verði dregin til baka.“

            Tillaga Jónu Benediktsdóttur felld 5-4.

Breytingatillaga meirihluta merkt I2 samþykkt 5-4.

Tillaga meirihluta merkt I2 síðan samþykkt í heild 5-4.

Jóna Benediktsdóttir lagði fram svohljóðandi bókun Í-lista.

,,Breytingartillaga meirihlutans varðandi hönnun útisvæðis við Sundhöll Ísafjarðar ber með sér öll merki þess, að hún sé fyrst og fremst ætluð til að tefja eða svæfa málið og jafnvel gefa meirihlutanum tækifæri til að dusta rykið af gömlum kosningaloforðum um sundlaug á Torfnesi.“

Undirritað af Kristjáni Andra Guðjónssyni, Örnu Láru Jónsdóttur, Sigurði Péturssyni og Jónu Benediktsdóttur.

----------------------------------------------------------------------------------------------------------

Í.         Lækkun fjárveitingar til byggingar hjúkrunarheimilis á Ísafirði.

Lagt er til að bæjarstjórn Ísafjarðarbæjar samþykki að fjárfesting í málaflokki 54, hjúkrunarheimili á Ísafirði, verði frá fyrri umræðu fjárhagsáætlunar Ísafjarðarbæjar 2013,  lækkuð úr kr. 350 milljónum í  kr. 348 milljónir, eða um kr. 2 milljónir.

            Tillagan samþykkt 5-2.

-------------------------------------------------------------------------------------------------

Tillaga til 320. fundar bæjarstjórnar Ísafjarðarbæjar 6. desember 2012.

J.         Tillaga frá Í-lista lögð fram á 319. fundi bæjarstjórnar 22. nóvember 2012.

Tillaga 3: Kynbundinn launamunur:

Í-listinn leggur til að farið verið í könnun á  kynbundnum launamun hjá Ísafjarðarbæ.

Í mörg ár hefur verið rætt um að gera formlega könnun á kynbundnum launamun hjá Ísafjarðarbæ. Í- listinn hefur að minnsta kosti tvisvar lagt fram tillögu þess efnis í bæjarstjórn.  Í fyrra skiptið var málið sett í nefnd en í seinna skiptið var tillagan samþykkt, en þeirri samþykkt var ekki fylgt eftir. Nú hefur jafnréttisáætlun Ísafjarðarbæjar verið samþykkt og í henni er gert ráð fyrir að farið verði í könnun á kynbundnum launamun hjá sveitarfélaginu. Því leggur Í-listinn til að farið verði í þetta verkefni. Eitthvað svigrúm er til staðar hjá félagsmálanefnd í fyrirliggjandi fjárhagsáætlun  en gera má ráð fyrir að könnun sem þessi kosti um 1.6 m.kr.

Guðfinna Hreiðarsdóttir lagði til að tillögu Í-lista merktri J verði vísað frá.

            Tillaga Guðfinnu Hreiðarsdóttur samþykkt 5-4.

Jóna Benediktsdóttir lagði fram svohljóðandi bókun frá Í-lista.

,,Bæjarfulltrúar Í-lista telja að betur hefði farið á því að leggja fram sérstaka tillögu um könnun á kynbundnum launamun hjá Ísafjarðarbæ þannig að tryggt sé að vilji bæjarstjórnar sé skýr í þessum efnum.“

Undirritað af Jónu Benediktsdóttur, Kristjáni Andra Guðjónssyni, Örnu Láru Jónsdóttur og Sigurði Péturssyni.

--------------------------------------------------------------------------------------------------

Forseti lagði fram svohljóðandi athugasemd frá Daníel Jakobssyni, bæjarstjóra, um tilfærslu fjármagns á milli bókhaldsliða.

,,Athugasemd frá bæjarstjóra um ranga færslu á bókhaldslykla. Bókaðar eru í fjárhagsáætlun kr. 900.000.- á lykil 04-21-2111 í stað lykils 04-21-4291.“

Leiðrétting í fjárhagsáætlun staðfest.

----------------------------------------------------------------------------------------------------

Sigurður Pétursson lagði fram svohljóðandi bókun við meðferð tillagna Í-lista við afgreiðslu fjárhagsáætlunar Ísafjarðarbæjar 2013 í bæjarstjórn.

            ,,Í-listinn lagði fram breytingartillögur við fyrri umræðu fjárhagsáætlunar, sem miðuðu að því að styrkja stöðu barnafjölskyldna og bæta lífsgæði íbúa Ísafjarðarbæjar.  Fulltrúar meirihlutans gerðu engar athugasemdir við þessar tillögur, hvorki í bæjarstjórn né bæjarráði. 

            Á fundi bæjarráðs þann 26. nóvember sl. fól bæjarráð bæjarstjóra að fella þessar breytingatillögur inn í fjárhagsáætlun, þess vegna koma þær breytingatillögur, sem meirihlutinn kemur nú með verulega á óvart og bera ekki vott um samstarfsvilja af þeirra hálfu.  Þar eru tillögur Í-lista teknar, þynntar út, þeim umsnúið og gerðar að tillögum meirihlutans.  Slík vinnubrögð geta fulltrúar Í-lista ekki sætt sig við. 

            Sú fjárhagsáætlun sem nú er verið að samþykkja ber það að auki með sér að vera fyrst og fremst rekstraráætlun, en ekki pólitískt stefnumótunarplagg.  Fulltrúar Í-lista sitja því hjá við afgreiðslu fjárhagsáætlunar.“

Undirritað af Jónu Benediktsdóttur, Kristjáni Andra Guðjónssyni, Örnu Láru Jónsdóttur og Sigurði Péturssyni.

Að lokinni umræðu um fjárhagsáætlun Ísafjarðarbæjar, stofnana hans og fyrirtækja fyrir starfsárið 2012, var gengið til atkvæðagreiðslu um áætlunina í heild sinni með áorðnum breytingum við afgreiðslu einstaka tillagna.   

Rekstraráætlun 2013, ásamt breytingum milli fyrri og síðari umræðu, sem og fram komnum breytingartillögum er fram voru lagðar á 320. fundi bæjarstjórnar og samþykktar, borin upp til atkvæðagreiðslu.  

Rekstraráætlun 2013 þannig breytt samþykkt 5-0.

Gjaldskrár Ísafjarðarbæjar og stofnana, er dreift var með dagskrá 319. fundar bæjarstjórnar, ásamt breytingum milli fyrri og síðari umræðu, sem og fram komnum breytingartillögum er lagðar voru fram á 320. fundi bæjarstjórnar og samþykktar, borin upp til atkvæðagreiðslu.  

 Gjaldskrárnar samþykktar 5-0.

Efnahagsreikningur 31. desember 2013, yfirlit um sjóðstreymi árið 2013 og áætlun um fjárfestingar á árinu 2013, ásamt áorðnum breytingum er gerðar voru á 320. fundi bæjarstjórnar borin upp til atkvæða í einu lagi. 

Efnahagsreikningur 2013 þannig breyttur samþykktur  5-0.

Fleira ekki gert, fundarbókun upp lesin og undirrituð.  Fundi slitið kl. 21:00.

Þorleifur Pálsson, ritari.

Gísli H. Halldórsson, forseti bæjarstjórnar.

Eiríkur Finnur Greipsson.                                                     

Guðfinna Hreiðarsdóttir.

Kristín Hálfdánsdóttir.                                                       

Marzellíus Sveinbjörnsson.

Sigurður Pétursson.                                                              

Arna Lára Jónsdóttir.

Jóna Benediktsdóttir.                                                           

Kristján Andri Guðjónsson.

Daníel Jakobsson, bæjarstjóri.

Fjarverandi aðalfulltrúar:  Gísli H. Halldórsson í h. st. Steinþór Bragason. Jóna Benediktsdóttir í h. st. Benedikt Bjarnason.

Dagskrá:

I.         Tillaga til 319. fundar bæjarstjórnar Ísafjarðarbæjar 22. nóvember 2012.

            Til máls tóku: Albertína F. Elíasdóttir, forseti, Benedikt Bjarnason, Eiríkur Finnur Greipsson og Sigurður Pétursson

Bæjarráð Ísafjarðarbæjar 773. fundur 12. nóvember 2012.

3.         Erindi frá Lindarfoss ehf., Sindragötu 12, Ísafirði.   2007-08-0062.

            Lagt fram erindi frá Lindarfossi ehf., Sindragötu 12, Ísafirði, dagsett 7. nóvember sl., þar sem óskað er eftir framlengingu á vatnskaupasamningi félagsins við Ísafjarðarbæ.

            Bæjarráð tekur jákvætt í erindið og leggur til við bæjarstjórn að samningurinn verði framlengdur um tvö ár.

            Tillaga bæjarráðs samþykkt 8-0.    

II.        Tillaga til 319. fundar bæjarstjórnar Ísafjarðarbæjar 22. nóvember 2012.

            Til máls tóku: Albertína F. Elíasdóttir, forseti, Arna Lára Jónsdóttir, Daníel Jakobsson, bæjarstjóri, Kristín Hálfdánsdóttir og Kristján Andri Guðjónsson.

Bæjarráð Ísafjarðarbæjar 774. fundur 19. nóvember 2012.

3.         Minnisblað bæjarstjóra. - Endurskoðun samninga við Kubb ehf., Ísafirði.  2011-01-0069.

            Lagt fram minnisblað bæjarstjóra dagsett 13. nóvember sl., þar sem hann gerir grein fyrir frekari skoðun sinni á endurskoðun samninga við Kubb ehf., vegna sorpmála.

            Bæjarráð leggur til við bæjarstjórn, að samningur með viðaukum, við Kubb ehf., verði samþykktur. Samningsdrög verða send út með gögnum bæjarstjórnar.

            Arna Lára Jónsdóttir lagði til að grein tvö í viðauka um forsendubrest við samning við Kubb ehf., verði tekinn inn í samninginn sem 8. grein og aðrar greinar færast niður í samræmi við það.

            Tillaga Örnu Láru Jónsdóttur samþykkt 9-0.

            Tillaga bæjarráðs með breytingartillögu Örnu Láru Jónsdóttur samþykkt 9-0.

III.      Tillaga til 319. fundar bæjarstjórnar Ísafjarðarbæjar 22. nóvember 2012.

            Til máls tók: Albertína F. Elíasdóttir, forseti.

Íþrótta- og tómstundanefnd Ísafjarðarbæjar 136. fundur 14. nóvember 2012.

4.         2011030095 - Stefnumótun í íþrótta- og tómstundamálum Ísafjarðarbæjar.

            Lögð fram drög að íþrótta- og tómstundastefnu íþrótta- og tómstundanefndar, sem fór fyrir bæjarráð í síðustu viku.

            Nefndin leggur til við bæjarstjórn að hún samþykki stefnuna með áorðnum breytingum. Nefndin mun á næstu mánuðum fara í vinnu við forgangsröðun og uppbyggingaráætlun íþróttamannvirkja í samstarfi við HSV.

            Tillaga íþrótta- og tómstundanefndar samþykkt 9-0.

IV.      Tillaga til 319. fundar bæjarstjórnar Ísafjarðarbæjar 22. nóvember 2012.

            Til máls tók: Albertína F. Elíasdóttir, forseti.

Íþrótta- og tómstundanefnd Ísafjarðarbæjar 136. fundur 14. nóvember 2012.

5. Önnur mál:  a) 2012-11-0041.Íþróttamaður Ísafjarðarbæjar. 

Ákveðið að útnefna íþróttamann Ísafjarðarbæjar fyrir árið 2012 sunnudaginn 20. janúar n.k. Þá leggur nefndin til við bæjarstjórn að íþróttamanni Ísafjarðarbæjar 2012 verði veitt peningaverðlaun kr. 100.000.-.

            Tillaga íþrótta- og tómstundanefndar samþykkt 9-0.

V.        Tillaga til 319. fundar bæjarstjórnar Ísafjarðarbæjar 22. nóvember 2012.

            Til máls tók: Albertína F. Elíasdóttir, forseti.

Umhverfisnefnd Ísafjarðarbæjar 384. fundur 14. nóvember 2012.

8.         2012070034 - Mávagarður, olíubirgðastöð Skeljungs.

                        Umhverfisnefnd leggur til við bæjarstjórn að Skeljungur fái lóð E við Mávagarð, Ísafirði,  enda er gert ráð fyrir olíubirgðastöð á lóðinni í gildandi deiliskipulagi. Lóðinni verði úthlutað í samræmi við reglur sem í gildi eru og settar kunna að verða. Lóðarumsókn fellur úr gildi hafi teikningar ekki borist Ísafjarðarbæ innan 6 mánaða og framkvæmdir ekki hafist innan 12 mánaða frá úthlutun.

            Tillaga umhverfisnefndar samþykkt 9-0.

VI.      Tillaga til 319. fundar bæjarstjórnar Ísafjarðarbæjar 22. nóvember 2012.

            Til máls tóku: Albertína F. Elíasdóttir, forseti og Arna Lára Jónsdóttir.

Umhverfisnefnd Ísafjarðarbæjar 384. fundur 14. nóvember 2012.

10.       2010070062 - Rómarstígur 2, 4, og 6, Suðureyri, ofl. - Endurbygging byggðarkjarna Suðureyrar. 

            Umhverfisnefnd leggur til við bæjarstjórn að Elías Guðmundsson, Suðureyri,  fái umbeðnar lóðir til úthlutunar enda verði gengið til samninga vegna þeirra á grundvelli fyrirliggjandi samkomulagsdraga.

Forseti lagði til að þessum lið dagskrár yrði frestað til næsta fundar bæjarstjórnar og var það samþykkt 9-0.

VII.     Bæjarráð.

Fundargerðin 12/11.  773. fundur.

Fundargerðin er í þrettán liðum.

Fundargerðin lögð fram til kynningar.

Fundargerðin 19/11.  774. fundur.

Fundargerðin er í þrettán liðum.

Fundargerðin lögð fram til kynningar.

VIII.   Félagsmálanefnd.

Fundargerðin 6/11.  372. fundur.

Fundargerðin er í átta liðum.

Fundargerðin lögð fram til kynningar.

IX.      Fræðslunefnd.

Fundargerðin 7/11.  325. fundur.

Fundargerðin er í sjö  liðum.

Fundargerðin lögð fram til kynningar.

X.        Hafnarstjórn.

            Til máls tóku: Albertína F. Elíasdóttir, forseti, Kristján Andri Guðjónsson og Sigurður Pétursson.

Fundargerðin 12/11.  162. fundur.

Fundargerðin er í sex liðurm.

Fundargerðin lögð fram til kynningar.

XI.      Íþrótta- og tómstundanefnd.

Fundargerðin 14/11.  136. fundur.

Fundargerðin er í fimm liðurm.

Fundargerðin lögð fram til kynningar.

XII.     Umhverfisnefnd.

            Til máls tóku:  Albertína F. Elíasdóttir, forseti, Arna Lára Jónsdóttir, Sigurður Pétursson og Benedikt Bjarnason.

Fundargerðin 14/11.  384. fundur.

Fundargerðin er í fimmtán liðum.

Fundargerðin staðfest í heild sinni 9-0.

XIII.   Tillaga til 319. fundar bæjarstjórnar Ísafjarðarbæjar 22. nóvember 2012.

            Til máls tóku: Albertína F. Elíasdóttir, forseti, Daníel Jakobsson, bæjarstjóri, Arna Lára Jónsdóttir, Benedikt Bjarnason, Kristján Andri Guðjónsson, Sigurður Pétursson, Eiríkur Finnur Greipsson og Guðfinna Hreiðarsdóttir.

Bæjarráð Ísafjarðarbæjar 774. fundur 19. nóvember 2012.

1.         Fjárhagsáætlun Ísafjarðarbæjar stofnana hans og fyrirtækja árið 2013. 2012-09-0006.

             Bæjarráð samþykkir að fyrri umræða um fjárhagsáætlun Ísafjarðarbæjar stofnana hans og fyrirtækja fyrir árið 2013, verði á fundi bæjarstjórnar Ísafjarðarbæjar þann 22. nóvember n.k.

            Daníel Jakobsson, bæjarstjóri, lagði fram frumvarp að fjárhagsáætlun og gjaldskrám bæjarsjóðs Ísafjarðarbæjar, stofnana hans og fyrirtækja fyrir árið 2013, ásamt greinargerð, til fyrri umræðu og gerði grein fyrir frumvarpinu í stefnuræðu sinni.

            Daníel Jakobsson, bæjarstjóri, lagði fram nokkrar tillögur um breytingar á gjaldskrám frá því sem áður hafði verið sent út með dagskrá.

Breytingartillaga við gjaldskrá Ísafjarðarbæjar fyrir 2013.

                Nokkrar breytingar á gjaldskrá hafa verið í umræðunni við lokayfirferð fjárhagsáætlunar bæði í nefndum og hjá embættismönnum.

a)      Gjaldskrá fyrir söfnun, förgun, móttöku og flokkun sorps í Ísafjarðarbæ.

• 2. gr. breytist og verður:

Bæjarstjórn Ísafjarðarbæjar hefur ákveðið að sorpgjald í þéttbýli á hvert heimili verði kr. 39.300 kr.  og kr. 26.700 á hvert heimili í dreifbýli Ísafjarðarbæjar. Auk þess hefur bæjarstjórn ákveðið að sumarbústaðir og íbúðarhúsnæði með ákvæði um takmörkun á íveru vegna snjóflóðahættu verði 13.230 kr.

Ofangreind gjöld skulu innheimt samhliða fasteignagjöldum

Sorpnefnd lagði upp með 10% lækkun á sorpgjöldum og tekjur fjárhagsáætlunar m.v. það.

Í drögum voru þessar upphæðir 35.000 kr. 23.600 kr.,- og 11.800 kr.,- sem er mun meiri lækkun.

b)     Gjaldskrá fjölskyldusviðs

• Fjölskyldusvið – útseld vinna

Útseld vinna án vsk.   15.000 kr. (er í drögum 11.485 kr.)

Ástæða þessarar hækkunar er sú að starfsmenn okkar komast illa yfir að vinna útselda vinnu vegna anna. Þessi hækkun er þ.a.l. sett inn til að draga úr eftirspurn annarra sveitarfélag í okkar þjónustu og gera hana á sama tíma arðbærari fyrir okkur. Hafa ber í huga að hlutfall útseldrar vinnu af raunverulegum vinnutíma er lágt. Þ.e. að fyrir hvern seldan vinnutíma liggja margir vinnutímar að baki.

c)      Gjaldskrá Skóla- og tómstundasviðs

• Dagforeldrar

Lagt er til að nýr dálkur bætist við fyrir börn 18 mánaða og eldri. Niðurgreiðsla til þeirra verði hækkuð um 20.000 kr. á mánuði þannig að kostnaður foreldra verði svipaður fyrir dagvist barna 18 mánaða og eldri hjá dagmæðrum og á leikskóla. Viðmiðunargjald verði jafnframt hækkað í 70.000 kr.  og settir inn tveir dálkar til að sýna hver niðurgreiðsla er fyrir 8 tíma vistun.

Ástæðan fyrir þessari hækkun er sú að Ísafjarðarbær hefur þá stefnu að öll börn eldri en 18 mánaða fái leikskólapláss. Næstu tvö árin verður meiri eftirspurn eftir leikskólaplássi en verið hefur er talið að það þurfi að vera hægt að bjóða upp á þetta.

• Sundlaugar, skíði og líkamsrækt.

Við bætist liður neðst í þessum hluta:

Árskort á skíðasvæði, sundstaði og líkamsrækt eru einungis í boði fyrir íbúa með lögheimili eða aðsetur í Ísafjarðarbæ.

Umræddar einingar eru niðurgreiddar af skattfé. Þ.a.l. er eðlilegt að árskort sem eru mestu afsláttarkjörin séu bara í boði fyrir íbúa.

----------------------------------------------------------------------------------------------------

            Arna Lára Jónsdóttir lagði fram breytingartillögur ásamt greinargerðum frá Í-lista til síðari umræðu um fjárhagsáætlun.

Í- listinn leggur til við bæjarstjórn Ísafjarðarbæjar að áætlaðar verði 3.000.000.- til ,,verkfærakaupa“ fyrir nemendur í grunnskólum bæjarfélagsins á næsta ári.

Samkvæmt grunnskólalögum nr.91/2008, 31.gr á að veita kennslu í skyldunámi á vegum opinberra aðila nemendum að kostnaðarlausu, þó er ekki skylt að leggja nemendum til gögn til persónulegra nota svo sem pappír og ritföng.  Þrátt fyrir þetta þurfa foreldrar að leggja út talsverðar fjárhæðir  á hverju hausti til að veita börnum sínum nauðsynleg gögn vegna skólagöngu í grunnskóla því hugtakið persónuleg gögn er mjög teygjanlegt. Þetta felur í sér mismunun skólabarna á grundvelli efnahags foreldra.  Æskilegast væri að sveitarfélögin legðu nemendum grunnskóla til öll þau gögn sem ætlast er til að þeir noti í vinnu sinni í skólanum. Það má útfæra þannig að skólarnir fá greidda ákveðna upphæð til ,,verkfærakaupa“ fyrir hvern nemanda. Eðli málsins samkvæmt þarf upphæðin að vera hærri meðan verið er að byggja upp lager í skólum en getur síðan lækkað.

Ef gert er ráð fyrir að nánast öll gögn séu keypt fyrir nemendur í Ísafjarðarbæ kostar það um 6000 krónur á hvern nemanda til að byrja með, eða um 3.000.000 fyrir alla nemendur í Ísafjarðarbæ fyrsta árið. Annað árið mætti lækka upphæðina í 2.500.000 þar sem ekki þarf að kaupa alla hluti á hverju ári.

Tillaga 2: Auknar niðurgreiðslur til daggæslu í heimahúsi vegna barna sem hafa náð 18. mánaða aldri sem ekki komast inn á leikskóla í byggðakjarna.

Sú staða er komin upp í Ísafjarðarbæ að ekki er hægt að tryggja öllum börnum 18. mánaða og eldri leikskólapláss.  Til að tryggja foreldrum barna 18. mánaða og eldri sem ekki fá leikskólapláss viðundandi þjónustu, leggur Í-listinn til að niðurgreiðslur til daggæslu í heimahúsi verði hækkaðar, svo að útgjöld vegna dagvistunar verði sambærileg hvort sem um er að ræða leikskólapláss eða vistun hjá dagforeldrum.

Miðað við upplýsingar frá sviðstjóra skóla og tómstundasviðs kostar þessi tillaga 3.9 m.kr.

Tillaga 3: Kynbundin launamunur:

Í-listinn leggur til að farið verið í könnun á  kynbundnum launamun hjá Ísafjarðarbæ.

Í mörg ár hefur verið rætt um að gera formlega könnun á kynbundnum launamun hjá Ísafjarðarbæ. Í- listinn hefur að minnsta kosti tvisvar lagt fram tillögu þess efnis í bæjarstjórn.  Í fyrra skiptið var málið sett í nefnd en í seinna skiptið var tillagan samþykkt, en þeirri samþykkt var ekki fylgt eftir. Nú hefur jafnréttisáætlun Ísafjarðarbæjar verið samþykkt og í henni er gert ráð fyrir að farið verði könnun á kynbundnum launamun hjá sveitarfélaginu. Því leggur Í-listinn að farið verði í þetta verkefni. Eitthvað svigrúm er til staðar hjá félagsmálanefnd í fyrirliggjandi fjárhagsáætlun  en gera má ráð fyrir að könnun sem þessi kosti um 1.6 m.kr.

Tillaga 4: Hönnun á útisvæði með heitum pottum við Sundhöll Ísafjarðar

Í-listinn leggur til að farið verið í hönnun á útisvæði með heitum pottum við Sundhöll Ísafjarðar.

Ljóst er að ekki verður farið í byggingu nýrrar sundlaugar á Ísafirði næstu árin vegna fjárhagsstöðu sveitarfélagsins. Það er því mikilvægt að verði farið í minniháttar betrumbætur á aðstöðunni  við Sundhöll Ísafjarðar til auka lífsgæði íbúa á svæðinu og fyrir ferðamenn.  Það er hægt að gera með því að gera útisvæði með heitum pottum við Sundhöllina. Þessi aðgerð væri ekki síður til þess fallin að auka bjartsýni meðal íbúa og auka samveru þeirra á milli.

Gera má ráð fyrir að þessi tillaga kosti 2.m.kr.

----------------------------------------------------------------------------------------------------

            Eiríkur Finnur Greipsson lagði fram svohljóðandi bókun undir þessum lið dagskrár.

            ,,Fulltrúar sem skipa meirihluta B- og D-lista benda á að tillögur þær sem bæjarfulltrúar Í-lista hafa lagt hér fram eru nánast að öllu leyti samhljóða framlögðum tillögum meirihlutans, um forsendur að fjárhagsáætlun, sem settar voru fram við upphaf vinnu að gerð fjárhagsáætlunar ársins 2013.“

Undirritað af Eiríki Finni Greipssyni, Kristínu Hálfdánsdóttur, Guðfinnu Hreiðarsdóttur, Steinþóri Bragasyni og Albertínu F. Elíasdóttur.

----------------------------------------------------------------------------------------------------

            Sigurður Pétursson lagði fram svohljóðandi bókun undir þessum lið dagskrár.

,,Bæjarfulltrúar Í-listans fagna því að fulltrúar D- og B-lista hafa tekið undir tillögur Í-listans um að við gerð fjárhagsáætlunar ársins 2013 verði lögð áhersla á að bæta lífskjör barnafjölskyldna í Ísafjarðarbæ.“

Undirritað af Sigurði Péturssyni, Örnu Láru Jónsdóttur, Kristjáni Andra Guðjónssyni og Benedikt Bjarnasyni.

------------------------------------------------------------------------------------------------------

            Guðfinna Hreiðarsdóttir lagði fram svohljóðandi bókun undir þessum lið dagskrár.

            ,,Fyrr á þessu ári samþykkti bæjarstjórn Ísafjarðarbæjar nýja jafnréttisstefnu fyrir sveitarfélagið. Um leið var hafin vinna við framkvæmdaáætlun og starfsmarkmið, sem vonandi munu liggja fyrir innan tíðar. Strax var ljóst að í forgang þyrfti að setja könnun á launamun karla og kvenna innan sveitarfélagsins, en nýlegar rannsóknir staðfesta að á Íslandi er óútskýrður launamunur kynjanna nú almennt um 15%.

            Í október s.l. gaf velferðarráðuneytið út „Aðgerðaráætlun um launajafnrétti kynjanna", sem er til fjögurra ára eða til loka ársins 2016. Aðgerðaráætlunin byggir á jafnréttislögunum og er þar kveðið á um samræmingu launarannsókna. Staðlaráð Íslands hefur unnið að jafnlaunastaðli ásamt Jafnréttisstofu, sem verður birtur í desember eða janúar n.k. Jafnframt hefur fjármála- og efnahagsráðuneytið unnið að leiðbeiningum um jafnlaunaúttektir en Vegvísir frá árinu 2008 er grunnur að þeim leiðbeiningum. Þessar leiðbeiningar munu verða birtar á vef ráðuneytisins innan fárra vikna og munu þær, ásamt aðgerðaráætluninni, verða gott tæki til að vinna með í launakönnuninni, sem framundan er hjá Ísafjarðarbæ og auðvelda kostnaðaráætlun vegna þeirrar vinnu.

            Félagsmálanefnd Ísafjarðarbæjar hefur verið sammála um að í fjárhagsáætlun 2013 þurfi að gera ráð fyrir fjármagni til að vinna að markmiðum nýsamþykktrar jafnréttisstefnu. Þröngur fjárhagur sveitarfélagsins veitir hins vegar ekki mikið svigrúm í ný verkefni, en formaður félagsmálanefndar og forstöðumaður fjölskyldusviðs ásamt ráðgjafa sviðsins í jafnréttismálum, urðu þó sammála um að setja kr. 1.000.000,- inn á fjárhagsáætlun 2013 til að fjármagna launakönnun og námskeið vegna jafnréttismála. Sjá lykil 02-020-4991 (önnur aðkeypt þjónusta) en sá liður hækkar sem því nemur frá fyrra ári.“

------------------------------------------------------------------------------------------------------------

            Albertína F. Elíasdóttir, forseti, leggur til að breytingartillögum Daníels Jakobssonar, bæjarstjóra og breytingatillögum Í-lista, fluttum af Örnu Láru Jónsdóttur, verði vísað til bæjarráðs til frekari úrvinnslu og fari þaðan til síðari umræðu um fjárhagsáætlun Ísafjarðarbæjar fyrir árið 2013, á næsta fundi bæjarstjórnar.

            Tillaga forseta samþykkt 9-0.

Að loknum umræðum lagði Albertína F. Elíasdóttir, forseti, fram svohljóðandi tillögu.

,,Legg til að frumvarpi að fjárhagsáætlun bæjarsjóðs Ísafjarðarbæjar, stofnana hans og fyrirtækja fyrir árið 2013,  ásamt gjaldskrám, verði vísað til síðari umræðu á næsta fundi bæjarstjórnar Ísafjarðarbæjar, sem áætlað er að verði þann 6. desember  2012.“

Tillaga forseta samþykkt  9-0.

Albertína F. Elíasdóttir, forseti, lagði fram svohljóðandi tilkynningu.

 ,,Breytingatillögur meiri- og minnihluta fyrir síðari umræðu um fjárhagsáætlun Ísafjarðarbæjar stofnana hans og fyrirtækja fyrir árið 2013, komi til bæjarstjóra í síðasta lagi þremur dögum fyrir síðari umræðu ef þær eiga að fylgja útsendri dagskrá.  Þó þessi tímasetning sé sett, er ekkert sem mælir gegn því að tillögur verði lagðar fram á bæjarstjórnarfundinum sjálfum við síðari umræðu fjárhagsáætlunar.“

Fleira ekki gert, fundarbókun upp lesin og undirrituð.  Fundi slitið kl. 19:15.

Þorleifur Pálsson, ritari.

Albertína F. Elíasdóttir, forseti bæjarstjórnar.

Eiríkur Finnur Greipsson.                                                     

Guðfinna Hreiðarsdóttir.

Kristín Hálfdánsdóttir.                                                        

Steinþór Bragason.

Sigurður Pétursson.                                                              

Arna Lára Jónsdóttir. 

Benedikt Bjarnason.                                                            

Kristján Andri Guðjónsson.                                                                      

Daníel Jakobsson, bæjarstjóri.

Dagskrá:

I.         Tillaga til 318. fundar bæjarstjórnar Ísafjarðarbæjar 8. nóvember 2012.

            Til máls tóku: Gísli H. Halldórsson, forseti og Eiríkur Finnur Greipsson.

Bæjarráð Ísafjarðarbæjar 770. fundur 22. október 2012.

3.         Minnisblað bæjarritara. - Erindisbréf nefndar um byggingu hjúkrunarheimilis á Ísafirði.  2010-07-0042.

 Lagt fram minnisblað bæjarritara dagsett 19. október sl., er fjallar um endurskoðun erindisbréfs nefndar um byggingu hjúkrunarheimilis á Ísafirði og bókun nefndarinnar á 21. fundi sínum þann 19. september sl.

Bæjarráð vísar erindisbréfi nefndarinnar til samþykktar í bæjarstjórn.

Eiríkur Finnur Greipsson lagði til að í textann um hlutverk nefndarinnar yrði bætt í næst síðasta lið orðunum ,,sem og fjármögnun þess“.

            Tillaga bæjarráðs með viðbótartexta EFG samþykkt 9-0.

II.        Tillaga til 318. fundar bæjarstjórnar Ísafjarðarbæjar 8. nóvember 2012.

            Til máls tóku: Gísli H. Halldórsson, forseti, Eiríkur Finnur Greipsson, Jóna Benediktsdóttir, Arna Lára Jónsdóttir, Sigurður Pétursson, Kristján Andri Guðjónsson og Guðfinna Hreiðarsdóttir.

 Bæjarráð Ísafjarðarbæjar 771. fundur 30. október 2012.

1.         Málefni Skíðasvæðis Ísafjarðarbæjar til umræðu í bæjarráði. 2011-02-0114.

            Formaður bæjarráðs ræddi um að á næsta fundi bæjarstjórnar Ísafjarðarbæjar, muni liggja fyrir tillaga meirihluta bæjarstjórnar, um að rekstur Skíðasvæðis Ísafjarðarbæjar verður færður frá umhverfis- og eignasviði yfir á skóla- og tómstundasvið.

            Með tilvísun til ofangreindrar bókunar í bæjarráði Ísafjarðarbæjar þann 30. október sl., leggur undirritaður til f.h. meirihluta bæjarstjórnar Ísafjarðarbæjar, að rekstur Skíðasvæðis Ísafjarðarbæjar verði fluttur frá umhverfis- og eignasviði yfir á skóla- og tómstundasvið.

             Tillagan  byggir á skýringum í minnisblaði Daníels Jakobssonar, bæjarstjóra, frá 15. september 2012, er lagt var fram á fundi bæjarstjórnar Ísafjarðarbæjar þann 20. september 2012.  Einnig á stuttri greinargerð frá sviðsstjórum umhverfis- og eignasviðs og skóla- og tómstundasviðs Ísafjarðarbæjar.

F.h. meirihluta bæjarstjórnar Ísafjarðarbæjar, Eiríkur Finnur Greipsson, bæjarfulltrúi.

Jóna Benediktsdóttir lagði fram svohljóðandi dagskrártillögu undir þessum lið dagskrár.

,,Bæjarfulltrúar Í-lista leggja til að málið verði tekið af dagskrá, þar sem það hefur þegar verið afgreitt með formlegum hætti í bæjarstjórn með nákvæmlega sömu forsendum og nú eru settar fram.“

Undirritað af Jónu Benediktsdóttur, Kristjáni Andra Guðjónssyni, Örnu Láru Jónsdóttur og Sigurði Péturssyni.   

Frávísunartillaga felld 5-4.

Arna Lára Jónsdóttir lagði fram svohljóðandi bókun Í-lista undir þessum dagskrárlið.

,,Sú ákvörðun meirihluta bæjarstjórnar að endurflytja tillögu um flutning skíðasvæðis frá umhverfis- og eignasviði yfir á skóla- og tómstundasvið óbreytta, sem var felld á lögmætum bæjarstjórnarfundi þann 20.september sl. er með ólíkindum.  Slík málsmeðferð hefur til þessa verið óþekkt og sýnir skýr merki um valdníðslu og þá stjórnunarhætti, sem meirihluti bæjarstjórnar stundar. Til þessa hefur afgreiðsla bæjarstjórnar á tillögum verið endapunktur á málsmeðferð og er það alveg fáheyrt að þær séu fluttar óbreyttar eins og hér er gert.

Þau rök sem færð voru fram þegar tillaga um flutning skíðasvæðis frá umhverfis- og eignasviði yfir á skóla- og tómstundasvið var felld standa enn. Ekki hefur verið sýnt fram á ávinning flutningsins milli sviða eða að skilvirkni aukist. Þessi flutningur mun veikja áhaldahúsið enn frekar í stað þess að styrkja starfsemi þess, sem þörf er á.  Skóla- og tómstundasvið er langumfangsmesta stjórnsýslusviðið og vart á það bætandi verkefnum. Fram kemur í minnisblaði bæjarstjóra að starfsmenn áhaldahússins séu á þeim aldri að ekki sé heppilegt að senda þá upp í lyftustaura í viðgerðir, en ekki er sýnt fram á að starfsmenn skóla- og tómstundasviðs séu heppilegri til þessa verkefnis svo dæmi sé nefnt. Bæjarfulltrúar Í-listans átelja gjörning sem þennan og fer þessi afgreiðsla á langan lista óvandaðra vinnubragða og stjórnsýsluhátta meirihlutans.“

            Tillaga meirihluta bæjarstjórnar samþykkt 5-4.

III.      Tillaga til 318. fundar bæjarstjórnar Ísafjarðarbæjar 8. nóvember 2012.

            Til máls tóku:  Gísli H. Halldórsson, forseti, Albertína F. Elíasdóttir, Ingólfur Þorleifsson, Kristín Hálfdánsdóttir, Sigurður Pétursson, Jóna Benediktsdóttir og Guðfinna Hreiðarsdóttir.

Bæjarráð Ísafjarðarbæjar 772. fundur 5. nóvember 2012.

2.         Drög að reglum Ísafjarðarbæjar við úthlutun byggðakvóta 2012/2013. 2012-09-0043.

            Lögð fram í bæjarráði drög að reglum Ísafjarðarbæjar við úthlutun byggðakvóta fiskveiðiársins 2012/2013.

            Eiríkur Finnur Greipsson vék af fundi bæjarráðs undir þessum lið dagskrár.

            Bæjarráð vísar fram lögðum drögum að reglum Ísafjarðarbæjar við úthlutun byggðakvóta fiskveiðiársins 2012/2013 til afgreiðslu í bæjarstjórn Ísafjarðarbæjar þann  8. nóvember n.k.

Eiríkur Finnur Greipsson vék af fundi undir þessum lið dagskrár bæjarstjórnar og í hans stað kom Ingólfur Þorleifsson.

Kristján Andri Guðjónsson vék af fundi undir þessum lið dagskrár bæjarstjórnar og í hans stað kom Lína Björg Tryggvadóttir.

Tillaga til fundar bæjarstjórnar Ísafjarðarbæjar 8. nóvember 2012 að byggðakvótareglum fyrir Ísafjarðarbæ árið 2012/2013.

Ákvæði reglugerðar nr. 629 frá 13. júlí 2012 gildi um úthlutun byggðakvóta byggðarlaga í Ísafjarðarbæ með eftirfarandi viðauka/breytingum, er lagðar voru fram á fundi bæjarstjórnar.

a.         A-liður 1. greinar breytist og verður:

Hafa leyfi til veiða í atvinnuskyni, sbr. 4. gr. laga nr. 116/2006, um stjórn fiskveiða, með síðari breytingum eða frístundaveiðileyfi skv. 2. tl. 4. mgr. 6. gr. sömu laga, við lok umsóknarfrests.

b.         Ákvæði 1. málsl. c-liðar 1. gr. breytist og verður svohljóðandi:

Eru í eigu eða leigu einstaklinga eða lögaðila með heimilisfang í sveitarfélaginu              8. nóvember 2012.

c.         Nýr liður bætist við:

6. gr. breytist þannig að inn í textann bætist sem 3. málsliður, ,,Ef ekki næst bindandi samningur sveitarfélags við fiskvinnslustöð í byggðarlagi, um móttöku afla vegna byggðakvóta, að lágmarki miðað við Verðlagsstofuverð eða ef vinnslur byggðalags loka og geta ekki tekið við afla, er skipum í því byggðarlagi heimilt að landa til vinnslu hvar sem er í sveitarfélaginu á meðan“.

d.         Nýr liður bætist við:

Við 4. grein bætist málsliðurinn, ,,Sá byggðakvóti á Ísafirði, sem færðist af fiskveiðiárinu 2011/2012 til fiskveiðiársins 2012/2013 deilist hlutfallslega milli þeirra skipa, sem uppfylltu öll skilyrði og fengu því endanlega úthlutun byggðakvóta fiskveiðiárið 2011/2012“.

Til vara ef ráðuneytið samþykkir ekki ofanritað orðalag þá, ,,Af byggðakvóta vegna Ísafjarðar fari að hámarki 12 tonn á hvern bát“.

Tillaga forseta, lögð fram á fundi bæjarstjórnar, við B lið um breytta dagsetningu frá        1. nóvember 2012 til 8. nóvember 2012 samþykkt 9-0. 

Nýr C liður. tillagan samþykkt 9-0.

Nýr D liður. tillagan samþykkt 6-3.

Tillagan í heild sinni eins og bókuð hér að framan samþykkt 6-0.

Að lokinni afgreiðslu III. lið dagskrár komu aftur til fundarins þeir Eiríkur Finnur Greipsson og Kristján Andri Guðjónsson og af fundi viku Ingólfur Þorleifsson og Lína Björg Tryggvadóttir.

IV.       Tillaga til 318. fundar bæjarstjórnar Ísafjarðarbæjar 8. nóvember 2012.

            Til máls tóku: Gísli H. Halldórsson, forseti, Daníel Jakobsson, bæjarstjóri og Arna Lára Jónsdóttir.

Bæjarráð Ísafjarðarbæjar 758. fundur 23. júlí 2012.

3.         Setning reglna um vinnulag við eftirfylgni og breytingar á fjárhagsáætlun. Minnisblað bæjarstjóra. 2012-07-0030.

            Lagt fram minnisblað Daníels Jakobssonar, bæjarstjóra og Jóns Halldórs Oddsonar, fjármálastjóra, ásamt drögum að reglum um vinnulag og eftirfylgni við breytingar á fjárhagsáætlun.

            Bæjarráð samþykkir ofangreind drög sem vinnureglur með fyrirvara um samþykki bæjarstjórnar.

            Afgreiðsla bæjarráðs samþykkt 9-0.

V.        Erindi til 318. fundar bæjarstjórnar Ísafjarðarbæjar 8. nóvember 2012.

            Til máls tóku: Gísli H. Halldórsson, forseti, Eiríkur Finnur Greipsson, Daníel Jakobsson, bæjarstjóri, Jóna Benediktsdóttir, Arna Lára Jónsdóttir, Guðfinna Hreiðarsdóttir, Kristín Hálfdánsdóttir, Sigurður Pétursson og Kristján Andri Guðjónsson.

Bæjarráð Ísafjarðarbæjar 770. fundur 22. október 2012.

2.         Minnisblað bæjarstjóra. - Samtök sjávarútvegssveitarfélaga.  2012-09-0049.

            Lagt fram minnisblað Daníels Jakobssonar, bæjarstjóra, dagsett 19. október sl., er fjallar um Samtök sjávarútvegssveitarfélaga og stofnun þeirra.  Minnisblaðinu fylgir samþykkt Samtaka sjávarútvegssveitarfélaga, sem öðlast hefur gildi.

            Bæjarstjóra var falið að mæta á stofnfund samtakana og í frh. átti að ákveða hvort að sóst væri eftir aðild að samtökunum. Bæjarstjóri hefur nú sent minnisblað ásamt

ályktun fundarins og stofnsamþykktum. Óskað er eftir afstöðu bæjarstjórnar til þess hvort að ganga eigi í samtökin.

Eiríkur Finnur Greipsson lagði fram svohljóðandi bókun undir þessum lið dagskrár.

            ,,Ísafjarðarbær er að stærstum hluta samsettur af fimm byggðakjörnum sem allir eru á einn eða annan hátt nátengdir sjávarútvegi og byggja afkomu sína og framtíðarmöguleika að lang mestu leyti á honum. Mjög miklar umræður eru í íslensku samfélagi um breytingar á allri umgjörð veiða og vinnslu, þ.e.  fiskveiðistjórnunar-kerfisins og sýnist þar sitt hverjum og einum.

            Hagsmunir bæjarfélagsins eru gífurlegir í þessum málaflokki og því teljum við undirrituð augljóst að bæjaryfirvöld eigi að gerast stofnaðili að þessum samtökum sjávarútvegssveitarfélaga.“

Bókunina undirrita Eiríkur F. Greipsson, Guðfinna M. Hreiðarsdóttir og Kristín Hálfdánsdóttir.

Jóna Benediktsdóttir lagði fram svohljóðandi bókun undir þessum lið dagskrár.

            ,,Í nýstofnuðum samtökum sjávarútvegssveitarfélaga eru sveitarfélög, sem ekki eiga fleira sameiginlegt, en sveitarfélög almennt.  Vinna að sameiginlegum hagsmunum sveitarfélaganna í landinu fer meðal annars fram hjá Samtökum íslenskra sveitarfélaga og ekki verður séð að aðild að þessum samtökum geti gefið bæjarfélaginu eitthvað umfram það sem fæst í því samstarfi.  Því telja undirritaðir bæjarfulltrúar Í-listans að árgjaldinu sem greiðist til samtakanna verði betur varið í önnur verkefni.“

Undirritað af Jónu Benediktsdóttur, Kristjáni Andra Guðjónssyni, Sigurði Péturssyni og Örnu Láru Jónsdóttur.  

VI.      Tillaga til 318. fundar bæjarstjórnar Ísafjarðarbæjar 8. nóvember 2012.

            Til máls tóku: Gísli H. Halldórsson, forseti, Kristín Hálfdánsdóttir, Arna Lára Jónsdóttir, Kristján Andri Guðjónsson, Daníel Jakobsson, bæjarstjóri, Eiríkur Finnur Greipsson og Jóna Benediktsdóttir.

Nefnd um sorpmál í Ísafjarðarbæ 23. fundur 5. nóvember 2012.

1.         Endurskoðun á samningi við Kubb ehf. 2011-01-0069.

             Á 23. fundi nefndar um sorpmál í Ísafjarðarbæ voru lögð fram drög að endurskoðun á samningi við Kubb ehf. dagsett í nóvember 2012.

Undir þessum lið komu til fundar við nefndina þeir Sigurður Óskarsson og Jón Páll Hreinsson fulltrúar Kubbs ehf.

            Nefndin leggur til við bæjarstjórn að samningurinn verði samþykktur enda ljóst að um gríðarlega hagsmuni er að ræða fyrir bæjarfélagið og bæjarbúa.

Kristín Hálfdánsdóttir lagði fram svohljóðandi tillögu.

            ,,Bæjarstjórn Ísafjarðarbæjar tekur jákvætt undir framlagðan samning um sorphirðu við Kubb ehf. og vísar honum til frekari úrvinnslu í bæjarráði.  Samningurinn verði lagður að yfirferð lokinni fyrir bæjarstjórn.“ Undirritað af Kristínu Hálfdánsdóttur.

             Tillaga Kristínar Hálfdánsdóttur samþykkt 9-0.

VII.     Bæjarráð.

            Til máls tóku: Gísli H. Halldórsson, forseti, Arna Lára Jónsdóttir, Jóna Benediktsdóttir, Eiríkur Finnur Greipsson, Daníel Jakobsson, bæjarstjóri og Sigurður Pétursson.

Fundargerðin 22/10.  770. fundur.

Fundargerðin er í níu liðum.

Fundargerðin lögð fram til kynningar.

Fundargerðin 30/10.  771. fundur.

Fundargerðin er í níu liðum.

Fundargerðin lögð fram til kynningar.

Fundargerðin 5/11.  772. fundur.

Fundargerðin er í fjórtán liðum.

Fundargerðin lögð fram til kynningar.

VIII.   Nefnd um byggingu hjúkrunarheimilis.

            Til máls tóku: Gísli H. Halldórsson, forseti og Daníel Jakobsson, bæjarstjóri.

Fundargerðin 24/10.  22. fundur.

Fundargerðin er í sex liðum.

Fundargerðin lögð fram til kynningar.

IX.      Nefnd um sorpmál í Ísafjarðarbæ.

Fundargerðin 5/11.  23. fundur.

Fundargerðin er í tveimur liðum.

Fundargerðin lögð fram til kynningar.

X.        Umhverfisnefnd.

            Til máls tók: Gísli H. Halldórsson, forseti.

Fundargerðin 31/10.  383. fundur.

Fundargerðin er í þrettán liðum.

Fundargerðin staðfest í heild sinni 9-0.

XI.       Tillaga til bæjarstjórnar frá forseta bæjarstjórnar. - Landsskipulagsstefna. 2011-07-0023.

            Til máls tóku: Gísli H. Halldórsson, forseti, Jóna Benediktsdóttir, Eiríkur Finnur Greipsson, Sigurður Pétursson og Kristján Andri Guðjónsson,.

Gísli H. Halldórsson, forseti lagði fram svohljóðandi tillögu að áskorun.

Áskorun bæjarstjórnar Ísafjarðarbæjar til innanríkisráðherra og umhverfisráðherra.

Bæjarstjórn Ísafjarðarbæjar skorar á innanríkisráðherra og umhverfisráðherra, f.h. ríkisstjórnar Íslands, að beita sér fyrir því að á Alþingi verði hafin vinna við að færa skipulagslögsögu sveitarfélaga út í eina sjómílu utan við grunnlínu landhelginnar.

Í samfélaginu er mikil umræða um aukið íbúalýðræði. Nærtæk leið til að auka íbúalýðræði er að beina því m.a. í gegnum þann farveg sem nefndir sveitarfélaga og skipulagslög hafa þegar búið til. Metnaðarfull sveitarfélög hafa, undir eftirliti Skipulagsstofnunar, gert vandaðar skipulagsáætlanir á borð við aðalskipulag sveitarfélaga. Slík vinna er bæði samfélagslega eflandi og lýðræðisleg.

Víða um heim eru strandsvæðin innan einnar sjómílu utan við grunnlínu á skipulagsvaldi sveitarfélaga. Þannig er það í Noregi. Í Svíþjóð og Finnlandi eru skipulagsmörk sveitarfélaga 12 sjómílur utan grunnlínu. Að auki miðast Vatnatilskipun Evrópusambandsins við eina sjómílu utan við grunnlínu. Það er tæpast nokkur ástæða til þess fyrir Íslendinga að halda í flókið og svifaseint stofnanafyrirkomulag að svo miklu leyti sem hægt er að greiða úr málum með skipulagsvaldi sveitarfélaga og því íbúalýðræði sem því fylgir.

Jóna Benediktsdóttir lagði fram svohljóðandi tillögu að breytingu (viðauka) er kæmi í framhaldi af tillögu Gísla H. Halldórssonar, forseta.

Gera má ráð fyrir að skipulagsmál yrðu skilvirkari, heildstæðari og einfaldari ef skipulagsvald á strandssvæðum yrði fært til sveitarfélaga.

Breytingatillaga Jónu Benediktsdóttur samþykkt 9-0.

Tillagan í heild sinni samþykkt 9-0.

Fleira ekki gert, fundarbókun upp lesin og undirrituð.  Fundi slitið kl. 19:55.

Þorleifur Pálsson, ritari.

Gísli H. Halldórsson, forseti bæjarstjórnar.

Eiríkur Finnur Greipsson.                                                     

Guðfinna Hreiðarsdóttir.

Kristín Hálfdánsdóttir.                                                        

Albertína F. Elíasdóttir.

Sigurður Pétursson.                                                              

Arna Lára Jónsdóttir.

Jóna Benediktsdóttir.                                                           

Kristján Andri Guðjónsson.                                                             

Daníel Jakobsson, bæjarstjóri.